स्वास्थ्य

पूर्णपुष्टि,कार्तिक १४  चितवन मेडिकल कलेजमा कोरोना संक्रमित दुई पुरुषको उपचारको क्रममा मृत्यु भएको छ । चितवनको रत्ननगरपालिका–९ का ८८ वर्षीय पुरुष र रुपन्देहीे जिल्ला वुटवल उपमहानगरपालिका–८ का ८४ वर्षीय पुरुषको मृत्यु भएको हो । ८८ बर्षीय पुरुष उच्च रक्तचाप र मधुमेहको समस्याबाट पीडित  भएको अस्पतालले जनाएकोे छ । उनी कात्तिक ११ गते अस्पतालमा भर्ना भएका थिए । उनको स्वाव परीक्षण गर्दा १२ गते कोरोना रिर्पोट पोजेटिभ आएको थियो । अस्पतालका अनुसार ८४ बर्षीय पुरुषमा ज्वरो, उच्चरक्तचाप र श्वास प्रश्वासको समस्यालगायतका लक्षण थियो । उनी कात्तिक ११ गते अस्पताल भर्ना  भएका थिए । उनको रिर्पोट पोजेटिभ आएको अस्पतालले जनाएकोे छ ।...

पूर्णपुष्टि,कार्तिक १२  डोटीमा अरिङ्गालको टोकाइबाट एकै परिवारको २ बालिकाको मृत्यु भएको छ । सायल गाउँपालिका–१ छपाली निवासी भिमबहादुर रोकायाकी छोरी पाँच वर्षीया मनिषा र तीन वर्षीया सृजना रोकायाको मृत्यु भएको जिल्ला प्रहरी कार्यालय डोटीले जनाएको छ । घर नजिकैको रुखमा बसेको अरिङगालले टोकेर गम्भीर घाइते भएका दुबै बालिकालाई उपचारका लागि स्थानीय स्वास्थ्य संस्थामा लैजादै गर्दा बाटोमै मृत्यु भएको स्थानीयवासीले बताए ।...

पूर्णपुष्टि,कार्तिक १२ सप्तरीमा कारको ठक्करबाट आज बिहान एक वृद्धको मृत्यु भएको छ । कञ्चनरुप नगरपालिका वडा नम्बर २ बरमझियाका ७५ वर्षीय तिलक सुरेतको घटनास्थलमै मृत्यु भएको हो । पूर्वपश्चिम राजमार्ग अन्तर्गत सप्तरीको बरमझियामा बा १८ च ७७३४ नम्बरको कारले बाटो काट्ने क्रममा सुरेतलाई ठक्कर दिएको इलाका प्रहरी कार्यालय कञ्चनपुरले जनाएको छ । प्रहरीका अनुसार कारले ठक्कर दिएपछि भाग्न खाजेका कार चालकलाई प्रहरी चौकी मोहलीले पक्राउ गरेको जिल्ला प्रहरी कार्यालय सप्तरीले जनाएको छ  ।...

पूर्णपुष्टि,कार्तिक १२ पाँच दिन देखी स्थगित स्वास्थ्य मन्त्रालयको पत्रकार सम्मेलन पुन सुरु भएको छ । स्वास्थ्य तथा जनसंख्या मन्त्रालयले कोभिड १९ का बारेमा गर्दै आएको जानकारी आजबाट नियमित हुने भएको हो । स्वास्थ्य मन्त्रालयले नियमित पत्रकार सम्मेलन तथा सामाजिक सञ्जालबाट गरी निरन्तर २ सय ६० दिनदेखि कोभिड १९ का बारेमा जानकारी गराउँदै आएको छ । दशैँ पर्वका कारण स्थगित पत्रकार सम्मेलन आजदेखि नियमित र थप परिमार्जनसहित हुने स्वास्थ्य मन्त्रालयले जनाएको छ । मन्त्रालयका अनुुुसार गएको शुक्रबारदेखि पाँच दिनका लागि नियमित पत्रकार सम्मेलन स्थगित गरेको थियो । मन्त्रालयले दशैँ बिदाका बेलामा कोभिड १९ का बारेमा आवश्यक सूचना सामाजिक सञ्जालबाट जानकारी गराएको थियो ।...

पूणर्पुष्टि,कार्तिक ११  यो बेला हरेक नेपालीको घर–आँगनमा चाडपर्वको रौनक छाएको छ । दसैंको बिदाई लगतै अर्को पर्व तिहारको आगमन हुन्छ । दसैं सकिए पनि परिवारका जेष्ठ सदस्यबाट टीका, जमरा र आर्शिवाद  लिने क्रम भने अझै सकिएको छैन । पूर्णिमा सम्म आफू भन्दा ठूलाको हातबाट टीको लगाउने प्रचलन नेपाली समाजमा रहेको छ । नेपालीहरु वर्षभरि विभिन्न कामले देश–विदेशमा रहे पनि दसैं तिहारमा भने घरमा भेला भई मिठो परिकार खानुका साथै आशिर्वाद आदानप्रदान गर्ने गरछन् । तर यो वर्ष भने कोभिड–१९ को महामारीको बीचमा दसैं–तिहार मनाइरहँदा कोरोना भाइरसबाट बच्न विशेष सावधानी अपनाउनु पर्ने देखिन्छ । साँच्चै भन्नु पर्दा अहिलेको अवस्था जटिल छ । यो महामारीको विशेष अवस्था हो । कतिपय मानिसले कोरोनालाई बेवास्ता गरेको पनि पाइन्छ । तर कोभिड–१९ संक्रमणबाट बच्न सकेसम्म प्रयास गर्नुपर्छ ।   जटिल अवस्थाका दर्जनौं कोभिड संक्रमित...

पूर्णपुष्टि,कार्तिक ११ सप्तरीमा मोटरसाइकल र साइकल ठोक्किँदा २ जनाको मृत्यु भएको छ । साइकल चालक मोरङको उर्लाबारी नगरपालिकाका ५५ वर्षीय केदार श्रेष्ठ र मोटरसाइकल चालक सप्तरीको सप्तकोशी नगरपालिका–७ का मुकेश सिंहको मृत्यु भएको हो । पूर्वपश्चिम राजमार्ग अन्तर्गत सप्तरीको कञ्चनरुप नगरपालिका–८ मा स १० प ९१३१ नम्बरको मोटरसाइकल र साइकल ठोक्किँदा साइकल चालक र मोटरसाइकल चालकको मृत्यु भएको जिल्ला प्रहरी कार्यालय सप्तरीले जनाएको छ । प्रहरीका अनुसार श्रेष्ठको विराटनगर र सिंहको राजविराजको गजेन्द्रनारायण सिंह अस्पतालमा उपचारका क्रममा मृत्यु भएको हो । दुर्घटनामा परि घाइते भएका मोटरसाइकलको पछाडि सवार सप्तकोशी नगरपालिका–७ का २५ वर्षका अनिलकुमार यादवको स्थानीय अस्पतालमा उपचार भैरहेको छ ।...

 पूर्णपुष्टि,कार्तिक ११ बैतडीमा कुटपीटबाट एकजनाको ज्यान गएको छ । पञ्चेश्वर गाउँपालिका–३ डुङरीका ३२ वर्षीय कमलबहादुर साउँदको ज्यान गएको प्रहरीले जनाएको छ । साउँदमाथि कुटपीट भएलगत्तै उनलाई उपचारका लागि धनगढी पठाएको थियो । धनगढीमा उपचार सम्भव नभएपछि थप उपचारका लागि कोहलपुर पठाएको थियो । साउँदको कोहलपुर नपुग्दै हिजो बाटोमै मृत्यु भएको प्रहरीले जनाएको छ । साउँदलाई स्थानीय ज्ञानेन्द्र चन्द्र र विरेन्द्र चन्दले माधक पर्दाथ सेवन गरी गत असोज ९ गते राती कुटपीट गरेको प्रहरी कार्यालय बैतडीले जनाएको छ । मृतकको शव पोष्टमार्टमका लागि जिल्ला अस्पताल बैतडीमा राखिएको छ । कुटपीटमा संलग्नध भएका  ज्ञानेन्द्र चन्द र विरेन्द्र चन्दलाई नियन्त्रणमा लिएर अनुसन्धान भइरहेको प्रहरीले जनाएको छ ।...

पूर्णपुष्टि,११ कार्तिक  लुम्बिनी मेडिकल कलेज तानसेन पाल्पामा उपचाररत दुईजना कोरोना संक्रमितको मृत्यु भएको छ । रुपन्देही तिलोत्तमा नगरपालिका–३ का ७४ वर्षीय पुरुष र पूर्वखोला गाउँपालिकाकी–३ की ६९ वर्षीया महिलाको मृत्यु भएको हो । दुबै कोरोना संक्रमितको हिजो राती मृत्यु भएको जिल्ला स्वास्थ्य कार्यालय पाल्पाले जनाएको छ । तिलोत्तमा नगरपालिका–३ का ७४ वर्षीय पुरुषमा कोरोना संक्रमण पछि स्वासप्रश्वासको समस्या बढ्दै गएपछि रुपन्देहीको अस्पतालमा भन्टिलेटर नपाएपछि उनलाई पाल्पाको लुम्बिनी मेडिकल कलेज तानसेनमा असोज ४ गते भर्ना गरिएको थियो । पाल्पा पूर्वखोलाकी महिला दुर्घटनामा परी उपचारको लागि मेडिकल कलेज ल्याएको थियो । केही संकास्पद लक्षण देखिएपछि स्वाब परीक्षण गर्दा रिर्पोट पोजिटिभ आएको कार्यालयले जनाएको छ ।...

पूर्णपुष्टि,कार्तिक ११ खोटाङमा जिप दुर्घटना हुँदा ३ जनाको मृत्यु भएको छ । बराहापोखरी गाउँपालिका–५ सोह्रखानीमा हिजो साँझ ७ बजेतिर भएको जिप दुर्घटनामा उदयपुर चौदण्डीगढी नगरपालिका–८ की २० वर्षीया बृहस्पति राई, बराहापोखरी–६ का ४० वर्षीय विशु राई र बराहापोखरी गाउँपालिका–६ कै ४५ वर्षीय दक्षुमान राईको घटनास्थलमै मृत्यु भएको हो । उदयपुर र खोटाङको सिमानामा पर्ने बङ्सिलाघाटबाट चिसापानी आउँदै गरेको को १ ज ३४७० नम्बरको जीप दुर्घटना हुँदा ३ जनाको घटनास्थलमै मृत्यु भएको र ४ जना घाइते भएको जिल्ला प्रहरी कार्यालय खोटाङकाले जनाएको छ । सोही दुर्घटनामा बृहस्पतिकै २८ वर्षीय श्रीमान छत्रबहादुर राई, उनकै ९ महिने बच्चा दिप्सन राई, बराहापोखरी–६ का ३२ वर्षीया नविना राई र चौदण्डीगढी नगरपालिका–८ का ३० वर्षीय दीपक परियार घाइते भएका हुन् । दुर्घटनामा घाईते भएकालाई उपचारका लागि धरानस्थित बीपी कोइराला ...

पूणर्पुष्टि, कार्तिक ९ प्रक्रिया नपुगी अबैध रुपमा संञ्चालन गरेको भन्दै गाईघाटको टाईम्स पोलिक्लिनिक हेल्थ कियर सेन्टरलाई सिल्ड गरेको छ । स्वास्थ्य कार्यलय उदयपुरको नेतृत्वमा आइतबार सिल्ड गरेको हो ।स्वास्थ्य कार्यलय र त्रियुगा नगरपालिकामा समेत कुनै पनि दर्ता नगरी संञ्चालन गरेको पोलिक्लिनिकलाई सिल्ड गरेको स्वास्थ्य कार्यलय उदयपुरका प्रमुख मोहन सुवेदीले बताउनुभयो । स्वास्थ्य कार्यलय सँगै प्रहरी, प्रशासन, स्थानीय, जनप्रतिनिधि वाणिज्य संघ लगाएतको उपस्थितिमा सिल्ड गरिएको छ ।  शनिवार मात्रै सोहि क्लिनिकमा एक जना विरामीको मृत्यु भएपछि आफन्तहरुले क्लिनिकले लापर्वाहि तरिकाले उपचार गरेको भन्दै विरोध समेत गरेका थिए । सामान्य विरामी हस्पिटल उपचार गर्दागर्दै अचानक मृत्यु भएपछि लापर्वाही हिसावको उपचारका कारण विरामीको मृत्यु भएको परिवारले आरोप लगाएका थिए । त्रियुगा नगरपालिका २ सनुवाकी २३ बर्षिय बिनि...