आर्थिक

पूर्णपुष्टि, बैशाख १६ गते ।  नेपाल सरकारलाई यूरोपेली संघले नौ अर्ब ८० करोड रुपैयाँ सहयोग गर्ने भएको छ । कोरोना भाईरस (कोभिड–१९) को महामारीविरुद्ध जुध्न तथा त्यसको प्रभाव घटाउन संघले नेपाललाई उक्त रकम प्रदान गर्न लागेको हो । कोरोनाको महामारीलाई परास्त गर्न आवश्यक पर्ने स्वास्थ्य सामग्री, उपकरण तथा आर्थिक पुनरुत्थानमा सदस्य राष्ट्रलाई सघाउन २० अर्बभन्दा बढी यूरोको ‘टिम यूरोप प्याकेज’ स्थापना गरिएको नेपालमा रहेको यूरोपेली संघ प्रतिनिधिमण्डलले जनाएको छ । आगमी वैशाख २२ गते कोरोना विरुद्धको खोप विकास गर्न विश्वव्यापी रूपमा आर्थिक सहयोग जुटाउने उद्देश्यले अनलाइन प्रतिबद्धता सम्मेलन गर्ने जनाइएको छ ।...

पूर्णपुष्टि, बैशाख १४ गते ।  असार मसान्तसम्म तिर्नुपर्ने कर्जाको ब्याजमा नेपाल राष्ट्र बैंकले सहुलियत दिने भएको छ । नेपाल राष्ट्र बैंकको ६५ औं वार्षिकोत्सवका अवसरमा गभर्नर महाप्रसाद अधिकारीले वक्तव्य जारी गरेर चौथो त्रैमासिकमा भुक्तानी गर्नुपर्ने ब्याजमा सहुलियत प्रदान गर्न आवश्यक व्यवस्था मिलाइने जनाएको हो । कोरोनाबाट बढी प्रभावित क्षेत्रलाई चालु पुँजी कर्जा प्रदान गर्ने व्यवस्थालाई थप सहज बनाउन आवश्यक व्यवस्था मिलाउने जनाएको छ । साना तथा मझौला उद्योग, पर्यटन र कोरोनाको प्रभाव अत्याधिक परेका क्षेत्रमा प्रादेशिक सन्तुलनसमेत कायम हुनेगरी बैंकले प्रदान गरिने पुर्नकर्जा सहज ढङ्गले प्रवाह गर्न पुर्नकर्जा कार्यविधिमा संशोधन गर्ने जनाएको छ । यस्तै ६० अर्ब रुपैयाँको अहिलेको पुर्नकर्जा कोषलाई आवश्यकता अनुसार क्रमशः वृद्धि गर्दै लैजाने व्यवस्थासमेत मिलाउने र बैंकिङ क्षेत्रबाट हुने कर्जा...

पूर्णपुष्टि, वैशाख १२ । प्रदेश १ सरकारले कारोना रोकथाम, नियन्त्रण र उपचारको लागि स्थापना गरेको कोरोना जनसुरक्षा कोषमा हालसम्म कूल रु. २८ करोड ७८ लाख ८६ हजार सात सय २५ रुपैयाँ जम्मा भएको छ । यो कोषमा प्रदेश सरकारले २५ करोड रकम जम्मा गरेको थियो । यो कोषमा विभिन्न संघसंस्था, वित्तिय क्षेत्र, उद्योगी, व्यवसायी, कर्मचारी लगायतले रकम जम्मा गर्ने क्रम जारी रहेको मुख्यमन्त्री तथा मन्त्रिपरिषद् कार्यालयका सचिव मुकुन्द प्रसाद निरौलाले जानकारी दिनुभयो । कोषबाट कोरोना रोकथाम, नियन्त्रण र उपचारका लागि १२ करोड ६ लाख खर्च भएको मुख्यमन्त्री तथा मन्त्रिपरिषद् कार्यालयका लेखा अधिकृत योग्य प्रसाद राईले जानकारी दिनुभयो । राष्ट्रिय बाणिज्य बैङ्क विराटनगर शाखाको कोरोना जनसुरक्षा कोष खाता नं २१२०००५८८१०१ मा जम्मा गर्न तथा फोन पेबाट पनि रकम जम्मा गर्न सकिने मुख्यमन्त्री कार्यालयले जनाएको छ ।...

पूर्णपुष्टि, बैशाख १० गते ।  कृषिप्रधान देश नेपालमा वर्षेनी खाद्यान्न आयात बढ्दै गएको पाईएको छ । चालु आर्थिक वर्षको ९ महिनामा करिब ४१ अर्ब रुपैयाँ बराबरको खाद्यान्न आयात भएको हो । गत साउनदेखि चैतसम्म ४० अर्ब ८२ करोड ३८ लाख रुपैयाँ बराबरको खाद्यान्न आयात भएको भन्सार विभागले जनाएको छ । गत आर्थिक वर्षको यहि समयसम्मको तुलनामा ६१ करोड रुपैयाँले बढी आयात भएको हो । आयातीत खाद्यान्न मध्ये धान चामलको ठूलो हिस्सा रहेको छ । साउनदेखि चैत्रसम्म २६ अर्ब रुपैयाँ भन्दा बढीको धान चामल आयात भएको छ । १९ अर्ब ३२ करोड रुपैयाँको चामल, ५ अर्ब ६० करोड रुपैयाँको धान र ८४ करोड रुपैयाँको कनिकालगायत खाद्य वस्तु आयात भएको भन्सार विभागले जनाएको छ ।...

पूर्णपुष्टि, बैशाख ४ गते ।  एसियाली देशको विकास दर शुन्यमा झर्ने अन्तर्राष्ट्रिय मुद्रा कोष (आईएमएफ) ले चिन्ता व्यक्त गरेको छ । ६० वर्षयता पहिलो पटक यस वर्ष एसियाली देशको विकास दर शून्यमा झर्ने भन्दै आईएमएफले चिन्ता व्यक्त गरेको हो । विश्वमा ४.७ प्रतिशत विकास दर हुँदा एसियाली देशको विकास दर भने १.३ प्रतिशतभन्दा पनि कम हुनेछ । तर कोरोना भाइरस रोक्ने नीति प्रभावकारी भए सन् २०२१ मा एसियाली देशको विकास दर बढ्ने आईएमएफले जनाएको छ । दक्षिण एसियाली देशले ४० वर्षयताकै खराब आर्थिक सङ्कट खेपिरहेको विश्व बैंकले चेतावनी दिएको एक दिनपछि आईएमएफको प्रक्षेपण सार्वजनिक भएको थियो । विश्वव्यापी महामारीको रुपमा फैलिएको कोरोना भाइरस (कोभिड १९) का कारण अहिले विश्वकै अर्थव्यवस्था ओरालो लागेको छ ।...

पूर्णपष्टि, बैशाख ३ गते ।  अमेरिकाले विश्व स्वास्थ्य सङ्गठन (डब्लयूएचओ) लाई गर्दै आएको सहयोग कटौती गर्ने भएको छ । डब्लयुएचओले आफ्नो कर्तव्य पूरा गर्न नसकेको भन्दै अमेरिकी राष्ट्रपति डोनाल्ड ट्रम्पले गर्दै आएको आर्थिक सहयोग रोक्ने घोषणा गरेका हुन् । ह्वाइट हाउसमा भएको कार्यक्रममा ट्रम्पले प्रशासनलाई डब्लयूएचओका सहयोग रोक्न निर्देशन दिएको अन्तर्रा्ष्ट्रिय सञ्चारमाध्यमले जनाएका छन् । डब्लयूएचओले कोरोना भाईरस (कोभिड–१९) को संक्रमण रोक्न प्रभावकारी भूमिका निर्वाह गर्न नसकेको र चिनियाँ पक्षधरता लिएको ट्रम्पको आरोप छ । राष्ट्रपति ट्रम्पले कोरोना भाइरस चीनमा देखिनासाथ नियन्त्रण गर्न डब्लयूएचओले प्रभावकारी भूमिका निर्वाह गर्न नसकेको भन्दै ट्रम्पले सङ्गठन जवाफदेही बन्नै पर्नेमा जोड दिए । अमेरीका डब्लयूएचओलाई सवै भन्दा बढी आर्थीक सहयोग गर्ने देश हो । गत वर्ष अमेरिकाले २० करोड अमेरिकी ड...

उदयपुर, बैशाख १ गते । उदयपुरको एक वडाले विपद् व्यावस्थापन कोषबाट राहत वितरण गरेको छ । रौतामाई गाउँपालिका–५ ले आफ्नो विपद् व्यावस्थापन कोषबाट एक सय एक घरलाई राहत वितरण गरेको हो । वडाले कोषको एक लाख ५० हजार रकमबाट चामल २ हजार २०, दाल २ सय २, नुन १ सय १ केजी, तेल १ सय १एक लिटर र सरसफाईका लागी लाईफल ब्वाई साबुन ४ सय ४ वटा खरिद गएको वडाकार्यालयले जनाएको छ । वडाको जेष्ठ नागरिक, अपाङ र दैनिक ज्यालामजदुरी गरिखानेलाई पहिचान गरी प्रत्येक घरलाई चामल २०, दाल २, नुन १ केजी, तेल १ लिटर र सरसफाईका लागी साबुन ४ वटा वितरण गरेको रौतामाई गाउँपालिका–५ का वडाध्यक्ष पाण्डव राईले बताए । कोरोना भाईरस (कोभिड–१९) को संक्रमण रोकथाम तथा न्युनिकरणका लागी सरकारले देश लकडाउन गरेपछि निम्न अवस्थाका नागरिकलाई खाद्य वस्तुको अभाव हुन नदिन टोल टोलमा सामाजिक दुरी कायम गरी राहत वितरण गरेको वडाध्यक्ष राईले बताए ।...

पूर्णपुष्टि, चैत ३० गते ।  मध्यपूर्व तथा खाडी देशमा खटिएका नौ जना नेपाली राजदूतले एक महिनाको तलब कोरोना भाइरस सङ्क्रमण रोकथाम, नियन्त्रण तथा उपचार कोषमा जम्मा गर्ने भएका छन् । इजराइल, इजिप्ट, ओमान, कतार, कुवेत, पाकिस्तान, बहराइन, साउदी अरब र युएईका नेपाली राजदूतले आफ्नो एक महिनावापतको तलब सरकारले स्थापना गरेको उपचार कोषमा जम्मा गर्ने निणर्य गरेको छ । राजदुतहरु कतारका लागि नारदनाथ भारद्वाज, इजराइलका लागि डा. अञ्जना शाक्य, इजिप्टका लागि झविन्द्रप्रसाद अर्याल, ओमानका लागि शर्मिला पराजुली ढकाल, कुवेतका लागि दुर्गाप्रसाद भण्डारी, पाकिस्तानका लागि सेवा लम्साल, बहराइनका लागि सुन्दास, युएईका लागि कृष्णप्रसाद ढकाल र साउदी अरबका लागि महेन्द्रप्रसाद सिंह राजपुतले एक महिनाको तलब राहत कोषमा दिने निर्णय गर्नुभएको हो ।...

पूर्णपुष्टि, चैत २९ गते ।  खसीको मासु प्रतिकेजी एक हजार आठ सय रुपैयाका दरले बेच्ने नयाँ बानेश्वरको आई कालु मिट सेन्टरलाई सरकारले दुई लाख रुपैयाँ जरिबाना तिराएको छ । वाणिज्य, आपूर्ति तथा उपयोक्ता हित संरक्षण विभागले अनुगमन गर्दा खसीको मासु प्रति केजी एक हजार आठ सय रुपैयाका दरले बेचेको पाइएपछि दुई लाख रुपैयाँ जरिबाना गरिएको बिभागले जनाएको छ । कलंकीको चितवन खाद्य स्टोर्सलाई बढी मूल्यमा सामान बेचेको कसुरमा दुई लाख र नागार्जुन नगरपालिका–४ बाफलमा म्याद नाघेको सामान बेच्ने न्यू बि. के. स्टोरलाई तीन लाख जरिवाना गरिएको विभागले जनाएको छ ।...

पूर्णपुष्टि, २६ चैत प्रदेश १ को कोरोना जनसुरक्षा कोषमा बुधबार भाटभटेनी सुपर मार्केटको तर्फबाट रु. २५ लाख प्रदान गरिएको छ । विराटनगरको भाटभटेनीका प्रबन्धक सरिता राईले प्रदेश नम्बर १ का मुख्यमन्त्री शेरधन राईलाई बुधबार चेक हस्तान्तरण गरेकी हुन । त्यस्तै सरकारको खातामा जिल्ला सहकारी संघ लिमिटेड मोरङले ५ लाख ५५ हजार पाँच सय ५५ रुपैयाँ हस्तान्तरण गरेको छ । कोरोना भाइरसको रोकथाम, प्रतिरक्षा र उपचारका लागि प्रदेश सरकारले कोषको स्थापना गरेको हो । हिजोसम्ममा उक्त कोषमा १२ करोड ३६ लाख ९५ हजार ९ सय ८४ रुपैयाँ जम्मा भएको प्रदेश सरकारले जनाएको छ । राष्ट्रिय वाणिज्य बैङ्क विराटनगर शाखाको कोरोना जनसुरक्षा कोष खाता नं २१२०००५८८१०१ मा जम्मा गर्न तथा फोन पेबाट पनि रकम जम्मा गर्न सकिने मुख्यमन्त्री कार्यालयले जनाएको छ । सरकारले प्रदेश सरकारको कोषमा रकम दाखिला गर्दा गर्नेको नाम, ठेगाना स्पष्ट उल्ल...