समाचार

भदौ १५ गते । धादिङमा जिप दुर्घटना हुदा १५ जना घाईते भएका छन् । खरीबाट धादिङबेसीतर्फ आउँदै गरेको जीप आइतबार दुर्घटना हुँदा घाईते भएका हुन्् । ज्वालामुखी गाउँपालिका –५ साँधभञ्ज्याङमा ओभर ट्याक गर्ने क्रममा तिज मनाउन माईत हिडेका यात्रु बोकेका बा १ झ ५४३१ नम्बरको जीप दुर्घटना भएको प्रहरीले जनाएको छ । ज्वालामुखी गाउँपालिका खरी निबासी २९ वर्षीय सोमबहादुर मंग्राती, २२ वर्षीय लक्ष्मी रोक्का, १२ वर्षीय रमेश रोक्का‚ २५ वर्षीया गिता रोक्का‚ २२ वर्षीय धन बहादुर दुवाडी ६ वर्षीया रोचिता गुरुङ, १० वर्षीया सरिता रोक्का, १० वर्षीया पार्वती नेपाली‚ ५० वर्षीया देबकुमारी थापामगर, ५० वर्षीय मायादेवी आले, १० वर्षीया सुनिल बालकोटी, १३ वर्षीया सिर्जना नेपाली र ५ नम्बर वडाकाको १७ वर्षीया सरस्वती गुरुङ घाईते भएका प्रहरीले जनाएको छ । दुर्घटनामा १० जना महिला र ५ जना पुरुष घाईते भएका छन् । सामान्य १३ जना...

भदौ १५ गते । काठमाण्डौँको दरबार मार्गबाट एटीएमबाट पैसा चोर्ने एक गिरोहलाई प्रहरीले पक्राउ गरेको छ । गतराती दबार मार्गको नविल बैँकको एटीएमबाट पैसा निकाल्दा निकाल्दै ५ जनालार्ई प्रहरीले पक्राउ गरेको हो । पक्राउ परेकाहरुको परिचय नखुलाईएको भएपनि सबै चिनियाँ नागरिक रहेको प्रहरीले जनाएको छ । १ करोड २६ लाख नेपाली रुपैयाँ र ९ हजार अमेरिकी डलर उनीहरुको साथबाट बरामद गरेको प्रहरीले जनाएको छ । पक्राउ परेकाहरुलाई महानगरीय प्रहरी परिसर टेकुमा राखिएको छ । एटीएमबाट पैसा चोरी गर्ने समूह विरुद्ध काठमाडौं प्रहरी परिसरले विशेष अपरेसन चलाएको थियो ।...

भदौ १५ गते । नायिका मलिका महत्तले अभिनय गरेको चलचित्र ‘यात्रा’ गतबर्ष मात्रै रिलिज भएको थियो । त्यसपछि मलिकाले कुन चलचित्र अभिनय गर्ला भन्ने चर्चा चलिरहेको बेला अर्को ‘पानी फोटो’ चलचित्रमा काम गर्ने पक्का भएको हो । खगेन्द्र लामिछानेको निर्देशनमा बन्न लागेको चलचित्रमा उनी अडिसनबाट नै छानिएकी हुन् । केही महिना अगाडि चलचित्रको घोषणा सभामा नायिकाको रुपमा मेनुका प्रधानको नाम मात्र अगाडि सारिएको थियो । चलचित्रका लागि एक जना कलाकार खोजिरहेका बेला अडिसनबाट मलिका फिट लागेपछि उनलाई लिएको निर्देशक लामिछानेले जनाएको छ । चलचित्रको छायांकन सुरु भएको छ । चलचित्र व्यापारिक रुपमा हिट नभएपनि मलिकाको कामको भने राम्रै तारिफ भएको थियो ।...

भदौ १५ गते । जाजरकोटको भेरीमा पहिरोले घर पुरिदा एक आमा सहित दुई जना छोरीको मृत्यु भएका छन् । भेरी नगरपालिका– २, तिमिले निबासी दलबहादुर वलीको घर पहिरोले पुरिँदा उनका श्रीमतीसहित दुई छोरीको मृत्यु भएको हो । घरमा सुति रहेको अवस्थामा राती करिब १:४५ बजे अचान घरमाथीबाट आएको पहिरोले घर पुर्दा श्रीमती ३२ वर्षीया पार्वती वली, ९ वर्षीया मोतीकला वली र ३ वर्षीया धनसरा वलीको मृत्यु भएको प्रहरीले जनाएको छ । पार्वतीका श्रीमान् बलबहादुर घर बाहिर सुतेकाले बाँच्न सफल भएको प्रहरीले जनाएको छ । जिल्ला प्रहरी कार्यालयबाट खटेका उद्धार टोली र सशस्त्र प्रहरी बलले उद्दार गरिरहेको प्रहरीले जनाएको छ ।...

भदौ १५ गते । अमेरिकाको टेक्सासमा बन्दुक आक्रमणमा ५ जनाको मृत्यु भएको छ भने दर्जनौ घाईते भएका छन् । एल पासोको घटना सेलाउन नपाउदै टेक्सासका पश्चिमी शहर ओडिसा र मिडल्यान्डमा शनिबार दिउँसो बन्दुक आक्रमण भएको हो । गाडीमा सवार बन्दुकधारीको आक्रमणबाट ५ को मृत्यु भएको र करिब १६ घाइते भएको टेक्सासका प्रहरीले जनाएको छ । घाईतेहरुको ओडेसाको अस्पतालमा उपचार भईरहेका छन् । बन्दुक आक्रमणमा २ वर्ष मुनिका बच्चा समेत परेको अमेरिकी सञ्चारमाध्यमहरुले जनाएको छ । बन्दुकधारीले सबैभन्दा पहिला तिनीहरु चढेको गाडी रोक्ने ट्राफिक प्रहरीमाथि गोली प्रहार गरेको प्रहरीले जनाएको छ । अन्दाजी ३० वर्षीय बन्दुकधारी त्यसपछि हुलाक सेवाका ट्रक नियन्त्रणमा लिएर मिडल्यान्ड नगरतर्फ हुइँकिएका थिए ।...

उदयपुर, भदौ १५ गते । लिम्चुङ्बुङको मझुवा बाराहा खानेपानी योजनाको पाईप घामले पग्लिएको छ । लिम्चुङबुङ गाउँपालिका – ३ बाराहामा निर्माधिन योजनाको पाईप रुखमा बाँधेर टाँगेको ठाउँमा पग्लिएको हो । विकट पहाडी भेगमा खानेपानीको समस्या समाधान गर्नका लागि राज्य संघियतामा नआई नै जिल्ला खानेपानी कार्यालय उदयपुरबाट परेको योजनाको पाईप घामले पग्लिएको लिम्चुङ्बुङ गाउँपालिका– ३ का वडा सदस्य गुरुमणी कुमाईले बताए । २०७२ सालमा ८८ लाखको सम्झौता गरि काम सुरु गरेको थियो । पंचवर्षीय योजना भएकाले चालु आर्थीक वर्ष २०७६/७७ सम्ममा योजनाको काम सम्पन्न गर्नु पर्ने सम्झौता गरेको सदस्य कुमाईले बताए । त्यस योजनाका ५० एमएमको पाईप रुखमा बाँधेर टाँगिएको ठाउँमा घामले पग्लेको उनले बताए । माटोमा गाढ्नु पर्ने भएपनि ठाउँ ठाउँमा रुखमा बाँधेर टाँगेको ठाउँमा करिब १ सय ५० मिटर कालो पाइप पग्लेर कामै नलाग्ने भएको सदस्य कुमाई...

भदौ १५ गते । इंग्लिस प्रिमियर लिगमा बर्नलीलाई ३–० गोले पछि पार्दै लिभरपुलले जित हात पारेको छ । गतराति भएको खेलमा लिभरपुलले ३–० गोल अन्तरलेपछि पार्दै जितको यात्रा कायमै राखेको हो । खेल सुरु भएको ३३ औं मिनेटमा बर्नलीका क्रिस वुडले आत्मघाती गोल गरेपछि लिभरपुलको १–० गोल भएको थियो । त्यस लगतै ३७ औं मिनेटमा मानेले गोल गरेको थियो भने ८० औँ मिनटमा फिर्मिन्होले निर्णायक गोल गर्दै टिमलाई विजयी बनाएको थियो ।...

भदौ १५ गते । विवाह गर्ने उमेर कानुनले २० वर्ष तोकेपनि त्यो भन्दा सानै उमेरमा विवाह गर्ने गरेको पाईएको छ । बाल विवाह रोक्नका लागि सरकारले नै विभिन्न कर्याक्रमको आयोजना गरेपनि सानै उमेरमा आमा बन्ने किशोरीको सङ्ख्या नघटेको अस्पतालको तथ्याङ्कले देखाएको हो । पनौती नगरपालिका–१० खोपासीको प्राथमिक स्वास्थ्य केन्द्र खोपासीको गत आर्थिक वर्षको सुत्केरीको तथ्याङ्क अनुसार ६२ जनाले त्यहाँ सुत्केरी सेवा लिएकोमा १२ जना २० वर्षभन्दा कम उमेरका किशोरी रहेको देखिएको छ । स्वास्थ्य चौकीमा ग्रामीण इलाकाका महिला प्रसूति सेवा लिन आउँछन् । ग्रामीण भेगमा स्कुले शिक्षा नै पूरा नगर्ने, पढाइ छोड्ने प्रवृत्ति भएकाले पनि किशोरी सानै उमेरमा आमा बन्ने गरेकाले सङ्ख्यामा बृद्धि भएको अस्पतालका इन्चार्ज जनस्वास्थ्य अधिकृत शुभाकर श्रेष्ठले भन्नुभयो । राजधानीमै रहेको प्रसूति सेवा दिने मुलुककै जेठो अस्पताल परोपकार प्...

उदयपुर, भदौ १४ गते । थारु पत्रकार संघ नेपाल जिल्ला शाखा उदयपुरको नयाँ नेतृत्वमा सुखिलाल चौधरी चयन भएको छ । थारु पत्रकार प्रथम जिल्ला अधिवेशनबाट सुखिलालकोे नेतृत्वमा शनिबार ११ सदसीय कार्यसमिति चयन गरेको हो । आदिबासी जनजाती थारु पत्रकार संघ नेपालको राष्ट्रिय अधिवेशन आउनु अगावै जिल्ला अधिवेशन भएको हो । प्रथम जिल्ला अधिवेशनबाट अध्यक्षमा सुखिला चौधरी सर्वसहमत चयन भएको हो । त्यस्तै उपाध्यक्ष दिपु चौधरी, सचिव दुर्गानन्द चौधरी (डिएन) चयन भएको संघले जनाएको छ । त्यसैगरी सदस्यहरु रेनुका चौधरी, सर्वन चौधरी, भाष्कर चौधरी, ममता चौधरी, मेनुका चौधरी, कविता चौधरी, विना चौधरी र दुर्गानन्द चौधरी रहेको छ । त्यस्तै सल्लाहकारहरुमा रविन्द्रकुमार चौधरी, विष्णुदेव चौधरी र शिवकान्त चौधरी रहेको जनाएको छ । थारु पुरानो जाती र नेपालको जनसंख्याको आधारमा मुख्य जाती भित्र रहेको भएपनि पत्रकारीता क्षेत्रमा एकदम...

पूर्णपुष्टि, भदौ १४ गते । जीवन उपयोगी सीप शिविर नेपालगञ्जमा हिजोदेखि सुरु भएको छ । रुम टु रिडको आर्थिक तथा प्राविधिक सहयोगमा भएको शिविरमा बाँके जिल्लाका ११ विद्यालयका कक्षा ९ का ६० जना बालिकाहरुको सहभागिता रहेको आयोजकले जनाएको छ । होटेल मारुतीनन्दन र होटेल मयुर, नेपालगन्जमा ३०÷३० जनाको समूहमा शिविर संचालन भइरहेको छ । पढ्नका लागि कोठाद्वारा संचालित बालिका शिक्षा कार्यक्रम अन्तर्गत जोखिममा देखिएका बालिकाहरु र उदाहरणीय वालिकाहरुलाई शिबिरमा सहभागिता गराईएको हो । बालिकाहरुले जीवन उपयागी सीपबारेको सिकाइ तथा राम्रा अभ्यासहरुको आदान प्रदान गर्ने र विभिन्न क्रियाकलापहरुमा सहभागी गराई आन्तरिक प्रतिभाको प्रस्फुटन गराउने उद्देश्यले शिविरको आयोजना भएको हो । साथै उनीहरुमा आत्मविश्वास बढाउने तथा जोखिबाट आफूलाई बचाउने उपायहरु सिकाउने र प्रोत्साहन गर्ने उद्देश्य रहेको छ । कार्यक्रम अधिकृत सुष...