Month: ३ वर्ष अगाडि

पूर्णपुष्टि, पुष २६ । मलेसियामा बन्धक बनाइएको १३ नेपाली नागरिकाको उद्धार गरि नेपाल ल्याउन लागिएको छ । मंलवार नेपाली दूतावसले १३ मध्य ६ जनालाई उद्धार गरि स्वदेश फर्काउन लागेको हो । बाँकी ७ जना शुक्रबार फर्किने छन्। मलेसियाको पीआरएस फरेस्ट म्यानेजमेन्ट नामक कम्पनीमा कार्यरत उनीहरुलाई विगत एकसातादेखि बन्धक बनाइएको समाचार सार्वजनिक भएको थियो। समाचार बाहिरिएपछि हिजो प्रधानमन्त्री पुष्पकमल दाहाल ‘प्रचण्ड’ले बन्धक बनाइएका र अन्य समस्यामा परेका नेपालीहरुको अवस्था बुझि तत्काल रिहाइ तथा उद्दारको पहल गर्न मुख्यसचिव शंकरदास बैरागीलाई निर्देशन दिएका थिए। दूतावासका अनुसार उद्धारपछि हाल उनीहरुलाई म्यानपावर कम्पनीले खर्च व्यहोर्ने गरी एक नेपाली होटलमा खाने र बस्ने व्यवस्था गरिएको छ।...

पूर्णपुष्टि, पुष२६ । आज १० जनवरीको दिन विश्व इतिहासमा विभिन्न सामाजिक तथा राजनीतिक घटनाक्रम विकसित भएका थिए । ईतिहासमा बिभिन्न घट्नाहरु समावेस छन् । केही महत्वपूर्ण घटनाः राष्ट्रसंघको महासभाको पहिलो बैठक सन् १९४६ को १० जनवरीमा संयुक्त राष्ट्रसंघको महासभाको पहिलो बैठक बसेको थियो । बैठकमा ५१ देशका प्रतिनिधिहरूको उपस्थिति थियो । चर्चित हास्य पुस्तक प्रकाशन सन् १९२९ को १० जनवरीमा हास्य पुस्तक एडभेन्चर अफ टिनटिन प्रकाशित भएको थियो । सो पुस्तक युरोप र संसारका अन्य भागमा निकै चर्चित बनेको थियो । प्रथम विश्व युद्धको औपचारिक अन्त्य सन् १९२० को १० जनवरीमा ट्रिटी अफ भर्साईल्समा हस्ताक्षर भएको थियो । पहिलो विश्व युद्ध अन्त्यका लागि सन् १९१८ को ११ नोभेम्बरमा युद्धविराम भएको थियो । तर भर्साईल्स सन्धीपछि मात्र सो युद्ध औपचारिक रुपमा अन्त्य भएको थियो । लिग अफ नेसन स्थापना सन् १९२० को १० जन...

पूर्णपुष्टि, पुष २६ । आदिवासी जनजति समुदायको छाता संगठन नेपाल आदिवासी जनजाति महासंघ (नेफिन)ले पुस २७ गते सार्वजनिक बिदा दिने गरेको सरकारको निर्णयप्रति आपत्ति जनाएको छ । सोमबार पत्रकार सम्मेलन गरी महासंघका अध्यक्ष गेल्जे शेर्पाले पृथ्वी जयन्तीमा बिदा दिने सरकारको निर्णयको विरोध गरेको हो । मन्त्री तथा सांसदको शपथ ग्रहणमा दौरा सुरुवाललाई राष्ट्रिय पोशाक र नेपालीलाई राष्ट्रभाषा बनाउने गरी क्रियाकलाप भएको भन्दै उनले आपत्ति जनाए । अध्यक्ष शेर्पाले भने यो बहुभाषिक, बहुसाँस्कृतिक, बहुधार्मिक, बहुराष्ट्रियता र बहुजातीयता विपरीत छ । राज्यको पछिल्लो गतिविधि ऐतिहासिक जनआन्दोलन, जनयुद्ध, मधेश विद्रोह, थरुहट आन्दोलन र आदिवासी आन्दोलनबाट प्राप्त उपलब्धिहरू गणतन्त्र, संघीयता, धर्म निरपेक्षता र समानुपातिक समावेशी व्यवस्था विपरीत भएको पनि महासंघले आरोप लगाएको छ।...

पूर्णपुष्टि, पुष २६ । प्रधानमन्त्री पुष्पकमल दाहाल प्रचण्डले आज प्रतिनिधिसभाबाट विश्वासको मत लिँदैछन् । मंलवार विहान ११ बजे बस्ने संसद बैठकमा प्रचण्डले विश्वासको मत लिने कार्यसूची रहेको छ । पुसको १० गते प्रधानमन्त्रीमा नियुक्त भएर ११ गते शपथ लिएका प्रचण्डले आज विश्वासको मत लिन लागेको हो । प्रधानमन्त्री नियुक्त हुने बेलामा प्रचण्डलाई ३२ सिट भएको नेकपा माओवादी केन्द्र, ७८ सिटको एमाले, २० सिटको राष्ट्रिय स्वतन्त्र पार्टी, १४ सिटको राप्रपा, १२ सिटको जसपा, त्यसैगरी जनमत पार्टी र नागरिक उन्मुक्ती पार्टी तथा केहि स्वतन्त्र समेत गरेर १ सय ६९ जना सांसदको साथ थियो । विश्वासको मत लिँदा यो संख्या १ सय ८० पुग्ने एमाले अध्यक्ष केपी शर्मा ओलीले बताइसकेका छन् । सोमवार साँझ देउवा निवास पुगेका प्रचण्डले गठबन्धन टुटे पनि आफूले कांग्रेससँगको गठबन्धनबाट जितेको नभुलेको भन्दै विश्वासको मत दिन आग्रह गरेका...

पूर्णपुष्टि, पुष २५ गते । सुनसरीको धरान उपमहानगर–पालिका–१३ स्थितबाट लागुऔषध गाँजा सहित एक जनालाई प्रहरीले पक्राउ गरेको छ । पक्राउ पर्नेमा धरान उपमहानगर–पालिका १३, का स्थानिय ४७ बर्षीय पर्शुराम गुरुङ रहेका छन् । बिशेष सुचनाको आधारमा १ नम्बर प्रदेश प्रहरी कार्यालय बिराटनगर RIT समुह र इलाका प्रहरी कार्यालय धरानबाट सादा पोसाकमा खटिएको प्रहरी टोलीले गुरुङलाई पक्राउ गरेको हो । गुरुङको घरमा खानतालसी गर्दा र को.१ ह १८५६ नम्बरको अटो टेम्पोमा लुकाई छिपाई राखेको १७ किलो २०० ग्राम गाँजा प्रहरीले बरामद गरेको जनाएको छ । पक्राउ परेका गुरुङको इलाका प्रहरी कार्यालय धरानबाट थप अनुसन्धान भईरहेको छ ।...

पूर्णपुष्टि, पुष २५ । निरन्तर उकालो लागेको धितोपत्र दोस्रो बजार मापक नेप्से परिसूचक २२ सय विन्दु पार गरेको छ । पछिल्ला चार कारोबार दिनमा नेप्से परिसूचक १५०.६९ अंकले वृद्धि भएको हो । साताको दोस्रो कारोबार सोमबार आज नेप्से आइतबारको तुलनामा ४७.१५ अंकले वृद्धि भएर २२११.७६ विन्दुमा पुगेको छ । आज कारोबार रकम भने घटेको छ । आज २५७ धितोपत्रको एक करोड ७६ लाख ७६ हजार २०६ कित्ता पाँच अर्ब ३१ करोड ४३ लाख रुपैयाँमा खरिद–बिक्री भएको छ । आइतबार ५ अर्ब ४६ करोड रुपैयाँको कारोबार भएको थियो । पुस मसान्तमा बैंकको ऋण र सरकारी कर तिर्नुपर्ने हुन्छ । तर, पछिल्लो समय बजारमा त्यस्तो देखिँदैन । पछिल्लो समय बजार लगातार उकालो लागेको छ । बजार लगातार बढ्दै जाँदा नयाँ लगानीकर्ताहरू पनि उत्साहित हुने गर्छन् । त्यसले पनि बजारमा सकारात्मक प्रभाव देखिएको छ । यसदिन स्वाभिमान लघुवित्त वित्तीय संस्था र धौलागिरी लघुवित्त व...

पूर्णपुष्टि, पुष २५ गते । झापाको छुट्टा छुट्टै दुई स्थानबाट प्रतिबन्धित लागुऔषध सहित दुई जनालाई प्रहरीले पक्राउ गरेको छ । पक्राउ पर्नेमा २३ बर्षीय ओम पोर्तेल र २२ बर्षीय महमद सवर अन्सारी रहेका छन् । हिजो दिउसो १ बजे ईलाका प्रहरी कार्यालय काँकरभिट्टा र लागुऔषध नियन्त्रण ब्युरो काँकरभिट्टाबाट खटिएको प्रहरी टोलीले मेचीनगर नगरपालिका–७ स्थित चेकजाँच गर्ने क्रममा लागुऔषध खैरो हिरोईन १ ग्राम सहित पोर्तेलाई नियन्त्रणमा लिएको हो । त्यसै गरि हिजो अपरान्ह ४ बजे लागुऔषध नियन्त्रण ब्युरो काँकडभिट्टाबाट खटिएको प्रहरी टोलीले चेकजाँच गर्ने क्रममा भद्रपुर नगरपालिका–४ स्थित चेकजाँच गर्ने क्रममा ब्राउन सुगर १६ ग्राम ६ सय मिलिग्राम सहित अन्सारीलाई नियन्त्रणमा लिएको हो । पक्राउ परेका दुबै जनाको सम्बन्धमा प्रहरीले थप अनुसन्धान गरिरहेको छ ।...

पूर्णपुष्टि, पुष २५ गते । भोजपुरको षडानन्द नगरपालिका–६ स्थितबाट कटुवा पेस्तोल सहित एक जनालाई प्रहरीले पक्राउ गरेको छ । पक्राउ पर्नेमा षडानन्द नगरपालिका–६ का ६७ बर्षीय कुमार चाम्लिङ रहेका छन ।हिजो बेलुकी ४ बजे कटुवा पेस्तोल देखाई स्थानिय ब्यक्तिलाई धाक धम्कि दिई रहेको भन्ने सुचना प्राप्त हुनासाथ इलाका प्रहरी कार्यालय दिङ्लाबाट खटिएको प्रहरी टोलीले चाम्लिङलाई कटुवा पेस्तोल सहित पक्राउ गरेको हो । पेस्तोल सहित पक्राउ परेका चाम्लिङको जिल्ला प्रहरी कार्यालय भोजपुरबाट थप अनुसन्धान भईरहेको छ ।...

पूर्णपुष्टि, पुष २५ । उदयपुरको चौदण्डीमा बिपन्न,अशक्त र जेष्ठ नागरिकहरुलाई सिरक वितरण गरेको छ । आईतवार वडा नं. ६ले एक औपचारीका कार्यक्रमको आयोजना गरी स्थानीय जेष्ठ नागरिकहरुलाई न्यानो सिरक र झुल वितरण गरेको हो । वडा आसपास क्षेत्रमा बासोवार गर्ने २० जना बिपन्न अशक्त र जेष्ठ नागरिकहरुलाई सम्मान स्वरुप वडाले कपडा वितरण गरेको वडा अध्यक्ष अम्बर बहादुर खड्काले बताएको छ । सिरक र झुल बितरण कार्यक्रममा जिल्ला समन्वय समिती सदस्य मन्जु पारीयार, वडा अध्यक्ष अम्बर बहादुर खड्का, वडा सदस्य कमल कार्की, गीता खड्का, वडा सचिव पुष्कल राइ लगायतको उपस्थिती रहेको थियो।...

पुजा राजधामी गाईघाट–विद्युत प्राधिकरणको चरम लापरवाहीमा परी देशकै सबैभन्दा ठुलो उद्योग उदयपुर सिमेण्ट उद्योगले सातादिनमा अढाई करोड नोक्सान व्यहोर्नु परेको जनाएको छ । उत्पादन र विक्रीका हिसावले उद्योग नाफामै रहेपनि प्राधिकरणबाट नियमित विजुली आपुर्ति नहुदा एक सातामै २ करोड ५० लाख नोक्सान व्यहोर्नु परेको उद्योगका नायब महाप्रबन्धक तथा प्लाण्ट महाशाखा प्रमुख नवलकिशोर साहले बताए । उद्योगको बैंक मौजाद अहिलेपनि ५ करोड बढि रहेको साहले बताए । अघिल्लो आर्थिक बर्षमा २५ करोड मुनाफा गरेको उद्योगले यो बर्ष बिद्युत समस्याका कारण सोचेअनुरुप मुनाफा गर्न सक्ने अबस्था नदेखिएको साहले बताए । प्राधिकरणले उद्योगलाई २४ घण्टा बिद्युत आपुर्ति उपलब्ध गराउने आश्वसन दिएपनि दैनिक सरदर १५ घण्टाभन्दा बढि उपलब्ध गराउन नसकेको गुनासो उनले गरे । साहका अनुसार उद्योगले गति लिएकै बेला दैनिक १० देखि १२ पटक बत्ति जाने आ...