समाचार

पूर्णपुपुष्टि, २७ चैत्र । प्रतिबन्धित लागू औषध ब्राउन सुगर जस्तो देखिने पदार्थ सहित दुई जनालाई जिल्ला प्रहरी कार्यालय उदयपुरले पक्राउ गरेको छ । ईलाका प्रहरी कार्यालय रामपुरठोक्सिलाबाट खटिएको प्रहरी टोलीले चैत सोमवार साँझ १९ः०० बजेको समयमा रामपुरबाट लालबजार तर्फ जाँदै गरेको को ३९ प ५६४९ न। को स्कुटरमा सवार २ जना मानिसहरुको साथबाट १ ग्राम ३३८ मिलिग्राम प्रतिबन्धित लागूऔषध ब्राउन सुगर जस्तो देखिने पदार्थ फेला पारेका थिए । पक्राउ पर्नेहरुमा स्कुटर चालक बेलका न.पा. वडा नं. ३ बस्ने वर्ष २६ को मुस्कान राई र पछाडी वर्ष २१ को खम्ब बहादुर दाहाल रहेका छन् । उनिहरुलाई ईलाका प्रहरी कार्यालय रामपुरठोक्सिलाको हिरासतमा राखि थप अनुसन्धान भईरहेको छ ।    ...

रुदी होलीन आमा घरमा बोल्न नपाएर । छोरा सँग मनका कुरा खोल्न नपाएर । कहिले डिउटी चोक बजार कहिले डिउटी टाउन । कहिले हुन्छ बन्द हड्ताल कहिले लक डाउन । नत यहाँ म कतै जान्छु नत आफन्त भेट्छु । आमा तिम्रो तस्विर हेर्दै भेट्ने रहर मेट्छु । ओईलाएर आफु अब देशको लागि फुल्दैछु । जनताको सेवा गर्दै चाड पर्वलाई भुल्दैछु । मन रुन्छ पिटि परेड दुख्छ किन जिउ । बाहाना बनाई घर आउँद भने छैन कुनै निउ । माहामारीमा देश डुब्यो कसरी म हाँसु । घरको माया सम्झी ल्याँउदा झर्छ मेरो आशु । लेखक उत्तम ढकाल प्रहरी जवान, ताप्लेजुङ खेवाङ      ...

पूर्णपुष्टि, चैत्र २६ । उदयपुरको त्रियुगा नगरपालिका–९ रातमाटे स्थितमा लागुऔषध ब्राउन सुगर जस्तो देखिने पदार्थ सहित ४ युवालाई प्रहरीले पक्राउ गरेको छ । जिल्ला प्रहरी कार्यालय उदयपुरका प्रमुख प्रहरी उपरीक्षक (एसपी) हरिहरनाथ योगीका अनुसार आइतबार राति ११:४० बजेको समयमा सवारी चेकजाँचका क्रममा गाईघाटबाट साउनेतर्फ जाँदै गरेको बा ११ च ९४११ नम्बरको कारबाट करिब ७ ग्राम ब्राउन सुगर जस्तो देखिने पदार्थ बरामद गरिएको हो । लागुऔषध जस्तो देखिने पदार्थ बरामद भएसँगै कार चालक भक्तपुर मध्यपुर ठिमी नगरपालिका–२ का ३१ वर्षीय आशिष जोशी, गोर्खा नगरपालिका–७ का २५ वर्षीय सबिन गान्दारी मगर, सोलुखुम्बु घर भई हाल भक्तपुर सूर्यविनायक नगरपालिका–९ मा बस्ने २१ वर्षीय बरबिन खत्री र सुनसरी बराहक्षेत्र नगरपालिका–११ का एलिया बलम्पाखी मगरलाई पक्राउ गरिएको एसपी योगीले बताए । बरामद पदार्थ वास्तविक ब्राउन सुगर हो वा होइन भन्ने ...

पूर्णपुष्टि, चैत्र २५ । मकवानपुरको मनहरी गाउँपालिका–९ खरङ्गा स्थित पूर्व–पश्चिम राजमार्गमा सोमबार बिहान बसको ठक्करबाट उदयपुर गाईघाटका एक व्यक्तिको मृत्यु भएको छ । जिल्लाको त्रियुगा नगरपालिका–११ संगम टोल निवासी ५८ वर्षीय जितबहादुर प्रधानले बिहान २ बजेतिर शौच गर्नका लागि आफू सवार गाडी रोकेर सडक पार गर्ने क्रममा विपरीत दिशाबाट आइरहेको बसले ठक्कर दिएको थियो । इलाका प्रहरी कार्यालय मनहरीका डिएसपी श्यामु अर्यालका अनुसार मृतक प्रधान बा.प्र.०१–००६ ख ६७१६ नम्बरको गाडीमा सवार थिए । उनी सडकको अर्को तर्फ जाँदै गर्दा विपरीत दिशाबाट आइरहेको ना ८ ख १८०९ नम्बरको बसले ठक्कर दिएको हो । गम्भीर घाइते प्रधानलाई तत्काल उपचारका लागि हेटौंडा अस्पताल लगिएको थियो । तर उपचारकै क्रममा चिकित्सकले बिहान ३स्३० बजे उनलाई मृत घोषित गरेका थिए । मृतक प्रधानको शव पोस्टमार्टमका लागि हेटौंडा अस्पतालमा राखिएको छ । प्रहरील...

पूर्णपुष्टि, चैत्र २५ । महिला पुनर्स्थापना केन्द्र (ओरेक) उदयपुरले आफ्नो ३४ औँ स्थापना दिवस सोमबार विशेष कार्यक्रमको आयोजना गरी मनाएको छ । त्रियुगा नगरपालिका वडा नं. ९ राजावास स्थित संस्थाको कार्यालय परिसरमा आयोजित कार्यक्रममा त्रियुगा नगरपालिकाका उप–मेयर महेश्वरी राईको प्रमुख अतिथिमा स्थापना दिवस मनाएको हो । उपमेयर राईले पानसमा दियो बाली कार्यक्रमको उद्घाटन गर्दै महिला हिंसा विरुद्धको अभियानमा ओरेकले पुर्‍याएको योगदान अतुलनीय रहेको बताईन् । स्थानीय सरकारले पनि महिला सशक्तिकरणका लागि विभिन्न कार्यक्रमहरू संचालन गरिरहेको छ र नगरपालिका यस्ता संस्थाहरूसँग हातेमालो गरेर अगाडि बढ्न तयार रहेको बताईन् । महिला पुनर्स्थापना केन्द्र उदयपुरकी अध्यक्ष बाला कार्कीले २०४७ साल चैत्र १९ गते स्थापित ओरेक उदयपुर महिला अधिकारप्रति समर्पित एक गैरसरकारी संस्था रहेको बताइन् । उनका अनुसार संस्थाले स्थापना ...

पूर्णपुष्टि, चैत्र २५ । कोशी प्रदेश प्रहरी कार्यालय विराटनगरका प्रमुख प्रहरी नायव महानिरिक्षक (डिआईजी) राजन अधिकारीले जिल्ला प्रहरी कार्यालय उदयपुरको परिसरमा निर्मित बहुउद्देश्यीय भवनको उद्घाटन गरेका छन् । सोमबार एक औपचारिक कार्यक्रमका बीच प्रहरी नायव महानिरिक्षक अधिकारीले उक्त भवनको उद्घाटन गरेका हुन् । समारोहमा प्रमुख अतिथिका रूपमा बोल्दै महानिरिक्षक अधिकारीले विभिन्न स्रोतबाट साधन जुटाएर बहुउद्देश्यीय हल निर्माण गर्न सफल भएकोमा जिल्ला प्रहरी कार्यालय उदयपुरका सम्पूर्ण परिवारलाई धन्यवाद दिए । उनले प्रहरी कार्यालय परिसरभित्र बनेको यो भवन सबैको साझा सम्पत्ति रहेको बताए । ‘प्रहरीको प्राङ्गणमा भएपनि यो भवन आम नेपाली जनताको साझा सम्पत्ति हो,’ महानिरिक्षक अधिकारीले भने । प्रहरी परिसरमा निर्माण गरिएका सबै संरचनाहरू नागरिककै सम्पत्ति रहेको महानिरिक्षक अधिकारीले बताए । जिल्ला प्रशासन कार्यालय ...

पूर्णपुष्टि, २५ चैत्र । नेकपा माओवादी केन्द्र बेलका नगरको अध्यक्षमा राम कुमार कम्मर चयन भएको छ । बेलकाको तेस्रो नगर अधिवेशनबाट राम कुमार कम्मरको अध्यक्षतामा समिति चयन गरेको हो । समितिको उपाध्यक्षमा हरि श्रेष्ठ, उपाध्यक्ष ललित राई, उपाध्यक्ष शिव थापा रहेका छन् भने सचिवमा आकास राई चयन भएको छ । यता कोषाध्यक्षमा भिमा न्यौपाने चयन हुँदा प्रवक्तामा उमेश लामिछाने चयन भए । कार्यलय सदस्यहरुमा नबराज गुरागाई, कुमारमाल परियार, मार्था तामाङ सहित ३९ सदस्सीय कार्य समिति चयन भएको छ ।...

पूर्णपुष्टि, चैत्र २४ । विराटनगरमा सम्पन्न छैठौं संस्करणको साइक्लोथन सिक्स प्वाइन्ट प्रतियोगिताको उपाधि उदयपुरका १८ वर्षीय निमा शेर्पाले जितेका छन् । रोटरी क्लब अफ विराटनगर फ्युजनको आयोजनामा भएको प्रतियोगितामा जिल्लाको त्रियुगा नगरपालिका–१० का शेर्पाले ३०० भन्दा बढी प्रतिस्पर्धीलाई पछाडि पार्दै प्रथम स्थान हासिल गरे । शेर्पाले मात्र २५ मिनेटमा १४ किलोमिटरको दूरी पार गरी प्रभावशाली प्रदर्शन गरेका थिए । प्रतियोगितामा धरान–११ का १७ वर्षीय दिपसागर तामाङ दोस्रो र त्रियुगा–१० कै १४ वर्षीय कुशान शेर्पा तेस्रो स्थानमा रहे । स्थानीय आदर्श माध्यमिक विद्यालय प्राङ्गणबाट सुरु भएको यस प्रतियोगिता अघि द गोल्ड जिमका प्रतिनिधिहरूले सहभागीहरूलाई वार्मअप गराएका थिए । प्रतियोगिताको औपचारिक सुरुवात शहीद रंगशाला सामुन्नेको सडकबाट भएको थियो, जहाँ पूर्वाञ्चल विश्वविद्यालयका उपकुलपति प्रा. डा. बिजुकुमार थपल...

पूर्णपुष्टि, चैत्र २४ । नेपाल शिक्षक संघ उदयपुरले (भोली) सोमबारदेखि आम शैक्षिक हडताल गर्ने घोषणा गरेको छ । आइतबार संघका अध्यक्ष सुवास बिष्टले विज्ञप्ति जारी गर्दै नेपाल शिक्षक महासङ्घ केन्द्रीय कार्यसमितिको आह्वानमा गत चैत्र २० गतेदेखि जारी सडक आन्दोलनमा सरकारबाट प्रभावकारी सुनुवाई नभएको भन्दै आम हडतालको घोषणा गरेका हुन् । विज्ञप्तिमा उल्लेख भए अनुसार गुणस्तरीय विद्यालय शिक्षा तथा विद्यार्थी र शिक्षक कर्मचारी मैत्री विद्यालय शिक्षा ऐन जारी गराउन र आन्दोलनलाई अझ सशक्त बनाउनका लागि आम शैक्षिक हडताल गर्न लागिएको हो । संघले जिल्लाका सम्पूर्ण शिक्षक तथा कर्मचारीहरूलाई माध्यमिक शिक्षा परीक्षा (एसईई) र कक्षा ८ को आधारभूत तहको परीक्षा (बिएलई) अन्तर्गत उत्तर पुस्तिका परीक्षण कार्यमा सहभागी नहुन तथा आन्दोलनलाई निर्णायक बनाउन अनिवार्य रूपमा सहभागी हुन आह्वान गरेको छ । साथै, विज्ञप्तिमार्फत विद्...

पूर्णपुष्टि, २४ चैत्र । नृत्य निर्देशक संघ उदयपुरका अध्यक्षमा प्रेम जंङ्ग किराती चयन भएको छ । शनिवार बेल्टारमा भएको प्रथम अधिवेशनले किरातीको नेतृत्वमा ११ सदस्यीय कार्यसमिति चयन भएको हो । समितिको उपाध्यक्षमा दिनेश लामा, सचिवमा निमेश राई, सहसचिवमा तुलसा श्रेष्ठ, कोषाध्यक्षमा गरिमा तामाङ्ग चयन भएको छ भने सदस्यहरुमा अमित राउत, पेमु तामाङ्ग, राजन रसाईली, रितु राई, सपन राई र रोशन राई रहेको छ । नृत्य निर्देशक संघ कोशी प्रदेश सह सचिब मिथुन ठाकुरको अध्यक्षतामा निर्देशक सघ नेपाल उदयपुरको प्रथम अधिबेशमा बसेको बैठकले किरातीलाई सर्वसहमत चयन गरेको हो ।...