संसार

पूर्णपुष्टि, असोज १५ कोरोना सङ्क्रमितको संख्या बढेपछि स्पेनमा राजधानी मड्रिड र आसपासका क्षेत्रमा लकडाउनको घोषणा गरिएको छ । सङ्क्रमितको संख्या ह्वात्तै बढेको भन्दै स्पेन सरकारले लकडाउनको घोषणा गरेको हो । नयाँ घोषणामा अब राजधानी मड्रिड र आसपासका नागरिक अति–आवश्यक नपरि घर बाहिर निस्कन नपाउने अन्तराष्ट्रिय संचारमाध्यमले जनाएको छ । काम, किनमेल र डाक्टरसँग भेट्नको लागि भने बाहिर जान पाउनेछन् । त्यस्तै ६ जनाभन्दा धेरैलाई जम्मा हुन पनि रोक लगाइएको छ । तर मड्रिडको क्षत्रिय सरकारले भने कानुनी रुपमा लकडाउन मान्य नभएको जनाईएको छ । स्पेनमा अहिलेसम्म ७ लाख ४८ हजारमा कोरोना भाइरसको सङ्क्रमण पुष्टि भएको छ भने ३१ हजार ४ सय ११ जनाको मृत्यु भएको छ ।...

पूर्णपुष्टि, असोज १५ भारतमा आगामी १५ तारिखदेखि स्कूल र कलेज पनि खुल्ने भएका छन् । कोरोना संक्रमणको रोकथाम तथा नियन्त्रणको लागि चलिरहेको लकडाउनको अन्त्य गर्दै भारतले आगामी १५ तारिखदेखि स्कूल र कलेज पनि खोल्ने निर्णय गरेको भारतीय सञ्चारमाध्यमले जनाएका छन् । शैक्षिक संस्था खोल्ने विषयमा अन्तिम निर्णय भने राज्य र शैक्षिक संस्थाले नै गर्न पाउनेछन् । १० वर्षमुनिका बालबालिका कोरोना सङ्क्रमणको उच्च जोखिममा रहेकाले विद्यालय खोल्ने निर्णय विद्यालयलाई नै दिइएको जनाईएको छ । केन्द्रले अनलाइन कक्षा र दूरी सिकाइ (डिस्ट्यान्स लर्निङ) लाई अझै पनि प्राथमिकता दिइएको र प्रोत्साहन गरिएको जनाएको छ । १५ अक्टोबरदेखि सिनेमा हल, मल्टीप्लेक्स, प्रदर्शनी कक्ष र मनोरञ्जन स्थल खोल्ने अनुमति भारत सरकारले दिएको छ । तर केही प्रतिबन्ध भने लागू हुनेछन् । सिनेमा, थिएटर र मल्टीप्लेक्समा ५० प्रतिशतभन्दा धेरै सीट भर्न प...

पूर्णपुष्टि, असोज १४ कोरोना महामारीले गर्दा २०२० को कोरीया भाषा परीक्षा २०२१ मा मात्रै हुने भएको  छ । रोजगार अनुमति प्रणाली (ईपीएस)मार्फत २०२० का लागि दक्षिण कोरिया जान लिइने कोरियाली भाषा परीक्षा २०२१ मा मात्रै हुने भएको हो । नियमित तालिकाअनुसार भाषा र सीप परीक्षा सम्पन्न भएर कोरिया जाने प्रक्रिया हुनु पर्ने छ । कोरोनाको जोखिम कायमै रहेकाले तत्काल परीक्षा नभए पनि आउँदो पुस/माघ महिनामा परीक्षा गर्ने गरी तयारी भइरहेको वैदेशिक रोजगार विभागले जनाएको छ । २०२० को लागि दक्षिण कोरिया जान ९० हजार आवेदक परीक्षाको तयारी गरेर बसेकाले नियमित तालिका भन्दा सात/आठ महिना ढिला भए पनि परीक्षा हुने जनाईएको छ । कोरियाको मानव संसाधन विभाग (एचआरडी)ले कोरोनाको जोखिम अझै कायम रहेकाले कोरिया भाषा परीक्षा अझै तीनचार महिना धकेलिन सक्ने सङ्केत गरेको जनाईएको छ । सहज हुनेबित्तिकै परीक्षा हुने जनाईएको छ । भाष...

पूर्णपुष्टि, असोज १४ कुवेतका राष्ट्रप्रमुख (ईमिर) शेख सबा अल अहमद अल सवाहको ९१ वर्षको उमेरमा निधन भएको छ । अहमदको अमेरिकामा निधन भएको हो । उहाँ जुलाई १८ मा अस्पताल भर्ना हुनुभएको थियो । उहाँको शल्यक्रिया सफल भएको थियो । पछि फेरि थप उपचारको लागि जुलाई २३ मा अमेरिका जानुभएको थियो । अमेरिकामा उहाँको के उपचार भयो भन्ने कुरा ईमिरका अधिकारीले नखुलाएको अन्तराष्ट्रिय संचारमाध्यमहरुले जनाएको छ । सन् २००६ देखि कुवेतको ईमिर बन्नुभएका अहमद ५० वर्षदेखि विदेशी नीति सम्हाल्दै आउनुभएको थियो । अहमदको निधनको शोकमा कुवेतमा ४० दिनसम्म शोक अवधि घोषणा गरिएको छ भने तीन दिनको लागि कार्यालयहरु बन्द गरिएका छन् । अहमदको निधनपछि उहाँका भाइ शेख नवाफ अल अहमद अल सबाह कुवेतका नयाँ ईमिर बन्नुभएको छ । ८३ वर्षीय शेख नवाफले जुलाई १८ मा, शेख सभा अल अस्पताल भर्ना भएको बेला पनि इमिरको जिम्मेवारी वहन गरिसक्नुभएको थियो । ...

पूर्णपुष्टि, असोज १४ भारतका उपराष्ट्रपति वैंकैया नायडूलाई कोरोना सङ्क्रमण पुष्टि भएको छ । उपराष्ट्रपतिलाई कोरोना संक्रमण पुष्टि भएको उपराष्ट्रपति नायडूको सचिवालयले ट्वीट गरेर जानकारी दिएको हो । उहाँलाई घरमै आइसोलेशनमा बस्न सल्लाह दिइएको छ । उहाँकी श्रीमतीको भने कोरोना रिपोर्ट नेगेटिभ आएको जनाईएको छ । यसअघि दिल्लीका उप मुख्यमन्त्री मनिष सिसोदियाको रिपोर्ट नेगेटिभ आएपछि अस्पतालबाट डिस्चार्ज हुनुभएको थियो । गत २४ घण्टामा भारतमा साढे ८० हजारमा कोरोना पुष्टि भएसँगै सङ्क्रमितको संख्या ६२ लाख नाघेको छ । जसमध्ये ५१ लाख ८४ हजार निको भएका छन् भने साढे ९७ हजारको कोरोना सङ्क्रमणबाट मृत्यु भएको वल्डोमिटरले जनाएको छ ।...

पूर्णपुष्टि, असोज १२ अमेरिकी राष्ट्रपति डोनाल्ड ट्रम्पमाथि कर नतिरेको आरोप लागेको छ । राष्ट्रपति ट्रम्पले सन् २०१६ मा आयकर स्वरुप ७ सय ५० डलर मात्रै तिरेको द न्यूयोर्क टाइम्सले जनाएको छ । सन् १९८५ देखि १९९४ को बीचमा क्यासिनो र रियल इस्टेटको व्यापारमा १ अर्ब १७ करोड डलर घाटा भएको राष्ट्रपति ट्रम्पले बताउनुभएको थियो । घाटाका कारण ट्रम्पले यो १० वर्षको अवधिमा ८ पटक कर तिर्नु नपरेको तथ्य बाहिर आएको छ । ट्रम्पको कम्पनीले नोक्सान भएको रिपोर्ट बनाएर कर छली गरेको दाबी गरिएको जनाईएको छ । राष्ट्रपति ट्रम्पले भने कर नतिरेको सम्बन्धी समाचार गलत भएको भन्दै खबरको खण्डन गर्दै आफूले कर तिर्दै आएको उहाँको दाबी छ । सन् २०१६ मा राष्ट्रपति बनेपछि ट्रम्पका छोराले कारोबार सम्हाल्दै आउनुभएको छ । ट्रम्पको ट्याक्स सम्बन्धी आँकडालाई लिएर डेमोक्र्याट्सले त्यसमा छानबिन गर्न माग गर्दै आएका छन् ।...

पूर्णपुष्टि, असोज १२  विवादित क्षेत्रलाई लिएर अर्मेनिया र अजरबैजानबीच सैन्य युद्ध हुँदा २३ जनाको मृत्यु भएको छ भने केही घाइते भएका छन् । नागोरना काराबख क्षेत्रलाई लिएर विवाद बढ्दै जादा दुवै देशले एक अर्काको क्षेत्रमा हवाई आक्रमण गरेको अन्तराष्ट्रिय संचारमाध्यमले जनाएको छ । अजरबैजानले पहिला विवादित क्षेत्रमा रहेको बस्तीमा हवाई आक्रमण गरेको आरोप अर्मेनियाले लगाएको छ । त्यसपछि प्रतिरक्षा कार्यमा अर्मेनियाले पनि अजरबैजानको हेलिकप्टर र सैन्य ट्याङ्कहरु ध्वस्त बनाएको बताइएको छ । विवादित क्षेत्र अन्तर्राष्ट्रिय स्तरमा अजरबैजानको भूमि भनेर चिनिन्छ । तर त्यो भूमि आदिवासी अर्मेनियनहरुको नियन्त्रणमा रहेको छ । यो क्षेत्रलाई लिएर झण्डै तीन दशकदेखि दुवै देशबीच विवाद हुँदै आएको थियो । आक्रमणपछि अर्मेनिया सरकारले सैन्य कानुन लागू गर्दै सैनिक परिचालन गर्ने निर्णय गरेको छ । अजरबैजानले अर्मेनियाको...

पूर्णपुष्टि, असोज १२  इङ्ग्लिस प्रिमियर लिग फुटबलमा लेस्टर सिटीले जित हात पारेको छ । घरेलु मैदानमा यो सिजनमा पहिलो खेल खेलेको म्यानचेस्टर सिटीलाई लेस्टरले ५–२ गोलले पछि पार्दै जित हात पारेको हो । लेस्टरको जितमा जिमी भार्डीले ह्याट्रिक गरे । जितसँगै लेस्टर लिगको शीर्ष स्थानमा उक्लिएको छ । उसले तीन खेलमा तीन जित निकालेको छ भने सिटीले दोस्रो खेलमा नै हार व्यहोरेको छ । सिटीले सुरुवाती गोलको अग्रता जोगाउन नसकेपछि लेस्टरले लगातार चार गोल गर्यो । यो सिजनमा ह्याट्रिक गर्ने भार्डी पहिलो खेलाडी बनेका छन् । यो जितपछि लेस्टरले तीन खेलमा नौ अंक बनाएको छ भने सिटीको दुई खेलमा तीन अंक छ ।...

पूर्णपुष्टि, असोज ११  कोरोना भाईरसको संक्रमणबाट गत साता विदेशमा रहेका थप २१ जना नेपालीको मृत्यु भएको छ । कुवेतमा ५ जना, साउदी अरबमा १४ जना, यूएईमा १ जना, युगान्डामा १ जना गरी गत साता मात्रै थप २१ जना नेपालीको कोरोना संक्रमणबाट मृत्यु भएको गैरआवासीय नेपाली संघको स्वास्थ्य समितिले जनाएको छ । शनिबार साँझसम्म १७ देशमा रहेका २ सय ६५ जना नेपालीको कोरोना सङ्क्रमणबाट मृत्यु भएको स्वास्थ्य समितिले जनाएको छ । ४२ देशमा रहेका ३८ हजार ८ सय ४८ जना नेपालीमा कोरोना पुुष्टि भएको छ । तीमध्ये ३५ हजार ७८ जना कोरोनाबाट निको भएको जनाईएको छ ।...

पूर्णपुष्टि, असोज ११ विश्वभर कोरोना सङ्क्रमणबाट मृत्यु हुनेको संख्या करिब १० लाख पुगेको छ । अहिलेसम्म ३ करोड ३० लाखमा कोरोना सङ्क्रमण पुष्टि हुदा २ करोड ४४ लाख उपचारपछि निको भएका छन् भने ९ लाख ९८ हजारको मृत्यु भएको वल्ड्रोमिटरले जनाएको छ । अहिले विश्वमा ७६ लाख ४८ हजार सक्रिय सङ्क्रमित रहेका छन् । उक्त संक्रमितमध्येउ ६५ हजारको अवस्था जटिल रहेको र बाँकी ७५ लाख ८३ हजारको अवस्था सामान्य छ । गत २४ घण्टामा विश्वभर २ लाख ९४ हजारमा  कोरोना पुष्टि भएको छ भने ५ हजार ३ सय जनाको मृत्यु भएको छ । अहिलेसम्म सबैभन्दा धेरै अमेरिकामा ७२ लाख ८७ हजारमा कोरोना पुष्टि हुँदा २ लाख ९ हजारको मृत्यु भएको छ । त्यस्तै ५९ लाख ९० हजारमा कोरोना पोजेटिभ देखिएको भारतमा साढे ९४ हजारको मृत्यु भएको छ । त्यसैगरी ब्राजिलमा ४७ लाख १८ हजारमा कोरोना पुष्टि हुँदा १ लाख ४१ हजारको ज्यान गैसकेको वल्ड्रोमिटरले जनाएको छ ।...