Month: ५ वर्ष अगाडि

पूर्णपुष्टि,फागुन २७ करेन्ट लागेर एक बालकको संखुवासभामा मृत्यु भएको छ । धर्मदेबी नगरपालिका–६ फाक्सीका ७ बर्षीय सिताराम बस्नेतको करेन्ट लागेर मृत्यु भएको हो । आज साढे १० बजे आफ्नो घर नजिकै खेल्ने क्रममा बिजुलीको पोलबाट करेन्ट लागी बालकको घटनास्थलमानै मृत्यु भएको जिल्ला प्रहरी कार्यालय संखुवासभाले जनाएको छ ।...

पूर्णपुष्टि,फागुन २७ आज पश्चिमी वायुको प्रभावका कारण अपरान्हपछि देशको अधिकाशं पहाडी भू–भागमा आंशिकदेखि सामान्य बदली रही मेघगर्जजसहित वर्षा हुने छ । पहाडी भू–भागका केही स्थानमा मेघगर्जन/चट्याङसहित वर्षाको सम्भावना रहेकोे जल तथा मौसम विज्ञान विभागले जनाएकोे छ । हाल देशका पहाडी भू–भागका केही स्थानमा आंशिक बदली रही बाँकी भू–भागमा मौसम सामान्यतया सफा छ । दिउँसो देशका पहाडी भू–भागमा आंशिकदेखि सामान्य बदली भई बाँकी भू–भागमा मौसम सामान्यतया सफा रही अपराह्नपश्चात् पहाडी भूभागका केही स्थानमा मेघगर्जन/चट्याङसहित वर्षाको सम्भावना रहेको विभागले जनाएको छ ।...

पूर्णपुष्टि,फागुन २७ दैलेखमा बस दुर्घटना हुँदा दुई जनाको मृत्यु भएको छ ,भने १६ जना घाइते भएका छन् । कर्णाली राजमार्गअन्तर्गत दैलेखको आठबिस नगरपालिका–१ स्यालाकोटमा बस दुर्घटना भएको हो । आज कालीकोटबाट सुर्खेतर्फ आउँदै गरेको कर्णाली प्रदेश–०२–००१ ख ०२४७ नम्बरको मिनीबस अनियन्त्रित भई सडकबाट करिब सय मिटर तल खसेर दुर्घटना भएको जिल्ला प्रहरी कार्यालय दैलेखले जनाएको छ । बसमा सवार १८ जनामध्ये एक जनाको घटनास्थलमै र अर्का एक जनाको अस्पतालमा उपचारको क्रममा  मृत्यु भएको प्रहरीले जनाएको छ । मृत्यु हुनेमा कालिकोटको साविक भर्ती गाविस–९ का अन्दाजी ३७ वर्षीय जितेन्द्रबहादुर शाही र कालिकोटकै नरहरिनाथ गाउँपालिकाका कमल विक रहेका छन् । दुर्घटनामा परी घाइते भएकामध्ये ७ जनाको अवस्था गम्भीर रहेको छ । उनीहरुलाई उपचारका लागि दैलेख जिल्ला अस्पतालमा पठाइएको छ  । अन्य सामान्य घाइतेहरुको स्थानीय मेडिकलमा उ...

पूर्णपुष्टि,फागुन २७ घाँस काट्ने क्रममा बाघले आक्रमण गर्दा बर्दियामा एक महिलाको मृत्यु भएको छ । मधुवन नगरपालिका–३ सम्झना सामुदायिक वनमा पाटे बाघले आक्रमण गर्दा मधुवन–३ की २९ वर्षीया रेनुका सुनारको मृत्यु भएको हो । बुधबार घाँस काट्न गएको बेला बाघले सुनारलाई झम्टेर लगेको प्रहरीले जनाएको छ । सशस्त्र प्रहरी बल बिओपी भगरैयाका सशस्त्र प्रहरीका अनुसार नेपाल–भारत सीमासँग जोडिएको पिलर नम्बर ८४ र ८५ नम्बरको बीचमा बाघले आक्रमण गर्दा उनको मृत्यु भएको थियो ।...

पूर्णपुष्टि, फगुन २७ १० बर्षिया बालिका करणी गरेको आरोपमा १५ बर्षिय बालकलाई १२ बर्ष ६ महिना कैैदको फैसाला जिल्ला अदाल कार्यालय उदयपुरले सुनाएको छ । त्रियुगा नगरपालिका ११ का उनिलाई गत असोज १ गते दश बर्षिया बालिका करणीको आरोपमा प्रहरीले पक्राउ गरेका थिए । जन्मकैदको अवधि नयाँ संविधानमा २५ वर्ष तोकिएपनि पीडक किशोर १५ वर्षको मात्रै भएकाले उमेरहदका कारण उनी बालक ठहरिएकाले आधा सजाय भुक्तान गर्नेपर्ने अदालतका सूचना अधिकारी राजकुमार आचार्यले बताउनुभयो । जेल सजाय सँगै २५ हजार क्षतीपुर्ति पनि पिडकलाई बुझाउन अदालतले आदेश दिएको छ । जिल्ला न्यायाधिश दीपक खनालको एकल इजालसले कसुर ठहरसहित कैद र क्षतिपूर्ति भराउने फैसला सुनाएपछि कसुरदारलाई सरकारले व्यवस्था गरेको पीडित राहत कोषमा दुई हजार दुई सय रुपैँया जम्मा गर्नसमेत आदेश दिईएको छ । अदालतका सूचना अधिकारी आचार्यका अनुसार फैसला सुनाइएका पीडक किशोरल...

पूर्णपुष्टि, फागुन २७  आज महाशिवरात्री देशैभरका मन्दिर तथा शिवालयमा देवादीदेव महादेवको पूजा आराधना गर्न बिहानैदेखि श्रदालु भक्तजनहरुको घुइचो लागेको छ । ।  भक्तजनहरु आफ्नो स्थानमा भएको नजिकैको पवित्र तीर्थस्थल मन्दिरमा लाम लागेर दर्शन गरिरहेका छन् भने धेरैले दर्शन गरिसकेका छन् । प्रत्येक वर्ष फागुन कृष्ण चतुर्दशी मध्यरातमा परेका दिन मनाइने महाशिवरात्रि पर्व आराध्यदेव भगवान् शिवको पूजा–आराधना गरी देशभर मनाइन्छ ।  मन्दिर परिसरमा बिहानैदेखि दर्शनार्थीहरुको घुइँचो देखिन्छ उनीहरु भगवानको दर्शनका साथै भजन, किर्तन र नाँचगानमा रमाइरहेका देखिन्छन् । फागुन कृष्ण चतुर्दशीका दिन मनाइने यस पर्वलाई दिनदुःखी र कष्टपूर्ण अवस्थामा रहेका प्राणीको हृदयमा धर्मको उदय गराउने आशुतोष भगवान् शिवको अति प्यारो दिनका रूपमा पनि लिइन्छ ।...

पूर्णपुष्टि,फागुन २७ उदयपुरमा लागुऔषधसहित एक पुरुष पक्राउ परेको छ । बेलका नगरपालिका–७ का ४० बर्षीय हस्त बहादुर राईलाई प्रहरीले हिजो पक्राउ गरेको हो । उनको साथबाट ६ सय ९० ग्राम लागुऔषध गाँजासहित पक्राउ गरिएको जिल्ला प्रहरी कार्यालय उदयपुरले जनाएको छ । राई माथि थप अनुसन्धान भइरहेको प्रहरीले जनाएको छ ।...

पूर्णपुष्टि, फागुन २७ उदयपुरमा आगलागी हँदा १८ लाख बराबरको क्षती पुगेको छ । ताप्ली गाउँपालिका ५ स्थित ४० बर्षिय पन्चे सार्कीको घरमा आगलागि हँदा घर सहित ३ ओटा मतान, गोठ, गोठमा रहेको २१ बाख्रा जलेर नष्ट भएको जिल्ला प्रहरी कार्यालय उदयपुरले जनाएको छ । घरमा रहेको ५० हजार नगद, लत्ता कपडा, सुन चाँदी र खाद्यन्न समेत पूर्ण रुपमा जलेर नष्ट भएको प्रहरीले जनाएको छ । फुसको छानो र ढुंगा माटोले बनेको २ तल्ले घरमा सोलार प्यानल सर्ट हुन गई आगलागी भएको प्रहरीको भनाई छ । आगलागिमा मानविय क्षेती भने भएको छैन । रुपाटार प्रहरी चौकी र स्थानीयहरुको सहयोगमा आगो नियन्त्रण गरिएको छ ।   ...

पूर्णपुष्टि, फागुन २७ सुनसरीमा मोटरसाईकलको ठक्करबाट एक जना पैदल यात्रीको मृत्यु भएको छ । ईनरुवा नगरपालिका– ८ डुम्राहा बस्ने ६० बर्षीया खट्रो उरावको मोटरसाईकलको ठक्करबाट मृत्यु भएको हो । बुधबार बेलुका साढे ५ बजे भोक्राहानरसिङ –४ स्थित पुर्ब–पश्चिम राजमार्गमा स ४ प ५७१३ नम्बरको मोटरसाईकलले ठक्कर दिँदा घाईते भएकी उरावको जिल्ला अस्पताल ईनरुवामा उपचारको क्रममा साँझ साढे ६ बजे मृत्यु भएको छ । सो दुर्घटनामा मोटरसाईकल चालक सप्तरी कैलाडी ६ बस्ने ५० बर्षीय शिव नारायण मण्डल समेत घाईते भई गोल्डेन अस्पताल विराटगरमा उपचार भईरहेको जिल्ला प्रहरी कार्यालय सुनसरीले जनाएको छ ।...

पूर्णपुष्टि, फागुन २७  ब्राजिलमा कोरोना महामारीपछि पहिलो पटक एकैदिन दुई हजारभन्दा बढीको मृत्यु भएको छ । बुधवार ब्राजिलमा कोरोना संक्रमणबाट दुई हजार दुई सय ८६ जनाको मृत्यु भएको अन्तराष्ट्रिय संचारमाध्यमले जनाएको छ । अमेरिकापछि ब्राजिलमा कोरोना सङ्क्रमणबाट मृत्यु हुनेको सङ्ख्या सबैभन्दा धेरै छ । कोरोनाबाट ब्राजिलमा अहिलेसम्म दुई लाख ६८ हजार तीन सय ७०जनाको मृत्यु भईसकेको छ । विशेषज्ञका अनुसार कोरोना भाइरसको नयाँ प्रकार भित्रिएसँगै सङ्क्रमण दर बढेको हो ।...