समाचार

कात्तिक २ गते । नेपाल भ्रमण वर्ष २०२० को सद्भावना दूतमा चिनियाँ अभिनेत्री सु चिङ नियुक्त भएकी छिन् । शनिबार एक कार्यक्रमको साथ हलिउड अभिनेत्री सुलाई दूतमा नियुक्त गरेको घोषणा गरिएको हो । अभिनेत्री सु दूत बन्न पाएकोमा एकदम खुशी लागेको बताएकी छिन् । नेपालकी भृकुटीले चीनका राजकुमारसँग विवाह गरेको प्रसंग जोड्दै सु भृकुटीको छोरी भएकाले नेपाल उनको मावली भएको पर्यटन मन्त्री योगेश भट्टराईले बताए । आफ्नो मावलीमा साथीभाइ र अरुलाई पनि जानका लागि आग्रह गर्नु उनले बताए । सुले सन् १९९० मा चिनियाँ फिल्म ‘लाइफ अन ब स्ट्रिङ’बाट डेब्यू गरेकी थिईन् । उनले ‘डार्क अब्सेसन’, ‘द इम्पेरर्स स्याडो’, ‘आइ लभ यू टू’, ‘मिस्टर सिक्स’ लगायत दर्जन बढी चिनियाँ र हलिउड फिल्ममा अभिनय गरेकी छन् ।...

 कात्तिक २ गते ।  अर्घाखाँचीमा बोरामा एक किलो चामल घटाएर उपभोक्ता ठग्ने एक व्यापारीलाई दुई लाख जरिवाना गराएको छ । सन्धिखर्क नगरपालिकाले बजार अनुगमनको क्रममा तौलमा उपभोक्तालाई ठगी गरेको पाएपछि सञ्जयकुमार कलवारलाई जरिवाना गराएको हो । सन्धिखर्क–२ चुत्रबेसीको शिवा किराना तथा भण्डारका सञ्चालक कपिलवस्तुका कलवारले २५ किलो र ३० किलोका चामलको बोरामा १ किलो घटाएर बेचेको गुनासो आएपछि नगरपालिकाले अनुगमन गरेको थियो । अनुगमन टोलीले व्यापारी कलवारले उपभोक्तालाई ठगेको पाएपछि उपभोक्ता संरक्षण ऐन २०७५ बमोजिम दुई लाख पाँच सय जरिबाना तिराएको पालिकाले जनाएको छ । कलवारले सन्धिखर्कका विभिन्न पसलहरुमा राम चामल, ब्ल्याकबेरी चामल र कैलाशी चामलमा १ किलो घटाएर चार सय पच्चीस बोरा चामल बेचेको स्वीकार गरेपछि उनलाई कारबाही गरिएको सन्धिखर्क नगरपालिकाले जनाएको छ ।...

कात्तिक २ गते । यू–१९ एएफसी च्याम्पियनसीप–२०२० को छनोट खेलका लागि नेपाल तर्फबाट ३१ जना खेलाडी छनोट भएको छ । ४८ जनाबाट छनोट गरेर ३१ जनाको सूची प्रशिक्षक मेघराज केसीले शनिबार सार्वजनिक गरेको हो । छनेट खेल आगामी नोभेम्बर ६ देखि इरानमा सुरु हुने छ । समूह डी मा नेपालसहित युएई, इरान र कजाकस्तान रहेका छन् । सार्वजनिक गरेको खेलाडीहरु गोलकिपरमा विशाल सुनार, रोहित कार्की, सूर्य अधिकारी र पूजन होना, डिफेन्डरमा विशाल बस्नेत, रन्दीप पौडेल, पदम भट्टराई, असिम गुरुङ, अन्जल महर्जन, नवीन गुरुङ, रोशन दोङ, विकाश खवास, योगेश गुरुङ, विजयी श्रेष्ठ, निराजन महर्जन, मिडफिल्डरमा दर्शन गुरुङ, शिशिर लेखी, रोशन राना मगर, रन्जन पुन, आकाश बुढा मगर, जय गुरुङ, मनिष थापा, नितिन थापा, अनिल महर्जन र  दिनेश हेमजन र फरवार्डमा बृजेश चौधरी, निरज चौधरी, मनिष डाँगी, राजिब लोप्चन, रेजिन सुब्बा र दीपेश आले मगर रहेका छन् ।...

कात्तिक २ गते ।  न्याय परिषद्ले उच्च अदालत पोखराका न्यायाधिश नरबहादुर शाहीलाई सेवाबाट बर्खास्त गर्नेे निर्णय गरेकोे छ । शुक्रबार बसेको परिषद्को बैठकले न्यायाधिश शाहीलाई बर्खास्त गर्ने निर्णय गरेको हो । गोरखा ब्रुअरी कर विवादसम्बन्धी मुद्दामा क्षेत्राधिकार मिचेर आदेश दिएको आरोपमा न्यायाधीश शाहीलाई सेवाबाट बर्खास्त गर्ने निर्णय गरेको परिषद्ले जनाएको छ । उक्त विवाद छानविनका लागि परिषदले समिति गठन गरेको थियो । छानबिनपछि त्यस विवादमा परेका न्यायाधीश रामचन्द्र यादव र जीवनहरि अधिकारीले राजीनामा दिइसकेका छन् ।...

सोलुखुम्बु, कार्तिक १ गते । सोलुखुम्बुको पासाङल्हामुमा भिरबाट लडेर एक जना विदेशी नागरिकको मृत्यु भएको छ । पासाङ्ल्यामु गाउँपालिका–५ कोङ्देको भिरबाट लडेर पोल्याण्डकी पेसिता मेलिनाको मृत्यु भएको हो । नेपाल भ्रमणमा आएकी २६ बर्षिय मेलिना नाम गरेकी महिलाको दिउँसो १ बजे भिरबाट करिब दुई सय मिटर तल लड्दा घटनास्थलमा नै मृत्यु भएको प्रहरीले जनाएको छ । घटनाबारे जानकारी पाउना साथ ईलाका प्रहरी कार्यालय नाम्चेबाट प्रहरी टोली घटना स्थल पुगी शव लुक्ला लैजाने कार्य भईरहेको जिल्ला प्रहरी कार्यालय सोलुखुम्बुले जनाएको छ ।...

मोरङ, कार्तिक १ गते । मोरङको मिक्लाजुङमा ट्याक्टरबाट लडेर एक जनाको मृत्यु भएको छ । मिक्लाजुङ गाउँपालिका–६ भण्डारी चोक निबासी २२ बर्षीय मिलन कार्कीको मृत्यु भएको हो । मधुमल्ला–दमक भित्री सडक खण्डमा पूर्वबाट पश्चिम तर्फ जाँदै गरेको मे १ त १३२९ नम्बरको ट्याक्टरमा सवार कार्की बिहान पौने ९ बजेको लड्दा ट्याक्टरको पछाडीको चक्काले किच्दा घाईतेको भएको थियो । घाईते कार्कीलाई उपचारको लागि झापा दमकको लाईफ लाईन अस्पताल लगिए पनि उपचारको क्रममा मृत्यु भएको प्रहरीले जनाएको छ । मृतकको शव परिक्षणको लागि आम्दा अस्पताल पठाईएको छ भने ट्याक्टर र चालक प्रहरीको नियन्त्रणमा रहेको प्रहरीले जनाएको छ ।...

मोरङ, कात्तिक १ गते ।  मोरङको विराटनगरबाट लागु औषधसहित एक जना पक्राउ परेको छ । विराटनगर महानगरपालिका–१५ बाट लागु औषधसहित अमन मुखियालाई पक्राउ परेको हो । ईलाका प्रहरी कार्यालय रानीबाट खटेका प्रहरी टोलीले भारतको जोगवनीबाट नपाल तर्फ आउँदै गरेको सोलुखुम्बु नेले घर भई ईटहरी उप–महानगरपालिका–४ बस्ने २६ वर्षीय मुखियालाई चेक जाँच गर्दा डाईजोल्याव ९ एम्पुल, लुपिजेसिक ९ एम्पुल, एभिल ९ एम्पुल र फेनारगन ९ एम्पुल मुखियाको साथबाट बरामद गरेको प्रहरीले जनाएको छ । लागु औषधसहित पक्राउ परेका मुखियालाई रानीमा राखी थप अनुसन्धान भईरहेको प्रहरीले जनाएको छ ।...

तेह्रथुम, कात्तिक १ गते ।  तेह्रथुमको फेदापमा तमोर नदिले बगाएर एक जना बेपत्ता बनाएको छ । फेदाप गाउँपालिका–१ माझिगाउँ निबासी ६४ वर्षीय विरबहादुर माझीलाई विहिबार नदिले बेपत्ता बनाएको हो । दिउँसो २ बजे नदिबाट बाँस निकाल्ने क्रममा एक्कासी नदिले माझिलाई बगाई बेपत्ता बनाएको प्रहरीले जनाएको छ । बेपत्ता बनाएको माझीको प्रहरी चौकी पोक्लाबुङ्बाट खटेको प्रहरी टोली र स्थानीयबासीको सहयोगमा खोजी कार्य भईरहेको जिल्ला प्रहरी कार्यालय तेह्रथुमले जनाएको छ ।...

राजेन्द्र दुष्ट बेल्टार/कार्तिक १ गते ।  राज्यको पुनःसंरचना पश्चात विभाजित नेपाली कांग्रेसको स्थानीय तहको समायोजन कार्यक्रम धमाधम भइरहेको छ । पार्टीको केन्द्रीय निति तथा निर्देशन अनुसार चौदण्डीगढी नगर समिति मंगलबार समायोजन भएको हो । पार्टी कार्यालयमा भएको कार्यक्रममा   राजेन्द्र पौडेलको सभापतित्वमा ६१ सदस्य चयन गरिएको छ । पुरानो संरचना अनुसारका गाउँ पार्टी समितिलाई नगर समितिमा गाभेर एकैठाउँमा ल्याएपछि समायोजन गरिएको हो । चौदण्डीगढीको हकमा बेल्टार बसाहा नपा, हडिया, सिद्धिपुर, चौदण्डी, सुन्दरपुरका गाउँ समितिका सभापतिहरु मध्ये स्थानीय तहको केन्द्रलाई नै सभापतिमा मनोनयन गर्ने निर्देशिका अनुसार यस अघिका सभापति पौडेललाई नै पुनः सभापतिमा चयन गरिएको हो । गाउँ समितिका सभापतिहरु सबैलाई उप सभापति र सचिवहरुलाई यथावत सचिव पदमै पदास्थापन गरिएको छ । कार्यक्रममा जिल्ला सभापति विदुर बस्नेत, सचि...