Month: ७ वर्ष अगाडि

ओखलढुङगा, कार्तिक १९ गते । ओखलढुङगाको मोलुङमा बादर लखेट्ने क्रममा भरुवा बन्दुक पड्केर एक जनाको मृत्यु भएको छ । मोलुङ गाउँपालिका–३ थुम्कीको जंगलमा बाँदर लखेट्ने क्रममा स्थानीय लालमान तामाङको मृत्यु भएको हो । सोमबार दिउँसो करिब २ बजे जंगलमा बाँदर लखेट्न गएका स्थानीय चित्रबहादुर सुनुवारले बोकेको बन्दुक पड्कदा १७ बर्षीय तामाङको मृत्यु भएको प्रहरीले जनाएको छ । घाईते भएका तामाङलाई उपचारको लागी काठमाण्डौ लैजाने क्रममा बाटोमा नै मृत्यु भएको प्रहरीले जनाएको छ । घटनाको जानकारी पाए लगत्तै ईलाका प्रहरी कार्यालय बरुणेश्वरबाट प्रहरी टोली खटि गई घटनामा संग्लन्न रहेका सुनुवारलाई पक्राउ गरेको प्रहरीले जनाएको छ । उक्त घटनामा संग्लग्न अन्य ४ जना फरार रहेकोले खोजी कार्य भईरहेको छ भने घटनास्थलबाट १ थान लोड गरेको र १ थान पड्किएको भरुवा बन्दुक बरामद गरको जिल्ला प्रहरी कार्यालय ओखलढुङगाले जनाएको छ । घ...

कात्तिक १९ गते ।  बझाङको बुंगलमा निर्माणाधिन कालंग हाईड्रो प्रालिको सुरुङ भित्र फसेका मदुरको उद्धारमा समस्या भएको छ । बुंगल नगरपालिकामा निर्माणाधिन सुरूङ भित्र आईतबार फसेका चार जनामध्ये एक जना मजदुरको उद्धारमा समस्या आएको हो । आइतबार दिउँसो सुरुङ भित्र काम गर्न पसेका मजदुर नफर्किएपछि उनीहरुको खोजी सुरु गरिएको थियो । सशस्त्र प्रहरी बल विपद व्यवस्थापन तालिम शिक्षालय कुरिनटारबाट खटेका सशस्त्र प्रहरीको टोलीले सुरुङभित्र फसेका तीन जना मजदुरको शव सोमबार साँझ करिब ७ बजे निकालेको थियो । सुरुङ भित्र दैलेखको गुराँस गाउँपालिका–३ निबासी ३२ वर्षीय महेन्द्र शाही, कर्ण शाही र अछामको तुर्माखाँद गाउँपालिका–६ निबासी २८ वर्षीय महेन्द्र साउदको शव फेला परी उद्धार गरिएको प्रहरीले जनाएको छ । बझाङको बुंगल नगरपालिका–१ निबासी ३५ वर्षीय शेरसिंह धामी अझै बेपत्ता रहेकोले उद्धारको प्रयास भइरहेको प्रहरीले जनाएक...

कात्तिक १९ गते  बैतडीका पालिकाहरुमा कर्मचारी नहुँदा सेवा प्रवाहमा समस्या आएको छ । जिल्लामा जम्मा ८४ वटा वडामध्ये ७२ वटा वडा कार्यालय सचिव विहीन बनेपछि सेवा प्रवाहमा समस्या आएको हो । शिवनाथ गाउँपालिका, पञ्चेश्वर गाउँपालिका, मेलौली नगरपालिका र निकै दुर्गम मानिने सिगास गाउँपालिकाका वडामा सचिव विहिन भएपछि अहिले प्राविधिक सहायक कार्यालय र सामाजिक परिचालकमार्फत वडाको काम भैरहेको छ । वडामा सचिव नहुँदा सानोतिनो कामको लागि पनि नगरपालिका नै धाउनु पर्ने बाध्यता भएको स्थानीयहरुले गुनासो गरेका छन् । देशकै दशौँ नमुना शहरमा परेको पाटन नगरपालिकाका १० वडामध्ये ७ वडा सचिव विहीन रहेको पालिकाले जनाएको छ । डिलाशैनी गाउँपालिकाका ७ वडामध्ये १ वडामा मात्रै सचिव रहेको छ भने दोगडाकेदार गाउँपालिकाका ८ वटा वडामध्ये ६ वडा सचिव विहीन भएको छ । त्यस्तै पुरचौँडी नगरपालिकामा पनि एक वडामा मात्रै सचिव रहेको छ भने...

कात्तिक १९  गते । मुख्यमन्त्रि कार्यालयमा ताल लगाउन पुगेका अस्थायी शिक्षक पक्राउ परेका छन् । प्रदेश २ को मुख्यमन्त्री कार्यालयमा तालाबन्दी गर्न पुगेका करिब ३० जना शिक्षक मंगलबार पक्राउ परेका हुन् । अस्थायी शिक्षकहरुले कर्मचारीलाई भित्र छिर्न नदिने गरी ताला लगाएर मूल गेटमा धर्ना दिने योजना बनाएका थिए । सेवाबाट मुक्त गरिएपछि निरन्तर आन्दोलन गर्दै आएका अस्थायी शिक्षकहरुले पुनर्बहाली गर्नु पर्ने माग राखेका छन् । ताला लगाउन गएका अस्थायी शिक्षक संघर्ष समितिका संयोजक धर्मेन्द्र यादवसहितलाई पक्राउ गरी जिल्ला प्रहरी कार्यालय धनुषामा राखेका छन् । सोमबार अस्थायी शिक्षकहरुले मुख्यमन्त्री कार्यालय अगाडि आधा घण्टा चक्काजाम गरेका थिए । अस्थायी शिक्षकहरुले गत असार २० गतेदेखि एक महिना मुख्यमन्त्री कार्यालय अगाडि धर्नासमेत दिएको थियो ।...

कात्तिक १९ गते ।  काभ्रेको नमोबुद्धमा एक दम्पती मृत फेला परेका छन् । नमोबुद्ध नगरपालिका तल्लो हटियामा श्यामकृष्ण श्रेष्ठ र रुकुमाया श्रेष्ठ मृत फेला परेका हुन् । स्थानीय ५५ वर्षका श्यामकृष्ण र अन्दाजी ५० वर्षकी रुकुमायाको शव मंगलबार बिहान फेला परेका प्रहरीले जनाएको छ । घटनाको थप अनुसन्धानका लागि काठमाण्डौबाट तालिम प्राप्त कुकुरसहितको टोली बोलाइएको प्रहरीले जनाएको छ ।...

कात्तिक १९ गते ।  नवनियुक्त प्रदेश प्रमुखहरुले पद तथा गोपनीयताको सपथ ग्रहण गरेका छन् । सरकारले सोमबार नियुक्त गरेका प्रदेश प्रमुखहरुले राष्ट्रपति भवन शितल निवासमा राष्ट्रपति विद्यादेवी भण्डारीबाट मंगलबार सपथ ग्रहण गरेका हुन् । कार्यक्रममा उपराष्ट्रपति नन्दबहादुर पुन, प्रधानमन्त्री केपी शर्मा ओली, राष्ट्रिय सभाका अध्यक्ष गणेश तिमल्सिनालगायत मन्त्री तथा विशिष्ठ सरकारी कर्मचारीहरुको उपस्थिति रहेको थियो । सोमबार बसेको मन्त्रिपरिषद् बैठकले प्रदेश–१ का प्रमुख सोमनाथ अधिकारी प्यासी, प्रदेश २ का तिलक परियार, प्रदेश ३ का विष्णु प्रसाईं, गण्डकी प्रदेशका अमिक शेरचन, प्रदेश ५ का धर्मनाथ यादव, कर्णाली प्रदेशका गोविन्द कलौनी र प्रदेश ७ का शर्मिला त्रिपाठीलाई नियुक्त गर्ने निर्णय गरेको थियो ।...

कात्तिक १९ गते ।  आज मलेसियन रिंगिट, कोरियन वन र ओमानी रियालको भाउ बढ्दा अरु मुद्राको भाउ घटेको छ । मंगलबार नेपाल राष्ट्र बैंकले १ अमेरिकी डलरको खरिददर १ सय १२ रुपैयाँ ९४ पैसा र बिक्रीदर १ सय १३ रुपैयाँ ५४ पैसा तोकेको छ । हिजो डलरको खरिददर १३ रुपैयाँ र बिक्रीदर ११३ रुपैयाँ ६० पैसा रहेको थियो । त्यस्तै साउदी रियाल एकको खरिददर ३० रुपैयाँ १२ पैसा र बिक्रीदर ३० रुपैयाँ २८ पैसा रहेको छ । हिजो खरिददर ३० रुपैयाँ १३ पैसा र बिक्रीदर ३० रुपैयाँ २९ पैसा रहेको थियो । कतारी रियाल १ को खरिददर ३१ रुपैयाँ ०२ पैसा र बिक्रीदर ३१ रुपैयाँ १८ पैसा रहेको छ । हिजो खरिददर ३१ रुपैयाँ ०४ पैसा र बिक्रीदर ३१ रुपैयाँ २० पैसा रहेको थियो । त्यस्तै ओमानी रियाल १ को खरिददर २ सय ९४ रुपैयाँ ५२ पैसा रहेको छ । हिजो खरिददर २ सय ९४ रुपैयाँ २० पैसा रहेको थियो । यूएई दिर्हाम १ को खरिददर ३० रुपैयाँ ७५ पैसा र बिक्रीदर ३...

पूर्णपुष्टि, कात्तिक १९ । हिजाे डुबेर बेपत्ता भएकाे मानिसलाई सशस्त्र प्रहरी बल नेपाल नम्बर ५ गण गाईघाटबाट खटिएकाे ११ जनाको दैवी प्रकोप उद्धार तालिम प्राप्त टोलीले फेला पारी बाहिर निकालेकाे छ । हिजाे रातीदेखिनै खटिएकाे टाेलीले बिहान फेला पारी निकालेकाे हाे । २० फिट पानीमुनी दबिएकाे अबस्थामा लास फेला परेकाे सशस्त्र प्रहरी बल नेपाल नम्बर ५ गण उदयपुरको प्रमुख सशस्त्र प्रहरी उपरीक्षक गाहर धन राईले जानकारी दिनुभयाे । प्रहरीले लासकाे मुचुल्का उठाई पाेष्टमार्टमकाे तयारी गरेकाे छ । चाैदण्डिगढी नगरपालिका ९ पुर्व ज्यामिरे स्थित जमेकाे पानी दहमा खाेटाङकाे सावाकटहरे ६ घर भई हाल चाैनपा ९ अजगरा बस्दै अाएका ४० बर्षिय सुबास बि.क. डुबेर बेपत्ता भएका थिए । बेल्टार बजारबाट फर्कदै गर्दा अन्दाजि बेलुका ७ बजे डुबेकाे खबर लगत्तै नेपाल प्रहरी, सशस्त्र प्रहरी र स्थानीयहरुले खाेजि कार्य थालेकाे थियाे ।...

झापा, कात्तिक १९ गते ।  झापाको गौरिगञ्जबाट लागु ओषधसहित दुई जना पक्राउ परेका छन् । गौरिगञ्ज गाउँपालिका–३ बाट गाँजासहित देवनारायण महतो र बुदलाल राजवंशीलाई प्रहरीले पक्राउ गरेको हो । गाजाको बेचविखन भैराखेको छ भन्ने सुचनाको आधारमा ईलाका प्रहरी कार्यालय गौरिगञ्जबाट खटेका प्रहरी टोलीले गौरिगञ्ज गाउँपालिका–३ निबासी ५७ वर्षीय महतो र वडा न. ४ निबासी राजबंशीलाई आफ्नै घरबाट पक्राउ गरेको प्रहरीले जनाएको छ । महतोको घरबाट ५ सय ग्राम गाजा र नगद १ हजार ३ सय ५० रुपैयाँ बरामद भएको छ भने राजबंशीको घरबाट २ किलो १ सय २५ ग्राम गाजा र नगद ६ सय रुपैयाँ बरामद गरेको प्रहरीले जनाएको छ । पक्राउ परेका दुवै जनालाई थप अनुसन्धान भईरहेको प्रहरीले जनाएको छ ।...

पूर्णपुष्टि, कात्तिक १९ । उदयपुरको त्रियुगा नगरपालिका ११ विशाल नगरटोलमा गएराती दुई घरमा चोरी भएको छ । स्थानीय देविचरण भट्टराईको घरमा चोरी भएको हो । सोही ठाउँको श्याम खड्काको घरमा पनि चोरी भएको हो । शिक्षण पेशामा रहेकाे भट्टराई दम्पत्ति दुबै नेपालटार गएकाे बताईएकाे छ । भट्टराईको गरगहना र नगदसहित करिब छ लाखको चोरी भएको जनाइएको छ भने खड्काको १२ तोला चाँदी चोरी भएको जनाइएको छ । खड्का नेपाल आर्मिमा आबद्ध रहेकाे बताईएकाे छ । घरमा कोही नभएको मौका पारी ताल्चा फोडेर राती चोरी भएको प्रहरीले जनाएको छ । राती चोरी भएपनि विहान अबेर मात्र चोरी भएको थाहा भएको थियो । जिल्ला प्रहरी कार्यालय र सशस्त्र प्रहरीकाे ५ नम्बर गणले चोरी भएको घरको अवस्था अध्ययन अनुसन्धान तथा चाेर खाेजीमा परिचालन भएका छन् । चोरको खोजी तिब्र पारिएकाे प्रहरीले जनाएको छ ।  ...