Month: ३ वर्ष अगाडि

पूर्णपुष्टि, पुष २६ । प्रधानमन्त्री पुष्पकमल दाहाल ‘प्रचण्ड’ले नेपालको संसदीय इतिहासमै सबैभन्दा वढी विश्वासको मत पाएका छन् । संविधानको धारा ७६ को उपधारा ४ अनुसार प्रचण्डले मंगलबार संसदमा विश्वासको मत लिएको हो । प्रधानमन्त्री प्रचण्डले विश्वासको मतको प्रस्तावको पक्षमा अर्थात हुन्छ भन्ने पक्षमा २६८ मत पाएको सभामुखको हैसियतमा रहेका जेयष्ठ सदस्य पशुपति शमशेर राणाले घोषणा गरे । यस्तै दुई सांसदले विपक्षमा मत दिए । मतदानमा २७० सांसद उपस्थित थिए । नेकपा (एमाले) सहित विभिन्न सात दल र स्वतन्त्र गरी १६९ जना सांसदको समर्थनमा प्रचण्ड पुस १० गते प्रधानमन्त्री नियुक्त भएका थिए । प्रधानमन्त्री नियुक्त भएको ३० दिनभित्र विश्वासको मत लिनु पर्ने संवैधानिक व्यवस्था छ। प्रधानमन्त्री प्रचण्डका विपक्षमा राष्ट्रिय जनमोर्चाका चित्रबहादुर केसी र नेपाल मजदुर किसान पार्टीका सांसद प्रेम सुवालले मात्र विपक्षमा...

पूर्णपुष्टि, पुष २६ । प्रतिनिधि सभा सांसद चित्र बहादुर केसीले भएभरका सांसदहरूले सरकारलाई समर्थन गरेर विचित्र चरित्र देखाएको बताएको छ । तर राष्ट्रिय जनमोर्चा प्रतिपक्षमै बस्ने र प्रधानमन्त्री पुष्पकमल दाहाल प्रचण्डलाई विश्वासको मत नदिने केसीले बताए । मंगलवार प्रतिनिधि सभाको बैठकमा उनले नेपाल आज बिचित्र भएको संघ्या दिनुभएको छ । भएभरका सबै सरकारमा सामेल हुने । सरकारमा सामेल हुने भनेपछि सरकारमा बस्नेलाई यहाँभन्दा हाइसञ्चो र आनन्द के होला ? उनले राष्ट्रिय जनमोर्चा एक्लै भए पनि प्रतिपक्षमा बस्ने बताए। ‘बलियो शक्तिशाली प्रतिपक्ष भएन भने त्यो सरकार निरंकुश हुन्छ। त्यसले जे मन लाग्यो त्यही गर्छ,’ उनले भने, ‘सबै सरकारमा सामेल भएर विगतमा भएका आफ्ना गल्ती ढाक्ने र त्यहीँभित्र लडेर एउटालाई पन्छाएर सरकारमा आउने त होइनरु यसो गरेर सरकार चल्छ? देश बन्छ?’...

पूर्णपुष्टि, पुष २६ गते । संखुवासभाको पाचखपन नगरपालिका–१ बाट भरुवा बन्दुक सहित प्रहरीले एक जनालाई पक्राउ गरेको छ । पक्राउ पर्नेमा स्थानिय ३८ बर्षीय टेक बहादुर राई रहेका छन् । घरमा नै अबैध रुपमा भरुवा बन्दुक राखेको भन्ने सूचनाको आधारमा राईलाई ईलाका प्रहरी कार्यालय वानाले पक्राउ गरेको हो । गत २० गते भरुवा बन्दुक र बन्दुकमा प्रयोग हुने बिष्फोटक पदार्थ सहित राई पक्राउ परेको जिल्ला प्रहरी कार्यालय संखुवासभाले जनाएको छ । पक्राउ परेका राईको सम्बन्धमा थप अनुसन्धान भईरहेको प्रहरीले जनाएको छ ।...

पूर्णपुष्टि, पुष २६ गते । झापा, मोरङ र सुनसरी जिल्लाका सिमावर्ति क्षेत्रबाट भन्सार छलि गरी नेपाल भित्र्याउदै गरेको सामान प्रहरीले बरामद गरेको छ । करिब ४ लाख ३८ हजार बराबरको सामान प्रहरीले बरामद गरेको छ । प्रहरीद्धारा बिभिन्न प्रकारका रेडिमेड कपडा, खाध्यान्नका सामग्री, ईलेक्ट्रोनिक्स समानहरु, खैनी तथा कस्मेटिक सामानहरु बरामद गरेको जनाएको छ । सुनसरी जिल्लाका बिभिन्न स्थानहरुबाट अन्दाजी १ लाख ७३ हजार रुपैयाँ बराबरको समान बरामद गरेको प्रहरीले जनाएको छ । यसैगरी मोरङ जिल्लाका बिभिन्न स्थानहरुबाट १ लाख ५० हजार रुपैयाँ बराबरको र झापा जिल्लाबाट १ लाख १५ हजार रुपैयाँ बराबरको समान बरामद गरेको छ । बरामद भएका अवैध सामग्रीहरु आवश्यक कारवाहीको लागी सम्बन्धीत भन्सार कार्यालयहरुमा पठाएको प्रहरीले जनाएको छ ।...

पूर्णपुष्टि, पुष २६ । बालिका बलात्कारको आरोपमा उदयपुरका एक युवालाई प्रहरीले ललितपुरबाट पक्राउ गरेको छ । ललितपुर महानगरपालिका–२८ हरिसिद्धी बस्ने २८ वर्षीय सुरेन्द्र बहादुर राईलाई प्रहरीले पक्राउ गरेको हो । शुक्रवार १२ वर्षीया बालिकालाई आफ्नै कोठामा लगेस बलात्कार गरेको उजुरीको आधारमा राईलाई प्रहरी वृत्त सातदोबाटोबाट खटिएको प्रहरीले पक्राउ गरेको प्रहरीले जनाएको छ ।...

पूर्णपुष्टि, पुष २६ । नेपाली कांग्रेसले प्रधानमन्त्री पुष्पकमल दाहाल प्रचण्डलाई विश्वारको मत दिने भएको छ । मंलवार पार्टि कार्यालयको केन्द्रीय कार्यसम्पादन समितिको बैठकले दाहाललाई विश्वासको मत दिेन निर्णय गरेको पार्टीका सह महामन्त्री महेन्द्र यादवले जनाएको छ । सरकारलाई समर्थन गरेपनि कांग्रेस प्रतिपक्षमै रहनेछ । बैठकमा महामन्त्रीद्वय गगनकुमार थापा र विश्वप्रकाश शर्मा भने सरकारलाई विश्वासको मत दिन नहुने पक्षमा रहेका थिए । यही पुस १० गते नियुक्त भएका प्रधानमन्त्री दाहालले अबको केहीबरेमै प्रतिनिधिसभाको बैठकमा विश्वासको मत लिँदैछ । नेकपा माओवादी केन्द्रका अध्यक्षसमेत रहेका प्रचण्ड माओवादीसहित नेकपा एमाले, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी, जनमत पार्टी, नागरिक उन्मुक्ति पार्टीसहित केही स्वतन्त्र सांसदको समर्थनमा प्रधानमन्त्री बनेका हुन् । ...

पूर्णपुष्टि, पुष २६ । नेपाली बजारमा सुनको मूल्य प्रति तोलामा ४ सया रुपैयाँले घटेको छ । नेपाल सुनचाँदी व्यवसायी महासङ्घका अनुसार आज छापावाल सुनको मूल्य तोलामा एक लाख तीन हजार पाँच सय कायम रहेको जनाएको छ । यस्तै तेजाबी सुन आज तोलामा एक लाख तीन हजार कायम भएको छ। त्यस्तै आज चाँदीको मूल्य अघिल्लो कारोबार मूल्यका तुलनामा रु २५ ले घटेको छ। आज चाँदी प्रतितोला एक हजार ३६५ तोकिएको महासङ्घले जनाएको छ। महासङ्घले अन्तर्राष्ट्रिय बजारमा हुने सुन तथा चाँदीको कारोबार मूल्यका आधारमा यहाँ दैनिक मूल्य तोक्दै आएको छ।...

पूर्णपुष्टि, पुष २६ गते । मोरङ र सुनसरी जिल्लाका बिभिन्न स्थानहरुबाट लागुऔषध सहित प्रहरीले ६ जनालाई पक्राउ गरेको छ । पक्राउ पर्नेहरुमा शहिदभुमि गाउँपालिका–२ का ३६ बर्षीय टेक बहादुर राई, कागेश्वरी मनहरा नगरपालिका–२ काठमाण्डौका ४० बर्षीय प्रकाश चन्द्र राई, लेटाङ नगरपालिका–२ का २४ बर्षीय हेमन लिम्बु, लेटाङ नगरपालिका–३ का २५ बर्षीय सुजन लिम्बु, ईटहरी उप–महानगरपालिका–१० का १९ बर्षीय संदिप चौधरी र बर्जु गाउँपालिका–४ का २४ बर्षीय रोहित पौदार रहेका छन् । बिराटनगर–१५ स्थित लागुऔषध नियन्त्रण ब्युरो बिराटनगरबाट खटिएको प्रहरी टोलीले टेक बहादुर राई र प्रकाश चन्द्र राईलाई ब्राउन सुगर ८० मिलिग्राम सहित पक्राउ गरेको हो । सोमबार दिउँसो बिराटनगर–१६ बाट प्रहरीले हेमन लिम्बु र सुजन लिम्बुलाई लुपिजेशिक–४ एम्पुल, एभिल–४ एम्पुल, डाईजेपाम–४ एम्पुल, फेनरगन–४ एम्पुल,NITRAZEPAM–१० चक्की सहित पक्राउ गरेको हो ।...

पूर्णपुष्टि, पुष २६ गते । बैकिङ कसुर मुद्धा र चेक अनादर मुद्दाको फरार महिलालाई प्रहरीले पक्राउ गरेको छ । पक्राउ पर्नेमा इटहरी उप–महानगरपालिका–९ बस्ने ४४ बर्षीया सिता कुमारी भेटवाल पोखरेल रहेकी छिन् । बिराटनगर मोरङको उच्च अदालतको मिति २०७९÷०३÷०१ गतेको निर्धारण फैसला आदेशले ५ लाख रुपैया जरिवाना तोकेको थियो भने चेक अनादर मुद्दामा सुनसरी अदालत ईनरुवाको मिति २०७९÷०२÷०७ गतेको फैसला आदेशले ३ महिना कैद, ३ हजार रुपैया जरिवान तोकेता पनी उनि फरार रहँदै आएकी थिईन् । पोखरेललाई गाँउघरमा नै लुकीछिपी बसेको अवस्थामा १ नम्बर प्रदेश प्रहरी कार्यालय बिराटनगर (RIT) समुहको प्रहरी टोलीले पक्राउ गरेको हो । प्रहरीले पोखरेललाई सुनसरी जिल्ला अदालतमा दाखिला गरी कैद भुक्तानको लागि झुम्का कारागार पठाईएको छ ।...

पूर्णपुष्टि, पुष २६ गते । मोरङको सुन्दरहरैचा नगरपालिका–११ सितुमारी स्थित भित्री सडक खण्डमा ट्याक्टर दुर्घटना हुँदा चालको मृत्यु भएको छ भने सहचालक घाईते भएका छन् । मृत्यु हुनेमा २५ बर्षीय अनिल चौधरी रहेका छन् । सोमबार बिहान साढे ९ बजे उत्तरबाट दक्षिण तर्फ बालुवा बोकेर जाँदै गरेको को २ त ५८२२ नम्बरको ट्याक्टर आफै अनियन्त्रित भई दुर्घटना भएको थियो । दुर्घटनाबाट चालक चौधरी र सहचालक २० बर्षीय रुपेश रिषिदेब घाईते भएका थिए । घाईते भएका चौधरीको उपचारको क्रममा नोबेल अस्पताल बिराटनगरमा मृत्यु भएको प्रहरीले जनाएको छ । रिषिदेबको भने सोही अस्पतालमा उपचार भईरहेको ईलाका प्रहरी कार्यालय बेलवारीले जनाएको छ ।...