Month: ६ वर्ष अगाडि

पूर्णपुष्टि, चैत १२ ।  कोरोना भाइरसको संक्रमणबाट उच्च सतर्कताका लागि घोषणा भएको लकडाउनको दोस्रो दिन भारतको सिलगुडीबाट नेपाल फर्किएका उदयपुरका २१ जनालाई नेपाल प्रहरीले उच्च सतर्कताका साथ जिल्ला ल्याएको छ । झापा प्रहरीको प्रत्यक्ष निगरानीमा उनीहरुलाई उदयपुरको कटारीसम्म ल्याइएको छ । कारोना भाइरस संक्रमणको आशंकाले उनीहरुलाई कटारी नगरपालिकाको त्रिवेणी बेलसोतस्थित नेपाली सेनाले निर्माण गरेको करेन्टाइनमा राखिएका छन् । उनीहरुमध्ये एकजनामा ज्वरो देखिएकाले उनको भने कटारी अस्पतालमा राखेर उपचार भईरहेको जनाइएको छ । सुरक्षास्रोतका अनुसार उनीहरु धेरैजसो ताप्ली गाउँपालिकाका रहेका छन् । उदयपुरगढीका ३ जना र रौतामाई गाउँपालिकाका १ जना रहेका छन् । सबैजसो भारतको सिलगुडीमा मजदुरी गर्न गएका बुझिएको छ । एकजना नक्सालगढीमा मजदुरी गर्न गएको बुझिएको छ । उनीहरुलाई १४ दिनसम्म करेन्टाइनमा राखेर स्वस्थ्य परिक...

पूर्णपुष्टि, चैत १२ गते । उदयपुरमा लकडाउनको दोस्रो दिन पुरा कडाई गरिएको छ । प्रहरी कडाईकाबीच लकडाउनलाई अवज्ञा गरी सञ्चालन भएका १ सय ५१ वटा सवारी साधन प्रहरी नियन्त्रणमा परेका छन् । सवारी साधनमा साईकल पनि ठूलो संख्यामा नियन्त्रणमा परेका छन् । ७५ वटा स्कुटी तथ मोटरसाईकल, ७ वटा अटो, ६९ वटा साईकल र चारपांग्रे गाडी १ वटा रहेको जिल्ला प्रहरी कार्यालय उदयपुरले जनाएको छ । नियन्त्रणमा परेका सवारी साधनहरु लकडाउन अवधीभर नछाडिने जिल्ला प्रहरी प्रमुख एसपी बीरबहादुर बुढामगरले बताउनुभयो । पहिलो दिन लकडाउन अवज्ञा गर्ने ४ सय ६३ सवारी साधन नियन्त्रणमा परेको र सर्बसाधारणलाई बढि नै चेतावनी दिनु परेपछि दोस्रो दिन विहानैदेखि कडाई गरिएको हो । बजार र सडकमा तैनाथ सुरक्षाकर्मीहरुले अनावश्यक हिडडुल गर्नेलाई जताबाट आएको उतै फर्काइरहेको छ भने विशेष काम बाहेक निस्किएका सवारी साधनहरुमा साईुकल समेतलाई कारवाहीका ...

पूर्णपुष्टि, चैत १२ । उदयपुरको रौतामाई गाउँपालिकाले कोरोना भाइरस विरुद्धको उच्च सतर्कता अपनाउदै स्वास्थ्यचौकी मुर्कुचीमा आइस्योलेशन स्थापना गरेको छ । साथै पालिकाका स्वास्थ्यचौकीहरुमा हेल्पडेक्सहरु राखिएका छन् । स्वास्थ्य चौकीका स्वास्थयकर्मीहरुलाई व्यक्तिगत सुरक्षाका साधनहरु उपलब्ध गराईएको छ । आवश्यकता अनुसार भुट्टार र रौताको स्वास्थ्यचौकीमा पनि आइस्योलेशन स्थापना गरिने पालिका अध्यक्ष गजेन्द्रबहादुर खड्काले बताउनुभयो । अध्यक्ष खड्काले पालिकामा संक्रमण बढेमा नियन्त्रण तथा उपचारमा टेवा पुर्याउन कोषको पनि स्थापना गरिएको बताउनुभयो । कोषमा पालिकाको विपद् व्यवस्थापनबाट ५ लाख, जनप्रतिनिधिरुको पाँचदिनको सुविधा, कर्मचारीहरुको एकदिनको सुविधा गरी करिब १० लाखको कोष स्थापना गरिएको छ । कोषलाई आवश्यकता अनुसार बृद्धि गर्दै जाने उहाँले बताउनुभयो । पालिकाका प्रमुख प्रशासकीय अधिकृत खम्बराज राईले पाल...

पूर्णपुष्टि, चैत १२ । जिल्लाका सबै सामुदायिक बन उपभोक्ता नगर तथा गाउँ महासं , सामुदायिक बन उपभोक्ता समूहहरुलाई लकडाउनको पालना गर्नु कर्तवय ठान्न आव्हान गरेको छ । महासंघका जिल्ला अध्यक्ष कुशल बाबु बस्नेतले आज एक अपिल पत्र जारी गर्दै यस्तो आव्हान गर्नुभएको हो । आफु र आफ्नो परिवारलाई सुरक्षित गर्दै सचेतता र साबधानी र उच्च आत्मबलका साथ उक्त  महामरीको सामनागर्दै अरूलाईपनि सुरक्षित रहन आग्रह गर्न पनि आव्हान गरेको छ । सरकारले राष्ट्रिय स्तरमा एक कोषको स्थापना गरेको र  उक्तकोषमा सकेसम्म सहभागिता जनाउने काममा अग्रसर हुन अनुरोध पनि गरिएको छ ।  उपभोक्ता हरूलाई  व्यक्तिगत र घरयासी सरसफाईकालागि सचेत गर्दै साबुनपानीले हातधुने र सेनिटाईजर प्रयोग गर्न आग्रह गर्दै आबश्यक परे समूह समुहले साबुनको व्यवस्था गरि दिन भनिएको छ । उदयपुर जिल्लामा स्थानीय प्रशासन र स्थानीय सरकरसंग सहकार्य गरेर जिल्लाभर आ...

पूर्णपुष्टि, चैत १२ । नेपाल नेत्रज्योती संघ उदयपुरले कोरोना भाइरस संक्रमणको विरुद्धमा लड्न प्रदेश सरकारलाई सहयोग गर्ने भएको छ । उदयपुरको सदरमुकाम गाईघाट स्थित मदन भण्डारी आँखा अस्पताललाई क्वारेन्टाईन स्थापना गर्न र आइसोलेशन वार्डको रुपमा विकास गर्न दिने निर्णय गरेर सहयोग गर्ने भएको सभापति भागवत राउतले जानकारी दिनुभयो । हालै निर्माण कार्य सकिएको तीनतले आँखा अस्पतालको भवनमा ४२ कोठा छन् । त्यसलाई प्रयोग गरेर कम्तिमा ५० जना विरामीलाई उपचार गर्न सक्ने बनाउन सकिनेछ । प्रदेश सरकारलाई आँखा स्पतालको भवन उपलब्ध गराउने निर्णय गरेसंगै सकेको अन्य सहयोग पनि समितिको तर्फबाट गरिने जनाइएको छ । रोगलाई नियन्त्रण गर्न, फैलिन नदिन, संक्रमितलाई समयमै उपचार गरेर जिउज्यानको रक्षा गर्न सहयोग गर्ने जनाइएको छ ।...

पूर्णपुष्टि, चैत १२ । त्रियुगा नगरपालिकाका मेयर बलदेव चौधरीले गाईघाट बजारमा पैदल यात्रा गरेर दोस्रो दिनको लकडाउनको अवलोकन गर्नुभएको छ । मेयर चौधरीले सर्बसाधारणकै भेषमा बजार अवलोकन गर्नुभएको हो । लकआउटको बेला सवारी चलाउन नहुने र बाहिर हिड्डुल गर्न नहुने सन्देश दिन पैदल नै अवलोकनमा निस्केको मेयर चौधरीले बताउनुभयो । लकडाउनको पहिलो दिन थुप्रै सर्बसाधारणले अवज्ञा गरेको र प्रहरीले ठूलो संख्यामा सवारी साधनहरु नियन्त्रणमा लिनु परेको कुरालाई मध्येनगर गर्दै दोस्रो दिनको अवलोकन गरेको उहाँले बताउनुभयो । पहिलो दिनको दाँजोमा दोस्रो दिन सर्वसाधारणले लकडाउनलाई पालना गरेको पाइएको उहाँले बताउनुभयो । उहाँले सर्बसाधारणलाई घरमा सुरक्षित बसेर सरकारको आदेश पालना गरिदिन अनुरोध गर्नुभयो । साथै आजै विज्ञप्ती जारी गर्दै सबै टोल विकास संस्थाहरुलाई आ आप्mनो टोलमा लकडाउनको पालना गराउन निर्देशन दिने बताउनुभय...

गाईघाट/चैत्र, १२ उदयपुरको सदरमुकाम लगाएतको मुख्य सहरहरुलाई लकडाउनको दोस्रो दिन झनै कडाई गरिएको छ । गाईघाट बजार, कटारी, बेल्टार, र रामपुरमा समेत लकडाउन कडाई गरिएको हो । सदरमुकाम गाईघाटमा हिजो सामान्य सानो सवारीहरु विहान चले पनि ट्राफिक प्रहरी र प्रहरीले सम्झाउने र आफ्नै गन्तव्यबाट आएको ठाउँतर्फ फठाउने गरेका थिए भने अति आवश्यकहरुलाई मात्रै छाडेका थिए । हिजाो लक डाउनको अवज्ञा गरेको भन्दै जिल्ला भरी टिफर, कार, मोटारसाईकल र साईकल गरी ४४२ ओटा सवारीहरु प्रहरीले नियन्त्रणमा लिएको थियो । गाईघाटमा मात्रै टिफर, मोटर साईकल स्कुटर र साईकल गरी १ सय १४ ओटा सवारी प्रहरीले पक्रेका थिए । नियन्त्रणमा लिएको मध्य आदिलाई अनुसन्धान र पहिचानको आधारमा काममा हिड्नेहरुलाई छाडेका थिए भने गैरकाम हिडेका संकास्पद सवारीहरुलाई भने नछाडीएको उदयपुरका प्रहरी प्रमुख (एसपी) वीर बहादुर बुढा मगरले बताउनुभयो । एसपी...

पूर्णपुष्टि, चैत १२ । निर्माण कम्पनी रसुवा कन्स्ट्रक्सनले निर्माणाधिन मदन भण्डारी राजमार्गको पुल निर्माण कार्यमा उदयपुरकाे राजाबासमा खटिरहेका ५० जना कामदारहरुलाई विचल्नी पारेको छ । कोरोना भाइरसको संक्रमणबाट नागरिकहरुलाई जोगाउन लकडाउन घोषणा गर्नुअघि नै कन्स्ट्रक्सनले कामदारहरुलाई घर जाने व्यवस्था नगरिदिदा विचल्नीमा परेको मजदुरहरुको नाइके गणेश चौधरीले बताउनुभयो । उदयपुरको त्रियुगा नगरपालिका ८ राजाबासमा पुल निर्माणमा खटिरहेका मजदुरहरु विचिल्नीमा परेका हुन् । सरकारले केही समयअघि नाकाहरु बन्द र लामो दुरीका सवारी साधन बन्द गर्ने भन्दैगर्दा नै मजदुरहरु जाने तयारी भएका थिए । जानका लागि निर्माण कम्पनीले बसको व्यवस्था गरिदिने भनेपनि भाडामा कुरा नमिलेपछि मजदुरहरु जानबाट रोकिएका थिए । जानबाट एकदिन ढिलो रोकिएपछि देशमा लकडाउन आजबाट सुरु भएको छ । लकडाउनका कारण बस चल्न नपाएपछि मजदुरहरु घर जान नपा...

जयराम पूर्वछाने मगर बेलका, चैत्र ११ गते । नेपालमा फेला परेको कोरोना भाईरस (कोभिड–१९) को संक्रमितसँगै आएको दुई जना उदयपुरको बेलकामा फेला परेका छन् । फ्रान्सबाट कतार हुदै आएका १९ वर्षीया युवतीमा सोमबार कोरोनाको संक्रमण देखा परेको थियो । कोरोना संक्रमित युवतीसँगै एउटै जहाजमा बेलाका नगरपालिका–३ रातापानी प्रगती टोलका बिध्यानन्द चौधरी र बेनपा–६ का राजकुमार तामाङ  आएका थिए । गत चैत्र ४ गते कतार एयरवे क्यूआर ६५२ जहाजमा आएका युवतीमा कोरोनाको संक्रमण पुष्टि भएपछि उनीसँगै आएका यात्रुहरुको खोजी गर्ने क्रममा चौधरी र तामाङ  फेला परेका हुन् । ती दुवै जनालाई क्वारेन्टाइनमा राख्ने तयारी भइरहेको बेलका नगरपालिकाका मेयर दुर्गकुमार थापाले बताए । अहिले पाण्डेलाई केहि नभएको भएपनि चौधरीलाई हल्का ज्वारो आएकाले परीक्षणको लागी धरान पठाएको छ । परीक्षणपछि मोरङको टाँडी क्वारेन्टाईनमा राखिने थापाले बताए । ...

उदयपुर, चैत्र ११ गते । उदयपुरमा ‘लकडाउन’को अवज्ञा गर्ने चार सय ६२ वटा सवारी साधनलाई प्रहरीले नियन्त्रणमा लिएको छ । कोरोना भाईरस (कोभिड–१९) को संक्रमित देखा परेपछि सरकारले लगाएको ‘लकडाउन’को अवज्ञा गर्ने सवारी साधनलाई नियन्त्रणमा लिएको हो । जिल्लामा मोटरसाईकल तथा स्कुटी ३ सय ३२, ठूला तथा साना सवारी साधन १ सय २३, साईकल ४ र अटो ३ वटा सवारी साधनलाई प्रहरीले नियन्त्रणमा लिएको थियो । उक्त सवारीसाधन मध्ये सदरमुकमा गाईघाटमा मोटरसाईकल तथा स्कुटर १ सय ९, टिफर ३ र अटो २ वटा नियन्त्रणमा लिएको प्रहरीले जनाएको छ । विश्वभर महामारीको रुपमा फैलिदै गएको कोरोना भाईरसको संक्रमित नेपालमा देखा परेपछि उच्च सर्तकता अपनाउदै सरकारले लगाएको ‘लकडाउन’को पालना नगर्ने सवारी साधनलाई प्रहरीले नियन्त्रणमा लिएर प्रारम्भिक अनुसन्धानपछि साँझ केहि सवारी साधन छाडिएको प्रहरीले जनाएको छ । नियन्त्रणमा लिएका सवारी साधनको...