आर्थिक

भदौ २० गते ।  केन्द्रीय अनुसन्धान ब्युरो (सिआईबी)ले हातहतियार कारोबारको अभियोगमा पक्राउ गरेका सञ्जय राणाको डेराबाट ठूलो परिमाणमा नक्कली कागजात, चेक, हतियार र सुनका गहना फेला पारेको छ । धनगढी–४ चटकपुरबाट दुईजना सहकर्मीसहित पक्राउ परेका राणाको डेराबाट पाँच अर्ब रुपैयाँको नेपाल राष्ट्र बैंकको नक्कली चेक, चार थान पेस्तोल, छाप, नक्कली पत्रको चाङ फेला पारेको हो । पक्राउ परेका व्यक्ति र उनीहरुबाट बरामद गरिएका सामग्रीहरुलाई जिल्ला प्रहरी कार्यालय कैलालीले बिहीबार सार्वजनिक गरेको छ । यो समाचार आजको कारोबार दैनिकमा छापिएको छ ।...

उदयपुर, भदौ १९ गते । फौजी किराले बारीमा लगाएको अन्नबाली सखाप पारेपछि उदयपुरका पहाडी भेगमा कृषकहरु चिन्तित बनेका छन् । लामो खडेरीपछि फौजी किराले बारीमा लाएको हिउँदे बाली खाएर सखाप पारेपछि कृषकहरु चिन्तित भएका हुन् । जिल्लाको पहाडी रौतामाई, लिम्चुङ्बुङ, ताप्लि गाउँपालिकाको तल्लो भेग बेँसी खण्ड र कटारी नगरपालिकाको पहाडी भेगका बेँसी क्षेत्रमा किराको प्रकोप बढेको छ । दुध कोशी (पञ्चकोशी) किनारा आपासदेखि लेखको तल्लो भेग कछाँडसम्मको क्षेत्रमा किराले अन्नबाली, बोट विरुवा खाएको स्थानीयबासीले बताएका छन् । रौतामाईको तल्लो गुराँसे, फोक्सिन्टार, कटहरे, हातिपाईले, भोर्लेनी, पाकाना, आदामारा, चण्ढौटे, बेलबोटे, विमिरे, लिम्चुङ्बुङको लाकु, बलम्ता, ताम्लिछा, ताप्लिको थुम्कि, रामपुर, रुपाटार र कटारीको लेखानी आसपासको क्षेत्रमा किराले मकै, जुनेलोको विरुवा, अदुवा खाए सखाप पारेको हो । नेपालमा नयाँ मानि...

भदौ १९ गते । बारा र पर्साको हावाहुरी पिडितको घर नेपाली सेनाको जनता आवास निर्माण कार्यदलले घर निर्माणको लागत प्रतिघर चार लाख ८५ हजार रुपैयाँ  रहेको प्रतिवेदन पेस गरेको छ । घर निर्माणको लागि सरकारले प्रतिघर उपलब्ध गराएको बजेटबाट प्रतिघर ६१ हजार एक सय रकम बचत गरेको हो । एक घर निर्माणका लागि सरकारले पाँच लाख ४५ हजार ९ सय ८५ रुपैयाँ ८८ पैसा रकम उपलब्ध गराएको थियो । कटिन्जेन्सी र निर्माण सामग्रीबाट सेनाले प्रतिघर ६१ हजार एक सय रकम बचत गर्न सफल भएको छ । सेनाले निर्माण गरिदिएको घरमा दुई कोठा, एक भान्सा, एक शौचालय, बरण्डा रहेको छ । सरकारले बाराका आठ सय सात घर र पर्साका ६२ गरी आठ सय ६९ घरको प्रमाणपत्र तथा नक्साको कागजसहित हुरीपीडितलाई घर उपलब्ध गराएको हो । यो समाचार आजको गोरखापत्रमा दैनिकमा छापिएको छ ।   ...

भदौ १८ गते ।  मेलम्ची खानेपानी आयोजना छाडेर भागेका निर्माण कम्पनी सीएमसीबाट भुक्तानी नपाएसम्म सिनो हाइड्रोलाई काम गर्न नदिने मेलम्ची खानेपानी आयोजना पीडित सङ्घर्ष समितिले जनाएको छ । सीएमसीबाट भुक्तानी नपाएसम्म नयाँ कम्पनी सिनो हाइड्रोलाई काम गर्न नदिने भन्दै स्थानीय मजदुर, सहायक निर्माण कम्पनी र सप्लायर्सले मेलम्चीमा धर्ना कार्यक्रमको घोषणा गरेका हुन् । पिडितहरुले समिति गठन गरी प्रतिवेदन दिएपनि सरकारले समाधानको पहल नगरेको भन्दै मेलम्ची आयोजनाको कार्यालयमा पीडितहरू धर्ना बस्ने भएको छ । समितिले गत साता जिल्ला प्रशासन कार्यालय सिन्धुपाल्चोकमा सात दिने अल्टिमेटमसहित ज्ञापनपत्र बुझाएको थियो । सरकारले समाधान गर्छौं भन्ने प्रतिबद्धता गरेपनि अहिलेसम्म पहल समेत नभएकाले आन्दोलन गर्नुपरेको समितिले जनाएको छ ।...

भदौ १७ गते ।  नेपाल राष्ट्र बैंकले दुई करोड २१ लाख खाताको छ खर्ब ३८ अर्ब रुपैँयाको निक्षेप सुरक्षण गरेको छ । बैंकले ८५ वटा बैंक तथा वित्तीय संस्थाका प्राकृतिक व्यक्तिका नाममा रहेको बचत, चल्ती, कल  र मुद्दती निक्षेपक गरी ६ खर्ब ३ अर्ब ३८ करोड रुपैयाँ निक्षेपको सुरक्षण गरेको हो । गत असार मसान्तमा १ करोड ९३ लाख निक्षेपकर्ताहरुको ४ खर्ब ३० अर्ब ७४ करोड बराबरको निक्षेप सुरक्षण गरिएको थियो । निक्षेप तथा कर्जा सुरक्षण कोषले २०७६ असार मसान्तसम्ममा बैंक तथा वित्तीय संस्थाहरुको २५ अर्ब ६६ करोड बराबरको लघु तथा विपन्न वर्ग कर्जा, साना तथा मझौला उद्योग कर्जा र कृषि कर्जा सुरक्षण गरेको छ । गत असार मसान्तमा १४ अर्ब ३५ करोड बराबरको यस्तो कर्जा सुरक्षण गरिएको थियो । बैंक तथा वित्तीय संस्थामा झण्डै १४ लाख ४० हजारको संख्या ऋण खाता रहेका छन् । १४ लाख ३९ हजार ६ सय ४८ ऋण खाता रहेको राष्ट्र बैंकले जा...

भदौ १७ गते । जाजरकोटको कुशेमा चट्याङ लागेर २ सय ३३ भेडा मरेको छ । कुशे गाउँपालिकाको पाटनमो हावाहुरीसँगै परेको चट्याङले भेडा मेरेको हो । अझै २ सय ५२ वटा भेडा हराइरहेको स्थानियले जनाएको छ । अचान परेको चट्याङले भेडा सखाप पारेपछि कृषकहरु चिन्तित भएका छन् । प्रखुम आय स्रोतकै रुपमा भेडा पालन व्यवसाय गर्दै आएका कृषकहरुको भेडा मरेपछि परिवार चलाउन समस्या हुने स्थानीयले बताएका छन् ।...

भदौ १७ गते ।  सोमबार स्थिर रहेको सुनको भाउ आज बढेको छ । तोलामा ५ सय रुपैयाँ बढेर एक तोलाको ७२ हजार ५ सय रुपैया पुगेको हो । सनु बढेर तोलाको ७२ हजार ५ सय पुगेको छ भने चाँदी तोलामा १० रुपैयाँ बढेर तोलाको ८ सय ९५ रुपैयाँमा कारोबार भईरहको नेपाल सुनचाँदी व्यवसायी महासंघले जनाएको छ ।

भदौ १६ गते ।  नेपाल राष्ट्र बैंकले ८ अर्ब ६५ करोड ५० लाखको ट्रेजरी बिल बिक्री गर्ने भएको छ । बोलकबोल प्रक्रियाबाट ८ अर्व ६५ करोड ५० लाखको ट्रेजरी बिल सोमबार बिक्री गर्न लागेको हो । बैँकले विक्रि गर्न लागेको ट्रजरी विल मध्ये ५ अर्ब ५२ करोडको ट्रेजरी बिल १ सय ८२ दिनमा परिपक्व हुनेछ भने ३ अर्ब १३ करोड रुपैयाँको विल ९१ दिने अवधिका लागि बिक्री गर्न लागिएको हो । उक्त परिमाणको ट्रेजरी बिल आगामी मंसिर १७ गते परिपक्व हुनेछ । यसअघि बैंकले यही भदौ ९ गते पनि ट्रेजरी बिल बिक्री गरेको थियो । यस विलले १ वर्ष वा १ वर्षभन्दा कम अवधिको आन्तरिक ऋण उठाउन प्रयोग गरिने अल्पकालीन सरकारी ऋणपत्र हो । सरकारलाई आवश्यक पर्ने अल्पकालीन अवधि (बढीमा एक वर्ष)को स्रोत जुटाउन ट्रेजरी बिल बिक्री गरिन्छ । राष्ट्र बैंकबाट स्वीकृति प्राप्त क, ख र ग वर्गका बैंक तथा वित्तीय संस्था, संगठित संस्था र सर्वसाधारणले पनि बो...

उदयपुर, भदौ १५ गते । लिम्चुङ्बुङको मझुवा बाराहा खानेपानी योजनाको पाईप घामले पग्लिएको छ । लिम्चुङबुङ गाउँपालिका – ३ बाराहामा निर्माधिन योजनाको पाईप रुखमा बाँधेर टाँगेको ठाउँमा पग्लिएको हो । विकट पहाडी भेगमा खानेपानीको समस्या समाधान गर्नका लागि राज्य संघियतामा नआई नै जिल्ला खानेपानी कार्यालय उदयपुरबाट परेको योजनाको पाईप घामले पग्लिएको लिम्चुङ्बुङ गाउँपालिका– ३ का वडा सदस्य गुरुमणी कुमाईले बताए । २०७२ सालमा ८८ लाखको सम्झौता गरि काम सुरु गरेको थियो । पंचवर्षीय योजना भएकाले चालु आर्थीक वर्ष २०७६/७७ सम्ममा योजनाको काम सम्पन्न गर्नु पर्ने सम्झौता गरेको सदस्य कुमाईले बताए । त्यस योजनाका ५० एमएमको पाईप रुखमा बाँधेर टाँगिएको ठाउँमा घामले पग्लेको उनले बताए । माटोमा गाढ्नु पर्ने भएपनि ठाउँ ठाउँमा रुखमा बाँधेर टाँगेको ठाउँमा करिब १ सय ५० मिटर कालो पाइप पग्लेर कामै नलाग्ने भएको सदस्य कुमाई...

भदौ १३ गते । नेपालको चार वटा खानीले उत्खननका लागि खानी तथा भूगर्भ विभागबाट अनुमति पाएको छ । चुनढुङ्गा, क्वार्जजाईट, पथर तथा कोईला उत्तखनको लागि विभागले अनुमति दिएको हो । चालु आर्थीक वर्षमै स्वर्गद्वारी माइन्स एण्ड मिनिलर्स प्रालिलाई चुनढुङ्गा, बालकुमारी प्रालिलाई क्वार्जजाइट, पाल्पा कोल प्रालिलाई पत्थर तथा कोइला र गुँरास स्टोन उद्योग प्रालिलाई क्वार्जजाइट उत्खननका लागि अनुमति दिएको विभागले जनाएको छ । खनिज उत्खननका लागि आएका निवेदनलाई आवश्यक अनुसन्धान गरेर अनुमति दिएको विभागले जनाएको छ । विभागले आव ०७५/७६ मा खनिज उत्खननका लागि नौ कम्पनीलाई अनुमति दिएको थियो । जसमध्ये चुनढुङ्गा उत्खननमा मात्र छ वटा रहेका रहेका छन् । आव ०७५/७६ मा चुनढुङ्गा उत्खननका लागि स्वीकृत दिएको कम्पनीमा विशाल सिमेन्ट इण्डट्रिज प्रालि, ऋद्धिसिद्धी सिमेन्ट प्रालि, शुभश्री अग्नि सिमेन्ट प्रालि, मेगा सिमेन्ट प...