संसार

पूर्णपुष्टि, साउन २० भारतमा पछिल्लो २४ घण्टामा ५२ हजारभन्दा धेरैमा कोरोना संक्रमण पुष्टि भएको छ । योसँगै भारतमा सङ्क्रमितको सङ्ख्या १८ लाख ५५ हजार ७ सय ४६ पुगेको भारतको स्वास्थ्य मन्त्रालयले जनाएको छ । अहिलेसम्म भारतमा कोरोनाका कारण मृत्यु हुनेको सङ्ख्या ३८ हजार ९ सय ३८ पुगेको छ । कोरोना सङ्क्रमणको हिसाबले भारत विश्वकै अति प्रभावित देशमध्ये तेस्रो नम्बरमा छ । त्यसैबीच भारतको कर्नाटक राज्यका पूर्व मुख्यमन्त्री तथा विधानसभाका विपक्षी नेता सिद्वारमैया कोरोना सङ्क्रमित भएको छ । उनले आज आफ्नो ट्वीटरमार्फत् सङ्क्रमित भएको जानकारी दिनुभएको हो । उनलाई अस्पताल भर्ना गरिएको भारतीय सञ्चारमाध्यमले जनाएका छन् ।...

पूर्णपुष्टि, साउन २० विश्व स्वास्थ्य संगठन (डब्ल्यूएचओ)ले कोरोना भाइरस विरुद्धको उपयुक्त खोप पत्ता नलाग्न नसक्ने जनाएको छ । कोरोना भाईरस विरुद्धको खोप चाँडै उपलब्ध हुने आशा रहे पनि उपयुक्त खोप भने कहिल्यै पत्ता लाग्न नसक्ने जनाएको हो । कोरोना भाइरस विरुद्धको खोप चाँडै उपलब्ध हुने आशा रहे पनि उपयुक्त खोप कहिल्यै पत्ता नलाग्न सक्ने संगठनका महानिर्देशक डाक्टर टेड्रोज आध्यनोम गेब्रेयेसोसले बताएका छन् । विश्वभरका मानिसलाई सामाजिक दूरी, हातको सफाइ तथा मास्क प्रयोग गर्नेसहितका उपायहरु अपनाउन अपिलसमेत गरेको छ । केही खोपहरु तेस्रो चरणको मानवीय परीक्षणको क्रममा भएकाले सङ्क्रमणबाट जोगाउन खोप प्राप्त हुने आशा छ । अहिलेका लागि महामारी नियन्त्रणमा लिने उपाय भनेको परीक्षण, आइसोलेशन र बिरामीको उपचार नै भएको जनाइएको छ । सङ्क्रमितको सम्पर्कमा आएका व्यक्तिको खोजी गरी क्वरेण्टीनमा राख्नुको विकल्प ...

पूर्णपुष्टि, साउन २० अव नियतबस अरु खेलाडी वा खेल पदाधिकारीका अगाडि खोक्ने खेलाडीलाई रातो कार्ड दिन सक्ने निर्णय भएको छ । अन्तर्राष्ट्रिय फुटबल एसोसिएशन बोर्ड (आइफाब)ले नियतबस अरु खेलाडी वा खेल पदाधिकारी तिर खोक्ने खेलाडीलाई पनि अब रातो कार्ड दिन सक्ने निर्णय गरेको हो । फुटबलका नियम निर्माता तथा फुटबल एसोसिएशनले, सोचविचार गरेर वा नियतबस अरु खेलाडी वा खेल पदाधिकारीतर्फ फर्केर खोक्ने खेलाडीलाई रातो कार्ड दिने व्यवस्था गरेको जनाईएको छ । त्यसरी खोक्नुलाई अपमानजनक, अश्लिल वा दुर्व्यवहारजन्य भाषा वा व्यवहारको प्रयोग सरह लिइने छ । रेफ्रीले अवस्थाको विश्लेषण गरी निर्णय गर्न पाउने अधिकार दिइएको छ । कोरोना भाइरसको विश्वव्यापी महामारीपछि ल्याइएको यो नियम तत्काल लागू भएको बेलायतको फुटबल एसोसिएशनले जनाएको छ ।...

पूर्णपुष्टि, साउन २० आगामी वर्ष जापानको टोकियोमा हुने पाराओलम्पिकको नयाँ मिति सार्वजनिक भएको छ । जापानले कोरोना भाइरसको कारण एक वर्ष पछाडि सरेको पाराओलम्पिकको नयाँ मिति सार्वजनिक गरेको हो । पाराओलम्पिक सन् २०२१ को अगस्ट २४ तारिखदेखि सेप्टेम्बर ५ सम्म हुने तालिका सार्वजनिक गरेको छ । पाराओलम्पिकमा २२ खेलको ५ सय ३९ इभेन्ट्समा प्रतिस्पर्धा हुनेछ ।...

पूर्णपुष्टि, साउन ४ एफए कप फुटबलको फाईनलमा म्यानचेस्टर सिटीलाई पराजित गर्दै आर्सनल प्रवेश गरेको छ । गतराति वेम्वली स्टेडियममा भएको खेलमा सिटीलाई आर्सनलले २–० गोलले पछि पार्दै फाइनलमा प्रवेश गरेको हो । खेलको १९ औँ मिटनमा आर्सनलका कप्तान पिएरे इमिरिक औवमियाङले १ गोल गरे भने खेलको ७१ औँ मिनटमा दोस्रो गोल गर्दै आफ्नो टिमलाई फाईनलमा पुर्याएको थियो । आर्सनलले उपाधिका लागि चेल्सी र म्यानचेस्टर युनाइटेडबीको विजेतासँग प्रतिस्पर्धा गर्नेछ । चेल्सी र युनाइटेडबीचको खेल आज राति हुदैछ ।...

पूर्णपुष्टि, साउन ३ विश्वमा कोरोना भाइरस (कोभिड १९) को सङ्क्रमणबाट मृत्यु हुनेको सङ्ख्या ६ लाख नाघेको छ । विश्वका २ सय १३ देशमा फैलिएको कोरोना भाइरसबाट मृत्यु हुनेको संख्या ६ लाख नाघेको वल्डोमिटरले जनाएको छ । कोरोना प्रभावबारे विश्वको तथ्याङ्क सार्वजनिक गरिरहेको वल्डोमिटरका अनुसार विश्वका १ करोड ४२ लाख १५ हजारभन्दा धेरै संक्रमित भएका मध्ये ६ लाखभन्दा धेरैको मृत्यु भएको छ भने ८४ लाख ८७ हजारभन्दा धेरै उपचारपछि निको भएका छन् । कोरोनाको प्रभाव सबैभन्दा बढी अमेरिकामा परेको छ । अमेरिकामा ३७ लाख ७० हजारभन्दा धेरैमा कोरोना सङ्क्रमण भएको छ भने १ लाख ४२ हजारभन्दा धेरैको मृत्यु भएको छ । दोस्रो स्थानमा ब्राजिल रहेको छ । ब्राजिलमा २० लाख ४८ हजारभन्दा धेरैमा सङ्क्रमण पुष्टि हुँदा ७७ हजार ९ सयभन्दा धेरैको मृत्यु भएको छ । त्यस्तै कोरोना तेस्रो स्थानमा भारत रहेको छ । भारतमा १० लाख ४० हजार ९ ...

पूर्णपुष्टि, साउन ३ आगामी सन् २०२१ मा आयोजना हुने टोकियो ओलम्पिक खेलकुदको खेल तालिका सार्वजनिक भएको छ । आयोजक टोकियो ओलम्पिकले शुक्रबार खेल तालिका सार्वजनिक गरेको हो । खेल जुलाई २३ देखि सुरु भएर अगस्ट ८ सम्म चल्ने छ । खेल तालिका अनुसार खेलको प्रतिस्पर्धा जुलाई २१ देखि नै सुरु हुनेछ । जसमा फुटबल र बेसबल रहेको छ । औपचारिक उद्घाटन भने जुलाई २३ मा हुने आयोजकले जनाएको छ । कोरोना भाइरसको कारण एक वर्ष सरेको ओलम्पिकमा विभिन्न ३३ खेलमा प्रतिस्पर्धा हुनेछ । जम्मा ३ सय ३९ पदकका लागि खेलाडीले प्रतिस्पर्धा गर्ने छन् । टोकियोको विभिन्न ४२ स्थानमा प्रतिस्पर्धा हुने जनाइएको छ । यस अघि टोकियो ओलम्पिक यसै वर्षको जुलाई २४ देखि अगस्ट ९ सम्म हुने तय थियो । तर, कोरोना भाइरस विश्वभर महामारीको रुपमा फैलिएपछि ओलम्पिक प्रतियोगिता एक वर्ष सारिएको हो ।...

पूर्णपुष्टि, साउन २ भारतमा कोरोना सङ्क्रमितको सङ्ख्या १० लाख नाघेको छ । शुक्रबार बिहानसम्म भारतमा कोरोना सङ्क्रमितको सङ्ख्या १० लाख ५ हजार ६ सय ३७ पुगेको वल्डोमिटरले जनाएको छ । उक्त संक्रमितमध्ये २५ हजार ६ सय ९ जनाको मृत्यु भएको छ । भारतमा कुल सङ्क्रमितमध्ये ६३ प्रतिशत बिरामी उपचारपछि निको भएका छन् । विश्वमा सबैभन्दा बढी सङ्क्रमित भएका देशमध्ये अमेरिका र ब्राजिलपछि भारत तेस्रो स्थानमा पुगेको छ । भारतमा दैनिक ३० हजारभन्दा बढी मानिसमा कोरोना सङ्क्रमणको पुष्टि हुने गरेको छ । सङक्रमितको सङ्ख्या बढेसँगै निको हुने दर पनि बढीरहेको छ ।...

पूर्णपुष्टि, साउन २ स्पेनिस ला लिगाको उपाधि रियल मड्रिडले चुमेको छ । गतराति भएको खेलमा भिल्लारियललाई २–१ गोलले अन्तरले हराउँदै रियलले इतिहासमा ३४ औं पटक लिगको उपाधि चुमेकोे हो । घरेलु मैदानमा भएको खेलमा रियलले खेलको २९ औं मिनेटमा करिम बेञ्जिमाले गोल गरे । खेलको ७३ औं मिनेटमा पेनाल्टी पायो । सर्जियो रामोसलाई डिबक्समा लडाएपछि पाएको पेनाल्टीमा सर्जियो रामोसले पहिलो पटकको प्रयासलाई मान्यता दिइएन । फेरि रामोसको सट्टा बेञ्जिमाले प्रहार गरेपछि सहज गोल भयो । एकतर्फि जस्तो आक्रमण गरेको रियालले ८२ औं मिनेटमा अर्को उत्कृष्ट मौका पाएको थियो । तर यसपटक रियलका टोनी क्रुसको प्रहार पोष्टमा लागेर फर्कियो । त्यसको एक मिनेटमा भिल्ला रियलले गोल गर्दै अन्तर कम गर्यो । उसका लागि भिसेन्ट इबोर्राले गोल गरेका थिए । त्यसपछि दुवै टिमबाट थप गोल हुन सकेन र रियल विजयी भयो । यता त्यही समयमा भएको खेलमा बार...

पूर्णपुष्टि, साउन १ भारतको बिहारमा उद्घाटन भएको एक महिनामै पुल भत्किएको छ । २ सय ६४ करोड रुपैयाँमा निर्माण गरिएको विहार राज्यको सत्तरघाट महासेतु पुल उद्घाटन भएको एक महिनामै भत्किएको हो । २ सय ६४ करोड भारु आर्थत (४ सय २२ करोड नेरु) मा निर्माण गरिएको पुलको बिहारका मुख्यमन्त्री नीतिश कुमारले एक महिना पहिले अर्थात् १६ जुनमा उद्घाटन गरेका थिए । गत राति परेको भारी वर्षाको कारण गण्डक नदीमा पानीको मात्रा बढ्दा त्यसको भार थाम्न नसकेर पुल भत्किएको जनाईएको छ । सन् २०१२ बाट निर्माण सुरु गरिएको यो पुल ८ वर्ष लगाएर एक महिना पहिलेमात्र सम्पन्न भएको थियो । बिहारको गोपालगञ्जलाई चम्पारण तथा तिरहुतका धेरै जिल्लासँग जोड्ने यो पुल भत्किएपछि यी क्षेत्रमा आउने जाने बाटो बन्द भएको छ । यो पुल निर्माणमा मुख्यमन्त्री नीतिश कुमारले भ्रष्ट्राचार गरेको भन्दै अहिले बिहारमा उनको तीव्र आलोचना भइरहेको छ ।...