Author: पूर्णपुष्टि खबर

काठमाडौँ, चैत १० । नेपालगञ्ज विमानस्थल नजिकै प्लाष्टिकमा बेरेको अवस्थामा आज एक युवकको शव फेला परेको छ । नेपालगञ्ज उपमहानगरपालिका–२० राँझास्थित नेपालगञ्ज विमानस्थल परिसरको पूर्वी कम्पाउण्ड बाहिर ती युवकको शव फेला परेको जिल्ला प्रहरी कार्यालयले जनाएको छ । सुर्खेतका ३० वर्षीय बालकृष्ण ओलीको शव प्लाष्टिकले बेरेको अवस्थामा फेला परेको प्रहरी नायब उपरीक्षक मधुसुदन न्यौपानेले जानकारी दिनुभयो । घटनाबारे अनुसन्धान भइरहेको र उनका आफन्त अझै सम्पर्कमा नआएकाले शव भेरी अस्पतालमा राखिएको उहाँको भनाइ थियो । रासस...

काठमाण्डौँ, चैत १० प्रधानमन्त्री शेरबहादुर देउवाले तनहुँको ऋषिङ गाउँपालिका–१ झापुटारमा निर्माणाधीन १४० मेगावाट क्षमताको तनहुँ जलविद्युत् आयोजनाको निरीक्षण गरी आयोजना समयमै सम्पन्न गरिसक्न निर्देशन दिनुभएको छ । प्रधानमन्त्री देउवाले आज आयोजनाको बाँधस्थल, विद्युत्गृहलगायतको निरीक्षणपछि समयमै काम सम्पन्न गर्नेतर्फ ध्यान दिन निर्देशन दिनुभएको हो । सो क्रममा प्रधानमन्त्री देउवाले आयोजनाको हालसम्म भएका कामको प्रगतिबारे जानकारी लिनुभएकोे थियो । प्रधानमन्त्री देउवाले आयोजना निर्माणका लागि सरकारको तर्फबाट आवश्यक सबै सहयोग रहने प्रतिबद्धता पनि त्यस अवसरमा व्यक्त गर्नुभयो । आज तनहुँका केही कार्यक्रममा सहभागी हुन आउनुभएका प्रधानमन्त्री देउवाले राष्ट्रिय गौरवको आयोजनाका रुपमा रहेको जलविद्युत् आयोजनाको निरीक्षण गर्नुभएको हो । आयोजनाको प्रवद्र्धक कम्पनी तनहुँ हाइड्रोपावर लिमिटेडका प्रबन्ध...

पूर्णपुष्टि, चैत १० । उदयपुरमा मदन भण्डारी आँखा अस्पताल उद्घाटनका लागि भोली नेपाल कम्युनिष्ट पार्टी (एमाले) का अध्यक्ष केपी शर्मा ओली उदयपुर आउने भएको छ । नेपाल नेत्र ज्योति संघ उदयपुरले पत्रकार सम्मेलन गरि आँखा अस्पताल उद्घाटनका सबै प्रक्रिया पुरा भएको हुँदा ओली गाईघाट आउने भएको जनाकारी दिएको हो । आज बिहिबार बिहान ९बजे अस्पतालकै परिसरमा पत्रकार सम्मेलन गरि भौतिक पूर्वाधारसहित मेजर आँखा उपचार सेवा भोलिबाट नियमित हुने नेत्र ज्योति संघ उदयपुरको अध्यक्ष भागवत राउतले बताउनुभयो । जिल्लामा २०६० सालमा स्थापना गरेको नेत्र ज्योति संघले २०६५ सालबाट आँखा उपचार सेवा प्रदान गर्दै आएको छ । नेत्र ज्याति संघ र सगरमाथा चौधरी आँखा अस्पतालको प्राबिधिक सहयोगमा भाँडाको भबनबाट हालसम्म जिल्लाबाट १ लाख ७० हजार पाँच सय २८ जनाले सेवा लिईसकेको जनाएको छ । जसमध्ये ९२ हजार ९ सय ९९ जना महिला र ७७ हजार ५ सय २९ जना महि...

काठमाण्डौँ, चैत १० ऊर्जा, जलस्रोत तथा सिँचाइमन्त्री पम्फा भुसालले ऐतिहासिक विरासत बोकेको त्रिभुवन विश्वविद्यालयमा चुनौती चुलिँदै गएको बताउनुभएको छ । नेपाल राष्ट्रिय कर्मचारी सङ्गठन, त्रिभुवन विश्वविद्यालय केन्द्रीय समितिको चौथो राष्ट्रिय अधिवेशन उद्घाटन गर्दै उहाँले विश्वविद्यालयसम्बद्ध पक्षले गहन समीक्षा गरेर उत्पन्न चुनौतीलाई व्यवस्थापन गर्नेतर्फ लाग्न आग्रह गर्नुभयो । व्यक्तिले खोलेका शिक्षण संस्थाले नाफा कमाउने र त्यहाँ विद्यार्थीको भीड हुने तर त्रिभुवन विश्वविद्यालयका कुनै संकायमा विद्यार्थीभन्दा शिक्षक बढी हुने अवस्था कसरी आयो भन्दै मन्त्री भुसालले व्यवस्थापन, प्रशासन र प्राध्यापन तीनै क्षेत्रले जवाफ दिने अवस्था आएकोे बताउनुभयो । उहाँले भन्नुभयो, “एकले अर्कोलाई देखाउनेभन्दा पनि समस्या समाधान कसरी गर्ने भन्ने विषयमा विशेष ध्यान जानुपर्छ ।” जनताको कर र जनताका छोराछोरीले तिरेको ‘...

काठमाण्डौँ, चैत १० प्रधानमन्त्री शेरबहादुर देउवाले वर्तमान पाँच दलीय गठबन्धनलाई चुनावसम्म बचाएर लैजानुपर्ने अहिलेको आवश्यकता रहेको बताउनुभएको छ । नेपाली काङ्ग्रेस तनहुँले आज पार्टी कार्यालयमा आयोजना गरेको स्वागत कार्यक्रममा बोल्दै प्रधानमन्त्री देउवाले लोकतन्त्र बचाउनका लागि पनि गठबन्धन आवश्यक रहेको उल्लेख गर्नुभयो । प्रधानमन्त्री देउवाले लोकतन्त्र र प्रजातन्त्र बचाउनका लागि गठबन्धनका दलको योगदान रहेको उल्लेख गर्र्दै भन्नुभयो, “स्थानीय चुनावमा मात्र नभई प्रतिनिधिसभा र प्रदेशसभाको निर्वाचनसम्म नै गठबन्धनलाई लैजानुपर्छ । उहाँहरुलाई पनि उचित स्थान दिनुपर्छ ।” प्रधानमन्त्री देउवाले आगामी वैशाख ३० गते हुने स्थानीय तह निर्वाचनमा पार्टीलाई जिताउन एकढिक्का भएर लाग्न आग्रह गर्नुभयो । तनहुँ आदिकवि भानुभक्तको जिल्ला भएकाले यसको छुट्टै महत्व रहेको बताउँदै काङ्ग्रेसका लागि पनि तनहुँ उर्वरभूमि...

पूर्णपुष्टि, चैत १० । नेपाल आउने तरखरमा रहेका बलिउड अभिनेता सलमान खानले झण्डै ५ करोड पारिश्रमिक लिने भएको छ । आयोजकका अनुसार सलमानले ४ करोड ८० लाख पारिश्रमिक दिने जनाएको छ । ओडीसीका प्रबन्ध निर्देशक सीमान्त गुरुङले सलमानसहित भारतबाट आउने कलाकारले मात्र पारिश्रमिकवापत ९ करोड ६० लाख रुपैयाँ लैजाने छन् । जसमध्येबाट सलमानले ४ करोड ८० लाख रुपैयाँ हिस्सा लिनेछन् । सलमानसहित ज्याकलिन फर्नान्डेज, सोनाक्षी सिन्हा, प्रभु देवा, मनिष पौल, गुरु रान्धावा र आयुष शर्मा लगायत नेपाल आउनेछन् । नेपालमा रहँदा सलमानलाई सगरमाथा क्षेत्र र लुम्बिनीको भ्रमण गराउने तयारी छ । सलमानका भाइ सोहेल खानको जेए इभेन्ट म्यानेजमेन्ट कम्पनी र ओडीसीको सहकार्यमा हुने कार्यक्रमका लागि सलमानसहितको टिम नेपालमा तीन दिन रहनेछ ।...

काठमाण्डौँ, चैत १० नेपाल ट्रेड युनियन कांग्रेस (एनटियुसी)ले नेपाली श्रमिकहरूको बहृत्तर हितका लागि विगतमा गरिएका समझदारी कार्यान्वयन गर्न नेपाली कांग्रेससँग आग्रह गरेको छ । एनटियुसी र कांग्रेसबीच भएको सात बुँदे समझदारी कार्यान्वयन भए मात्र आमश्रमिकको जीवनस्तर उकास्न सकिने भएकाले सो समझदारीलाई पूर्णरूपमा कार्यान्वयन लैजान आग्रह गरिएको हो । एनटियुसीले अन्तर्राष्ट्रिय श्रमिक आन्दोलनले लिएको श्रमनीति, आइएलओ अभिसन्धि ८७, नेपालको संविधान, श्रम ऐन तथा ट्रेड युनियन ऐनले निर्दिष्ट गरेका अधिकार कार्यान्वयन गराउन समझदारी गरेको थियो । समझदारीपत्रमा श्रमिक वर्गको जीवनस्तर उकास्न निःशुल्क शिक्षा, स्वास्थ्य र अनिवार्य रोजगारीलगायत विषयलाई आधारभूत अधिकारका रूपमा सुनिश्चित गर्न र राज्यको स्रोत तथा साधनमा श्रमिकका स्वामित्व सुनिश्चित गराउनुपर्ने उल्लेख छ । यस्तै स्वदेश तथा विदेशमा रहेका सम्पूर्ण श्रमि...

काठमाण्डौँ, चैत १० सरकारले स्थानीय तह निर्वाचन निष्पक्ष र भयरहितरूपमा सम्पन्न गर्न ‘स्थानीय तह निर्वाचन एकीकृत सुरक्षा नीति’ ल्याएकोे छ ।गृहमन्त्री बालकृष्ण खाँणको अध्यक्षता आज बसेको सुरक्षा समितिको बैठकले ‘स्थानीय तह निर्वाचन एकीकृत सुरक्षा नीति’ पारित गरेको हो । “ बैठकले निर्वाचनका लागि आवश्यक पर्ने एकीकृत सुरक्षा नीति पारित गरेको छ”, गृह मन्त्रालयका प्रवक्ता फणिन्द्रमणि पोखरेलले भन्नुभयो, “अब स्थानीय तह निर्वाचन र अन्य निर्वाचन पनि त्यही सुरक्षा नीतिअनुरुप सम्पन्न गर्न सजिलो हुन्छ । निर्वाचन निष्पक्ष र भयरहितरूपमा सम्पन्न गर्न यो नीतिले सहयोग पु¥याउँछ ।” बैठकमा सुरक्षा निकायका प्रमुखहरूले वर्तमान सुरक्षा अवस्था र निर्वाचनमा सम्पन्न गर्न गर्नुपर्ने कार्यबारे आ–आफ्ना धारणा व्यक्त गर्नुुभएको थियो । उहाँका अनुसार आगामी सुरक्षा चुनौती र ती चुनौतीलाई सम्बोधन गर्न अपनाउनुपर्ने रणनीतिबारे प...

झापा, चैत १० । कार्यस्थलमा हुने हिंसालाई पत्रकारहरूले खुलेर प्रतिवाद गर्ने जनाएका छन् । मिडिया एड्भोकेसी गु्रप र सोलिडारिटी सेन्टरद्वारा संयुक्त रुपमा बुधबार विर्तामोडमा आयोजित कार्यक्रमका सहभागी पत्रकारहरूले कार्यस्थलमा हुने विभिन्न प्रकारका हिंसा भोग्दै आएको र अब यसलाई प्रतिवाद गर्ने बताएका हुन् । नारी सञ्चारगृह झापाका अध्यक्ष भीमा शिवाकोटीले हिंसामा पुरुष पत्रकारको तुलनामा महिला पत्रकार बढी पर्ने गरेकोे बताउनुभयो । “हिंसा महसुस हुनसाथ डटेर प्रतिवाद गर्नुपर्छ”, उहाँले भन्नुभयो, “स्वयं व्यक्तिले नै आँट र आत्मविश्वास बढाउनुपर्छ, खुलेर विरोध गर्न सक्नुपर्छ अनि मात्र हिंसाबाट बच्न सकिन्छ ।” पत्रकार सन्तोष न्यौपाने, शिशिर चम्लागार्इँ, नरेन्द्र ढकाल र पुष्प खड्काले सरकारको उपल्लो तहमा रहेका व्यक्तिहरूबाट महिला पत्रकारले मात्र नभएर पुरुष पत्रकारले समेत हिंसा भोग्नु परिरहेको बताउनुभयो । उ...

पूर्णपुष्टि, चैत्र १० गाईघाटमा यहि चैत्र १२ गते रजत महोत्सव हुने भएको छ । त्रियुगा नगरपालिकाको खेलकुद शाखा तथा नगर युवा खेलकुद विकास समितिको आयोजनामा रजत महोत्सव हुन लागेको जनार्ईको छ । पुराना राष्ट्रिय महत्वका खेलहरुलाई उजागर गर्ने उदेश्यले रजत महोत्सव गर्न लागिएको आयोजकको भनाई छ । पुराना तर निकै महत्व बोकेका खेलहरु डोरी तनाई, डण्डी बियो, हण्डी फोड, म्युजिकल चियर, तातो आलु र भाले समाई जस्ता खेलहरु महोत्सवमा खेलाईने भएको छ । डोरी तनाई र डण्डी वियो सामुहिक खेलाईने छ भने बाँकी अन्य खेलहरु भने एक्कल प्रतियोगिता गराईने जनाईएको छ । खेलमा सहभागी इच्छुकहरुले चैत्र ११ गते शुक्रबार सम्म सम्बन्धित ठाउँमा दर्ता गरिसक्नु पर्ने आयोजक समितिका अध्यक्ष प्रदिप श्रेष्ठले जनाएको छ । खेलका लागि टिम दर्ता शुल्क निशुल्क रहेको छ । खेलमा विजयी प्राप्त गर्नेहरुलाई नगद पुरस्कारको व्यवस्था रहेको छ । खेल ...