खेलकुद

पूर्णपुष्टि, पुष १७ ।  उदयपुरको बेलका नगरपालिका-८ मा आयोजित प्रथम यलम्बर कप फुटबल प्रतियोगिताको उपाधि यलम्बर स्पोर्टिङ क्लबले जितेको छ । मंगलबार बेलका-८ स्थित यलम्बर खेलमैदानमा भएको फाइनल खेलमा यलम्बर स्पोर्टिङले सोमबारे फुटबल क्लबलाई १-० गोलले पराजित गर्दै उपाधि हात पारेको हो । विजयी टोलीका लागि निर्णायक गोल अनिस राईले गरेका थिए । विजेता यलम्बर स्पोर्टिङ क्लबले नगद रु. ३५,००५ सहित ट्रफी, मेडल र प्रमाणपत्र प्राप्त गरेको छ भने उपविजेता सोमबारे फुटबल क्लबले नगद रु. २०,०२० सहित ट्रफी, मेडल र प्रमाणपत्र हात पारेको छ । यलम्बर एकता सेवा समाजको आयोजना तथा हात्तिसार सामुदायिक वन उपभोक्ता समितिको सहआयोजनामा भएको प्रतियोगिता पुष ९ देखि सञ्चालन भएको थियो । ब्रदरहुड फुटबल क्लबको प्राविधिक सहयोग रहेको यस प्रतियोगितामा उदयपुर र सुनसरीका गरी ८ टिमको सहभागिता रहेको थियो ।...

पूर्णपुष्टि, पुष १५ । तेस्रो त्रियुगा मेयर रनिङ शिल्ड प्रतियोगिताको उपाधि त्रियुगा नमुना मध्यामिक विद्यालयले जितेको छ । त्रियुगा नमुना मा.वि.ले ११ स्वर्ण, १० कास्य र ६ रजत सहित २७ पदक सहित पहिलो हुँदै उपाधि जितेको हो । त्रियुगा नगरपालिका ५ देउरी स्थित जनता माध्यामिक विद्यालयको खेलकुद मैदानमा संचालित रनिङ शिल्डको विजेताले नगद रु. १५ हजार सहित शिल्ड ट्रफी र प्रमाणपत्र हात पारे । यो जितसँगै त्रियुगा नमुना मा.वि. ले तेस्रो पटक मेयर रनिङ शिल्डको उपाधि जित्दै ह्याट्रिक गरेको छ । त्यस्तै प्याराडाईज अंग्रेजी बोर्डिङ स्कुल ११ स्वर्ण, ६ कास्य र १६ रजत सहित दोस्रो भएको छ । दोस्रो भएको प्याराडाईजले नगद रु. १० हजार सहित शिल्ड ट्रफी र प्रमाणपत्र प्राप्त गरेको छ । त्यस्तै जनता मा.वि. श्रीपुर ६ स्वर्ण, २ कास्य सहित तेस्रो भएको छ । श्रीपुरले रु. ७ हजार ५ सय सहित शिल्ड ट्रफी र प्रमाणपत्र प्राप्त गरेको...

पूर्णपुष्टि, पुष ११ । त्रियुगा नगरपालिकामा तेस्रो अन्तर माध्यमिक विद्यालय मेयर रनिङ शिल्ड तथा राष्ट्रपति रनिङ शिल्ड छनौट प्रतियोगिता आज देखि सुरु भएको छ । त्रियुगा नगरपालिका वडा नम्बर ५ देउरीस्थित जनता माध्यमिक विद्यालयको खेलकुद मैदानमा आयोजित प्रतियोगिताको पहिलो दिन तीन विधाका खेलहरू सम्पन्न भएका छन् । पहिलो दिन १५ किलोमिटर दौड, कबड्डी र भलिबल खेल सञ्चालन गरिएको थियो। पुरुषतर्फको १५ किलोमिटर दौडमा जनता माध्यमिक विद्यालय श्रीपुरका सोनम परियार प्रथम भएका छन् । जनता माध्यमिक विद्यालय दमौटीका अगम बहादुर वानिया दोस्रो र जनज्योति माध्यमिक विद्यालय चुहाडका बसन्त दनुवार तेस्रो भएका छन् । महिलातर्फको १५ किलोमिटर दौडमा प्याराडाइज अंग्रेजी बोर्डिङका चिना राईले प्रथम स्थान हासिल गरेकी छन् । बालमन्दिर माध्यमिक विद्यालयकी पवित्रा कटुवाल दोस्रो र त्रियुगा माध्यमिक विद्यालयकी यमुना परियार तेस्रो भएकी ...

पूर्णपुष्टि, पुष ११ । उदयपुरको त्रियुगा नगरपालिकामा तेस्रो त्रियुगा अन्तर माध्यामिक विद्यालय मेयर रनिङ शिल्ड तथा राष्ट्रपति रनिङ शिल्ड छनौट प्रतियोगिता आज बुधबार देखि सुरु हुने भएको छ । नगर खेलकुद विकास समितको आयोजना तथा नगर शिक्षा शाखाको समन्वय, त्रियुगा नगरपालिकाको आर्थिक सहयोगमा वडा नं. ५ देउरीस्थित जनता मा.वि. को खेलकुद ग्राउण्डमा प्रतियोगिता सुरु हुन लागेको हो । ‘स्वास्थ्यको लागी खेलकुद, राष्ट्रको लागी खेलकुद’ भन्ने मुल नारका साथ संचालन गरिएको यस प्रतियोगितमा ५ विधाका खेलहरु समावेश गरिएको छ, जसमा भलिबल (महिला–पूरुष), कबड्डी (महिला–पूरुष), एथलेटिक्स, तेक्वान्दो र कराते रहेको छ । नगरपालिका भित्रका सामुदायिक र संस्थागत गरी ४२ विद्यालयको सहभागीता रहने रनिङ शिल्ड पुष १४ गतेसम्म संचालन हुनेछ ।...

पूर्णपुष्टि, पुष १० । प्रथम वडा अध्यक्ष कप अन्तर विद्यालय स्तरिय फुटबल प्रतियोगिताको उपाधि प्याराडाईज बोर्डिङले जितेको छ । बिहिबार त्रियुगा नगरपालिका १३ स्थित थरुहट रंगशालामा भएको फाईनल खेलमा श्री बाल मन्दिर माध्यामिक विद्यालयलाई ० को विरुद्ध १ गोल गर्दै प्याराडाईज बोर्डिङले उपाधि हात पारेको हो । प्याराडाईजको लागी जर्सि नं. ७ का अभिषेक अधिकारीले गोल गरे । उनले खेलको अतिरिक्त थप २ औं मिनेटको समयमा गोल गर्दै प्याराडाईजलाई उपाधि बिजेता बनाए । उपाधि विजेता प्याराडाईजले नगद रु. ५० हजार सहित ट्रफी, मेडल, प्रमाण पत्र प्राप्त गरे भने उपविजेता बालमन्दिरले नगद रु. २५ हजार सहित ट्रफी, मेडल, प्रमाण पत्र प्राप्त गरेका छन् । यस खेलको म्यान अफ द म्याच बालमन्दिरका जर्सी नं. १ का गोल किपर न्युसन सोनम बने । त्यस्तै बेस्ट कोच प्याराडाईका सोइसन राई, बेस्ट मिडफिल्डर प्याराडाईजका जर्सी नं. ११ का दिपेश श्र...

पूर्णपुष्टि, ९ पुष । गाईघाट निवासी कालिदास राई (किसान) ले उदयपुर ब्याटमिनटन संघलाई ५ लाख रुपयाँ रकम सहयोग गरेका छन् । राईले संघका समिति कोषाध्यक्ष बादल खतिवडालाई मंगलबार बोक्से कवर्डहलमै बृहत कार्यक्रम गरी सहयोगवापदको चेक हस्तान्तरण गरेको हो । समाजसेवी राई जिल्ला ब्याडमिन्ट संघ उदयपुरका अध्यक्ष समेत हुन । उनले आफ्नो बुबा स्वर्गीय जगत राईको ८ औँ स्मृति र स्वर्गीय आमा बसन्ती राईको ६ औँ स्मृति दिवसको अवसरमा संघलाई रकम सहयोग गरेका हुन् । राई लामो समय ब्याडमिन्टन खेलमा आबद्ध हुँदै हाल ब्याडमिन्ट सँघ उदयपुरको अध्यक्ष हुन् । आफु स्वयम अधयक्ष रहेको संघलाई थप व्यवस्थीत पार्न राईको सहयोग महत्वपूर्ण रहेको भन्दै खेलाडीहरु उत्साहित र खुसी बनेको छ । राईको सहयोग सँगै कोष नै स्थापना गरी अन्य रकमहरु पनि सहयोगबापत उठ्न थालेको छ । राईले बोक्सेमा रहेको जिल्लाकै पुरानो र ठुलो कवर्डहलाई पार्केटिङ निर्माणक...

पूर्णपुष्टि, पुष ६ । नेपाल प्रिमियर लिग (एनपिएल) को पहिलो संस्करणको उपाधि जनकपुर बोल्ट्सले जितिको छ । कीर्तिपुरस्थित टीयू अन्तर्राष्ट्रिय क्रिकेट मैदानमा आज भएको फाईनल खेलमा सुदुरपश्चिम रोयल्सले दिएको १ सय ८५ रनको लक्ष्य पछ्याएको जनकपुरले १९.२ औभरमा ५ विकेट गुमाउँदै पुरा गरेको हो । सुदूरपश्चिमविरुद्ध लिग चरण र क्वालिफायर वानमा व्यहोरेको हारको बदला फाइनलमा लिँदै जनकपुर च्याम्पियन बनेको हो । जनकपुरलाई च्याम्पियन बनाउन मिलान्थाले फाइनलमा उत्कृष्ट ब्याटिङ गरे । उनले ४९ बल खेल्दै ९ चौका र ४ छक्काको मदतमा सर्वाधिक ८७ रन बनाएका हुन् । पहिलो विकेटका लागि मिलान्था र कप्तान आसिफ शेखले ७३ रनको साझेदारी गरेका थिए । आसिफले सात ओभरको अन्तिम बलमा आउट हुनुअघि १९ बलमा ४ चौका र २ छक्का प्रहार गर्दै ३३ रन बनाए । यस्तै हर्शक थाकरले अविजित ३० रन जोडे । थाकरले २४ बल खेल्दै २ छक्का प्रहार गरे । वान डाउनमा ...

पूर्णपुष्टि, १५ मंसिर । त्रियुगा नगरपालिका वडा नं १५ मा भएको प्रथम खुल्ला वडा कप फुटवल प्रतियोगिताको उपाधि बर्गाछि क्लव साउनेले जितेको छ । शनिवार शिखर भ्यु पाईन्ट स्यालगैरी खेलमैदानमा भएको प्रतियोगितामा साउने फुटवल क्लवलाई २÷० को अन्तरले हराउँदै उपाधि जितेको हो । बर्गाछिको तर्फबाट दोस्रो हाफको १८ औँ मिनेटमा १४ नं जर्सिका खेलाडी सनम राईले गोल गरेका थिए भने ५८ औँ मिनेटमा जर्सि नं ११ प्रविन राईले गोल गरेका थिए । यता साउने फुटवल क्लवको तर्फबाट भने कुनै पनि गोल हुन सकेन । साउने फुटवल क्लवले आयोजक मुक्ति युवा क्लवलाई पेनाल्टी सुट आउटमा हराउँदै फाईनलको यात्रा तय गरेका थिए भने बर्गाछीले इलाभेन स्टार फुटवल क्लवलाई हराउँदै फाईनलको लागि स्थान बनाएका थिए । प्रतियोगिताका बिजेता टोलीले नगद रु २५ हजार, शिल्ड, मेडल र प्रमाण पत्र प्राप्त गरेका थिए भने उपविजेता टोलीले पनि नगद रु १५ हजार, शिल्ड, मेडल र प्रम...

पूर्णपुष्टि, मंसिर १३ । त्रियुगा नगरपालिका वडा नं. १५ मा आजदेखि प्रथम खुल्ला वडाकप फुटबल प्रतियोगिता शुरू भएको छ । वडाको हुवास स्यालगैरी फुटबल खेल मैदानमा भएको उद्घाटन खेलमा (आयोजक) मुक्तिनाथ युवा क्लबले निपाने युवा क्लबलाई ३–० गोल अन्तरले पराजित गरेको हो । खेलको १८ औं मिनेटमा जर्सि नं. १५ का विकाश कुमार गुप्ताले गोल गर्दै मुक्तिनाथलाई अग्रता दिलाए । दोस्रो हाफ सुरु भएको ३ औं मिनेटमा जर्सि नं. ९ का कुशल राईले दोस्रो गोल गर्दै टोलीको अग्रता दोब्बर बनाए भने खेलको अतिरिक्त समयमा सम्भु राईले तेस्रो गोल गर्दै मुक्तिनाथलाई सहज जित दिलाए । आजदेखी सुरु भएको यस प्रतियोगिताको फाईनल खेल मंसिर १५ गते हुनेछ । विजेता टोलीले नगद रु. २५ हजार, शिल्ड र प्रमाणपत्र प्राप्त गर्नेछ भने उपविजेता टोलीले नगद रु. १५ हजार, शिल्ड र प्रमाणपत्र प्राप्त गर्नेछ । साथै, उत्कृष्ट गोलकिपर र उत्कृष्ट खेलाडीले पनि नगद स...

पूर्णपुष्टि, १२ मंसिर । त्रियुगा नगरपालिका वडा नं १५ मा भोली बिहिबारदेखी प्रथम खुल्ला वडाकप फुटवल प्रतियोगिता हुँदैछ । त्रियुगा नगरपालिका १५ नं वडा खेलकुद विकास समितिको आयोजनामा प्रतियोगिता हुने भएको हो । वडाको हुवास स्यालगैरी फुटवल खेल मैदानमा प्रतियोगिता हुने आयोक संस्थाले जनाएको छ । वडा खेलकुद विकास समितिका अध्यक्ष प्रयास राईका अनुसार खेलको अन्तिम तयारी पुरा भएको छ । प्रतियोगिता यहि मंसिर १३ देखी १५ गते सम्म हुने राईको भनाई छ । प्रतियोगितामा ८ ओटा टिम सहभागी छ । १३ गतेको उद्घाटन खेलमा मुक्तिनाथ युवा क्लव र निपाने युवा क्लव खेल्ने छ । यता भने १४ ओटा टिमले खेल्ने छ । यस दिन इलाभेट स्टार भर्सेस बरगाछी फुटवल क्लव, पन्चकन्या फुटवल क्लव र साउने फुटवल क्लवले खेल्ने छ । १५ गते फाईनल खेल खेलाईने छ । खेलको उद्घाटन त्रियुगा नगरपालिकाकी उपमेयर महेश्वरी राईले गर्नेछिन् । प्रतियोगिताको बिजयी टोली...