स्वास्थ्य

पूर्णपुष्टि, भदौ ५ भारतमा एकै दिन ६८ हजार भन्दा बढीमा कोरोना संक्रमण पुष्टि भएको छ । पछिल्लो २४ घण्टामा ६८ हजार पाँच सय भन्दा बढीमा कोरोना सङ्क्रमण पुष्टि भएको संचारमाध्यमहरुले जनाएको छ । त्यस्तै भारतमा गत २४ घण्टामा कोरोना संक्रमणबाट नौ सय ८१ जनाको मृत्यु भएको जनाईएको छ । भारतमा अहिलेसम्म २९ लाख चार हजार भन्दा धेरैमा सङ्क्रमण पुष्टि भईसकेको छ भने ५४ हजार नौ सय ७५ जनाको मृत्यु भईसकेको छ ।...

पूर्णपुष्टि, भदौ ४ खोटाङको बाहुनीडाँडामा कालाजार संक्रमण देखा परेको छ । हलेसी तुवाचुङ नगरपालिका–१ बाहुनीडाँडाका पाँच जनामा कालाजारको सङ्क्रमण देखा परेको हो । विभिन्न सयममा उपचारबाट फर्किएपछि मात्र कालाजार लागेको बारे जानकारी पाएकोे स्वास्थ्यचौकीले जनाएको छ । आर्थिक वर्ष २०७६÷०७७ मा चार जनालाई र चालू आर्थिक वर्षमा एक जनालाई कालाजार भएको जनाईएको छ । कालाजारबाट बिरामी हुनेमा १२ वर्षदेखि ५९ वर्षसम्मका व्यक्ति रहेका छन् । सङ्क्रमित पाँच जनामध्ये चार जनाको ओखलढुंगामा र एक जना महिलाको विपी कोइराला स्वास्थ्य विज्ञान प्रतिष्ठान धरानमा गरिएको स्वास्थ्य परीक्षणमा कालाजार पुष्टि भएको जनाइएको छ ।...

पूणर्पुष्टि, भदौ ४ । उदयपुरमा नेपाल प्रहरीको एक जवानमा पनि कोरोना देखिएको छ । जिल्ला प्रहरी कार्यालय उदयपुरमा सुनसरीबाट सरुवा भई आएका एक प्रहरी जवानमा आज कोरोना पोजेटिभ पुष्टि भएको हो । जिल्ला प्रहरी प्रमुख एसपी भिमबहादुर दाहालका अनुसार सुनसरीबाट हालै सरुवा भई आएका प्रहरी जवानलाई छट्टै क्वारेन्टाइनमा राखी पीसिआर परिक्षण गर्दा पोजेटिभ देखिएको हो । उनीसंगै मोरङबाट आएको अर्की एक प्रहरी जवानमा भने नेगेटिभ देखिएको छ । जवान आएपछि अरुसंग सम्पर्कमा नगई छुट्टै क्वारेन्टाइनमा बसेकाले अरुमा सर्ने अवस्था नरहेको एसपी दाहालले बताउनुभयो । जिल्ला प्रहरी कार्यायलमै सरुवा भई आउने र संकास्पद क्षेत्रहरुमा खटि आएका प्रहरीलाई राख्ने क्वारेन्टाइृन बनाइएको उहाँले बताउनुभयो । जिल्लामा रहेर कोरोना विरुद्ध पहिलो पंतीमा खटिने र सम्पर्कमा हुने सबैलाई ृपरिक्षणको क्रम निरन्तर रहेकोमा अरुलाई भने पोजेटिभ नदेखि...

पूर्णपुष्टि, भदौ ४ नेपालमा आज थप सात सय सात जनामा कोरोना सङ्क्रमण पुष्टि भएको छ । योसँगै नेपालमा कोरोना सङ्क्रमितको सङ्ख्या २९ हजार ६ सय ४५ पुगेको स्वास्थ्य तथा जनसङ्ख्या मन्त्रालयले जनाएको छ । त्यस्तै पछिल्लो २४ घण्टामा दुई सय ६३ जना उपचारपछि निको भएर डिस्चार्ज भएको छ । योसँगे निको हुनेको सङ्ख्या १७ हजार नौ सय ६४ पुगेको मन्त्रालयले जनाएको छ । गत २४ घण्टामा कोरोना संक्रमणबाट ६ जनाको मृत्यु भएको छ । योसँगै कोरोना सङ्क्रमणबाट मृत्यु हुनेको संख्या एक सय २६ पुगेको मन्त्रालयले जनाएको छ ।...

पूर्णपुष्टि, भदौ ४ चितवनमा कोरोना संक्रमणबाट थप एक जनाको मृत्यु भएको छ । भरतपुर अस्पतालमा उपचाररत रत्ननगर नगरपालिका–१३ का ६५ वर्षीय पुरुषको मृत्यु भएको अस्पतालले जनाएको छ । गत ६ दिनदेखि कोभिड १९ सङ्क्रमण भइ अस्पतालको कोभिड सघन उपचार कक्षमा उपचाररत ती पुरुषको दिउँसो २ बजे मृत्यु भएको जनाईएको छ । मृतक पुरुष दीर्घरोगी रहेको र उनमा फोक्सोमा क्षयरोग, मेरुदण्डसम्बन्धी समस्याले खुट्टा नचल्ने, मृगौलामा समस्या लगायतका समस्या रहेको थियो ।...

पूर्णपुष्टि, भदौ ४ उदयपुरमा थप तीन जनामा कोरोना संक्रमण पुष्टि भएको छ । त्रियुगा नगरपालिका–१० का ११ वर्षीया बालिका र ३२, ४२ वर्षीय पुरुषमा संक्रमण पुष्टि भएको जनस्वाथ्य कार्यालय उदयपुरले जनाएको छ । मालपोतको कर्मचारीमा कोरोना संक्रमण पुष्टि भएपछि उनीहरुको सम्पर्कमा रहेका एक सय ४० व्यक्तिहरुको स्वाव संकलन गरी परिक्षण गर्दा सोही तीन जनामा संक्रमण पुष्टि भएको जनाईएको छ ।...

पूर्णपुष्टि, भदौ ४ विश्वको विभिन्न देशमा फैलिएको कोरोना भाईसबाट उपचारपछि निको हुनेको संख्या डेढ करोड नाघेको छ ।  विश्वमा अहिलेसम्म दुई करोड २५ लाख मानिसमा संक्रमण पुष्टि भएका मध्ये एक करोड ५३ लाख भन्दा धेरै उपचारपछि निको भएको वर्ल्डोमिटरले जनाएको छ । त्यस्तै उक्त सङ्क्रमितमध्ये सात लाख ९१ हजारको मृत्यु भएको जनाईएको छ । अहिले उपचार गराइरहेका ६४ लाख ८६ हजारमध्ये एक प्रतिशत अर्थात् साढे ६१ हजारको अवस्था जटिल रहे पनि बाँकी ६४ लाखको अवस्था सामान्य रहेको जनाईएको छ । सबैभन्दा धेरै अमेरिकामा ५७ लाखमा कोरोना पुष्टि भएकामध्ये एक लाख ७६ हजारको मृत्यु भएको छ । त्यस्तै ब्राजिलमा साढे ३४ लाखमा कोरोना पुष्टि भएकामध्ये एक लाख ११ हजारको मृत्यु भएको छ । त्यस्तै भारतमा २८ लाखभन्दा धेरैमा कोरोना संक्रमण पुष्टि हुँदा करिब ५४ हजारको मृत्यु भएको जनाईएको छ ।...

पूर्णपुष्टि, भदौ ४ भारतमा एकै दिन साढे ६९ हजार जनामा कोरोना संक्रमण पुष्टि भएको छ । पछिल्लो २४ घण्टामा ६९ हजार ६ सय ५२ जनामा कोरोना संक्रमण पुष्टि भएको भारतको स्वास्थ्य मन्त्रालयले जनाएको छ । योसँगै भारतमा संक्रमितको संख्या २८ लाख ३५ हजार नाघेको छ । त्यस्तै गत २४ घण्टामा थप ९ सय ७७ जनाको मृत्यु भएको छ । योसँगै भारतमा कोरोना संक्रमणबाट मृत्यु हुनेको संख्या ५४ हजार नाघेको मन्त्रालयले जनाएको छ । संक्रमित धेरै भएका देशको सूचीमा भारत तेस्रो स्थानमा छ । सबैभन्दा धेरै अमेरिकामा ५७ लाखमा कोरोना पुष्टि हुँदा १ लाख ७६ हजारको मृत्यु भएको छ । त्यसतै ब्राजिलमा साढे ३४ लाखमा कोरोना पुष्टि भएका मध्ये १ लाख ११ हजारको मृत्यु भएको छ ।...

पूर्णपुष्टि, भदौ ४ गण्डकी प्रदेशमा आज थप ६ जनामा कोरोना सङ्क्रमण पुष्टि भएको छ । यो सँगै गण्डकी प्रदेशमा कोरोना सङ्क्रमितको संख्या एक हजार आठ सय १८ पुगेको छ । आज तीन जना महिला र तीन जना पुरुषमा सङ्क्रमण पुष्टि भएको प्रदेश स्वास्थ्य निर्देशनालयले जनाएको छ । कास्कीको पोखरा महानगरपालिकाका तीन जना, तनहुँका दुई जना र स्याङ्जाका एक जना रहेको जनाईएको छ ।...

पूर्णपुष्टि, भदौ ३ नेपालमा आज थप छ सय ८१ जनामा कोरोना सङ्क्रमण पुष्टि भएको छ । योसँगै नेपालमा कोरोना सङ्क्रमितको सङ्ख्या २८ हजार नौ सय ३८ पुगेको छ । पछिल्लो २४ घण्टामा एक सय २० जना उपचारपछि निको भएर घर डिस्चार्ज भएको छ । योसँगै निको हुनेको संख्या १७ हजार सात सय पुगेको छ । त्यस्तै पछिल्लो २४ घण्टामा ६ जनाको कोरोना संक्रमणबाट मृत्यु भएको छ । योसँगै संक्रमणबाट मृत्यु हुनेको संख्या एक सय २० पुगेको छ ।...