समाचार

पूर्णपुष्टि, चैत ४ गते ।  आज सुनको भाउ तोलामा दुई हजार रुपैयाँले घटेको छ । सुन मङ्गलबार तोलाको दुई हजार रुपैयाँले घटेर ७५ हजार पाँच सय रुपैयाँमा झरेको नेपाल सुनचाँदी व्यवसायी महासंघले जनाएको छ । सुनको भाउ सोमबार तोलामा पाँच सय रुपैयाँले बढेर तोलाको ७७ हजार पाँच सय रुपैयाँमा कारोबार भएको थियो । चाँदी तोलामा ८० रुपैयाँ घटेर सात सय १० रुपैयाँ पुगेको महासंघले जनाएको छ ।...

पूर्णपुष्टि, चैत ४ गते ।  काभ्रेपलाञ्चोकको पनौतीमा विहान ९ बजेदेखि अनिश्चितकाल कर्फ्यू लगाईएको छ । हिजो पनौती नगरपालिका–५ मानेश्वरीमा टिप्परको ठक्करबाट आमाछोरीको मृत्यु भएपछि विरोधमा उत्रेका स्थानीय र प्रहरी विच राति झडप भएको थियो । झडपमा केहि प्रहरी र स्थानीय घाइते भएपछि स्थिति सामान्य नबनिसकेकाले प्रशासन कार्यालयले विहानदेखि  अनिश्चितकालको लागि कर्फ्यू लगाएको हो । बा ५ ख ५४८० नम्बरको टिप्परले ठक्कर दिँदा खानीखोला गाउँपालिका–१ निबासी ३३ वर्षीया जुनीमाया तामाङ र उनकी तीन वर्षीया छोरी स्मारिकाको मृत्यु भएको थियो । त्यसको विरोधमा स्थानीयले प्रहरी बिटमा आगो लगाएपछि प्रहरीले केही राउण्ड हवाई फायर र अश्रुग्यास समेत प्रहार गरेको थियो । विहानैदेखि स्थानीयबासीले टिप्पर चलाउन रोक लगाएका छन् ।...

उदयपुर/चैत्र , ४ किरात राई चाम्लीङ खाम्बातिम जिल्ला कार्यसमिति उदयपुरको यही चैत्र ८ गते जिल्ला सम्मेलन हुने भएको छ । मंगलबार सम्मेलन तयारीको बैठक गर्दै सम्मेलनको भव्य तयारी भईरहेको चाम्लीङ राई खाम्बातिम जिल्ला कार्यसमिति उदयपरको अध्यक्ष निर बहादुर राइले बताउनुभयो । किरात चाम्लिङ खाम्बातिम भनेको किरात राईहरुको पनि चाम्लिङ राईहरुको मात्रै भाषिक सांगठनकि संस्था रहेको छ । चाम्लीङ  राईहरु मध्ये बिभिन्न पाछा रहेपनि भाषा भने चाम्लिङहरुको एउटै हो । यसै भाषिक संस्थागत विकासका लागि जिल्लामा पनि २०६८ साल देखी संस्था स्थापना गरी चाम्लीङ राईहरुको भाषिक विकासमा लागि परेको छ । उदयपुरमा ८ ओटा प्राराम्भीक कार्यसमितिहरु समेत निर्माण भई संस्थागत गतिविधिहरु बढिरहेको छ । आयोजकले सम्मेलन लाई भव्य र सभ्य बनाउन सम्बन्धित सम्पुर्ण किरात चाम्लिङ खाम्बातिमहरुलाई सहभागी हुन अनुरोध समेत गरेको छ । कार्यक्रम चै...

बद्रीनारायणा यादव/पूर्णपुष्टि, चैत्र ३ गते ।  परिवर्तित मौसमलाई मध्यनगर गर्दै चन्द्र नारायण यादव मेमोरियल ट्रष्टद्वारा संचालित चन्द्र नारायण यादव मेमोरियल मेटेर्निटि अस्पताल माडर सिरहाले सिरहा नगरपालिका–१५ सुखचैनास्थित रहेको चन्द्र नारायण यादव आधारभुत विद्यालयबाट विद्यार्थी केन्द्रित औषधी सहित निःशूल्क स्वास्थ्य शिविरको सुरुवात गरेको छ । बालरोग विषेशज्ञ डा।मंदिप गौतमको टिमले विद्यालयमा अध्ययनरत विद्यार्थीहरुको स्वास्थ्य जाँच गरेको थियो । समान्य रुघाखोकी, कान पाक्ने, टाउको दुख्ने लगायतका स्वास्थ्य समस्या देखा परेको प्रमुख डा।गौतमले बताए । उनका अनुसार मौसम परिवर्तन हुन लागेको हुँदा देखा परेको समान्य समस्याहरु प्राथमिक उपचारबाटै निको हुने छन् । सुरुवातको पहिलो दिनको निःशूल्क स्वास्थ्य शिविरमा त्यस विद्यालयमा अध्ययनरत विद्यार्थीहरु मध्ये स्वास्थ्यमा समस्या देखा परेका ७० भन्दा बढिको स्...

पूर्णपुष्टि, चैत ३ गते ।  उदयपुरमा ग्याँसको अभाव खड्किएको भन्दै उपभोक्ताहरुले व्यापक गुनासो गरेका छन् । शहरी क्षेत्रमा खाना पकाउनका लागि अतिआवश्यक बनेको ग्याँस अभाव भएको हो । कोशी, नारायणी, प्रीमा लगायतका विभिन्न कम्पनीको ग्याँस बजारमा आउने गरेकोमा ती सबै अभाव देखिएको हो । ग्याँस नहुदा खाना पकाउन समस्या परेको उपभोक्ताहरुले बताएका छन् । बजारमा ग्याँसको अभावसंगै कालाबजारी भएको गुनासो आएपछि जिल्ला प्रशासन कार्यालय उदयपुरको अगुवाईमा सोमबार ग्याँस डिलरहरुको अनुगमन भएको छ । घरेलु तथा साना उद्योग कार्यालय, खाद्य प्रविधी तथा गुण नियन्त्रण डिभिजन कार्यालय, जिल्ला प्रहरी कार्यालय, नेपाल पत्रकार महासंघ लगायतको प्रतिनिधि सम्मिलित अनुगमन टोलीले कोशी, नारायणी, प्रिमा ग्याँसका डिलरहरुमा अनुगमन गरेको हो । अनुगमनको क्रममा डिलरहरुले लुकाएर राखेको नपाईए पनि प्रभावकारी वितरण नगर्दा अभावको अवस्था सिर्...

पूर्णपुष्टि, चैत्र ३ गते ।  नेपाल विद्युत प्राधिकरण वितरण केन्द्रका ईलेक्ट्रिक सुपरभाईजर घुससहित पक्राउ परेको छ । काठमाडौंको रत्नपार्क स्थित नेपाल विद्युत प्राधिकरण वितरण केन्द्रका इलेक्ट्रीकल सुपरभाइजर कैलाशप्रसाद दाहाल २० हजार रुपैयाँ घुससहित पक्राउ परेको हो । अख्तियार दुरुपयोग अनुसन्धान आयोग टङ्गालबाट खटेका टोलीले सेवाग्राहीसँग घुस रकम लिइसकेको अवस्थामा दाहाललाई पक्राउ गरेको आयोगले जनाएको छ । नयाँ क्षमता वृद्धिको मिटर जडानका लागि सेवाग्राहीसँग घुस मागिरहेको भन्ने सूचनाको आधारमा कार्यालयको सेवाग्राही फाँटबाट उक्त रकम घुस लिइसकेको अवस्थामा दाहाललाई पक्राउ गरिएको आयोगले जनाएको छ । पक्राउ परेका दाहाललाई थप अनुसन्धान भइरहेको आयोगले जनाएको छ ।...

पूर्णपुष्टि, चैत ३ गते ।  केहि दिनदेखि अस्थिर रहँदै आएको शेयर बजार परिसूचक नेप्से आज सामान्य बढेको छ । हिजो ६४ अङ्कले घटेको नेप्से सोमबार ३ दशमलव ३५ अङ्कले बढेर १३ सय १६ दशमलव ३९ बिन्दुमा पुगेको हो । कारोबार भएको साढे दुई घण्टासम्म ओरालो लागेको नेप्से त्यसपछि भने सुधार हुँदै गएको थियो । होटल, उत्पादन र साझेदारी कोष समूहको शेयर सामान्य घटे पनि अरु समूहको शेयर सामान्य उकालो लागेको छ । त्यस्तै जीवन बीमा समूहको शेयर ४८, निर्जीवन बीमा समूहको शेयर ५३ अङ्क र माइक्रोफाइनान्स समूहको शेयर २३ अङ्कले बढेको छ  । सबैभन्दा धेरै नेपाल लाइफ इन्स्योरेन्स कम्पनीको १५ करोड ४० लाख रुपैयाँको शेयर कारोबार भएको छ । सिभिल लघुवित्त वित्तीय संस्थाका शेयरधनीले सबैभन्दा धेरै झण्डै १० प्रतिशत कमाएका छन् भने युनिलिभर नेपाल लिमिटेडका शेयरधनीले सबैभन्दा धेरै झण्डै ६ प्रतिशत गुमाएका छन् । नेप्से बढे पनि सोमबार ...

पूर्णपुष्टि, चैत ३ गते ।  प्रहरीले बरामद गरेको मास्क (मुखावरण) तत्कालै बिक्री गर्न महान्यायाधिवक्ताको कार्यालयले निर्देशन दिएको छ । महान्यायाधिवक्ताको कार्यालयले नेपाल प्रहरीलाई पत्र लेखेर बरामद गरेका मास्क साझा स्वास्थ्य सेवा लगायतका सरकारी कार्यालयलाई बजार मूल्य अनुसारको पैसा लिएर दिन निर्देशन दिएको हो । प्रहरीले बिक्री गरेको रकम प्रहरी कोषमा नै रहने छ । प्रहरीले उपलब्ध गराएका मास्क तत्कालै बिक्री वितरण गर्न पनि महान्यायाधिवक्ता अग्नि खरेलले निर्देशन दिनुभएको हो । कालोबजारी गर्न लुकाएर राखेका १० लाख आठ हजार मास्क प्रहरीले आइतबार कपन र सतुङ्गलबाट बरामद गरेको थियो । त्यस्तै गत शनिबार डल्लु क्षेत्रबाट ७८ हजार मास्क बरामद गरेको थियो ।...

पूर्णपुष्टि, चैत ३ गते ।  आज सुनको भाउ तोलामा पाँच सय रुपैयाँले बढेको छ । सोमबार सुन तोलाको पाँच सय रुपैयाँले बढेर ७७ हजार पाँच सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । हिजो सुन तोलामा १५ सय रुपैयाँ घटेर ७७ हजारमा कारोबार भएको थियो । आज चाँदी तोलाको सात सय ९० रुपैयाँमा कारोबार भइरहेको महासंघले जनाएको छ ।...

पूर्णपुष्टि, चैत ३ गते ।  नेपाली दूतावास यूएईले श्रमिकको मागपत्र प्रमाणीकरणको काम बन्द गर्ने भएको छ । कोरोनाको जोखिमका कारण श्रमिकको मागपत्र प्रमाणीकरणको काम मंगलबारदेखि बन्द गर्ने भएको हो । अर्को सूचना जारी नहुँदासम्म अत्यावश्यक बाहेकका सेवा बन्द रहने यूएईमा रहेको नेपाली दूतावासले जनाएको छ । ट्राभल डकुमेन्ट, शव नेपाल पठाउने, एनओसी जारी गर्ने, म्याद सकिएको राहदानी बनाउनेजस्ता आवश्यक सेवा भने दूतावासले दिनेछ । सरकारले फागुन २९ गतेदेखि विदेश जाने नेपालीको हकमा श्रम स्वीकृति बन्द गर्ने निर्णय गरेसँगै विदेशमा रहेका नेपाली दूतावास तथा नियोगहरुले समेत श्रम र कन्सुलर सम्बन्धीका सेवा बन्द गर्ने निर्णय गरेका हुन् ।...