Month: ५ वर्ष अगाडि

पूर्णपुष्टि,फागुन २८ उदयपुरको एक युवा भरुवा बन्दुकसहित सुनसरीको बराहक्षेत्रस्थित कोसीको खयरघारीमा पक्राउ परेको छ । उदयपुरको बेलका नगरपालिका–९ बस्ने २२ बर्षीय सुमन राईलाई बन्दुकको नालसहित पक्राउ गरेको हो । सशस्त्र प्रहरी बलको टोलीले हिजो सिकार खेल्न गएका राईलाई पक्राउ गरेको थियो । सशस्त्रको चतरा सुरक्षा वेसबाट खटिएको टोलीले राई पक्राउ गरेता पनि उनको समूहमा रहेका अन्य चारजना अझै फरार रहेको  सशस्त्र प्रहरी निरीक्षक जसबहादुर राईले बताउनुभयो । राईलाई बराहक्षेत्र–२ स्थित कोसीको पुर्वी किनारमा पर्ने आठ आरडिको खयरघारीबाट अपरान्ह ३ बजे पक्राउ गरिएको प्रहरीले जनाएको छ । राईलाई हिजो नै थप अनुन्धान र कारबाहीका लागि नेपाल प्रहरीको जिम्मा लगाएको प्रहरी निरीक्षक राईले जानकारी दिनुभयो ।...

पूर्णपुष्टि, फागुन २८  आज सुनको भाउ आज घटेको छ । सुनको भाउ तोलामा ६ सय रुपैयाँले घटेर ८६ हजार २ सय रुपैयाँमा झरेको नेपाल सुनचाँदी व्यवसायी महासङ्घले जनाएको छ । हिजो बिहीवार भाउ बढेर तोलामा ८६ हजार ८ सय रुपैयाँमा पुगेकोमा आज फेरि ६ सय रुपैयाँले घटेको हो । त्यस्तै आज चाँदीको भाउ पनि तोलामा १५ रुपैयाँले घटेको छ । चाँदी तोलाको १२ सय ७० रुपैयाँमा कारोबार भइरहेको महासंघले जनाएको छ ।...

पूर्णपुष्टि, फागुन २८  आगन्तुक चराले नेपालमा बर्ड फ्लुको सङ्क्रमण फैलिएको आशङ्का गरिएको छ । नेपालको बाटो हुँदै जाने विदेशी चराहरुका कारण देशका विभिन्न ठाउँका कुखुरामा बर्ड फ्लुको सङ्क्रमण देखा परेको प्रारम्भिक अनुमान गरिएको अनुगमन टोलीको प्रतिवेदनले देखाएको पशु स्वास्थ्यसेवा विभागले जनाएको छ । ठूलो सङ्ख्यामा साइबेरियालगायतका ठाउँबाट नेपालको बाटो हुँदै एकै समूहमा लाखौँको संख्यामा चराहरु उडेकाले उनीहरुको प्वाँखलगायत अवशेषहरु नेपालको जमिनमा झर्दा विभिन्न ठाउँमा सङ्क्रमण देखिएको हुन सक्ने जनाईएको छ । काठमाण्डौको तारकेश्वर, सुर्खेत र जाजरकोटमा एक ठाउँबाट अर्को ठाउँमा घरपालुवा पक्षीहरु ओसारपसार नभएको र नाकाहरुमा समेत सङ्क्रमण नदेखिएकाले आकाशमा उडेका विदेशी चराहरुबाट नै बर्ड फ्लु भएको जनाईएको छ । अहिले सङ्क्रमण देखिएका देशका विभिन्न ठाउँबाट नमुना सङ्कलन गरेर देशभर रहेका पाँच वटै प्...

पूर्णपुष्टि, फागुन २८  मुगुमा तत्काल उद्धार नहुँदा एक सुत्केरीको मृत्यु भएको छ । सोरुगाउँपालिका–५, की २३ वर्षीया धनलक्ष्मी शाहीको समयमै उद्धार नहुँदा बिहीबार दिउँसो मृत्यु भएको हो । स्थानीय नेर स्वास्थ्य चौकीमा बच्चा जन्मिए पनि साल निस्किन नसक्दा शाही बहोस भएकी थिइन् । उनको उद्धारको लागि जिल्ला प्रशासन कार्यालय मुगुले तत्काल उद्धारका लागि महिला, बालबालिका तथा जेष्ठ नागरिक मन्त्रालयलाई जानकारी गराएको थियो । जानकारी आउनेवित्तिकै हवाई उद्धारका लागि शुरुमा मौखिक र पछि लिखित जानकारी गराएको जिल्ला प्रशासन कार्यालय मुगुले जनाएको छ । तत्काल हेलिकोप्टर नपुग्दा शाहीको मृत्यु भएको जनाईएको छ । सोरुमा फोन नेटवर्कको समस्या रहेकाले पनि अपडेट हुन नसक्नु र सेनाको हेलिकोप्टर सैनिक दिवसका लागि काठमाडौं गएकाले आउन ढिलाइ हुनुले पनि समयमै उद्धार नहुँदा शाहीको मृत्यु भएको जनाईएको छ ।...

 पूर्णपुष्टि, फागुन २८ अमेरिकन आईडलबाट उपबिजेत बन्न सफल नेपाली युवा अर्थगन (देवेश पोखरेल) ले नेपाली म्युजिक भिडियो कागबेनी सार्वजानिक गरेको छ । उनि अमेरिकन आईडलको १८ औँ संस्करणमा प्रतियोगिताका लागि सहभागी भएका थिए । उनले आफ्नो प्रस्तुतिमा जर्जहरुलाई राम्रो ध्यानाकर्षण गराउन समेत सफल भए । आईडलबाट उनि प्रतियोगिताको उपविजेता समेत बन्न सफल भए । अर्थरगनले बिहीबार आफ्नो यूटुयुब च्यानलबाट उक्त म्युजिक भिडियो सार्वजनिक गरेका हुन । गीतमा शब्द र स्वर उनकै रहेको छ । गन डिभी परेपछि दिवेशका बुबा २००८ मै अमेरिका पुगेपनि उनले भने उच्च शिक्षा सम्मको अध्ययन नेपालमै सकेर २०१४ मा अमेरिका पुगेका थिए । https://www.youtube.com/watch?v=89n42tHMWqo&t=4s...

पूर्णपुष्टि,फागुन २८ झापा दमक नगरपालिका–५ गोर्खा डिपार्टमेन्ट नजिक राजमार्गमा भएको स्कुटी र मोटरसाईकल ठोकिएर दुर्घटना हुँदा एक जनाको मृत्यु भएको छ । स्कुटी चालक दमक नगरपालिका–८ बस्ने बस्ने ५० बर्षीय ईन्द्र भुजेलको मृत्यु भएको हो । गत राती सभा ९ बजे प्रदेश १–०१–१३ प ८७६६ नम्बरको मोटरसाईकल र बिपरीत दिशाबाट आउदै गरेको मे.९ प ६२१९ नम्बरको स्कुटी एक आपसमा ठक्कर खाई दुर्घटना हुँदा स्कुटी चालक भुजेललाइृ उपचारको लागी लाईफ लाईन दमक अस्पताल लादै गर्दा बाटोमा नै मृत्यु भएको प्रहरीले जनाएको छ । मोटरसाईकल चालक दमक नगरपालिका–४ बस्ने २६ बर्षीय संजोक सुन्दास समेत घाईते भई बिएण्डबि अस्पताल बिर्तामोडमा उपचार भईरहेको ईलाका प्रहरी कार्यालय दमकले जनाएको छ । दुर्घटना भएका दुवै सवारी साधन प्रहरीको नियन्त्रणमा रहेको प्रहरीले जनाएको छ ।  ...

पूर्णपुष्टि, फागुन २८ लागुऔषाध ब्राउन सुगर सहित उदयपुरमा एक जना पक्राउ परेको छ । त्रियुगा नगरपालिका ११ मेनचोक बाट सोहि स्थानका ३२ बर्षिय प्रशान्त कार्कीलाई आगुऔषाध ब्राउन सुगर सहित प्रहरीले पक्राउ गरेको हो । कार्कीलाई जिल्ला प्रहरी कार्यालय उयदपुरबाट खटेको टोलीले लागुऔषाध सहित बिहिबार पक्राउ गरेको हो । कार्कीको साथ बाट ५१० मिलि ग्राम ब्राउन सुगर र १४०३५ नगद पनि बरामद भएको छ । पक्राउ परेको कार्कीलाई जिल्ला प्रहरी कार्यालय उदयपुरले थप अनुसन्धान गरिरहेको छ ।  ...

पूर्णपुष्टि, फागुन २८ औद्योगिक दुर्घटनामा परि काकेरियामा एक नेपालीको ज्यान गएको छ । दक्षिण कोरीयामा बागलुङ जिल्ला गलकोट नगरपालिका–११ घर भई हाल कोरियाको थेगु सहरस्थित एक राइसमिल कम्पनीमा कार्यरत ४५ वर्षीय जयराम भनिने अशोक श्रीष मगरको दुर्घटनामा परी गत सोमबार ज्यान गएकोे हो । दुई वर्षअघि कोरिया आएका अशोक कम्पनीमा काम गर्ने क्रममा सोमबार साँझ करिब ६ बजे लडेका थिए । लडेपछि बेहोस भएका उनलाई नजिककै अस्पताल पुर्याइएको थियो । अस्पताल पुग्नासाथ उनलाई अस्पतालले मृत घोषणा गरेको थियो । हाल उनको शवलाई कोरियाली प्रहरीले स्थानीय अस्पतालमा राखेको छ । घटनालाई नेपाल मगर संघ दक्षिण कोरियाका अध्यक्ष टेक पुनले पुष्टि गरेका हुन् ।          ...

पूर्णपुष्टि, फागुन २८ भक्तपुरमा स्रोत नखुलेको ४२ लाख रुपैयाँसहित एक जना पक्राउ परेको छ । महानगरीय प्रहरी वृत्त थिमिको टोलीले मध्यपुरथिमि–३ कौशलटारबाट अरनिको राजमार्ग सडकमा जाँचको क्रममा दोलखा घर भइ अहिले सूर्यविनायक नगरपालिका–३ बालकोट रोज भिलेज बस्ने सुमन घिमिरेको साथबाट रकम बरामद गरेको प्रहरीले जनाएको छ । जाँचका क्रममा गाडीमा आइरहेका घिमिरेको साथबाट २७ लाख रुपैयाँ र उनको कोठा खानतलासी गर्दा थप १५ लाख रुपैयाँ बरामद भएको प्रहरीले जनाएको छ । प्रहरीले त्यो रकमको स्रोत खोज्दा बताउन नसकेपछि नियन्त्रणमा लिएर अनुसन्धान सुरु गरेको जनाएको छ । प्रारम्भिक अनुसन्धानको क्रममा घिमिरेले त्यस रकम जुवातास खेलेर जितेको हुनसक्ने जनाएको छ ।...

पूर्णपुष्टि, फागुन २८ मेलम्चीको पानी सरकारले आमागी चैत १५ देखि परीक्षणका रुपमा वितरण थाल्ने भएको छ । चैत १५ देखि काठमाडौं उपत्यका खानेपानी लिमिटेडको वितरण प्रणालीमा मेलम्चीको पानी पठाउन सुरु गरिने भएको हो । अहिले सुरुङबाट आइरहेको मेलम्ची खोलाको पानी सुन्दरीजलबाट बागमती नदीमा छाडिएको छ । शुक्रबारदेखि बागमतीमा पानी छाड्न बन्द गरेर सुरुङ भर्न थालिने छ ।  सुरुङ भरिन ३–४ दिन लाग्ने मेलम्ची खानेपानी आयोजनाले जनाएको छ । सुरुङ भरिएपछि १० दिन जति पानी त्यसै छाडेर त्यसपछि भने सुन्दरीजलस्थित पानी प्रशोधन केन्द्रमा खसालिने छ । पानी प्रशोधन केन्द्रको परीक्षण गर्दै प्रशोधित पानी वितरण प्रणालीमा पठाइने जनाएको छ । चैत १५ देखि २७ गतेसम्म दैनिक ८ करोड लिटर र चैत २७ पछि १७ करोड लिटर पानी काठमाडौंमा वितरण हुने छ । चैत २७ देखि असार २६ गतेसम्म दैनिक १७ करोड लिटर पानी प्रणालीमा पठाएर परीक्षण गर्नेछ ।...