Author: पूर्णपुष्टि खबर

पूर्णपुष्टि, जेठ ६ । सुनसरीमा सिटिसँग साईकल ठोक्किएको निहुमा एक युवाको हत्या भएको छ । इटहरी उप–महानगरपालिका–७ का २८ बर्षीय भिम भनिने राम कुमार पण्डितको हत्या आरोपमा इटहरी–७ का ३३ बर्षीय उमेश चौधरीलाई प्रहरीले पक्राउ गरेको छ । कोशी प्रदेश प्रहरी कार्यालय बिराटनगरका अनुसार शनिबार बेलुका साढे ५ बजे इटहरी–७ स्थितमा इटहरी उप–म.न.पा. ००१ ह ०३५ नम्वरको सिटी सफारी र साईकल एक आपसमा ठोक्किएको थियो । सामान्य दुर्घटनाको निहुको विषयमा विवाद हुँदा चौधरीले खुकुरी प्रहार गरी पण्डितको हत्या गरेको प्रहरीले जनाएको छ । चौधरीले पण्डितको शरिरको बिभिन्न भागमा खुकुरी प्रहार गर्दा उनको घटना स्थलमै मृत्यु भएको प्रहरीको भनाई छ । घटनामा संलग्न चौधरीलाई इलाका प्रहरी कार्यालय इटहरीले नियन्त्रणमा लिएको छ भने घटना सम्बन्धमा थप अनुसन्धान भईरहेको प्रहरीले जनाएको छ ।...

पूर्णपुष्टि, जेठ ६ । उपप्रधान तथा गृहमन्त्री रवी लामिछानेलाई संसदमा विपक्षी दलले बोल्न दिने भएको छ । आज बिहान नेपाली कांग्रेसका सभापती शेरबहादुर देउवाले बोलाएको विपक्षी दलहरुको साझा बैठकले आज गृहमन्त्री लामिछानेलाई संसदमा बोल्न दिने निर्णय गरेको हो । विपक्षी दलहरुको साझा प्रस्तुतिबारे छलफल गर्न देउवाले आज बिहान संसद भवन नयाँ बानेश्वरमा विपक्षी दलका नेताहरुको संयुक्त बैठक बोलाएका थिए । संसदमा गृहमन्त्रीको जवाफ सुनेपछि चित्त बुझे संसद कार्यसुचीमा अगाडी बढ्ने नभए प्रधानमन्त्रीले भोलि लिने विश्वासको मत समेत प्रभावित हुने कांग्रेसका एक नेताले बताए । सहकारीको संस्थाको रकम हिनामिना प्रकरणमा मुछिएका उपप्रधानमन्त्री एवं गृहमन्त्री रवि लामिछानेमाथि छानबिन गर्न संसदीय समिति गठन गर्नुपर्ने भन्दै कांग्रेसले संसद नै अवरुद्ध गर्दै आएको थियो भने अन्य विपक्षीदलले पनि कांग्रेसको मागलाई समर्थन गरेको छ ...

पूर्णपुष्टि, जेठ ६ । उदयपुरमा भयानक हावाहुरीसँगै आएको वर्षाका कारण विद्युत अवरुद्ध भएको छ । आज बिहान करिब ३ बजेर २० मिनेटको  समयमा भयानक हावाहुरीसँगै आएको वर्षाका कारण विद्युत अवरुद्ध भएको हो । विद्युत प्राधिकरण गाईघाट शाखाका प्रमुख विजयबाबु खत्रीले जिल्लाको विभिन्न ठाउँमा ३० वटा भन्दा बढी विद्युतिय पोल ढलेको जानकारी दिए । उनका अनुसार त्रियुगा नगरपालिका–६ जलजलेदेखी गाईघाट आउने मेन ११ हजार हाईटेन्सन विद्युतको ३ वटा पोलमा हावाहुरीका कारण रुख लड्दा क्षती भएको छ । त्यस्तै हडिया–जोगिदह ऐरियाको ७ वटा विद्युतिय पोल, चुहाडे ऐरियाको ३ वटा पोल, कटारी ऐरियाको ४ वटा पोल र साही खोला ऐरियाको ३ वटा पोल हावाहुरीका कारण क्षती भएको प्राधिकरणका प्रमुख खत्रीले बताए । त्यस्तै अन्य एल–टी साहायक विद्युतिय पोलहरुमा पनि क्षती पुगेको उनले बताए । हावाहरीबाट क्षती भएको पोल मध्ये गाईघाट आउने मेन विद्युत पालको मर...

पूर्णपुष्टि, जेठ ६ । उदयपुरमा आजदेखी ‘ए’ डिभिजन लिग फुटबल प्रतियोगिता-२०८१ हुँदैछ । गाईघाटस्थित थारुहट रंगशालामा आजदेखी ‘ए’ डिभिजन लिग सुरु हुने भएको हो । उदयपुर जिल्ला फुटबल संघले आयोजना गरेको लिगमा ८ टिमको सहभागिता रहेको छ । उक्त ८ टिमलाई ‘क’ र ‘ख’ गरी दुई समुहमा विभाजन गरिएको छ । समुह ‘क’ मा फुटबल क्लब बगाहा, साथि समुह, बेल्टार एकता युवा क्लब र गाईघाट फुटबल क्बल रहेको छ भने समुह ‘ख’ मा आदर्श युवा क्लब, फ्युजन फुटबल क्लब बोक्से, लालिगुराँस नव युवा क्लब र नव प्रभात नेपाल रहेको छ । आज हुने लिगको खेल बिहान ८ बजे फुटबल क्लब बगाहा र साथि समुहबिच हुनेछ । आजदेखी सुरु भएको प्रतियोगिता १५ गते सम्म संचालन हुनेछ ।...

पूर्णपुष्टि, जेठ ५ । उदयपुरको सदरमुकाम गाईघाटमा आत्महत्यान्यूनीकरण सम्वन्धी सचेतनामूलक कार्यक्रम सम्पन्न भएको छ । शनिबार जिल्ला प्रहरी कार्यालय उदयपुरको आयोजना तथा त्रियुगा नगरपालिका उदयपुरको सहकार्यमा बिभिन्न सांस्कृतिक कार्यक्रम, प्रभातफेरी र अन्तरक्रिया कार्यक्रम गर्दै सचेतनामूलक कार्यक्रम सम्पन्नभएको हो । पछिल्लो समय जिल्लामा लागु औषध दुर्व्यसनी, आत्महत्या र दुर्घटना बढ्दै गएको अवस्थामा यस्ता नकारात्मक गतिविधिलाई रोक्न जिल्ला प्रहरी कार्यालय उदयपुरले विभिन्न खाले कार्यक्रमहरू आयोजना गर्दै आएको छ । प्रमुख जिल्ला अधिकारी हरि प्रसाद धिमिरेज्यूको अध्यक्षता तथा त्रियुगा नगरपलिकाका नगर प्रमुख बसन्त कुमार बस्नेतज्यूको प्रमुख आतिथ्यता सम्पन्न कार्यक्रममा आत्महत्या रोकथाम सम्बन्धी सन्देशमुलक भिडियो डकुमेन्ट्रि सडकनाटक,साहित्यिक संस्कृतिक प्रदर्शनी समेत गरिएको थियो । कार्यक्रममा जिल्ला प्र...

पूर्णपुष्टि, ५ जेठ । नेपाल प्रहरीका ४ जना प्रहरी वरिष्ठ उपरीक्षक (एसएसपी) प्रहरी नायब महानिरीक्षक (डीआईजी) मा बढुवाका लागी सिफारिस भएका छन् । गृह मन्त्रालय बढुवा समिति सचिवालयको बैठकले शुक्रबार एसएसपी कृष्णहरि शर्मा पोखरेल, दानबहादुर कार्की, डा। मनोजकुमार केसी र राजन अधिकारीलाई बढुवा गर्न सिफारिस गरेको हो । बढुवा भएकामध्ये पोखरेल त्रिभुवन अन्तर्राष्ट्रिय विमानस्थलमा कार्यरत् छन् भने कार्की, केसी र अधिकारी प्रहरी प्रधान कार्यालयमा कार्यरत् छन् ।  ...

पूर्णपुष्टि, जेठ ५ । सुनसरीमा विपन्न परिवारका २० घरपरिवारलाई नयाँ घर निर्माण गरी हस्तान्तरण गरिएको छ । सुनसरीको गढी गाउँपालिका वडा नम्बर २ झोराटोल औराबनीस्थित महिला, बालबालिका तथा ज्येष्ठ नागरिक मन्त्री भगबती चौधरीले आज एक कार्यक्रमकाबिच निर्माण भएको भवन हस्तान्तरण गरेका हुन् । त्यहाँस्थित भूमिहीन दलित–आदिवासी जनजाति तथा अति विपन्न परिवारहरूका लागि सुरक्षित भूमि (भूमिहीन परिवारलाई भूमिको स्वामित्व हस्तान्तरण गर्ने गरी) र सुरक्षित आवास निर्माण गर्ने उद्देश्यले सुरक्षित आवास परियोजना अन्तर्गत गढी गाउँपालिका औराबनी, ह्याविट्याट फर ह्युम्यानिटी इन्टरनेशनल नेपाल र सङ्कल्प नेपालले संयुक्त रूपमा उक्त भवन निर्माण सम्पन्न गरेको हो । गढी गाउँपालिकाले उपलब्ध गराएको जग्गामा भवन निर्माण गरी विपन्न परिवारलाई हस्तान्तरण गरिएको हो । २०७९ पुस २० गते सम्झौता भएको उक्त परियोजना २०८० फागुन २५ गते सम्पन्...

पूर्णपुष्टि, जेष्ठ ४ । सुनसरीको रामधुनी नगरपालिका–६ ईचौल स्थितमा लागुऔषध ओसार पसारमा संलग्न २ जनालाई गोली प्रहार गरी प्रहरीले नियन्त्रणमा लिएको छ । लागुऔषध ओसार पसारमा संलग्न सप्तकोशी नगरपालिका–५ सप्तरीका ३५ बर्षिय श्याम सुन्दर खंग र ईटहरी उप–महानगरपालिका–५ सुनसरीका ४० बर्षिय श्याम प्रसाद निरौलालाई गोली प्रहार गरी पक्राउ गरिएको कोशी प्रदेश प्रहरी कार्यालय बिराटनगरले जनाएको छ । । बिहिबार साझँ लागुऔषध ब्राउनसुगरको ओसार पसार भइरहेको भन्ने बिशेष सूचनाको आधारमा खटिएको प्रहरी टोलीले संकास्पद अवस्थामा रहेका उनिहरुलाई चेक जाँच गर्दा प्रहरी माथी नै आक्रमण गरेको प्रहरीको भनाई छ । त्यस पश्चात प्रहरीले प्रतिकार स्वरुप १ राउण्ड गोली प्रहार गर्दा खंगको पिडुँलामा लागि घाईते भएको र संलग्न दुवै जनालाई २१० ग्राम ७३० मिलिग्राम लागुऔषध ब्राउनसुगर सहित नियन्त्रणमा लिएको प्रहरीले जनाएको छ । गोली लागी घाईत...

पूर्णपुष्टि, जेष्ठ ४ । कैलालीको घोडाघोडी नगरपालिका–४ स्थित नयाँ बाटो पुनर्स्थापना केन्द्रमा एक युवकको हत्या गरेको आरोपमा संञ्चालक सहित १७ जना पक्राउ परेका छन् । पक्राउ पर्नेमा पुनस्र्थापना केन्द्रका सञ्चालक बलराम खत्री सहित होम तामाङ, रोशन ऐर, विपुल सापकोटा, विनोद शाही, सुदर्शन अधिकारी, भूपेन्द्र खड्का, आकाश अधिकारी, नविन रावल, नमराज चौधरी, सञ्जिव मन्ने, सुमन भट्ट, गौरव आचार्य, कमल रिजाल र दुई जना नाबालक छन् । वैशाख २५ मा दिउँसो सुधार केन्द्रका सञ्चालक र आश्रितहरूले कुटेर २५ वर्षीय सुनिल शाहीको हत्या गरेको अनुसन्धाबाट खुलेको जिल्ला प्रहरी कार्यालय कैलालीका सूचना अधिकारी (डीएसपी) कवीन्द्र बोहराले जनाएको छ । उनीहरु विरुद्ध ज्यानसम्बन्धी कसुरमा अदालतबाट म्याद लिएर अनुसन्धान भइरहेको डीएसपी बोहराले जानकारी दिए ।...