समाचार

पूर्णपुष्टि, माघ २९ । जिल्ला ब्याटमिन्टन संघ उदयपुरले जिल्ला शसस्त्र प्रहरी बल उदयपुरका शसस्त्र प्रहरी प्रमुख उपरिक्षक (एसपी) सरोज सिंह बस्नेतलाई बिदाई गरेको छ । मंगलबार बोक्सेस्थित जिल्ला ब्याटमिन्टन  संघको कबर्ड हलमा उदयपुरबाट छिन्नामस्ता २ नम्बर बाहिनि महोत्तरी बर्दिवास सरुवा भएका एसपी बस्नेतलाई शुभकामना दिदैँ बिदाई गरिएको जिल्ला ब्याटमिन्टन संघका अध्यक्ष कालिदास राई (किसन) ले जानकारी दिए । जिल्ला ब्याटमिन्टन संघ उदयपुरका अध्यक्ष समेत रहेका राईले एसपी बस्नेतलाई मायाको चिनो स्वरुप जिल्ला ब्याटमिन्टन संघ उदयपुरको टिसर्ट प्रदान गरे । बिदाई कार्यक्रममा प्रमुख जिल्ला अधिकारी हरी प्रसाद घिमिरे, जिल्ला प्रहरी कार्यालयका (एसपी) हरिहरनाथ योगी, श्री पशुपती प्रसाद गणका प्रमुख सेनानी शिवप्रसाद वाग्ले लगायतको उपस्थिति रहेको थियो ।...

पूर्णपुष्टि, माघ २९ । काठमाडौंको कमलपोखरी स्थित शानदार मःम पसल ग्यास विस्फोटबाट घाईते भएका उदयपुरका एक युवक सहित दुई जनाको मृत्यु भएको छ । विस्फोटमा परी उदयपुर घर भएका २० वर्षीय भीम बहादुर घले र हेटौंडाका १८ वर्षीय रविन राईको मृत्यु भएको जिल्ला प्रहरी परिसर काठमाडौंले जनाएको छ । जिल्ला प्रहरी परिसर काठमाडौंका एसपी अपिलराज बोहराका अनुसार दुवै जनाको कीर्तिपुर बर्न अस्पतालमा उपचारको क्रममा मृत्यु भएको हो । विस्फोटमा परी अन्य ९ जना घाइते भएका छन् । उनीहरूको उपचार भइरहेको प्रहरीले जनाएको छ ।...

पूर्णपुष्टि, माघ २९ । क्षमता भन्दा बढी चुनढुङ्गा बोकेर सिमेन्ट उद्योगतर्फ जाँदै गरेका १५० भन्दा बढी टिफर सोमबार कारबाहीमा परेका छन् । सिरहाको मिर्चैया स्थित कटारी चोकमा ट्राफिक प्रहरीले चेकजाँचका क्रममा उक्त टिफरहरूलाई नियन्त्रणमा लिएको हो । कोसमस, सौर्य र मारुती सिमेन्ट उद्योगका लागि उदयपुरको कटारी, उदयपुरगढी र सिन्धुलीबाट चुनढुङ्गा ओसार्दै गरेका टिफरहरूले नियमित रूपमा क्षमताभन्दा बढी तौल बोक्ने गरेको पाइएको छ । ट्राफिक प्रहरी पोष्ट लहानका अनुसार सोमबार बिहान गरिएको चेकजाँचमा सबै टिफरहरूले तोकिएको क्षमताभन्दा बढी चुनढुङ्गा बोकेको फेला परेको थियो । यसरी ओभरलोड गरेर टिफर गुडाउने प्रवृत्तिका कारण मिर्चैया-कटारी सडकखण्ड जीर्ण बन्दै गएको छ । यसअघि पनि टिफरहरूले निम्त्याएको प्रदूषणविरुद्ध स्थानीयवासीले आन्दोलन गरेका थिए । सडक क्षेत्र वरपरका बस्तीहरूमा टिफरबाट निस्कने धुलो र ध्वनि प्रदूषणले स्...

पूर्णपुष्टि, माघ २९ । उदयपुरको ताप्ली गाउँपालिका विकास निर्माणको काम र पुँजीगत बजेट खर्चमा पछि परेको छ । चालु आर्थिक वर्षको पुस मसान्तसम्म गाउँपालिकाले कुल बजेटको साढे २४ प्रतिशत मात्र खर्च गर्न सकेको छ । गाउँपालिकाको चालु आर्थिक वर्षको कुल बजेट ४० करोड ७९ लाख ३ हजार रहेकोमा पुँजीगततर्फ ३० करोड २८ लाख र चालुतर्फ १० करोड ५० लाख रुपैँया विनियोजन गरिएको छ । तर ६ महिनाको अवधिमा पुँजीगततर्फ २१.८९ प्रतिशत र चालुतर्फ २८.१० प्रतिशत मात्र खर्च भएको छ । गाउँपालिका अध्यक्ष ढुङ्गराज विश्वकर्माका अनुसार भौगोलिक विकटता र पूर्वाधारको कमजोर अवस्थाले गर्दा विकास निर्माणका कामहरु ढिला हुन गएका हुन् । "निर्माण सामग्री ढुवानीमा कठिनाई हुने र सडकको दुरावस्थाले समय बढी लाग्ने गरेको छ," उनले भने । हाल गाउँपालिकामा लिफ्टिङ खानेपानी योजना, वडा भवन, स्वास्थ्यचौकी, सामुदायिक भवन र विद्युत विस्तारका काम भइरहेका छन्...

पूर्णपुष्टि, माघ २८ ।  कोशी प्रदेश सभाले सात वर्षको कार्यकालमा ७५ वटा कानुन निर्माण गरेको छ । तर प्रदेश सरकारद्वारा गठित कार्यदलको प्रतिवेदन अनुसार अझै ५२ वटा कानुन बनाउन बाँकी रहेको देखाएको छ । प्रदेश सभाको पहिलो कार्यकालमा ६२ र दोस्रो कार्यकालको छैटौं अधिवेशनसम्म १३ वटा विधेयक पारित भएका छन् । २०७४ सालमा संघीय प्रणालीको सुरुवातसँगै भएको पहिलो प्रदेश सभा निर्वाचनपछि शून्यबाट सुरु भएको यात्रामा १० वटा अधिवेशनबाट ६२ कानुन निर्माण गरिएको थियो । पूर्वन्यायाधिवक्ता चुडामणि आचार्यको संयोजकत्वमा गठित कार्यदलले तयार पारेको प्रतिवेदनले थप ५२ कानुन आवश्यक रहेको औंल्याएको छ । यसमध्ये २३ वटा प्रदेशको एकल अधिकार सूचीमा पर्दछन् भने बाँकी संघ र स्थानीय तहसँगको साझा अधिकार सूचीका हुन् । यसैगरी मौलिक हकको कार्यान्वयन सम्बन्धी १५ वटा कानुन पनि बनाउनुपर्ने सुझाव दिइएको छ । विशेष गरी प्रदेश भवन ऐन, प्रदेश...

पूर्णपुष्टि, माघ २७ । धनगढीमा एक नाबालिग किशोरीमाथि जबरजस्ती करणी भएको छ । बाजुराबाट अध्ययनका लागि धनगढी आएकी १४ वर्षीया किशोरीमाथि स्थानीय १८ वर्षीय युवकले बिहीबार साँझ बलात्कार गरेको प्रहरीले जनाएको छ । जिल्ला प्रहरी कार्यालय कैलालीका प्रवक्ता डीएसपी कबिन्द्रसिंह बोहराका अनुसार विद्यालयबाट फर्किने क्रममा आरोपित युवकले चक्कु देखाउँदै किशोरीलाई ज्यान मार्ने धम्की दिएर आफ्नो घरमा लगी बलात्कार गरेका हुन् । कक्षा ७ मा अध्ययनरत ती किशोरीले शनिबार मात्र प्रहरीमा किटानी जाहेरी दिएकी छिन् । घटनापछि फरार रहेका आरोपित युवकको खोजी कार्य जारी रहेको डीएसपी बोहराले बताए । पीडित किशोरी बाजुराबाट अध्ययनका लागि धनगढीमा बस्दै आएकी थिइन् ।...

पूर्णपुष्टि, माघ २७ । बेलका नगरपालिकामा सञ्चालित निःशुल्क महिला स्वास्थ्य शिविरमा पाठेघर परीक्षण गराएका ११८ महिलामध्ये ११ जना पाठेघर क्यान्सरको उच्च जोखिममा रहेको पाइएको छ । महिला साना किसान कृषि सहकारी संस्था तपेश्वरीद्वारा आयोजित शिविरमा कुल ३०५ महिलाले स्वास्थ्य परीक्षण गराएका थिए । स्त्री रोग विशेषज्ञ डा. विद्या पोखरेल र जनरल सर्जन डा. प्रविण कुमार यादवले गरेको परीक्षणमा ४२ जना महिलाको पाठेघरको अवस्था अस्वस्थ देखिएको छ । उच्च जोखिममा रहेका ११ जना महिलालाई थप उपचारका लागि परामर्श दिइएको छ । यसैगरी ५ जना महिलालाई आङ खस्ने समस्याका लागि रिङ पेसरी लगाइएको छ । कार्यक्रम संयोजक राजीव बस्नेतका अनुसार ग्रामीण क्षेत्रका महिलाहरूमा हुने पाठेघर सम्बन्धी तथा गुप्त रोगहरूको पहिचान र उपचार गर्नु शिविरको मुख्य उद्देश्य रहेको थियो । शिविरमा ४५ जनाले निःशुल्क प्रयोगशाला परीक्षण र १४२ जनाले निःशुल...

पूर्णपुष्टि, २५ माघ । नेकपा एकीकृत समाजवादी निकट युवा संघ त्रियुगा नगर अध्यक्षमा शुभ नारायण ठाकुर (बेनी) चयन भएको छ । ठाकुरको नेतृृत्वमा १५ सदस्य कमिटी चयन भएको छ । उपाध्यक्षमा कल्याण कार्की, सचिवमा राम शंकर साह रहेका छन् । यस्तै सदस्यहरुमा अमित राउत, हाफिज हुसेन, शुरेस राम, सन्दीप सहनी, सन्दीप सोनी, कंचन चौधरी, जित बहादुर दनुवार, अजय सहनी मलाह, बिवेक दर्जी, सतिष कुमार मन्डर र सावन चौधरी रहेका छन् । शनिवार पार्टीका केन्द्रीय सचिव वलदेव चौधरीको प्रमुख आथित्यमा समिति गठन भएको हो ।...

पूर्णपुष्टि, २५ माघ । संञ्चारीका समूह उदयपुरकी अध्यक्षमा गंगा राई चयन भएकी छिन् । राईको नेतृत्वमा १४ सदस्य समिति चयन भएको हो । शनिवार त्रियुगा नगरपालिकाको सभाहलमा भएको समिति गठनले गंगा राईलाई अध्यक्षमा सर्वसहमत गरेको हो । उपाध्यक्ष्मा उर्मिला दनुवार, सचिवमा जयन्ती तामाङ, सहसचिमा कविता राई, कोषाध्यक्षमा हिरा राई र सदस्यहरुमा अन्नता राई, चन्द्रकला ढकाल, करुणा कार्की, पुर्णा राई, आस्था ज्यु ठकुरी, देविका श्रेष्ठ, तारा मगर रहेकी छन् भने सल्लाहकारमा बन्दना दनुवार, रेवती पराजुली र सुमित्रा कोईराला छिन् ।...

सुनिल राई  पूर्णपुष्टि, माघ २६ । समाजमा जोखिममा परेका बालबालिका तथा वृद्धवृद्धाको सहयोगका लागि साझा सेवा घर उदयपुरले ५ करोड रुपयाँ बरावरको अक्षया कोष स्थपना अभियानको उद्घाटन शनिवार गरेको छ । । ‘सामाजिक संरक्षणको आधार, साझा सेवा घर’ भन्ने मूल नाराका साथ शनिबार जिल्ला समन्वय समितिको सभाहलमा आयोजित कार्यक्रममा कोशी प्रदेशका उप–सभामुख सिर्जना दनुवारले अक्षयकोष स्थापना अभियानको उद्घाटन गरेकी हुन् । कार्यक्रममा बोल्दै उप–सभामुख दनुवारले दुई वर्षको छोटो अवधिमा जग्गा व्यवस्थापन, भवन निर्माण र अक्षयकोष स्थापना गर्नु संस्थाको ठूलो उपलब्धि भएको बताएकी हुन् । उनले संस्थाको अक्षयकोष निर्माणका लागि कोशी प्रदेश सरकारको तर्फबाट बजेट व्यवस्थापन गर्न पहल गर्ने प्रतिबद्धता समेत व्यक्त गरिन् । साझा सेवा घर उदयपुरकी अध्यक्ष गीता खड्का कार्कीले संस्थाको उद्देश्य सुन्दर र पवित्र भएकाले सफल हुने विश्...