समाचार

पूर्णपुष्टि, मंसिर १४ गते ।  सुजन श्रेष्ठ (धरान) र प्रनिशसिंह ठकुरी (झापा) को जोडीले उदयपुरमा भएको १ नं. प्रदेश स्तरीय व्याड्मिन्टन प्रतियोगिताको उपाधि सनिबार जितेका छन् । त्रियुगा नगरपालिकाको मुख्य प्रायोजन तथा जिल्ला ब्याड्मिन्टन संघ उदयपुरको आयोजनामा भएको प्रतियोगितामा रविन साउदेन (धरान) र प्रकाश राई (दमक) लाई फाईनल खेलमा पछि पार्दै श्रेष्ठ र ठकुरीको जोडीले उपाधी हात पारेको हो । प्रतियोगिताको मेन्स डबल्स खुल्लातर्फ उपाधी हात पारेसंगै उनीहरुले नगद पुरस्कार तीस हजारसहित शिल्ड, मेडल र प्रमाण पत्र हात पारेका छन् । साउदेन र राईको जोडीले दोस्रो स्थानमा चित्त बुझाउदै पच्चीस हजार नगद पुरस्कारसहित शिल्ड, मेडल र प्रमाणपत्र हात पारेका छन् । सो खेलतर्फको तेस्रो स्थान उदयपुरका सरोज खवास र हिमाल श्रेष्ठको जोडी तथा भोजपुरका विसाल तामाङ र प्रमिस श्रेष्ठले हात पारेका छन् । उनीहरुले जनही पाँच हज...

मंसिर १४ गते ।  आज १३ औं दक्षिण एसियाली खेलकुद प्रतियोगिता (साग) अन्तर्गत महिला भलिबलतर्फ सेमिफाइनलका खेल हुँदैछ । सेमिफाइनलमा नेपाली महिला टिमले श्रीलंकासँग प्रतिस्पर्धा गर्ने भएको छ भने नेपाल र श्रीलंकाबीचको खेल साँझ पाँच बजेबाट सुरु हुनेछ । नेपालले श्रीलंकालाई पराजित गर्न सके भलिबलको इतिहासमा सबैभन्दा ठूलो सफलता हात पार्नेछ । नेपालले अहिलेसम्म साग खेलकुदको महिला भलिबलमा कास्य पदक भन्दा ठूलो सफलता हात पार्न सकेको छैन । समूह चरणको खेलमा नेपालले बंगलादेशलाई हराएको थियो भने भारतसँग सोझो सेटमा पराजित भएको थियो । आज हुने पहिलो सेमिफाइनलमा भारत र माल्दिभ्स खेल्दैछन् ।...

मंसिर १४ गते ।  कास्कीको नयाँ बजार र बागमारामा बम विस्फोट भएको छ । पोखरा महानगरपालिका–१६ को शान्ति मावि मतदान स्थल नजिकै र पोखरा–९ को नवप्रभात मावि मतदान स्थलमा मतदान भैरहेको बेला बम विस्फोट भएको हो । मतदान केन्द्र नजिकै विस्फोट हुँदा मतदान केही बेर रोकिएको थियो । रोकिएको मतदान पुन सुरु भएको छ भने सुरक्षा व्यवस्था थप कडा पारिएको छ । अहिले ३२ मतदान स्थलका ८२ वटै केन्द्रमा मतदान भैरहेको जिल्ला निर्वाचन कार्यालय कास्कीका मुख्य निर्वाचन अधिकृत महेन्द्रराज सुवेदीले बताए ।...

उदयपुर,मंसिर १४ गते ।  उदयपुरको लिम्चुङ्बुङमा भिरबाट लडेर एक जना बालकको मृत्यु भएको छ । लिम्चुङ्बुङ गाउँपालिका–३ सिम्ले निबासी भरतबहादुर मगरको छोरा १० वर्षीय ओपे भन्ने गणेशबहादुर मगरको मृत्यु भएको हो । बारा जंगलको धारापानी गैरामा गतसाँझ करिब ६ बजे बालक लडेर मृत्यु भएको प्रहरीले जनाएको छ । मानसिक सन्तुलन ठिक नभएको बालकको लडेर मृत्यु भएको प्रहरीले जनाएको छ । घटनाको जानकारी पाउनासाथ ईलाका प्रहरी कार्यालय लिम्चुङ्बुङबाट तत्काल प्रहरी घटना स्थलमा पुगी घटनाको थप अनुसन्धान भईरहेको प्रहरीले जनाएको छ ।...

पूर्णपुष्टि, मंसिर १३ । उदयपुरको वेलका नगरपालिका स्थित सिसुवा खोला र गिदेरी खोलामा नगरपालिकाले ठेक्का लगाएको गिटि, ढुंगा, बालुवाको शुक्रबार जिल्ला स्थित निकायहरुले संयुक्तरुपमा स्थलगत अनुगमन गरिएको छ । जिल्ला समन्वय समिति उदयपुरको नेतृत्वमा स्थानीयको मागहरुलाई सम्बोधन गर्दै सुरक्षा सहितको टोलीले मापदण्ड अनुरुपको स्थलगत अनुगमन गरेको थियो । बन डिविजन कार्यलयको प्राविधिक टोली सहित (आइइइ) को माध्यमबाट वातावरणीय प्रभाव मूल्याङकनको आधारमा प्रतिवेदन स्वीकृतसहित अनुगमन गरिएको जिल्ला समन्वय समितिका प्रमुख तथा अनुगमन समितिका अध्यक्ष खड्ग परियारले बताए । अनुगमन पश्चात परियारले विस्तृत रुपमा यसको छलफल गरी समधानमा ल्याउने बताए । सम्बन्धित सबै पक्षसहितको बैठको प्रतिवेदनले यसको समधान गर्ने परियारले बताए । बेलका नगरपालिका वडा नं ५ खयारबारीको गिदेरी खोला र वडा नं ४ र ६ को सिमामा रहेको सिसुवा खोला ...

पूर्णपुष्टि, मंसिर  १३  उदयपुरका महिला मानवअधिकारकर्मीहरुले महिला अधिकारको क्षेत्रमा महत्वपूर्ण योगदान दिएको स्मरण गरिएको छ । लैंगिक हिंसाविरुद्धको १६ दिवसीय अभियानको क्रममा शुक्रबार महिला अधिकारकर्मीहरुले आफ्नो  क्षेत्रबाट समुदायलाई गरिएको योगदानको स्मरण गरेका हुन् । महिला अधिकारकर्मीहरुको विगत र वर्तमान तथा अवसर र चुनौतीको बारेमा अन्तरक्रिया भएको थियो । महिला मानवअधिकार रक्षक सञ्जाल उदयपुुरले गाईघाटमा गरेको महिला मानव अधिकारकर्मीको विगत र वर्तमानको भूमिकाबारे अन्तरक्रियामा विगतको स्मरण गरिएको थियो भने वर्तमान र भविष्यका लागि अझ संगठित र एकता हुदै अगाडी बढ्ने प्रण गरिएको छ । महिला मानवअधिकारकर्मीहरुले विगतमा ज्यानसम्म जोखिममा राखेर कष्टपूर्ण र जोखिमपूर्ण कदम चाल्दै अधिकारको क्षेत्रमा लडेको अनुभव र अनुभूती राखेका थिए । द्वन्द्वकालमा राज्यपक्षको धम्की, कडा निगरानी र माओवादीको निय...

राजेन्द्र दुष्ट बेल्टार/मंसिर १३ गते । घर निर्माणको  क्रममा ४ तला माथिबाट गत कार्तिक ७ गते खसेर घाईते भएका एक मजदुरलाई आर्थिक सहयोग प्राप्त भएको छ । पोखरामा घर निर्माणको काम गर्ने क्रममाा लडेर घाईते भएका चौदण्डीगढी नगरपालिका–१ छुईला निवासी २१ वर्षिय युवराज राईको उपचारको लागि जापानबाट आएको सहयोग बुधबार उनबो बुवा  आमालाई हस्तान्तरण गरिएको हो । चौनपा–१ निवासी जापानमा बसोवास गर्दै आएका बसन्त राईको नेतृत्वमा संकलित १ लाख ५ हजार ६ सय ५० रुपैयाँ घाईतेका बुवा मोहन र आमा मैया राईलाई स्थानीय युवा समाजसेवी सन्तोष राई मार्पmत घरैमै पुगेर हस्तान्तरण गेको समाजसेवी राईले बताए । घाईते राईको पोखराको मणिपाल शिक्षण अस्पतालमा उपचार भईरहेको समाजसेवी राईले बताए । आर्थिक अबस्था कम्जोर भएका घाईते राईको उपचारमा आर्थीक समस्या परेको उनको परिवारले जनाएको छ । घाईते राईको ढाड, कम्मर, टाउको र हात खुट्टामा ग...

धनकुटा,मंसिर १३ गते । धनकुटामा ट्याक्टर दुर्घटना हुदाँ ट्याक्टर चालक र सह–चालकको मृत्यु भएका छन् । कोशी राजमार्ग अन्र्तगत धनकुटा नगरपालिका–१ हिलेमा ट्याक्टर दुर्घटना हुदा मृत्यु भएका हुन् । शुक्रबार दिउँसो साढे १ बजे ट्याक्टर दुर्घटना हुदा चालक धनकुटा सिंजालीगाउ निबासी ४० बर्षीय राजकुमार मगर र सह–चालक २७ बर्षीय दलबहादुर सिंजालीमगरको मृत्यु भएको प्रहरीले जनाएको छ । सधुवाबाट हिलेतर्फ आउदै गरेको को २ त ८७२१ नम्बरको ट्याक्टर आफै अनियन्त्रित भई सडकमा पल्टिएर दुर्घटना हुदा चालक राजकुमारको ट्याक्टरले किचि घटना स्थलमै मृत्यु भएको प्रहरीले जनाएको छ । घाईते भएका सहचालक दलबहादुरको उपचारको क्रममा विजयराज हस्पिटल हिलेमा पउने २ बजे मृत्यु भएको जिल्ला प्रहरी कार्यालय धनकुटाले जनाएको छ ।...

ईलाम,मंसिर १३ गते । ईलाममा करेन्ट लागेर एक जनाको मृत्यु भएको छ । ईलाम नगरपालिका–५ को माईखोला हाईड्रो पावरमा काम गर्ने क्रममा बारा बर्दिया घर भई ईलाम बस्दै आएका २८ बर्षीय बालकुमार चौधरीको मृत्यु भएको हो । गतराती ११ बजे हाईड्रोपावरमा कामगर्ने क्रममा तार सट भई करेन्ट लागी बेहोस भएका चौधरीको उपचारको क्रममा राती २ बजे मृत्यु भएको जिल्ला प्रहरी कार्यालय ईलामले जनाएको छ । घटनाको थप अनुसन्धान भईरहेको प्रहरीले जनाएको छ ।...