Tag: highlight

पूर्णपुष्टि/उदयपुर, मंसीर २२ गते । उदयपुर प्रतिनिधिसभा १ मा कांग्रेसका उम्मेदवार डा. नारायण खड्का र बाम गठबन्धनतर्फकी एमालेकी उम्मेदवार मञ्जुकुमारी चौधरीबीचको प्रतिष्पर्धा कडा देखिएको छ । मतगणनाको क्रममा डा. खड्का र चौधरीले थोरै मतान्तरले अघिपछि हुदै गएका छन् । २० हजार मत गणनासम्मको अवस्थामा अग्रस्थानमा रहेका खड्कालाई त्यसपछिको अवस्थामा ४ मतको झिनो अन्तर हुदै चौधरीले ७७ मतले पछि पारेका थिए, त्यस लगत्तै खड्काले ५६ मतले पछि पारेका थिए भने त्यसपछि फेरी चौधरीले ८३ मतले पछि पारेका छन् । चौधरीको ११ हजार २ सय ६२ र डा. खड्काको ११ हजार १ सय ७९ रहेको छ । यो राती १० ः०० बजेसम्मको मतपरिणामले देखाएको विवरण हो । दुबै उम्मेदवारबीच अन्तिमसम्म नै कडा प्रतिष्पर्धाको मत देखिनसक्ने सर्बसाधारणको अनुमान छ । प्रतिष्पर्धा देखिएकाले सर्बसाधारणका लागि प्रतिनिधिसभा १ को मतपरिणाम निकै रोचक र चासोको विषय बनेको ...

पूर्णपुष्टि/उदयपुर, मंसीर २२ गते । उदयपुरमा मतगणनाको अन्तिम परिणाम आउन थाल्ने क्रममा प्रदेशसभा २ (क) र (ख) मा बाम गठबन्धनका साझा उम्मेदवारहरुले विजय हाँसिल गरेका छन् । ९ हजार ८ सय ७० मतका साथ प्रेदशसभा २ (क) का गठबन्धनतर्फका उम्मेदवार स्वतन्त्रका नारायणबहादुर बुर्जा मगर विजयी भएको छ । भर्याङ चुनावचिन्हका बुर्जाले ३ हजार ९ सय ३४ मतको फराकिलो अन्तरले निकटतम् प्रतिद्वन्द्वि नेपाली कांग्रेसका भेषबहादुर थापा मगरलाई पराजित गर्नुभएको हो । कांग्रेसका मगरले ५ हजार ९ सय ३४ मत प्राप्त गर्नुभएको छ । त्यस्तै १३ हजार ४ सय ५९ मतका साथ प्रदेशसभा २ (ख) मा गठबन्धनतर्फकी एमालेकी उम्मेदवार कला घलेले विजयी हासिल गर्नुभएको छ । निकटतम् प्रतिद्वन्द्वि कांग्रेसका रामकुमार खत्रीलाई ४ हजार ४ सय ८३ को भारीमतले पछि पार्दै घले विजयी हुनु भएको हो । कांग्रेसका खत्रीले ८ हजार ९ सय ७६ मत प्राप्त गर्नुभएको थियो । ...

पूर्णपुष्टि/उदयपुर, मंसीर २२ गते । बिहिबार पौडी खेल्न जाँदा डुबेर बेपत्ता भएका एक युवाको शब सशस्त्र प्रहरीले भोलीपल्ट निकालेको छ । उदयपुरको त्रियुगा नगरालिका ६ जलजलेका २२ बर्षिय डेविट राईको शब उदयपुर सिमेन्ट उद्योग नजिकैको रानीपोखरीको बीचभागमा दलदलमा गाडिएको अवस्थामा फेलापारी सशस्त्र प्रहरीको बिशेषटोलीले शुक्रबार निकालेको हो । दुई साथीहरु सागर खड्का र विनोद दनुवारसहित दिउसो करिब २ बजेको समयमा पौडी खेल्दा डुबेका युवालाई डुबेको खबर लगत्तै उद्धारको प्रयास गरिएपनि पोखरी फराकिलो र गहिरोका कारण स्थानीय असफल भएका थिए । खवर लगत्तै नेपाल प्रहरी, सशस्त्र प्रहरी र नेपाली शेनाको टोली पुगेर डुबेको स्थानमा खोजी गरेका थिए । जिल्लास्थित नेपाल प्रहरी, नेपाली सेना, सशस्त्र प्रहरी लगायतका सुरक्षा निकायका प्रमुखहरुकै उपस्थितिमा खोजी भएको थियो । बत्ति बालेर रातीसमेत खोजी गरिएको थियो । तर फेला पार्न ...

पूर्णपुष्टि/उदयपुर, मंसीर २१ गते । प्रतिनिधि/प्रदेश सभाको बिहिबार (आज) सम्पन्न मतदानमा उदयपुरबाट ६१ प्रतिशत मत खसेको छ । १ लाख ९३ हजार ९१३ मतदाता रहेको उदयपुरमा गत स्थानीय तहको दाँजोमा १२ प्रतिशतले कमी हो । । मतदाताहरुमा स्थानीय तहको दाँजोमा यो निर्बाचनमा उत्साह देखिएन । तथापी, मतदान कार्य शान्तिपूर्ण र भयरहितढंगले सम्पन्न भएको मुख्य निर्वाचन अधिकृत तेजेन्द्रप्रसाद शर्माले बताउनुभयो । २ प्रतिनिसभा र ४ प्रदेशसभाका लागि उदयपुरमा भएको निर्वाचनमा ९८ स्थानमा २३३ मतकेन्द्रबाट मतदान भएको थियो । मतदानमा पुरुषभन्दा महिलाको संख्या बढि देखिएको छ । जसमा ५५ हजार १ सय ८६ पुरुष तथा ६२ हजार २ सय ५३ जना महिला र एकजना तेस्रो लिंगी गरी एकलाख १७ हजार ४४० जनाले मतदान गरेको सुरक्षास्रोतले जनाएको छ । जसमा पुरुष, महिला र अशक्तहरुका लागि छुट्टाछुट्टै व्यवस्था मिलाईएको थियो । सबै मतकेन्द्रमा समयमै मतदान ...

काठमाडौं २१ मंसिर । प्रदेश र प्रतिनिधिसभाको दोस्रो चरणअन्गर्गत निर्वाचनको मतदान कार्य सुरु भएको निर्वाचन आयोगले जनाएको छ । आयोगकका अनुसार आज विहान ७ बजेदेखि ४५ जिल्लामा मतदान सुरु भएको छ भने बेलुकी ५ बजेसम्म मतदानको प्रक्रिया जारी रहने छ । विहानैदेखि मतदान गर्नका लागि मतदाताहरु कोहि जाँदै आउने क्रम जारी र कोहिले मतदान गरिसकेको र कोहि लाईनमा मतदान गर्न बसिरहेको छ । प्रतिनिधिसभा सदस्यतर्फ १२८ र प्रदेशसभातर्फ २५६ गरी जम्मा ३८४ निर्वाचन क्षेत्रका लागि मतदान हुँदैछ। दोस्रो चरणको निर्वाचनमा प्रतिनिधिसभा तर्फ १३० महिला सहित एक हजार ६६३ र प्रदेशतर्फ २२० महिला सहित दुई हजार ८१९ जना उम्मेदवार गरी जम्मा चार हजार ४८२ उम्मेदवार प्रतिस्पर्धामा छन्। कुन कुन जिल्लामा हुँदैछ निर्वाचन ? दोस्रो चरण अन्तर्गत इलाम, तेह्रथुम, धनकुटा, उदयपुर, झापा, मोरङ, सुनसरी सप्तरी, सिरहा, धनुषा, महोत्तरी, सर्लाही...

काठमाडौं – निर्वाचन आयोगले प्रतिनिधिसभा तथा प्रदेशसभा सदस्य निर्वाचनको दोस्रो चरणमा भोलि मंसिर २१ मा हुने ४५ जिल्लाको सम्पूर्ण तयारी पूरा भएको जनाएको छ । बुधबार अपान्ह पत्रकार सम्मेलन गरी प्रमुख निर्वाचन आयुक्त डा. अयोधिप्रसाद यादवले निर्वाचनको सम्पुर्ण तयारी पुरा भएको जानकारी गराएका हुन् । यसरी गर्नुहोस् मतदान: पहिलो हुने निर्वाचित हुने निर्वाचन प्रणालीतर्फ प्रतिनिधिसभाका लागि हल्का हरियो रङ्गको मसीले छापिएको मतपत्रमा रहेका चिह्नमध्ये एउटामा र प्रदेशसभाका लागि कालो मसीले छापिएका निर्वाचन चिह्नहरूमध्ये आफूलाई मनपर्ने उम्मेदवारको कुनै एक चिह्नमा स्वस्तिक छाप लगाई तोकिएका बेग्ला–बेग्लै मतपेटिकामा मत खसाल्नु पर्नेछ । यसैगरी, समानुपातिकतर्फ मतदाताले आफूलाई मन परेको राजनीतिक दलकोे निर्वाचन चिह्नमा मत संकेत गर्नुपर्ने हुन्छ । त्यसका लागि हल्का रातो मसीले छापिएको मतपत्रको एउटै पानाको ...

पूर्णपुष्टि/उदयपुर, मंसीर १९ गते । मंसीर २१ मा हुने दोस्रो चरणको प्रतिनिधि तथा प्रदेश शभाको निर्बाचनका लागि दुई प्रतिनिधिसभा र चार प्रदेशसभा रहेको उदयपुरका सबै मतदान केन्द्रहरुमा मंगलबारदेखि मतदाता परिचय पत्र वितरण तथा मतदाता शिक्षा दिने कार्य सञ्चालन भएको छ । मूख्य निर्वाचन अधिकृत टेकेन्द्रप्रसाद शर्माका अनुसार दुईसय ३३ वटा मतदान केन्द्र रहेको उदयपुरमा सबै मतदान केन्द्रहरुमा मतदाता अधिकृतसहितका कर्मचारीहरु, सुरक्षाकर्मी र मतदानका सामग्रीहरु पुगेसंगै मतदाता परिचय पत्र वितरणका कार्य सन्चालन भएको हो । उदयपुरको क्षेत्र नं. १ अन्तर्गत रहेका एकसय वटा मतदान केन्द्र र क्षेत्र नं. २ मा एकसय ३३ वटा मतदान केन्द्र रहेकोमा ती सबै दुबै क्षेत्रका केन्द्रहरुमा मंसीर २१ गतेको मतदान कार्यका लागिसमेत अन्तिम तयारी भएको उहाँले बताउनुभयो । निर्बाचनका लागि जिल्लाभरमा एकहजार ८ सय ६४ जना कर्मचारीलाई नियुक्त...

पूर्णपुष्टि/उदयपुर, मंसीर १६ गते । पूर्व प्रधानमन्त्ती एवम् नेकपा एमालेका अध्यक्ष केपी शर्मा ओलीले बाम एकताको स्थायी सरकार बनाएरै छाड्ने दावी गर्नुभएको छ । उदयपुरको सदरमुकाम गाईघाटमा शनिबार आयोजित संयुक्त बाम गठबन्धनको बृहद चुनावी आमसभालाई सम्बोधन गर्दै अध्यक्ष ओलीले बाम गठबन्धनको नेतृत्वको स्थायी सरकार बनाएरै छाड्ने दावी गर्नुभएको हो । उहाँले स्थायी सरकारबीना देश समृद्धिमा नजाने तर्क राख्दै देशको आवश्यकता अनुरुप बाम एकता गरेको र त्यसले चुनावी परिणाम पनि स्थायी सरकारको ल्याउने बताउनुभयो । उहाँले निर्बाचन विरोधी गतिविधिलाई रोक्न आग्रह गर्दै बम पड्काउदैमा अधिकार प्राप्त नहुने बताउनुभयो । जनता नै सार्भमौम सम्पन्न रहेकोले अहिलेको चुनावमा जनताले देशलाई अग्रगतिमा लैजाने बाम गठबन्धनलाई भोट दिएर जिताउन अनुरोध गरे । कांग्रेसको सत्तामा राम्रो सिट नै नहुने भएकोले भोट दिएमा खेरो मात्र जान...

पूर्णपुुष्टि/उदयपुर, मंसीर १५ गते । दोस्रो चरणको प्रतिनिधि तथा प्रदेश सभाको निर्वाचन नजिकिदै जाँदा उदयपुरमा बम विष्फोटका घटना बढेपछि उच्च सुरक्षा सतर्कता अपनाइएको छ । शनिबार (भोली) कांग्रेस र बाम गठबन्धनको एकैदिन सदरमुकाम गाईघाटमा हुन लागेको आमसभा समेतलाई मध्येनजर दिदै स्थानीय प्रशासनले उच्च सतर्कता अपनाएको हो । बाम गठबन्धनको आमसभालाई नेकपा एमालेका अध्यक्ष केपी शर्मा ओलीले सम्बोधन गर्ने कार्यक्रम रहेको छ भने नेपाली कांग्रेसको आमसभालाई कांग्रेस केन्द्रिय सदस्य गुरुराज घिमिरेले सम्बोधन गर्ने कार्यक्रम रहेको छ । आमसभा लगायत निर्बाचनको निम्ति सुरक्षा निकायका सबै अंगहरु नेपाली सेना, नेपाल प्रहरी, सशस्त्र प्रहरी, विशेष प्रहरी र म्यादी प्रहरीलाई सुरक्षा उच्च सतर्कताका लागि खटाइएको स्थानीय प्रशासनले जनाएको छ । संयुक्त सडक गस्ती, ठाउँठाउँमा सुरक्षा चेकजाँचका साथै उम्मेदवार तथा चुनावी कार्य...

पूर्णपुष्टि/उदयपुर, मंसीर १३ गते । अज्ञात समुहले विछ्याएको एम्बुसमा परी नेपाली कांग्रेस उदयपुर क्षेत्र नं. २ का प्रतिनिधिसभा उम्मेदवार नारायणबहादुर कार्कीसहित चारजना गम्भिर घाइेत भएका छन् । उम्मेदवार कार्कीसहित ९ जना चढेको बा १५ च ७८०६ नम्बरको एसकारपीयो जीप उदयपुरगडी गाउँपालिका वडा नं. ६ को दनुवारबेसीमा सडकमा विछ्याएको एम्बुसमा पर्दा अन्य तीनजना पनि घाइते भएका छन् । दुईजना भने सकुशल रहेको जनाइएको छ । गम्भिर घाइतेहरु उम्मेदवार कार्की, चालक राजन कार्की, कार्यकर्ता मिरा कटुवाल र स्थानीय धनमाया धौलाकोटीलाई उपचारार्थ हेलिकेप्टरबाट काठमाडौं लगिएको छ । त्यस्तै घाइते पत्रकार नवराज पौडेल, प्रहरी हवल्दार कृष्ण श्रेष्ठ, कार्यकर्ता कृष्ण थापा लगायतलाई पनि हेलिकेप्टरबाटै उपचारार्थ काठमाडौं स्थित टिचिङ अस्पताल लगिएको छ । तार टांगेर सडकमा राखिएको शक्तिशाली एम्बुस जीपको अघिल्लो भागमा विष्फोट भएकोल...