Breaking News 2

पूर्णपुष्टि,चैत्र ४ । व्यावसायिक स्वतन्त्र रेडियोहरुको छाता संगठन ब्रोडकाष्टिंग एसोसियसन अफ नेपाल(वान)को उदयपुर जिल्ला अध्यक्षमा सरोज निरौला चयन भएका छन् । उदयपुरमा बानको पहिलो भेलाबाट निरौला अध्यक्षमा सर्वसहमत चयन गरिएका हुन् । निरौला गाईघाट उदयपुरबाट सञ्चालित साईमन एफएमका प्रमुख हुनुहुन्छ । वान उदयपुरका जिल्ला उपाध्यक्षमा चौदण्डीगढी एफएम बेल्टारका प्रमुख सन्तोष कुमार रौन्यार, सचिवमा यु।के। एफएम कटारीका प्रमुख अस्मीत पौड्याल र कोषाध्यक्षमा रेडियो अमूर्त गाइघाटका प्रमुख देविका राई चयन भएका छन् । अन्य सदस्यमा बेलका एफ.एम रामपुरका सुरेन्द्र खालिग रहेका छन् । ब्रोडकाष्टिंग एसोसियसन अफ नेपाल (वान) का केन्द्रीय महासचिव नबिन बाबु राईको प्रमुख आतिथ्यमा कार्यक्रम सम्पन्न भएको थियो । वानका नव जिल्ला कार्यसमितिलाई बधाई दिदै महासिव राईले वान सधैव बिकासको असल साक्षीको रूपमा रहने बताउनु भयो । संघ...

पूर्णपुष्टि,चैत्र ४ । त्रियुगा नगरपालिका–५, बालुवाटारको खेल मैदानमा जारी वडा अध्यक्ष फुटबल कप प्रतियोगितामा फ्युजन फुटबल क्लब बोक्सेले जित निकालेको छ । शुत्रबार सम्पन्न प्रतियोगितामा फ्युजन फुटबल क्लब बोक्सेले गाईघाट फुटबल क्लवलाई १ गोलले पराजित गरेको हो । निर्धारित ६० मिनेटको खेलको पहिलो हाफ सम्म दुबै टिमले कुनै पनि गोल गर्न सकेको थिएन। दोश्रो हाफमा फ्युजन फुटबलका प्रबिन राईले १ गोल गरि टिमलाई जित दिलाएका थिए । खेल अबधिभर उत्कृष्ट प्रदर्सन गरेका प्रबिन राई खेलको म्यान अफ द म्याछ भए । त्रियुगा नगरपालिका वडा नम्बर ५ को आर्थिक सहयोग र श्रीपुर फुटबल क्लब श्रीपुरको आयोजनामा संचालित फुटबल प्रतियोगितामा जम्मा ८ टिमले भाग लिएका छन। शनिवार हुने खेल सितल युवा क्लब दमौती र सगरमाथा युवा क्लब राजाबास बिच हुने जनाईएको छ।...

पूर्णपुष्टि, चैत ३ । आज सम्पन्न उपराष्ट्रपति निर्वाचनमा जनता समाजवादी पार्टीका उम्मेदवार रामसहायप्रसाद यादव निर्वाचित भएका छन् । यादवले आफ्ना विपक्षी एमालेकी अष्टलक्ष्मी शाक्य र ममता झालाई उछिन्दै उपराष्ट्रपतिमा निर्वाचित भएका हुन् । निर्वाचन आयोगका अनुसार रामसहाय प्रसाद यादवले संघीय सांसद तर्फ–१८४ को मतभार १४५३६ र प्रदेश सभाको मत ३२९ को मतभार १५७९२ पाएका छन् । उनले कुल ३० हजार ३२८ मतभार पाएको जसपा सांसद प्रदीप यादवले जानकारी दिए। बारा–२ बाट निर्वाचित प्रतिनिधिसभा सदस्यसमेत रहेका यादव जसपाका संसदीय दलका नेता हुन् । यद्यपि निर्वाचन आयोगले औपचारिक घोषणा गरेको छैन । कस्ले कति पाए मत ? प्रदेश सभा सदस्य तर्फ १. रामसहाय प्रसाद यादव – ३२९ २. अष्टलक्ष्मी शाक्य – १६९ ३. ममता झा – १५ ४. प्रमिलाकुमारी यादव –१ संघीय संसद तर्फ १. रामसहाय प्रसाद यादव –१८४ २. अष्टलक्ष्मी शाक्य –१०४ ३....

पूर्णपुष्टि,चैत्र ३ । ‘वन वातावरण तथा जैविक विविधता संरक्षणमा सहभागी बन्नौ ’ भन्ने मूल नारासहित कटारीमा वन डढेली नियन्त्रण सप्ताहा सुरु गरिएको छ । डिभिजन वन कार्यालय त्रिवेणी (कटारी)को आयोजनामा विहिवार सप्ताहाव्यापी कार्यक्रम सुरु भएको हो । कार्यक्रम अन्र्तगत कटारी बजारमा डढेलो नियन्त्रण सम्बन्धि जनचेतनामुलक र्याली गरिएको थियो । उक्त र्यालीले कटारी बजार बरिक्रमा गर्दै मुख्य चोकमा आई सभामा परिणत भएको थियो । विभिन्न चेतनामुलक प्लेकार्ड सहित वन विज्ञान क्याम्पस कटारीका विद्यार्थीहरुले प्रदर्शन गरेका थिए । कार्यालयका वन अधिकृत हिरालाल शर्माका अनुसार शुत्रवार देखि गाउँगाउँमा पनि जनचेतनामुलक कार्यक्रम गरिने जनाएका छन् । साताभरी वन डढेलो नियन्त्रण गर्ने तथा जनचेतनामुलक कार्यक्रम गर्ने कार्यालयको योजना छ । वन क्षेत्रमा डढेलो सुरु भईसकेको भन्दै सवैलाई सचेत भएर वनमा आगो नलगाउन पनि कार्यालयल...

पूर्णपुष्टि, चैत ३ । उपराष्ट्रपति पदका लागी मतदान सुरु भएको छ । आज बिहान १० बजेबाट सुरु भएको मतदान दिउँसो तिन बजेसम्म हुनेछ । नयाँ बानेश्वरको संसद भवनस्थित ल्होत्से हलमा मतदान सुरु भएको हो । उपराष्ट्रपति पदका लागी एमालेकी अष्टलक्ष्मी शाक्य, जनमत पार्टीकी ममता झा र जसपाका रामसहायप्रसाद यादव उम्मेदवार छन् । रामसहायले मतदान गरेका छन् भने दुई उम्मेदवार सांसद नभएका कारण मतदान गर्न पाउने छैनन् । मतदान गर्न नपाएपनि शाक्य र झा मतदान स्थलमा पुगेकी छिन् । जसपाकी प्रमिला कुमारीले आफ्नो उम्मेदवारी निष्कृय भएको बताएकी छन् । तर उम्मेदवारी फिर्ता लिने समयभन्दा पछि मात्रै उम्मेदवारी निष्कृय भएको भनेकाले मतपत्रमा उनकोसमेत नाम छ । अन्य सांसदहरुले पनि उम्मेदवार चयनका लागी मतदान गरिरहेका छन् । मतदान भईसकेको केहि घण्टा भित्र मतपरिणम सार्वजनिक गरिने निर्वाचन कार्यालयले जनाएको छ ।...

पूर्णपुष्टि, चैत २ । अन्तर गाउँपालिका तथा नगरपालिका महिला भलिवल रनिङ शिल्ड प्रतियोगिताका लागि उदयपुरको लिम्चुङबुङबाट महिला खेलाडीहरु भोजपुर तर्फ प्रस्थान गरेका छन् । चैत्र २ गते बाट सुरु भोजपुरको हतुवागढी गाउँपालिका स्थित सगरमाथा मा.वि मा संञ्चालित महिला तथा पुरुष भलिबल रनिङ शिल्ड प्रतियोगितामा सहभागी जनाउन उदयपुरबाट लिम्चुङबुङको महिला टोली भोजपुर प्रस्थान गरेको कोच अमिन राईले जनाए । राईका अनुसार यहाँबाट महिला टोली मात्र सहभागी हुने छन् । हतुवागढी खेलकुद विकास समिति घोडेटारको आयोजना तथा हतुवागढी गाउँपालिकाको कार्यालय घोडेटारको प्रायोजकमा प्रतियोगिता संञ्चालन गरिएको छ । प्रतियोगितामा पूरुष तर्फको विजेताले १५५,५५५ रुपैँया नगद पुरस्कार र उपविजेताले १०५,५५५ रुपैँया नगद पुरस्कार पाउने छन् भने महिला तर्फको विजेताले ८०,५५५ रुपैँया नगद पुरस्कार र उपविजेताले ५०,५५५ रुपैँया नगद पुरस्कार पाउन...

पूर्णपुष्टि,चैत्र २ । जिल्लका रौतामाई गाउँपालिका–८, पाखाटोलका अग्नी पीडित परिवारलाई जिल्ला उद्योग वाणिज्य संंघ उदयपुरले आर्थिक सहयोग गरेको छ । पाखाटोलका स्थानीय निवासी रामबहादुर बुर्जा मगरको घरमा आगलागीबाट पूर्ण क्षति पुगेकोमा संघले पीडामा मल्हम लगाउने हेतुले १८ हजार पाँच सय रुपैयाँको चेक प्रदान गरेको हो । गत शुक्रबार एक्कासी मगरको माटो र ढुङ्गाले बनेको दुईतले घरमा आगलागी हुँदा मानवीय क्षतीसँगै सबै सामाग्रीहरु जलेर नष्ट भएको छ । आगलागी हुँदा मगरको ६ वर्षिय छोरी जस्मिन मगर र २ वर्षिय छोरा रोजन मगर पनि जलेर मृत्यु भएको थियो । जिल्ला उद्योग वाणिज्य संघका उपाध्यक्ष इश्वरमान राई, जिल्ला कमिटी सदस्य प्रदिप देउजा, सौगात केसी, देव गिरी, विरेन्द्र खड्का र रौतामाई संयोजक कुमारी ज्यू ठकुरी सहितले पीडित परिवारको घरमै पुगेर राहत स्वरुप चेक हस्तान्तरण गरेको थियो । आगलागीबाट मगरको करिब १० लाख बराबर...

पूर्णपुष्टि,चैत्र १ । उदयपुरको त्रियुगा नगरपालिका वडा नं. ५, देउरीमा अवस्थित बालुवाटार खेल मैदानमा भोली (बिहिवार) देखि तेश्रो वडा अध्यक्ष कप नकआउट फुटबल प्रतियोगित हुने भएको छ । श्रीपुर फुटबल क्लवको आयोजनामा हुने लागेको प्रतियोगिता लगातार ९ गते सम्म संञ्चल हुने भएको छ । त्रियुगा नगरपालिका वडा नं. ५को संयोजनमा साथै त्रियुगा नगरपालिकाको विशेष सहयोगमा प्रतियोगिता संञ्चालन हुने भएको हो । प्रतियोगितालाई सरस्वती सामुदायिक बन र बिज बजारले सह प्रायोजन गरेका छन । सहयोगी संस्थामा स्वर्णिम युवा क्लब र अन्नपूर्ण सेकेन्डरी स्कुल रहेका छन । फुटबल प्रतियोगितामा जम्मा ८ टिमले सहभागिता जनाएको छ । उद्घाटन खेल श्रीपुर फुटबल क्लब श्रीपुर र मोति राजा युवा क्लब मोतिगडा बिच दिनको ३ः०० बजे देखि सुरुहुने भएको छ । नकआउट फुटबल प्रतियोगिता चैत्र २ गते देखि ९ गते सम्म संचालन हुने आयोजकले जनाएको छ ।...

पूर्णपुष्टि, चैत १ । प्रधानमन्त्री एवम् नेकपा माओवादीका अध्यक्ष पुष्पकमल दाहाल (प्रचण्ड) ले आगामी ६ गते विश्वासको मत लिने भएका छन् । शीर्ष तहमा छलफल गरेर प्रधानमन्त्री दाहालले विश्वासको मत लिन लागेका हुन् । प्रधानमन्त्री सचिवालयका एक सदस्यका अनुसार शिर्ष नेताहरुसँगको छलफल पश्चात प्रधानमन्त्री प्रचण्डले चैत ६ गते विश्वासको मत लिन लाग्नु भएको हो । उनले भने प्रधानमन्त्री प्रचण्डले गत मंगलबार कांग्रेस सभापति शेरबहादुर देउवासहित जसपा अध्यक्ष उपेन्द्र यादव र एकीकृत समाजवादीका अध्यक्ष माधवकुमार नेपाल लगायत शीर्ष नेतासँग परामर्श गर्नु भएको थियो । यद्यपि औचारिक निर्णय भईसकेको छैन । सत्ता साझेदार दलका शीर्ष नेताले चैत ६ गते विश्वासको मत लिने विषयमा सहमति जनाएको ती सदस्यले बताए । प्रधानमन्त्रीले विश्वासको मत लिएपछि पुन स् मन्त्रिपरिषद् गठन गरिने जनाएको छ ।...

पूर्णपुष्टि, फागुन ३० । आज राति १२ बजेबाट उपराष्ट्रपति निर्वाचनको प्रचार प्रसारमा निषेध गरिएको छ । निर्वाचन आयोगले आगामी चैत ३ गते हुने निर्वानको लागी आज राति १२ बजेबाट प्रचार प्रसार निषेधको अवधि लागु हुने बताएको छ । मतदान हुन ४८ घण्टा अगाडी देखी अर्थात आज फागुन ३० देखी निर्वाचन सकिएर मतदान केन्द्र बन्द नभईन्जेल सम्मको लागी निषेध गरिएको हो । निर्वाचनका लागि आयोगले निर्वाचन आयोग ऐन, २०७३ को दफा २२ ले दिएको अधिकार प्रयोग गरी २०७९ फागुन १७ गतेदेखि चैत ५ गतेसम्म कायम रहने गरी निर्वाचन आचारसंहिता, २०७९ जारी गरिसकेको छ । निर्वाचन (कसुर तथा सजाय) ऐन, ७३ को दफा २४ को ५ तथा निर्वाचन आचारसंहिता, २०७९ को दफा १७ बमोजिम उक्त अवधिमा निर्वाचन प्रचारप्रसारलगायत कुनै पनि प्रकारका छलफल, अन्तरक्रिया, सभा, सम्मेलन, कार्यशाला, गोष्ठी आदि गर्न निषेध गरिएको छ । साथै उम्मेदवारको पक्ष वा विपक्षमा कुनै पनि...