संसार

पूर्णपुष्टि, असोज २३ उत्तर कोरियाले अहिलेसम्मकै सबैभन्दा ठूलो सैनिक परेडको तयारी गरिरहेको अन्तर्राष्ट्रिय सञ्चारमाध्यमहरुले जनाएको छ । सैनिकहरुले महिनौदेखि तयारी गरिरहेको बताइएको छ । सैन्य अभ्यासमा कुनै पनि गल्ती नहोस् र सर्वाेच्च नेता किम जोङ उनलाई प्रभाव पार्ने अभिप्रायले सो अभ्यास हुन लागेको हो । यस्तो अभ्यास उत्तर कोरियाले समयम समयमा आफ्नो शक्ति प्रदर्शनको लागि गर्ने गर्दछ र यस्तो अभ्यासमा हुने कुनै पनि गल्तीलाई सेनाका कमाण्डर सहँदैनन् । यस्ता परेडहरु केही हदसम्म उत्तेजक समेत हुनसक्ने बताइन्छ । सन् २०१८ मा उन र अमेरिकी राष्ट्रपति डोनाल्ड ट्रम्पको विचमा वार्ता भएपछि उत्तर कोरियाले यस्तो परेडमा ब्यालेष्टिक मिसायल भने प्रदर्शन गरेको छैन । तर गत वर्षको फेबु्रअरीदेखि दुई पक्षबीच कुनै पनि वार्ता हुन सकेको छैन । परेड त्यहाँको संस्थापक नेताको ७५ औं वार्षिक उत्सब र अमेरिकी निर्वाचनको पू...

पूर्णपुष्टि, असोज २३ भारतका केन्द्रीय मन्त्री रामविलास पासवानको ७४ वर्षको उमेरमा निधन भएको छ । केही समयअघि मात्रै मुटुको अप्रेसन गराउनुभएका मन्त्री पासवानको दिल्लीको एस्कट्र्स अस्पतालमा उपचारका क्रममा निधन भएको भारतीय सञ्चारमाध्यमले जनाएका छन् । पासवान भारतको उपभोक्ता मामिला, खाद्य तथा सार्वजनिक वितरण मन्त्री थियो । ५ दशकदेखि भारतीय राजनीतिमा सक्रिय पासवान भारतका प्रमुख दलित नेता मानिन्थ्यो । पासवान ८ पटक लोकसभा सदस्य र अहिले राज्यसभा सदस्य भएको थियो  । मन्त्री पासवानका छोरा एवं लोक जनशक्ति पार्टीका अध्यक्ष चिराग पासवानले ट्वीटरमार्फत आफ्ना बुबाको निधन भएको जानकारी गराएको छ ।...

पूर्णपुष्टि, असोज २२ फिनल्याण्डकी प्रधानमन्त्री सन्ना मरिन देशको सबैभन्दा सानो उमेरको प्रधानमन्त्री हुनुहुन्छ । तर उहाँले प्रधानमन्त्रीको पद एक दिनका लागि १६ वर्षीया एक किशोरीलाई सुम्पिनुभएको छ । सन्ना मरिनले किशोरीहरुको अवाज बुलन्द गर्नको लागि यस्तो कदम उठाउनुभएको हो । किशोरीहरुको अधिकारलाई बढावा दिनका लागि सन्ना मरिनले दक्षिण फिनल्याण्डको वास्कीमा रहने १६ वर्षीया किशोरी आभा मुर्टाेलाई एक दिनको लागि प्रधानमन्त्रीको कुर्सी सुम्पिएको अन्तराष्ट्रिय संचारमाध्यमले जनाएको छ । प्रधानमन्त्रीको पद पाएपछि आभाले यो दिन आफ्नो लागि निकै रोमाञ्चक दिन भएको बताएकी छिन् । आभाले देशको प्रधानमन्त्री बन्दाको क्षण निकै खास भएको बताएकी छिन् । प्रधानमन्त्रीको रुपमा उनले न्यायका चान्सलरसँग बैठक पनि गरेकी थिइन् र यस क्रममा उनले सञ्चारमाध्मयसँग कुराकानी पनि गरेकी थिइन् । आभाले जलवायु परिवर्तन र मानव अधिक...

पूर्णपुष्टि, असोज २२  सन् २०२२ को डाइभर्सिटी भिसा डीभीको फारम खुलेको छ । नेपाली समय अनुसार हिजो राति पौने १० बजेदेखि फारम भर्न मिल्ने गरी खुलेको नेपालमा रहेको अमेरिकी दूतावासले जनाएको छ । डिभिको फारम भर्ने समय आगामी कार्तिक २५ (नोभेम्बर १०) सम्म तोकिएको छ । डीभीको आवेदन खुलेपछि निःशुल्क आफैंले भर्न सकिन्छ । आवेदनका लागि आवश्यक सम्पूर्ण जानकारी दूतावासको वेबसाइटमा गएर हेर्न सकिनेछ । फाराम भर्नका लागि आधिकारिक वेबसाइट http://www.dvlottery.state.gov मा गएर निर्देशन अनुसार प्रक्रिया पूरा गर्नुपर्नेछ  । बिना शुल्क भर्न सकिने भएकाले डीभी आवेदन भर्दा कन्सल्टेन्टको सहयोग नलिन समेत दूतावासले आग्रह गरेको छ ।...

पूर्णपुष्टि, असोज २२ चीनले हङकङ र सिनजियाङको विषयमा लिएको निर्णयलाई ७० भन्दा बढी देशले समर्थन गरेका छन् । संयुक्त राष्ट्रसंघको जारी महासभामा सो सफलता प्राप्त भएको चिनियाँ विदेश मन्त्रालयले जनाएको छ । राष्ट्रसंघको जनरल डिवेट सम्वन्धी तेस्रो कमिटीको बैठकमा हङकङको वहानमा चीनको आन्तरिक मामिलामा हस्तक्षेप गर्न खोजिएको भन्दै पाकिस्तानले ५५ वटा मुलुकहरुको तर्फबाट संयुक्त वक्तव्य जारी गरेको छ । सो वक्तव्यमा अर्काको आन्तरिक मामिलामा हस्तक्षेप नगर्ने संयुक्त राष्ट्रसंघको एउटा महत्वपूर्ण सिद्धान्त भएको उल्लेख गरिएको छ । सो वक्तव्यमा हङकङमा चीनको एक मुलुक, दुई प्रणालीलाई समर्थन गरिएको छ । केही समय अगाडि चीनले ल्याएको राष्ट्रिय सुरक्षा कानुनको पनि समर्थन गरिएको छ । त्यसैगरी क्युवाले ४५ वटा मुलुकहरुको तर्फबाट संयुक्त वक्तव्य जारी गर्दै चीनले सिनजियाङमा लिएको निर्णयको समर्थन गरेको थियो । पश्...

पूर्णपुष्टि, असोज २२ ब्राजिलमा कोरोना सङ्क्रमितको संख्या ५० लाख नाघेको छ । अहिलेसम्म ब्राजिलमा कोरोना सङ्क्रमितको संख्या ५० लाख ६ सय ९४ पुगेको अन्तराष्ट्रिय संचारमाध्यमले जनाएको छ । त्यहाँ पछिल्लो २४ घण्टामा मात्रै साढे ३१ हजारमा कोरोना पुष्टि भएको जनाएको छ । सङ्क्रमित धेरै भएका देशको सूचीमा ब्राजिल तेस्रो स्थानमा भए पनि मृत्यु हुनेको सूचीमा दोस्रो स्थानमा छ । ब्राजिलमा अहिलेसम्म कोरोना सङ्क्रमणबाट मृत्यु हुनेको संख्या १ लाख ४८ हजारभन्दा धेरैको पुगेको ब्राजिलको स्वास्थ्य मन्त्रालयले पुष्टि गरेको छ । सङ्क्रमितको हिसाबले ब्राजिलभन्दा अघि संयुक्त राज्य अमेरिका पहिलो र भारत दोस्रो स्थानमा रहेको जनाईएको छ । अमेरिकामा अहिलेसम्म ७७ लाख ७२ हजारमा कोरोना पुष्टि हुँदा २ लाख १६ हजारको मृत्यु भएको छ भने ४९ लाख ७४ हजार निको भएका छन् । त्यस्तै भारतमा ६८ लाख ३२ हजारमा कोरोना पुष्टि हुदा १ लाख ५...

पूर्णपुष्टि, असोज २१ सन् २०२० को रसायनशास्त्रतर्फको नोबेल पुरस्कार दुई जना वैज्ञानिकलाई दिईने भएको छ । जिनोम एडिटिङको तरिका विकसित गर्ने इम्यानुएल कारपेन्टियर र जेनिफर ए डुडनालाई रसानशास्त्रतर्फको नोबेल पुरस्कार दिने नोबेल पुरस्कार कमिटीले घोषणा गरेको हो । वाशिङ्टनमा जन्मेका डुडना युनिभर्सिटी अफ् क्यालिफोर्निया बर्कलीमा प्रोफेसर छिन् । त्यस्तै फ्रान्सको जुबिसी–सर–ओर्गमा जन्मेका कारपेन्टियर जर्मनीको बर्लिनमा म्याक्स प्लङ्क युनिट फर दि साइन्स अफ प्याथोजेन्सकी निर्देशक हुन् । उनीहरुले सबैभन्दा तीव्र उपकरण क्रिस्पर क्यास९ जेनेटिक सिसर को खोज गरेका छन् । यस प्रविधिले जीव विज्ञानमा एक क्रान्तिकारी प्रभाव पारेको छ । यी दुई जनाले विकसित गरेको प्रविधिको उपयोग गर्दै शोधकर्ताहरुले जनावर, बोटबिरुवा र सुक्ष्म जीवहरुको डीएनएमा अत्यधिक उच्च शुद्धतासहित परिवर्तन गर्न सक्छन् ।...

पूर्णपुष्टि, असोज २१ यूएईले नयाँ रोजगार भिसा दिन सुरु गरेको छ । यूएईले सरकारी तथा अर्धसरकारी क्षेत्रमा रोजगारीको लागि भिसा दिन सुरु गरेको अन्तराष्ट्रिय संचारमाध्यले जनाएको छ । राष्ट्रिय आपत्कालीन संकट तथा विपत्ति व्यवस्थापन प्राधिकरणको समन्वयमा त्यहाँको परिचय र नागरिकताको लागि संघीय प्राधिकरणले यो निर्णय गरेको हो । आधिकारिक च्यानलबाट प्राप्त प्रवेश अनुमतिलाई मात्र लिइने र कोभिड १९ को सङ्क्रमणलाई कम गर्नको लागि वायुसेवा कम्पनीले लागू गरेका सावधानीहरु अपनाउनुपर्ने दुई वटै निकायले जनाएको छ । त्यस्तै रोजगारदाताले नै श्रमिकलाई लिन जानुपर्ने र सम्बन्धित निकायको समन्वयमा उनीहरुलाई १४ दिनसम्म क्वरेण्टीनमा राख्नुपर्ने हुन्छ । घरेलु कामदारको लागि पनि प्रवेश अनुमति खुल्ला गरिएको जनाएको छ । परिचय र नागरिकताको लागि संघीय प्राधिकरणका अनुसार वैध भिसा भएका सबै देशका घरेलु कामदारलाई प्रवेश अनुमति...

पूर्णपुष्टि, असोज १९ सन् २०२० मा चिकित्सा क्षेत्रको नोबेल पुरस्कार हेपाटाइटिस सी भाइरसको खोजी गर्ने हार्भी जे अल्टर, माइकल हटन र चार्ल्स एम राइसलाई दिइने भएको छ । नोबेल विश्वको सर्वाेच्च पुरस्कार हो । जुन पुरस्कार चिकित्सासहित शान्ति, साहित्य, भौतिक, रसायन र अर्थशास्त्रको क्षेत्रमा दिइने गरिन्छ । अल्टरले ट्रान्सफ्युजन सम्बन्धी हेपाटाइटिसको अध्ययन गरेका थिए । जसबाट क्रनिक हेपाटाइटिसको एक सामान्य कारण एक अज्ञात भाइरस भएको थाहा भयो । हटनले हेपाटाइटिस सी भाइरसको जीनोमलाई अलग गर्नको लागि एक नयाँ प्रविधिको प्रयोग गरे । त्यस्तै राइसले हेपाटाइटस सी भाइरस एक्लै हेपाटाइटिसको कारण बन्न सक्ने सिद्ध गरे । माइकल हटन बेलायती वैज्ञानिक र हार्भी जे अल्टर र चाल्र्स राइस अमेरिकी अनुसन्धानकर्ता हुन् ।...

पूर्णपुष्टि, असोज २० सन् २०२० को भौतिक शास्त्रतर्फको नोबेल पुरस्कार तीन जना वैज्ञानिकलाई संयुक्तरुपमा प्रदान गरिएको छ । रोयल स्विडिस एकेडेमी अफ साइन्सले बेलायतका रोजर पेनरोज, जर्मनीका रेनहार्ड गेन्जेल र अमेरिकाकी एन्द्रेया घेजलाई भौतिक शास्त्रतर्फको नोबेल पुरस्कार प्रदान गर्ने निर्णय गरिएको हो । ब्ल्याकहोल र सापेक्षवादको सिद्धान्तको अन्तर्सम्बन्ध पत्ता लगाउने बेलायती वैज्ञानिक रोजर पेनरोजलाई आधा र ग्यालेक्सीबारे अध्ययन गरेका गेन्जेल र घेजलाई बाँकी आधा गरी संयुक्तरुपमा तीन जनालाई पुरस्कार प्रदान गर्ने नोबेल पुरस्कार समितिले जनाईएको छ ।...