Month: ५ वर्ष अगाडि

पूर्णपुष्टि, भदौ १६ मेसिनको फित्ताले बेरिएर एक जना मजदुरको ज्यान गएको छ । तनहुँमा आज कञ्चनपुरको बेलौल नगरपालिका–९ का २१ वर्षीय केशव चौधरीको मेसिनको फित्ताले बेरिएर ज्यान गएको हो । शुक्लागण्डकी नगरपालिका–२ साँखरमा रहेको न्यू श्रेष्ठ ब्लक उद्योगमा कार्यरत चौधरी बिहान मेसिनको फित्तामा बेरिएको अवस्थामा फेला परेको इलाका प्रहरी कार्यालय बेल चौताराका प्रहरी निरीक्षक ज्ञानबहादुर खड्काले जानकारी दिनुभयो । स्थानीयवासीले मेसिनको फित्तामा बेरिएको फेला देखेपछि तनहुँ सेवा हस्पिटल दुलेगौँडामा उपचार गर्न ल्याएकोमा चिकित्सकले मृत घोषणा गरेको थियो । प्रहरी निरीक्षक खड्काका अनुसार मृतक चौधरी मेसिनमा एक्लै काम गर्दै आइरहेका थिए । घटनाको विषयमा थप अनुसन्धान भइरहेको प्रहरीले जनाएको छ ।...

पूर्णपुष्टि, भदौ १६ झापा अर्जुनधारा ४ मदनपुर स्थितबाट लागुऔषध खैरोहिरोईन ब्राउनसुगर सहित तिन जनालाई प्रहरीले पक्राउ गरेको छ । पक्राउ पर्नेमा अर्जुनधारा–२ का १८ बर्षीय एबिट बुढाथोकी,३० बर्षीय सजित समाल र अर्जुनधारा–३ का २६ बर्षीय सौगात खतिवडा रहेका छन । उनिहरुलाई बिशेष सुचनाका आधारमा ईलाका प्रहरी कार्यालय अनारमनी र लागुऔषध नियन्त्रण ब्युरो काकडभिट्टाबाट खटिएको प्रहरी टोलीले मंगलबार ७ ग्राम खैरोहिरोईन ब्राउनसुगर सहित पक्राउ गरेको हो । साथै उनिहरुको साथबाट नगद रु.४९ हजार ५ सय रुपैया समेत प्रहरीले बरामद गरेको छ । पक्राउ परेका तिनै जनाको थप अनुसन्धान भईरहेको र लागुऔषध मुद्धामा कानुनी कारबाही अगाडी बढाएको प्रहरीले जनाएको छ ।...

पूर्णपुष्टि, भदौ १६ बाटोमा भैँसीको मल राखेको विषयलाई दुई परिवार बीच झडप हुँदा एक महिलाका ज्यान गएको छ । सिरहाको कल्याणपुर नगरपालिका–१ डुमरीमा दुई परिवार बीचको झडपमा ६५ वर्षकी भाल्सैरदेवी यादवको ज्यान गएको हो । स्थानीय भाल्सैरदेवी यादव र जय यादव–श्रीदेव यादवको परिवारबीच झडप हुँदा भाल्सैरदेवीको ज्यान गएको जिल्ला प्रहरी कार्यालय सिरहाका प्रहरी नायव उपरीक्षक एवम् प्रवक्ता सुवास बुढाथोकीले जानकारी दिनुभयो । झडपमा जयकुमार यादव र श्रीदेव यादवले कुटपिट गर्दा यादवको घटनास्थल मै ज्यान गएको इलाका प्रहरी कार्यालय मिर्चैयाका प्रहरी नायव उपरीक्षक राजेन्द्र श्रेष्ठले बताउनुभयो । आरोपी जयकुमार यादव र श्रीदेव यादव फरार भएका छन् । घटनामा संलग्न सबैको तीव्र रुपमा  खोजी भैरहेको प्रहरीले जानकारी दिएको छ । मृतकको शव पोष्टमार्टमका लागि लहान स्थित रामकुमार उमाप्रसाद स्मारक अस्पताल लहानमा  राखिएको जिल्...

पूर्णपुष्टि, भदौ १६ मोरङमा पेस्तोलसहित प्रहरीले दुई युवकलाई पक्राउ गरेको छ । कानेपोखरी गाउँपालिका–६ शिवालय चोकबाट पेस्तोलसहित दुई जना युवक पक्राउ परेको हो । मंगलबार राति करिब सवा ११ बजे ३० वर्षीय रुद्रबहादुर क्षेत्रीलाई पक्राउ गरेको थियो । उनको बयानका आधारमा ३० वर्षीयय पूर्णबहादुर बोहरा समेत प्रहरीले पक्राउ गरेको हो । इलाका प्रहरी कार्यालय पथरी र सशस्त्र प्रहरी बल सुरक्षा बेस पथरीशनिश्चरेको टोलीले दुवैलाई नियन्त्रमा लिएको हो । प्रहरीका अनुसार क्षेत्रीले घरमै लुकाएर राखेको अवस्थामा पेस्तोल फेला परेको थियो । घरबाट मेड इन यूएसए लेखिएको एउटा पेस्तोल, तीन राउण्ड गोली र एउटा खुकुरी फेला परेको छ । दुवै जनालाई आवश्यक अनुसन्धान र कारबाहीका लागि इलाका प्रहरी कार्यालय पथरीमा राखिएको जिल्ला प्रहरी कार्यालय मोरङका प्रवक्ता डीएसपी दीपक श्रेष्ठले बताउनुभयो ।...

पूर्णपुष्टि, भदौ १६ भईमा लत्रिएको विद्युतीय तारमा परी करेन्ट लागेर सप्तरीमा एक जना ९ वर्षीय बालकको ज्यान गएको छ । डाक्नेश्वरी नगरपालिका–१० रंजितपुर निवासी पवन यादको गोठमा विद्युतीय तार लत्रेको थियो । लत्रेको नाङो तारबाट करेन्ट लाग्दा उनका ९ वर्षीय छोरा अर्जुनको ज्यान गएको हो । गोठमा खेल्ने क्रममा लत्रिएको विद्युतको नाङो तारबाट  बालकलाई करेन्ट लाग्दा उन गम्भीर घाईते भएको जिल्ला प्रहरी कार्यालय सप्तरीले जनाएको छ । करेन्ट लागेर गम्भीर घाईते भएका बकालकलाई उपचारका लागि कल्याणपुरतर्फ लाग्ने क्रममा बाटोमै ज्यान गएको सप्तरी प्रहरीका प्रवक्ता एवं डीएसपी माधवप्रसाद काफ्लेले जानकारी दिनुभयो । मृतकको शवलाई पोष्टमार्टमका लागि गजेन्द्रनारायण सिंह अस्पताल राजविराज ल्याइएको र अन्य अनुसन्धान भइरहेको प्रहरीले जनाएको छ ।...

पूर्णपुष्टि, भदौ १६ अर्घाखाँचीको पाणिनी गाउँपालिका–७ अडगुरीमा पहिरोले एक घर पुर्दा एक बालिकाको मृत्यु भएको छ भने घरका तिन जना घाईते भएका छन् । पहिरोमा परी जिवलाल सुनारको ९ बर्षकी छोरीको मृत्यु भएको जिल्ला प्रहरी कार्यलयले जनाएको छ। प्रहरी नायब उपरीक्षक अम्बरबहादुर थापाको अनुसार मंगलबार साझँ घर माथिबाट पहिरो खस्दा बालिकाको घटना स्थलमै  मृत्यु भएको  र तिन जना भने समान्य  घाईते भएका छन् । उनिहरुको स्थानिय मेडिकलमा उपचार भईरहेको थापाले बताएका छन् ।...