समाचार

भदौ १९ गते ।  नायिका पुजा शर्माले अभिनय गरेको चलचित्र ‘रामकहानी’ औषत रुपमा चलेपछि रिलिज हुन लागेका चलचित्रहरु चल्न आवश्यक छ । तर पुजाले अहिले निर्देशक सुदर्शन थापाको चलचित्र भन्दा बाहिरको ब्यानरमा आकर्षित भएका छिन् । नायिक पूजा नयाँ वर्षपछि विश्राम लिन पाएएकी छैनन् । पुजा एकपछि अर्को चलचित्रमा काम गरिरहेकी छिन् । लण्डनमा छायाँकन भएको ‘सम्हालिन्छ कहिले मन’ पछि चलचित्र ‘पोई पर्यो काले’मा काम गरेकिछिन् । यसपछि अर्को नयाँ चलचित्र ‘म यस्तो गीत गाउँछु २’मा काम सुरु गरिसकेकी छिन् । यस चलचित्रको छायांकन सकेसँगै दार्जि्लिङका एक निर्माताले बनाउन लागेको चलचित्रमा काम गर्ने भएकि छिन् । पुजाले एकपछि अर्को गर्दै ४ वटा चलचित्रको छायांकन सक्ने तयारी गरेकी छिन् । पूजाको यो बर्ष ‘पोई पर्यो काले, म यस्तो गीत गाउँछु २ र सम्हालिन्छ कहिले मन’ रिलिज हुँदैछ ।...

भदौ १९ गते ।  बेलायती प्रधानमन्त्री बोरिस जोन्सनले गरेको आमनिर्वाचन गर्ने प्रस्ताव हाउस अफ कमन्सले अस्वीकृत गरेको छ । प्रधानमन्त्रि जोसनले समय अगावै आमनिर्वाचन गर्ने गरी गरेको प्रस्ताव संसदले अस्वीकृत गरेको हो । प्रधानमन्त्री पद सम्हालेको छोटो समयमा नै दुई ठूला हार व्यहोरेका छन् । पहिलो युरोपेली युनियनबाट विनासर्त बाहिरिने (ब्रेक्जिट) प्रस्ताव संसदमा फेल भएको थियो । ब्रेक्जिटलाई लिएर भएको निर्वाचनमा जोन्सनको पक्षमा ३०१ र विपक्षमा ३२८ सांसद उभिएका थिए । प्रस्ताव पारितका लागि दुई तिहाइ अर्थात् ४३४ मत आवश्यक रहेकोमा उनले मात्रै २९८ मत पाएका थिए । त्यस्तै सांसदहरूले संसदमा प्रस्तुत गरेको सहमतिबिनाको ब्रेक्जिट विलम्ब गर्ने विधेयक पारित भएको छ । हाउस अफ कमन्समा भएको मतदानमा ३२७ सांसदले पक्षमा मतदान गरेर विधेयक पारित गरेका हुन् ।...

भदौ १९ गते ।  कुवेतसँग घरेलु मैदानमा आज नेपालले विश्वकप फुटबलको दोस्रो चरणको अवे खेलमा प्रतिप्रर्धा गर्दैछ  । नेपाली समय अनुसार १०ः४५ मिनेटमा जाविर अल अहमद अन्तर्रा्ष्ट्रिय रंगशालामा नेपालले कुवेतसँग प्रतिस्पर्धा गर्न लागेको हो । नेपालको मुख्य लक्ष्य अंक खोस्ने रहेको छ भने कुवेतको जित हात पार्ने रणनीति रहेको छ । २०२२ कतार विश्वकप फुटबल छनोटको दोस्रो चरणको पहिलो खेलमा नेपालले कुवेतसँग प्रतिस्पर्धा गर्न लागेको हो । यसपछि नेपालले २४ गते चाइनिज ताइपेसँग प्रतिस्पर्धा गर्नेछ । विश्वकप छनोटको समूह ‘बी’ मा नेपालसँगै अष्ट्रेलिया, जोर्डन, चाइनिज ताइपेइ र कुवेत छन् । नेपाली फुटबल टिममा गोलकिपर किरण चेम्जोङ (कप्तान), विकेश कुथु, विशाल श्रेष्ठ रहेको छन् । त्यस्तै डिफेन्डर अनन्त तामाङ, देवेन्द्र तामाङ, सुमन अर्याल, अजित भण्डारी, दिनेश राजवंशी, सरोज दाहाल, रजिन धिमाल रहेका छन् । त्यसैगरी म...

भदौ १९ गते । बारा र पर्साको हावाहुरी पिडितको घर नेपाली सेनाको जनता आवास निर्माण कार्यदलले घर निर्माणको लागत प्रतिघर चार लाख ८५ हजार रुपैयाँ  रहेको प्रतिवेदन पेस गरेको छ । घर निर्माणको लागि सरकारले प्रतिघर उपलब्ध गराएको बजेटबाट प्रतिघर ६१ हजार एक सय रकम बचत गरेको हो । एक घर निर्माणका लागि सरकारले पाँच लाख ४५ हजार ९ सय ८५ रुपैयाँ ८८ पैसा रकम उपलब्ध गराएको थियो । कटिन्जेन्सी र निर्माण सामग्रीबाट सेनाले प्रतिघर ६१ हजार एक सय रकम बचत गर्न सफल भएको छ । सेनाले निर्माण गरिदिएको घरमा दुई कोठा, एक भान्सा, एक शौचालय, बरण्डा रहेको छ । सरकारले बाराका आठ सय सात घर र पर्साका ६२ गरी आठ सय ६९ घरको प्रमाणपत्र तथा नक्साको कागजसहित हुरीपीडितलाई घर उपलब्ध गराएको हो । यो समाचार आजको गोरखापत्रमा दैनिकमा छापिएको छ ।   ...

भदौ १९ गते । नेपाल टलिकमले अब अरुका नामको सिमकार्ड प्रयोग गर्न नदिने भएको छ । सिमकार्ड चलाई रहेको व्यक्तिकै नाममा दर्ता गर्न बाध्यकारी व्यवस्था गर्ने नेपाल दूसञ्चार प्राधिकरणले तयारी थालेको हो । जारी भएका सबै सीम सम्बन्धित प्रयोगकर्ताकै नाममा आगामी तीन महिनाभित्र दर्ता गरिसक्ने योजना बनाएको प्राधिकरण अध्यक्ष पुरुषोतम् खनालले बताए । अवको केही दिनमा नै सवै सेवा ग्राहीलाई मोबाइल सेवा प्रदायकमार्फत अरुका नामको सिमकार्ड प्रयोग गरिसकेको भए, आफ्ना नाममा दर्ता गर्न म्यासेजमार्फत खबर गर्ने दुरसञ्चारले जनाएको छ । तोकिएको समयमा पनि आफ्ना नाममा सिम दर्ता नगर्नेलाई के गर्ने भन्ने विषयमा निर्णय हुन बाँकी रहेको र त्यस विषयमा पछि निर्णय गर्ने अध्यक्ष खनालले बताए । यो समाचार आजको कान्तिपुर दैनिकमा छापिएको छ ।...

भदौ १८ गते । स्याङ्जाको गल्याङमा जीप दर्घटना हुदा तीन जनाको मृत्यु भएको छ । गल्याङ् नगरपालिका – ३ चापाकोटको बुटवल पावर कम्पनी नजिकै दुर्घटना हुदा तीन जना मृत्यु भएको छ भने २३ जना घाईते भएका छन् । पाल्पाको रामपुरबाट गल्याङ तर्फ आउँदै गरको लु १ ज ३८४१ नम्बरको जीप सडकबाट करिब ४ सय मिटर तल खस्दा जीपमा सवार २ महिला र १ बालकको मृत्यु भएको प्रहरीले जनाएको छ । स्याङ्जा वालिङकी मन्जु भण्डारी गैरे, पाल्पाकी फनीमाया नेपाली र वालिङका दुई वर्षीय प्रशन्न दर्जीको मृत्यु भएको प्रहरीले जनाएको छ । बालकको स्थानिय सामुदायिक स्वास्थ्य केन्द्रमा र २ जना महिलाको पाल्पाको लुम्बिनी मेडिकल कलेज प्रभासमा उपचारका क्रममा मृत्यु भएको प्रहरीले जनाएको छ । दुर्घटनामा घाईते भएका ११ बालबालिका, ८ महिला र ५ जना पुरूषको मिशन अस्पताल पाल्पामा उपचार भइरहेको प्रहरीले जनाएको छ ।...

भदौ १८ गते । सेवाग्राहीसँग विभिन्न बाहनामा घुस लिएको अभियोगमा सामुदायिक विद्यालयका एक प्रधानाध्यापकसहित ७ जना विरुद्ध अख्तियार दुरुपयोग अनुसन्धान आयोगले विशेष अदालतमा बुधबार मुद्धा दायर गरेको छ । नवलपरासीका पाल्हिनन्दन गाउँपालिका–३ को श्री सिद्धार्थ माध्यमिक विद्यालयका प्रधानाध्यापक लेखनाथ उपाध्याय र विद्यालय व्यवस्थापन समितिका अध्यक्ष केदार गिरीले शिक्षकको सरुवा तथा रमाना गर्दा ६५ हजार रुपैयाँ घुस लिएको पुष्टि भएकाले उनीहरु विरुद्धा मुद्धा दायर गरिएको अख्तियार दुरुपयोग अनुसन्धान आयोगले जनाएको छ । मालपोत कार्यालय टीकापुर कैलालीका नायव सुब्बा सिंह बहादुर कुँवर र खरिदार नरराज पाण्डेले हराएको लालपुर्जाको प्रतिलिपि बनाउन जग्गा नाप जाँच गरिदिए बापत सेवाग्राहीसँग ८ हजार रुपैयाँ घुस लिएको पुष्टि भएकोले उनीहरु विरुद्ध मुद्धा दायर गरिएको आयोगले जनाएको छ । अख्तियारले राष्ट्रिय चिया तथा क...

उदयपुर, भदौ १८ गते ।  उदयपुरको त्रियुगामा एक जना व्यक्ति मृत अवस्था फेला परेको छ । त्रियुगा नगरपालिका–३ मोतीगढा निबासी भक्तसिंह तामाङको घरको पेटीमा मृत अवस्थामा फेला परेको प्रहरीले जनाएको छ । मागी खाने तराई मुलका जस्तो देखिने अन्दाजी ७० वर्षीय बृद्ध मृत अवस्थामा फेला परेको प्रहरीले जनाएको छ । घटनाको जानकारी पाउनासाथ जिल्ला प्रहरी कार्यालयबाट खटेका प्रहरी टोली घटना स्थल पुगी शव पोष्टर्माटमको लागि जिल्ला अस्पताल पठाईएको प्रहरीले जनाएको छ ।...

उदयपुर, भदौ १८ गते ।  उदयपुरमा निजमती दिवसको अवसरमा भदौ २२ गते विबिध कार्यक्रमको आयोजना गरी भब्यताका साथ मनाउने तयारी भएको छ । प्रमुख जिल्ला अधिकारी धु्रवबहादुर खड्काको अध्यक्षतामा मंगलबार बसेको बैठकले जिल्लामा ६ वटा कार्यक्रमको तय गरेको हो । बैठकले मुल समारोह समिति गठन गर्दै दिवसको अवसरमा सेवानिवृतलाई सम्मान, उत्कृष्ट कर्मचारी पुरस्कृत, व्याडमिन्टन प्रतियोगिता कार्यक्रमको आयोजना गरेको छ । बढ्दो लागुऔषध ओसारपसार र सेवनलाई न्युनिकरण गर्न अन्तरविद्यालय वक्तृत्वकला प्रतियोगिता, महिला म्युजिकल चियर र प्रभातफेरीको आयोजना गरेको मुल समारोह समितिका संयोजक एवंम प्रजिअ खड्काले बताए । सबै कार्यक्रमको विभिन्न उपसमिति तयारी गरी २१ गते भित्र सम्पन्न गरी २२ गते पुरस्कार वितरण गर्ने गरी तयारी गरिएको उनले बताए । लागुऔषधको अबश्था भयाभह भएकाले स्कुले बालबालिकालाई सचेत गराउने गरी कार्यक्रम सञ्चालन...

उदयपुर, भदौ १८ गते ।  तत्कालिन नेकपा एमालेमा महासचिब जननेता मदन भण्डारीको सम्झनामा उदयपुरमा बुधबार बृक्षारोपण गरिएको छ । नेपाल नेत्रज्योति संघ उदयपुरको आयोजनामा मदनभण्डारी आँखा अस्पताल परिषरमा स्व. भण्डारीको नाममा पुर्वसहरी विकास राज्य मन्त्री, प्रतिनिधिसभा सदस्य एवंम नेपाल कम्युनिष्ट पार्टीका केन्द्रिय सदस्य मन्जुकुमारी चौधरीले मलेसियनसालको विरुवा रोपेकी हुन् । जिल्लाका राजनीतिक दलका नेता, जनप्रतिनिधि, कर्मचारी, नागरिक समाज, पत्रकार लगायत स्थानीयले आफन्तको सम्झनामा अस्पताल परिषरको खाली १० कठ्ठा जग्गामा कपुर, खमारी, रुद्राक्ष, मलेसियन साल, तेजपत्ता, अग्रउड, विरेन्द्रफुल, वयस प्रजातिका १ सय १५ वटा बोटविरुवा रोपेका छन् । आफन्तको सम्झनामा विरुवा रोप्दा समय समयमा मलजल, हेरचाह हुने भएकाले स्मृति बृक्षारोपण कार्यक्रम आयोजना गरिएको नेत्र ज्योती संघका अध्यक्ष भागवत राउतले बताए । हरियाली क...