स्वास्थ्य

पूर्णपुष्टि, भदौ ३ हेटौँडामा मृत्यु भएका एक पुरुषमा कोरोना संक्रमण पुष्टि भएको छ । हेटौँडा उप–महानगरपालिका–१ को जरुवाटोलका ६१ वर्षीय पुरुषमा कोरोना सङ्क्रमण पुष्टि भएको हो । ती पुरुषमा हेपटाइटिस, रक्तचाप लगायतको स्वास्थ्य समस्या रहेको थियो ।  हेटौँडामा रहेको किटजन्य रोग अनुसन्धान तथा तालिम केन्द्रमा रहेको प्रादेशिक कोरोना प्रयोगशालामा परीक्षण गर्दा कोरोना सङ्क्रमण पुष्टि भएको उपमहानगरपालिकाका जनस्वास्थ्यले जनाएको छ ।...

पूर्णपुष्टि, भदौ ३ मोरङमा कोरोना संक्रमणबाट थप एक जनाको मृत्यु भएको  छ । बुढीगंगा गाउँपालिका–२ की ६५ वर्षीया महिलाको मृत्यु भएको हो । गत साउन २५ गते विराट मेडिकल कलेजमा भर्ना भएकी महिलालाई पुन २७ गते कोशी अस्पतालमा भर्ना गरिएको थियो । कोरानाको रिपोर्ट नेगेटिभ आएपछि घर लगिए पनि स्वास्थ्यमा थप समस्या देखिएपछि सोमबार राति विपी कोइराला स्वास्थ्य विज्ञान प्रतिष्ठानमा भर्ना गरिएकोमा गतराति मृत्यु भएको अस्तालले जनाएको छ । प्रतिष्ठानमा भएको कोरोना परीक्षणमा उनको रिपोर्ट पोजेटिभ आएको थियो । रिपोर्ट आएलगत्तै मृत्यु भएको जनाईएको छ ।...

पूर्णपुष्टि, भदौ ३ पर्सामा कोरोना संक्रमणबाट थप एक जनाको मृत्यु भएको छ । वीरगञ्जको गण्डक कोभिड अस्पतालमा उपचार गराईरहेको विर्ताका ८६ वर्षीय पुरुषको गतराति मृत्यु भएको अस्पतालले जनाएको छ । उनको स्वाब साउन २३ गते सङ्कलन गरिएको थियो । २६ गते आएको रिपोर्टमा उनमा कोरोना सङ्क्रमण पुष्टि भएको थियो । ती वृद्धको कोभिड निमोनियाको उपचार गराउदै गर्दा ज्यान गएको जनाईएको छ ।...

पूर्णपुष्टि, भदौ ३ चीनले यस वर्षको अन्तिमसम्ममा कोरोना भाइरस विरुद्धको खोप बजारमा ल्याउने घोषणा गरेको छ । चीनीया कम्पनी सिनोफार्मले खोपको तेस्रो चरणको परीक्षण चलिरहेको र यो वर्षसम्मको अन्त्यमा बजारमा आइसक्ने घोषणा गरेको अन्तराष्ट्रिय संचारमाध्यमहरुले जनाएको छ । सिनोफार्म कम्पनीले बनाइरहेको खोपको तेस्रो चरणको परीक्षण संयुक्त अरब इमिरेट्स यूएईमा चलिरहेको छ । सिनोफार्मका प्रमुख लिउ जिंगझेन आफैँले पनि परीक्षणका लागि खोप लागएको र अहिलेसम्म कुनै नकारात्मक असर नगरेको जनाईएको छ । बेइजिङ र वुहानमा एक वर्षमा क्रमश १०.२ करोड र १० करोड डोज खोप उत्पादन गर्ने प्रयोगशाला रहेको चीनले दाबी गरेको छ । यो खोप दुई डोज लगाए बापत एक हजार युआन अर्थात एक हजार ७ सय रुपैयाँ पर्नेछ । अहिले विश्वमा करिब २ सय वटा कोरोना भाइरस विरुद्धको खोपको परीक्षण चलिरहेको छ भने २० भन्दा धेरै मानव परीक्षणको चरणमा रहेका जन...

पूर्णपुष्टि, भदौ ३ आज ललितपुरको पाटन अस्पतालमा थप एक जना कोरोना संक्रमितको मृत्यु भएको छ । अस्पतालमा उचाररत भक्तपुर सूर्यविनायककी ६१ वर्षीया महिलाको मृत्यु भएको अस्पतालले जनाएको छ । ती महिलालाई गत साउन २१ गते अस्पताल भर्ना गरिएको थियो । योसँगै नेपालमा कोरोना सङ्क्रमणबाट मृत्यु हुनेको संख्या १ सय १५ पुगेको छ । आज मृत्यु भएकी महिलाको बारेमा स्वास्थ्य तथा जनसंख्या मन्त्रालयले नियमित पत्रकार सम्मेलनमा जानकारी दिनेछ ।...

पूर्णपुष्टि, भदौ २ नेपालमा आज थप एक हजार १६ जनामा कोरोना संत्रमण पुष्टि भएको छ । योसँगै नेपालमा कोरोना सङ्क्रमितको सङ्ख्या २८ हजार दुई सय ५७ पुगेको स्वास्थ्य तथा जनसङ्ख्या मन्त्रालयले जनाएको छ । पछिल्लो २४ घण्टामा ८५ जना उपचारपछि निको भएर डिस्चार्ज भएको छ । योसँगे निको हुनेको सङ्ख्या १७ हजार पाँच सय ८० पुगेको छ । त्यस्तै पछिल्लो २४ घण्टामा नेपालमा कोरोना सङ्क्रमणबाट सात जनाको मृत्यु भएको छ । योसँगै नेपालमा कोरोना सङ्क्रमणबाट मृत्यु हुनेको सङ्ख्या एक सय १४ पुगेको छ ।...

पूर्णपुष्टि, भदौ २ कोरोना संक्रमणबाट धुलिखेल अस्पतालमा मृत्यु भएका मृतकको परिवारका सदस्यमा संक्रमण पुष्टि भएको छ । धुलिखेल नगरपालिका–७ का ९८ वर्षीय बृद्धको धुलिखेलमा उपचारका क्रममा मृत्यु भएको थियो । काठमाडौंको नयाँ बानेश्वरमा बस्दै आएका उनको पिसाब बन्द हुने समस्या भएपछि गत साउन २७ गते धुलिखेल अस्पतालमा उपचारका लागि लगिएको थियो । अस्पतालमा स्वाब लिएर परीक्षण गर्दा कोरोना संक्रमण पुष्टि भएको थियो । त्यसपछि परिवारका सदस्यहरुको परीक्षण गर्दा ९ जनामा संक्रमण देखिएको छ । उनको घरमा काम गर्ने एक जना बाहेक अरुको रिपोर्ट पोजेटिज आएको जनस्वास्थ्य कार्यालय काभे्रले जनाएको छ ।...

पूर्णपुष्टि, भदौ २ कोरोना संक्रमणबाट नेपाली कांग्रेस नवलपरासीका जिल्ला उप–सभापति सुवाशचन्द्र गिरीको मृत्यु भएको छ । नवलपरासी सुस्ता पश्चिम घर भएका ३८ वर्षीय गिरीको पाटन अस्पताल ललितपुरमा बिहान मृत्यु भएको हो । कोरोना संक्रमण देखिएपछि बुटवलको कोरोना अस्पतालबाट गत साउन ३० गते पाटन अस्पतालमा भर्ना भएको थियो । उनको भेन्टिलेटरको सहायतामा उपचार भईरहेकोे थियो । उनलाई गतराति ११ बजेदेखि श्वासप्रश्वासमा समस्या आएको र बिहान ६ बजेतिर मृत्यु भएको अस्पतालले जनाएको छ । गिरीको केही समय अगाडि युनिभर्सल मेडिकल कलेज भैरहवामा पित्तथैलीको पत्थरीको शल्यक्रिया भएको थियो । त्यसपछि श्वासप्रश्वासमा समस्या देखिएको र पुनः मेडिकल कलेजमा जाँच गराउँदा निमोनिया देखिएपछि पीसीआर परीक्षण गर्दा कोरोना पोजेटिभ देखिएको थियो । बुटवलको कोरोना अस्पतालमा एक दिन भर्ना भएर उपचार गराएका गिरीलाई थप उपचारका लागि पाटन अस्पता...

पूर्णपुष्टि, भदौ २ भारतमा कोरोना संक्रमित हुनेको संख्या २७ लाख नाघेको छ । समग्र संक्रमितको संख्या २७ लाख दुई हजार ७ सय ४३ पुगेको भारतको स्वास्थ्य मन्त्रालयले जनाएको हो । पछिल्लो २४ घण्टामा मात्रै भारतमा ५५ हजार ७९ जनामा कोरोना संक्रमण पुष्टि भएको छ भने ८ सय ७६ जनाको मृत्यु भएको जनाईएको छ । अहिलेसम्म भारतमा कोरोना संक्रमणबाट मृत्यु हुनेको संख्या ५१ हजार ७ सय ९७ पुगेको छ । अहिलेसम्म भारतमा १९ लाख ७७ हजार ७ सय ८० जना उपचारपछि निको भएर डिस्चार्ज भइसकेका छन् । अमेरिका र ब्राजिलपछि भारत कोरोना भाइरसबाट सबैभन्दा बढी प्रभावित देश हो ।  ...

पूर्णपुष्टि, भदौ २ बाँकेमा कोरोना सङ्क्रमणबाट थप एक जनाको मृत्यु भएको छ । नेपालगञ्ज उप–महानगरपालिका–५ का ६२ वर्षीय पुरुषको नेपालगञ्ज शिक्षण अस्पतालमा गतराति उपचारको क्रममा मृत्यु भएको हो । ज्वरो आएपछि उपचारका लागि साउन ३२ गते शिक्षण अस्पतालमा भर्ना गरिएका ती व्यक्तिमा निमोनिया देखिएको अस्पतालले जनाएको छ । उनको सोमबार नै कोरोना पुष्टि भएको थियो । बाँकेमा यसअघि नरैनापुर गाउँपालिका, बैजनाथ गाउँपालिका र कोहलपुर नगरपालिकाका १/१ जना गरी तीन जनाको कोरोना संक्रमणबाट मृत्यु भईसकेको छ ।...