स्वास्थ्य

पूर्णपुष्टि, भदौ २४ ।  उदयपुर जिल्ला अस्पतालका मेडिकल सुपरिटेन्डेन्ट डा. ज्ञानेन्द्र कुमार झाको सरुवा भएपछि शनिबार एक कार्यक्रमको आयोजना गरी उनको बिदाई गरिएको छ। दुई वर्षअघि उदयपुर अस्पतालमा आएका हार्डजोर्नी तथा नशा रोग विशेषज्ञ सर्जन डा. झाले आफ्नो कार्यकालमा अस्पतालको संस्थागत सुधार र सेवा प्रवाहमा उल्लेखनीय योगदान पुर्‍याएका थिए। डा. झाको नेतृत्वमा उदयपुर जिल्ला अस्पतालले कोशी प्रदेशमा दुई पटक उत्कृष्ट अस्पतालको रूपमा पुरस्कार प्राप्त गरेको थियो। उनको कार्यकालमा अस्पतालमा रेडियोलोजिस्ट नियुक्ति, अप्रेशन सेवा, एसएनसियु सेवा, फिजियोथेरापी, डाइलासिस सेवा, बिशेषज्ञ सेवा लगायत थुप्रै नयाँ सेवाहरू सुरु गरिएको थियो। बिदाई समारोहमा त्रियुगा नगरपालिकाका मेयर बसन्त बस्नेतले डा. झालाई कुशल डाक्टर र प्रशासकको रूपमा प्रशंसा गर्दै उनको अभाव महसुस हुने बताए। स्वास्थ्य कार्यालय उदयपुरका खोप सुपरभाइजर...

पूर्णपुष्टि, १९ भदौ । गाईघाट पिपलचोकमा त्रियुगा नगरपालिकाको नगर प्रमुख बसन्त बस्नेत सहित ३७ जनाले रक्तदान गरेको छ । नेपाल रेडक्रस सोसाईटीको ६२ औँ स्थापना दिवसको अवसर पारी रक्तदान कार्यक्रम गरिएको हो । रेडक्रस सोसाईटी उदयपुरका सभापति मदनराज कटुवालका अनुसार हाल नगरवासीहरुलाई निशुल्क रगत प्रदान गर्ने अभियान चलिरहेको छ । उक्त अभियानमा रक्तदान गर्ने ब्यक्तिहरु उत्साहितका साथ जोडिरहेको अवस्था छ । बुधबार ७ बजेदेखी पिपलचोकमा रक्तदान कार्यक्रम राखिएका थिए । आयोजक नेपाल रेडक्रस सोसाईटी त्रियुगा नगरपालिका (ख) र नेपाल रेडक्रस सोसाईटी उदयपुर शाखाको प्राविधिक सहयोगमा रक्रदान भव्य गरिएको अध्यक्ष कटुवालले जनाए । रक्तदान जिवन दान भन्ने पुरानो नारालाई आत्मासाथ गर्दै निशुल्क रगत उपलब्ध गराउने अभियानलाई सफल पार्न यस रक्तदान कार्यक्रमले थप टेवा पुग्ने कटुवालको भनाई छ । त्रियुगा नगरपालिका र रेडक्रस सोसाईटी ...

पूर्णपुष्टि, ६ भदौ ।  नेपाल रेडक्रस सोसाईटी उदयपुरले त्रियुगा नगरपालिका सँग  निशुल्क रगत व्यवस्थाको लागि सम्झौता गरेको छ ।  बुधबार त्रियुगा नगरपालिकाका मेयर वसन्त बस्नेत र रेडक्रसका सभापति मदनराज कटुवालबीच ९ बुद्धे सम्झौता पत्र सहित रगत व्यवस्थाको लागि काम अघि बढेको हो । सभापति कटुवालले रगत जस्ता आवश्यक वस्तुलाई सहज र निशुल्क बनाउन यो सम्झौता गरिएको जनाए । कटुवालले अब त्रियुगावासीहरुको परिचय पत्र खुल्ने आवश्यक कागजातको आधारमा निशुल्क रगत प्रदान गरिनेछ, कटुवालले भने, । यसको लागि करोड अक्षयकोषः निशुल्क रगत तपाईका लागि अभियान संचालन गरि अघिबढ्ने तयारीमा रहेको छ । त्यसका लागि त्रियुगा नगरपालिकाले सूचना बोर्डकै व्यवस्था गरी रक्तसंञ्चार केन्द्रमा खडा गरिने छ । ...

पूर्णपुष्टि, साउन २६ । उदयपुरको सदरमुकाम गाईघाटमा शनिबार एक दिने स्वास्थ्य परीक्षण शिविर सम्पन्न भएको छ। 'स्वास्थ्यका लागि साइकल' नाराका साथ उदयपुर जिल्ला साइकलिङ संघको आयोजना र वशिष्ठ पोलीक्लिनिकको समन्वय तथा प्राविधिक सहयोगमा शिविर संञ्चालन गरिएको हो । शिविरमा ४० जना साइकल राइडर र १० जना प्राविधिक गरी कुल ५० जनाको सहभागिता रहेको थियो। उदयपुर जिल्ला साइकलिङ संघका अध्यक्ष माधव बानियाको अध्यक्षतामा आयोजित यस कार्यक्रममा जिल्ला अस्पताल उदयपुरका डाक्टर रन्दिप राउतले स्वास्थ्य परीक्षण सेवा प्रदान गरेका थिए। १३ वर्षदेखि ६५ वर्षसम्मका साइकल राइडरहरूले यस अवसरमा स्वास्थ्य परीक्षण गराउने मौका पाएका थिए। आयोजकहरूका अनुसार यस अभियानले साइकल चलाउने बानीलाई प्रोत्साहन गर्दै स्वस्थ जीवनशैली अपनाउन प्रेरित गरेको छ। साथै, नियमित स्वास्थ्य परीक्षणको महत्त्वबारे जनचेतना फैलाउन पनि यो कार्यक्रम सफल रहेको ...

पूर्णपुष्टि, साउन २४ । स्वास्थ्य तथा जनसङ्ख्या मन्त्रालयले सबै सरकारी कार्यालयलाई 'लामखुट्टे खोज र नष्ट गर' अभियान सञ्चालन गर्न आग्रह गरेको छ। डेङ्गीको सङ्क्रमण बढेपछि यो कदम चालिएको हो। मन्त्रालयका प्रवक्ता प्रकाश बुढाथोकीका अनुसार हरेक शुक्रबार सरकारी तथा गैरसरकारी कार्यालय र अस्पताल परिसरमा सरसफाइका साथै यो अभियान सञ्चालन गर्न आग्रह गरिएको छ। गत वर्ष पनि डेङ्गी सङ्क्रमण बढेपछि यस्तै अभियान सञ्चालन गर्न निर्देशन दिइएको थियो। मन्त्रालयले कार्यालयहरूलाई डेङ्गी सङ्क्रमणबारे सतर्कता र सचेतना कार्यक्रम सञ्चालन गर्न पनि निर्देशन दिएको छ। प्रवक्ता बुढाथोकीले सरकारी अस्पतालमा डेङ्गीका बिरामीको उपचार खर्च सरकारले व्यहोर्ने जानकारी दिए। अस्पतालहरूलाई परिसरमा 'डेङ्गी डेस्क' स्थापना गरी सम्पर्क व्यक्ति तोक्न पनि निर्देशन दिइएको छ। उनले स्वास्थ्य क्षेत्रको एकल प्रयासले मात्र डेङ्गी सङ्क्रमण नियन्त्...

पूर्णपुष्टि, साउन २२ । स्वास्थ्य तथा जनसंख्या मन्त्रालयले देशभरका सबै स्वास्थ्य संस्थाहरुलाई आकस्मिक कक्षमा आउने बिरामीहरुलाई तत्काल उपचार दिन निर्देशन दिएको छ। मन्त्रालयका प्रवक्ता डा. प्रकाश बुढाथोकीले मंगलबार एक विज्ञप्ति जारी गर्दै यो जानकारी दिएका हुन्। विज्ञप्तिमा इमर्जेन्सीमा आउने बिरामीलाई तुरुन्त उपचार दिई स्वास्थ्य अवस्था स्थिर बनाउन र आवश्यक परे अन्य उपयुक्त स्वास्थ्य संस्थामा पठाउन भनिएको छ। तर अर्को अस्पतालमा पठाउँदा पहिले समन्वय गरेर मात्र रेफर गर्न आग्रह गरिएको छ। यो निर्देशन नेपालको संविधान र जनस्वास्थ्य ऐन २०७५ अनुरूप जारी गरिएको हो। संविधानले नागरिकलाई आकस्मिक स्वास्थ्य सेवाबाट वञ्चित नगर्ने व्यवस्था गरेको छ भने ऐनले आपतकालीन अवस्थामा तत्काल सेवा दिनुपर्ने प्रावधान राखेको छ।...

पूर्णपुष्टि, साउन २० । भरतपुरस्थित बीपी कोइराला मेमोरियल क्यान्सर अस्पतालमा एक बिरामीलाई १० गुणा बढी किमोथेरापी दिँदा मृत्यु भएको घटना सार्वजनिक भएको छ। अस्पतालले गठन गरेको छानबिन समितिको प्रतिवेदन अनुसार यस घटनामा नर्सहरू र चिकित्सकहरूबाट गम्भीर त्रुटि भएको पाइएको छ। घटनाको जानकारी सार्वजनिक भएपछि अस्पतालले दुईजना नर्सलाई निलम्बन गरेको छ, जसमध्ये एक जनाले राजीनामा दिइसकेकी छिन्। साथै, दुई जना चिकित्सकसहित २१ जनालाई स्पष्टीकरण सोधिएको छ। लमजुङको दोर्दी गाउँपालिका–९ का ५४ वर्षीय भक्तराज गुरुङको १३ असारमा उपचारका क्रममा मृत्यु भएको थियो। गुरुङ छालाको क्यान्सरको उपचारका लागि अस्पतालमा भर्ना भएका थिए। छानबिन समितिका अनुसार चिकित्सकले ३.४ मिलिग्राम किमो दिन निर्देशन दिएकोमा नर्सहरूले ३४ मिलिग्राम चढाइदिएका थिए। यो मात्रा निर्धारित मात्राभन्दा १० गुणा बढी थियो। अस्पतालका कार्यकारी निर्द...

पूर्णपुष्टि, साउन १७ । उदयपुरको कटारी नगर अस्पताललाई १५ शैय्याबाट ५० शैय्यामा स्तरोन्नति गर्दै कोशी प्रदेश सरकारलाई हस्तान्तरण गर्न संघीय सरकारले स्वीकृति दिएको छ। असार २७ गते बसेको मन्त्रिपरिषद् बैठकले यो निर्णय गरेको हो। स्वास्थ्य तथा जनसंख्या मन्त्रालयका अनुसार अस्पताल सञ्चालनका लागि आर्थिक दायित्व र कर्मचारी व्यवस्थापन प्रदेश सरकारले गर्नेछ। प्रदेश सांसद तथा निवर्तमान मन्त्री रामकुमार खत्रीले यो निर्णयले यस क्षेत्रका बिरामीहरूलाई सहज हुने बताएका छन्। खत्रीले भने, ‘अस्पताल स्तरोन्नतिको पहिलो चरणको सफलता पश्चात् पूर्णता पाउन संघीय क्याबिनेटले स्वीकृति दिनुपर्ने प्रक्रियागत विधिलाई निरन्तर फलोअप गरी हरेक जटिलतालाई चिर्दै अन्त्यमा मन्त्रिपरिषदबाट निर्णय गराउन सफल भएका छौं।’ उनले यस कार्यमा सहयोग गर्ने सहयोगिप्रती आभार व्यक्त गरे। प्रदेश स्तरीय अस्पतालका लागि स्वीकृति पाएसँगै अब आवश्य...

पूर्णपुष्टि, साउन १२ । देशभर हैजाको सङ्क्रमण फैलिँदै गएको छ। स्वास्थ्य सेवा विभागको ईपिडिमियोलोजी तथा रोग नियन्त्रण महाशाखाले देशभर हालसम्म १० जनामा हैजा सङ्क्रमण पुष्टि भएको जानकारी दिएको छ। ललितपुरमा सात र कैलालीमा तीन जनामा हैजा पुष्टि महाशाखाका निर्देशक डा यदुचन्द्र घिमिरेले जानकारी दिए। हैजा ‘भिब्रियो कोलेरी’ प्रजातिको जीवाणुबाट मानिसमा लाग्ने अति सङ्क्रामक झाडापखालासम्बन्धी रोग हो। यो मुख्यतया दूषित पानी र खानाबाट सर्छ। विशेषज्ञहरूका अनुसार हैजाका मुख्य लक्षणहरूमा पातलो दिसा, वाकवाकी, बान्ता र कडा जलवियोजन पर्दछन्। उपचार नपाएमा केही घण्टामै सङ्क्रमितको मृत्यु हुन सक्ने चेतावनी दिइएको छ। सङ्क्रामक रोग विशेषज्ञ डा शेरबहादुर पुनले रोग नियन्त्रणका लागि सुरक्षित पानीको प्रयोग व्यक्तिगत सरसफाइमा ध्यान र खानेकुरा राम्रोसँग पकाएर खाने जस्ता उपायहरू सुझाएका छन्। विशेष गरी शौचालय प्रयोगप...

पूर्णपुष्टि, साउन १२ । कैलालीको धनगढीस्थित नोभा अस्पतालमा एक युवकको मृत्युपछि उत्पन्न विवादले उग्र रूप लिएको छ। शुक्रबार कञ्चनपुर बेलौरी नगरपालिका–२ का १७ वर्षीय नसिब चौधरीको मृत्यु भएपछि शनिबार बिहानदेखि मृतकका आफन्तले अस्पतालमा तोडफोड गरेका छन्। आफन्तहरूले अस्पतालको लापरबाहीका कारण नसिबको मृत्यु भएको आरोप लगाउँदै उपचारमा संलग्न चिकित्सकलाई कारबाही र मृतक परिवारलाई क्षतिपूर्तिको माग गरेका छन्। उनीहरूले मृतकको शव उठाउन अस्वीकार गरेका छन्। अवस्था नियन्त्रणमा लिन सुरक्षाकर्मीले कम्तीमा ९ सेल अश्रुग्यास प्रहार गरेका छन्। कैलालीका प्रमुख जिल्ला अधिकारी धर्मेन्द्रकुमार मिश्रका अनुसार ६ सेल नेपाल प्रहरी र ३ सेल सशस्त्र प्रहरीले प्रहार गरेका हुन्। मृतकका मामा रामकृष्ण चौधरीले अस्पतालले समयमै अन्यत्र रेफर नगरेको र पैसा नतिर्दासम्म बिरामीलाई निकाल्न नदिएको आरोप लगाएका छन्। उनका अनुसार समयम...