स्वास्थ्य

पूर्णपुष्टि, जेष्ठ १४ पछिल्लो २४ घण्टा नेपालमा हाल सम्मकै बढी कोरोना संक्रमित निको भएको छ । २४ घण्टाको अवधिमा ९ हजार ८४१ जना निको भएको छ । यता संक्रमितको संख्या ६ हजार ९५१ रहेको छ । संक्रमितको संख्या पनि अघिल्लो दिन भन्दा १० जनाले मात्रै बढेको देखिएको छ । यो संख्या पहिलो दिनको भन्दै केहि बढी नत्र सोही हाराहारीमा रहेको छ । यता मृत्युको संख्या पनि घटेको छ । अघिल्लो दिन १०६ जना संक्रमितले ज्यान गुमाएकोमा पछिल्लो २४ घण्टामा ९६ जनाले ज्यान गुमाएको छ । १९ हजार ३१३ पीसीआर परीक्षणमा ६८५५ र ७९७ एन्टिजेन परीक्षणमा ९६ जना गरी ६९५१ जनामा संक्रमण पुष्टि भएको हो । योसँगै नेपालमा कोरोना भाइरस संक्रमितको कुल संख्या ५ लाख ४९ हजार १११ पुगेको छ । सक्रिय संक्रमितको संख्या १ लाख १३ हजार ३९४ मा झरेको छ । हालसम्म कोरोना सङ्क्रमणबाट मृत्यु हुनेको संख्या ७ हजार ४७ पुगेको छ ।  ...

पूर्णपुष्टि, जेष्ठ १४ कोरोनाको माहामारीमा महिला प्रजनन्मा सहजीकरण र मातृमृत्युदरलाई ध्यानमा राखि महिला पुनस्र्थापन केन्द्रले सरकारलाई ध्यानाकर्षण गराएको छ । केन्द्रले सरकार तथा सम्बन्धित सरोकारवाला निकाय समक्ष बिभिन्न ९ बुदे माग सहित ध्यानाकर्षण गराएको हो । पहिलेको माहामारीमा पनि मातृमृत्युदर ह्वात्तै बढेको र यो दोस्रो लहरमा पनि यतिनै बढेको भन्ने एकिन हुन तथ्याङमा आईनसकेको हुँदा महिला प्रजनन् अधिकार सुनिश्चितामा सरकारको ध्यान जानु पर्ने केन्द्रले बताएको छ । माहामारीको बेला धेरै गर्भवती महिला तथा किशोरीहरु यातायात, कोरोना माहामारीको डर, हस्पिटलको प्रयाप्त सुविधामा कटौती र अव्यवस्थीत उपचारका कारण हस्पिटलमा जान बन्चित छन् । यसले नेपालमा महिला र किशोरीहरुको यौन तथा प्रजनन् स्वास्थ्य अधिकार सुनिश्चित हुन नसकेको केन्द्रले जनाएको छ । केन्द्रले सरकारलाई विज्ञाप्ती मार्फत ध्यानाकर्षन गराउँ...

पूर्णपुष्टि, जेष्ठ १४ उदयपुरमा पछिल्लो २४ घण्टामा थप ७८ जनामा कोरोना संक्रमण पुष्टि भएको छ । जिल्ला स्वास्थ्य कार्यालय उदयपुरका अनुसार पछिल्लो समय ४२ पुरुष र ३६ महिला गरी ७८ जनामा संक्रमण पुष्टि भएको हो । थप भएकाहरु त्रिनपा, उदयपुरगढी, बेलका र चौदण्डीकाहरु छन् । स्वास्थ्य कार्यालयका अनुसार आज प्राय सबै त्रियुगाकै रहेको छ । ७८ जना संक्रमितहरु मध्ये त्रियुगाको सबै भन्दा बढी ७० जना रहेको छ । बाँकी ८ जना बेलकाको ५, चौदण्डीको २ र उदयपुरगढीको १ जना रहेको छ । यो सँगै जिल्लामा कुल संक्रमितको संख्या ११०२ पुगेको छ भने सक्रिय संक्रमितको संख्या ८६३ रहेको छ । पछिल्लो २४ घण्टामा उदयपुरमा १ जानाको मृत्यु भएको छ । मृत्यु हुनेमा बेलका नगरपालिका २ का ६५ बर्षिय पुरुष रहेको छ । उनको बिराट मेडिकल कलेज बिराटनगरमा मृत्यु भएको हो । यो सँगै जिल्लामा मृतकको संख्या ३१ पुगेको छ । यसैगरी निको हुनेको संख्या २०८ छ ।...

पूर्णपुष्टि, जेष्ठ १४ भेरी अस्पतालमा स्वास्थ्यकर्मी र चिकित्सकलाई हातपात गरेको बिषय अहिले निकै बिवादित बनेको छ । यो बेला हररात बिरामीको सेवामा खटिरहेको स्वास्थ्यकर्मी माथी हात पात गरेको भन्दै भेरी अस्पतालका स्वास्थ्यकर्मी तथा चिकित्सकहरुले बिरोध जनाएको छ । स्वास्थ्यकर्मीमाथि कुटपिट र अस्पताल तोडफोड गर्ने कार्य गैरजिम्मेवार र गैरकानूनी भएकाले संलग्नमाथि कानुनी कारबाही हुने गृह मन्त्रालयले जनाएको छ । यसैबीच, मन्त्रालयले स्वास्थ्यकर्मीको सुरक्षामा ध्यान दिन ७७ वटै जिल्लाका प्रमुख जिल्ला अधिकारीलाई निर्देशन दिएको छ । महामारीको विषम परिस्थितिमा उपचारमा खटिएका स्वास्थ्यकर्मीमाथि आक्रमण बढेको भन्दै गृहले सुरक्षामा ध्यान दिन निर्देशन दिएको हो । बिहीबार राति भेरी अस्पतालमा स्वास्थ्यकर्मीमाथि कुटपिट भएको थियो, घटनामा संलग्न रहेको आरोपमा तीन जना पक्राउ परिसकेका छन् । बिरामीको मृत्यु भए...

पूर्णपुष्टि, जेष्ठ १३ पाँचथरमा कोरोना संक्रमित वडाअध्यक्षको निधन भएको छ । पाँचथरको हिलिहाङ गाउँपालिका–४ का वडाध्यक्ष श्रीप्रसाद शिगूको कोरोना संक्रमणबाट निधन भएको हो । कोरोना भाइरसको सङ्क्रमण भएपछि श्वासप्रश्वासमा समस्या देखिएको वडाअध्यक्ष शिगूलाई दुई सातादेखि झापाको बिर्तामोडस्थित बिएण्डसी अस्पतालमा उपचार गराईरहेको थियो । वडाध्यक्ष शिगूलाई विहीबार बिहान चिकित्सकले मृत घोषित गरेको गाउँपालिकाका अध्यक्ष भुवानीप्रसाद लिङदेनले पुष्टि गरे । शवको व्यवस्थापन झापामै गर्ने तयारी भइरहेको उनले जानकारी दिए ।  ...

पूर्णपुष्टि, जेष्ठ १३ नेपालमा पछिल्लो २४ घण्टामा कोरोना बाट निको हुनेको संख्या बढेको पाइएको छ । यसअघि ७४ प्रतिशतमा झरेको निको हुने दर ७७.२ प्रतिशत पुगेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टाको रेकर्ड हेर्दा २० हजार ९९२ को कोरोना परिक्षणमा ६ हजार ९३९ जनामा संक्रमण पुष्टि भएको छ । यता निको भएको संक्रमित संख्या भने ७ हजार २२६ रहेको छ । नेपालमा यो सँगै कोरोना बाट निको हुनेको संख्या चार लाख १८ हजार ८२९ जना रहेका छन् । यसैगरी पछिल्लो २४ घण्टामा १०६ जनाको मृत्यु भएको छ । यो संगै नेपालमा मृत्यु हुनेको संख्या छ हजार ९५१ पुगेको छ । नेपालमा कुल संक्रमितको संख्या पाँच लाख ४२ हजार २५६ पुगेको छ ।  ...

पूर्णपुष्टि, जेठ १२ । गएको २४ घण्टामा उदयपुरमा थपिने कोरोना संक्रमितको संख्याले सय नाघेको छ । अहिलेसम्मकै सबैभन्दा बढि संक्रमित थपिने रेकर्ड राख्दै १३८ जना संक्रमित थपिएका हुन् । २८४ जनाको एन्टिजेन परिक्षण गर्दा ४८ जना महिला र ९० जना पुरुष संक्रमित थपिएका हुन् । थपिएकामा त्रियुगा नगरपालिकाको ४८, रौतामाई गाउँपालिकाको ३८, कटारी नगरपालिकाको २६, लिम्चुङबुङ गाउँपालिकाको १२, उदयपुरगढी गाउँपालिकाको ८ र बेलका नगरपालिकाको ७ रहेका छन् । पछिल्लो समय थपिएको संक्रमितसंगै उदयपुरमा सक्रिय संक्रमितको संख्या ७७९ पुगेको छ । संक्रमितहरु मध्ये ७०७ जना होम आइसोलेशनमा छन् भने ७२ जना संस्थागत आइसोलेशनमा उपचारमा छन् । पछिल्लो २४ घण्टामा मृत्यु हुने र निको हुनेको संख्या स्वास्थ्य कार्यालयको अभिलेखमा थपिएको छैन । हालसम्म जिल्लामा निको हुनेको संख्या १५४ र मृत्यु संख्या २९ रहेको छ । सक्रिय संक्रमित ७७९...

पूर्णपुष्टि, जेष्ठ १२  पछिल्लो २४ घण्टामा थप ६ हजार ७ सय १४ जनामा कोरोना भाइरसको संक्रमण पुष्टि भएको छ । १९ हजार ३० जनाको पीसीआर परिक्षण गर्दा ६ हजार ६ सय ७७ जनामा र ३ सय २२ जनाको एन्टिजेन परिक्षणमा ३७ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा कोरोना जितेर ६ हजार ७ सय १६ जना निको भएर घर फर्किएका छन् । त्यस्तै १ सय ४५ जनाको कोरोनाबाट ज्यान गएको मन्त्रालयले जनाएको छ । योसँगै मृतकको संख्या ६ हजार ८ सय ४५ पुगेको छ । देशभरमा संक्रिय संक्रमितको संख्या १ लाख १७ हजार ७७ रहेका छन् ।...