समाचार

पूर्णपुष्टि, माघ १४ । उदयपुरको पहाडी क्षेत्रमा रहेको ताप्ली गाउँपालिकामा पहिलो पटक हुलाक कार्यालय स्थापना गरिएको छ । सरकारको ‘एक पालिका एक हुलाक कार्यालय’ कार्यक्रम अन्तर्गत रुपाटारमा स्थापना गरिएको यो कार्यालयको आज जिल्ला हुलाक कार्यालयका सुब्बा खिलराज बस्नेतले एक समारोहका बीच उद्घाटन गरे । कार्यालय प्रमुख उमा विकका अनुसार तीन जना कर्मचारीको टोलीले सेवा प्रवाह सुरु गरिसकेको छ । कार्यालयले चिठीपत्र वितरण, हुलाक टिकट बिक्री लगायतका आधारभूत हुलाक सेवाहरू प्रदान गर्नेछ । ‘पहाडी क्षेत्रका बासिन्दाले लामो समयदेखि हुलाक सेवाको माग गर्दै आएका थिए । अब स्थानीय स्तरमै सहज रूपमा हुलाक सेवा उपलब्ध हुने भएको छ,’ कार्यालय प्रमुख विकले बताइन् । यस अघि ताप्ली गाउँपालिकाका बासिन्दाले हुलाक सेवाका लागि टाढा जानुपर्ने बाध्यता थियो । नयाँ कार्यालय स्थापनासँगै स्थानीयवासीलाई सरकारी हुलाक सेवा सहज रूपमा ...

पूर्णपुष्टि, माघ १४ । देशको सबैभन्दा ठूलो सिमेन्ट उद्योगको रूपमा परिचित उदयपुर सिमेन्ट उद्योग गम्भीर आर्थिक संकटमा फसेको छ । गत साउन महिनादेखि कर्मचारीहरूले तलब नपाएका र उद्योग नेतृत्वविहीन अवस्थामा रहेको छ । उद्योगका वरिष्ठ कर्मचारी तेजप्रसाद ढकालका अनुसार कच्चा पदार्थको अभावमा गत पौष २० गतेदेखि उत्पादन पूर्णरूपमा बन्द छ । त्यसको चार दिनपछि सिमेन्टको भण्डारण समाप्त भएपछि बिक्री समेत रोकिएको छ । कोइला आपूर्तिकर्तालाई मात्रै ३० करोड भुक्तानी बाँकी रहेको र विभिन्न व्यापारी तथा आपूर्तिकर्तालाई थप ४० करोड तिर्न बाँकी रहेको ढकालले बताए । यसैगरी नेपाल विद्युत प्राधिकरणलाई ५५ करोड बक्यौता रहेको छ भने अनिवार्य अवकाश पाएका ८५ जना कर्मचारीको ३० करोड उपदान भुक्तानी पनि बाँकी रहेको छ । ‘पहिले वार्षिक बोनस पाउने कर्मचारीहरू अहिले मासिक तलबको लागि पनि महिनौं कुर्नुपर्ने अवस्थामा पुगेका छन्,’ ढक...

पूर्णपुष्टि, माघ १४ । राष्ट्रिय योजना आयोगले स्थानीय तहलाई सात वर्गमा विभाजन गरी नयाँ समपूरक अनुदान वितरण प्रणाली लागू गरेको छ । यो नयाँ व्यवस्था अनुसार स्थानीय तहको राजस्व संकलन क्षमताको आधारमा २० देखि ८० प्रतिशतसम्म अनुदान प्राप्त हुनेछ । यस अघि सबै स्थानीय तहले पूर्वाधार निर्माणका लागि ५०÷५० प्रतिशतको साझेदारीमा समपूरक अनुदान पाउँदै आएकोमा अब राजस्व स्रोतको आधारमा २० देखि ८० प्रतिशतसम्म अनुदान पाउने व्यवस्था गरिएको छ । जसअनुसार कम आय भएका स्थानीय तहले बढी र धेरै आय भएकाले कम अनुदान प्राप्त गर्नेछन् । उदयपुर जिल्लामा ताप्ली र लिम्चुङबुङ गाउँपालिकाले सबैभन्दा बढी ८० प्रतिशत अनुदान पाउने छन् भने रौतामाई र उदयपुरगढी गाउँपालिकाले ७० प्रतिशत पाउनेछन् । त्यसैगरी बेलका नगरपालिकाले ५० प्रतिशत, चौदण्डीगढी र कटारी नगरपालिकाले ४० प्रतिशत र जिल्लाकै सबैभन्दा ठूलो त्रियुगा नगरपालिकाले भने मात्र...

पूर्णपुष्टि, माघ १३ । उदयपुर जिल्लाको चौदण्डीगढी नगरपालिकामा महत्वपूर्ण पूर्वाधार विकासको योजना अघि बढेको छ । नगरपालिकाको लगातारको पहलमा संघीय सरकारले हडिया र ज्यामिरे क्षेत्रलाई जोड्ने त्रियुगा नदीमा झोलुङ्गे पुल निर्माणका लागि ५ करोड ९१ लाख ५० हजार रुपैयाँको बजेट सुनिश्चित गरेको छ । नगर प्रमुख कालुमान लामाका अनुसार पुल स्थानीय जनताको दीर्घकालीन यातायात समस्या समाधानमा महत्वपूर्ण भूमिका खेल्ने छ । गत वर्षदेखि नै यस योजनामा लगातार प्रयास जारी रहेको थियो । शुरुमा कोशी प्रदेश सरकारले डिपिआर तयार गरेको भए पनि कार्यान्वयन हुन नसकेपछि संघीय सरकारले यसलाई अगाडि बढाएको हो । प्राविधिक विवरणअनुसार पुलको कुल लम्बाई २७८.२ मिटर हुनेछ र यसमा एकतर्फी रूपमा टेम्पो सञ्चालन गर्न सकिने छ। स्थानीय पूर्वाधार विकास आयोजना कार्यालय इटहरीका प्राविधिक टोलीले पहिले तयार भएको डिपिआर अनुसार नै पुल निर्माण गर्न...

पूर्णपुष्टि, १३ माघ । उदयपुरकी योजना राई भ्वाईस अफ सिजन ६ मा प्रवेश गरेकी छिन् । उदयपुर बेलका नगरपालिका मैनामैनी घर भएकी २० बर्षिया राईले भ्वाईस अफ नेपालको सिजन ५ मा भाग लिएकी थिईन् । उनले गुलाम अलिको “लोलायका ति ठुला” भन्ने बोलको गित प्रस्तुत गरेकी थिईन् । परिवारिक हिसवाले संगितमा पूर्ण सहयोग पाएकी राईले भ्वाईसमा राम्रो प्रस्तुती दिईन् । उनको प्रस्तुतिलाई पनपराउँदै कोच खेम सुन्चुचरी बाहेक कोच उदय, कोच राजु र कोच मेलिनाले कुर्सी घुमाए । उनलाई तिनै कोचले आफ्नो टिममा ल्याउन हानथाप समेत गरे । तर कार्यक्रममको नियमको आधारमा एउटा कोचलाई रोज्नु पर्ने हुँदा उनि कोच राजुकोमा गईन् । उनि भ्वाईसको डिजिटल हुँदै ब्लाईड अडिसनमा प्रवेश गरेकी हुन् । बाँकी ब्याडल, नक आउट, र लाईभ हुँदै उनि फाईनल पग्ने र उपाधी जन्तको लागि कति सक्षम हुन्छीन् त्यो भने हेर्न बाँकी छ ।...

पूर्णपुष्टि, माघ १२ । उदयपुरको त्रियुगा नगरपालिका वडा न ४ बगाहास्थित फर्सेटमा मगर समुदायले माघे सक्राती तथा हुर्रा महोत्सब २०८१ मनाएको छ । शनिबार ‘मगरात सभ्यता र पहिचान दस्तावेजिकरणको दशक मनाऔँ’ भन्ने मुल नराका साथ नेपाल मगर सङ्घ जिल्ला समन्बय समिती उदयपुरको आयोजना तथा नेपाल मगर सङ्घ त्रियुगा नगर समितीको सहआयोजनामा धुमधामका साथ हुर्रा महोत्सव मनाईएको हो । प्रमुख अतिथी कोशी प्रदेशका पूर्व मन्त्रि तथा सांसद नारायण बुर्जा मगरले महोत्सवको अवसरमा नव निर्मित मगर सङ्गाहलयको उद्घाटन गरे । महोत्सबमा लोक तथा दोहोरी गायक श्याम राना मगर, चर्चित हुर्रा गायक शिव थापा मगर र पुजा केप्छाकी मगरले आफ्नो प्रस्तुती मार्फत दर्शक झुमाएका थिए । महोत्सबमा सिन्धुली कला घरका प्रतिनिधिहरुले पञ्चे बाजा सहितको विभिन्न प्रस्तुती देखाएका थिए भने स्थानिय कलाकारहरुले विभिन्न नृत्य प्रस्तुत गरेका थिए । कार्यक्रममा सहभ...

पूर्णपुष्टि, १३ माघ । सेवा प्रवाहको हकमा जिल्ला अस्पताल उदयपुर उत्कृष्ट सावित भएको छ । कोशी प्रदेश स्वास्थ्य निर्देशनालय धनकुटाले गरेको मूल्यांकनमा अस्पतालमा हुने सेवा प्रवाह, विभिन्न विभागको कार्य सम्पादन लगायतका पक्षहरूको आधारमा जिल्ला अस्पताल उदयपुरले ९० अंक पाएको अस्पतालका सूचना अधिकारी सुरेश पाण्डेले जानकारी दिए । पाण्डेका अनुसार पहिले भन्दा थप ३ अंक थप्दै उत्कृष्ट हासिल गरेको हो । यसअघि अस्पतालले ८६ प्रतिशत अंक प्राप्त गरेको थियो । यस्तो मुल्याँङकने अस्पतालको सेवा प्रवाहबारे थप हौसाला मिल्ने र सेवागाहीहरुलाई सहज सेवा प्रदान गर्ने अस्पतालले जनाएको छ । अस्पताल तथा स्वास्थ्य संस्थाको न्यूनतम सेवा मापदण्ड कायम गर्ने सम्बन्धी २०७७ को कार्य अवधिअनुसार यस्तो मूल्यांकन प्रत्येक वर्ष गरिन्छ । जिल्ला अस्पताल उदयपुरका मेसु डा. बिरेन्द्र मण्डलले आम नागरिकलाई गुणस्तरीय स्वास्थ्य सेवा प्रदान ग...

पूर्णपुष्टि, १३ माघ । पूर्व जनमुक्ति सेना नेपाल त्रियुगा नगर कमिटी उदयपुरको आयोजनामा भएको फुटवल प्रतियोगितामा सिन्धुली बिजयी बनेको छ । पूर्व जनमुक्ति सेना नेपाल उदयपुर र जनमुक्ति सेना नेपाल सिन्धुली जिल्ला बिचको मैत्रिपूर्ण खेलमा १÷० ले सिन्धुली बिजयी बनेको हो । सिन्धुलीको तर्फबाट मरिण गाउँपालिका अध्यक्ष समेत रहेका बिमर्श मोक्तानले गोल गरेका थिए । अन्तत अध्यक्षको मोक्तानको गोलनै निर्णायक बन्यो । लिग चरणमा सिन्धुली र उदयपुरका पूर्व जनमुक्ति सेना, माओवादी नेता, र योङ कम्युनिस्ट लिग (वाईसिएल) गरी चार टिमले प्रतिस्पर्धा गरेका थिए । आयोजक संयोजक अर्जुन तामाङका अनुसार महिला र पुरुष पूर्व लडाकु खेलाडीहरूको समान सहभागिता खेलमा देखिएको थियो । विजेता टिम सिन्धुलीलाई माओवादी केन्द्रीय सदस्य सुरेशकुमार राई (हिमाल), वैकल्पिक केन्द्रीय सदस्य मोहन खत्री (दिपक), जिल्ला सचिव तथा एन्फा महासचिव किरण राई...

पूर्णपुष्टि, माघ ११ । उदयपुरको त्रियुगा नगरपालिका १२ सोनापुरमा एक नवजात मृत शिशु फेला परेको छ । शनिबार बिहान करिब ६ बजे धुर्ब साहको राइस मिल नजिकको वारिमा एक नबजात शिशु मृत अवस्थामा देखेपछि गाउँलेहरुले प्रहरीलाई खबर गरेका थिए । वडा सदस्य लक्ष्मी चौधरीका अनुसार शिशु अवैध सम्बन्धबाट जन्माइएर फालिएको हुन सक्ने शंका गरिएको छ । प्रहरीले घटनाको अनुसन्धान गरिरहेको छ र शिशु फ्याक्नेको खोजी जारी छ । मृत शिशुको शव पोष्टमार्टेमका लागि जिल्ला अस्पताल उदयपुरमा राखिएको छ ।...

पूर्णपुष्टि, १२ माघ । बाघखोर (लिम्चुङबुङ) हलेसी पदमार्गलाई थप व्यवस्थीत बनाउन गाईघाटमा बृहत छलफल गरिएको छ । लिम्चुङबुङ गाउँपालिका र नेपाली सेनाको सक्रियतामा सो पदमार्गको विकास गर्न थालिएको छ । पदमार्गलाई क्रियाशिल बनाउन थप संरचनाहरुको आवश्यक बारे शनिवार पशुपति गण बोक्सेले अन्तरक्रिया तथा छलफल कार्यक्रमको आयोजना गरेका थिए । छलफलमा लिम्चुङबुङ गाउँपालिका अध्यक्ष मेजर कुमार राई, उदयपुरगढी गाउँपालिकाका उपाध्यक्ष जित बहादुर खड्का र रौतामाई गाउँपालिकाको उपाध्यक्ष भुपिन्द्र बहादुर थापा लगायतको उपस्थिति थियो । यो सँगै पर्यटन व्यवसायी र संञ्चारकर्मीहरुको पनि उपस्थिति रहेको थियो । बोक्से गणका गणपति पसुपति प्रसाद वाग्लेले पदमार्गलाई बाह्रै महिना क्रियाशिल बनाउन र आकर्षण गर्न संरचनाहरुको सुधार गर्नुपर्ने जनाए । जस अन्तर्गत छोटोदुरीको पदमार्ग, व्यवस्थीत वास स्थान, रमणीय बातावरण, स्थानीय कला र संस्कृ...