Month: ६ वर्ष अगाडि

पूर्णपुष्टि, चैत २९ गते ।  चितवनमा एम्बुलेन्सको प्रयोग गरी लागुऔषध ओसारपसार गर्ने तीन जना पक्राउ परेका छन् । भरतपुर महानगरपालिका–२ जुन हल नजिकै एम्बुलेन्स जाँच गर्ने क्रममा लागुऔषधसहित पक्राउ परेका तीन जनालाई प्रहरीले पक्राउ गरेको हो । नवलपरासीबाट एम्बुलेन्स बुकिङ गरी आएका उनीहरुको साथबाट नाइट्राजेपाम १ सय ८७ ट्याबलेट, स्पास्मो प्रोक्सिभन ९४ क्याप्सुल, कोरेक्स एक लिटर र ट्रमाडोल ४० ट्याबलेट बरामद गरिएको जिल्ला प्रहरी कार्यालय चितवनले जनाएको छ । एम्बुलेन्समार्फत लागुऔषध ओसारपसार गर्ने विनोद रानामगर, प्रवीण घर्तीको बयानको आधारमा लागुऔषध मगाउने अञ्जन तिमिल्सिनालाई समेत पक्राउ गरिएको प्रहरीले जनाएको छ । विनोद रानामगर र प्रवीन घर्तीले चैत २४ गते नक्कली बिरामी बनेर एम्बुलेन्स चालकलाई फोन गरी बोलाएका थिए । बिरामी लिएर बर्दघाट जाने र बर्दघाटबाटसमेत बिरामी ल्याउने भनी एम्बुलेन्सलाई भरतप...

पूर्णपुष्टि, चैत २९ गते ।  खसीको मासु प्रतिकेजी एक हजार आठ सय रुपैयाका दरले बेच्ने नयाँ बानेश्वरको आई कालु मिट सेन्टरलाई सरकारले दुई लाख रुपैयाँ जरिबाना तिराएको छ । वाणिज्य, आपूर्ति तथा उपयोक्ता हित संरक्षण विभागले अनुगमन गर्दा खसीको मासु प्रति केजी एक हजार आठ सय रुपैयाका दरले बेचेको पाइएपछि दुई लाख रुपैयाँ जरिबाना गरिएको बिभागले जनाएको छ । कलंकीको चितवन खाद्य स्टोर्सलाई बढी मूल्यमा सामान बेचेको कसुरमा दुई लाख र नागार्जुन नगरपालिका–४ बाफलमा म्याद नाघेको सामान बेच्ने न्यू बि. के. स्टोरलाई तीन लाख जरिवाना गरिएको विभागले जनाएको छ ।...

पूर्णपुष्टि, चैत २९ गते ।  भारतको पन्जावमा लकडाउन र कर्फ्युको समय बढाउने निर्णय भएको छ । पन्जाब सरकारले कोरोना संक्रमण रोकथाम तथा नियन्त्रणको लागि भन्दै आगामी मे १ अर्थात वैशाख १९ गतेसम्मका लागि लकडाउन र  कर्फ्युको समय बढाउने निर्णय गरेको संचारमाध्यमले जनाएका छन् । पन्जाबमा मात्रै कोरोना सङ्क्रमणका कारण १ सय ३२ जनामा कोरोना पुष्टि भएको मध्ये ११ जनाको मृत्यु भईसकेको भारतको स्वास्थ्य मन्त्रालयले जनाएको छ । ५ जना उपचारपछि निको भएका छन् । अहिलेसम्म २ सय ४९ जनाको मृत्यु भएको छ भने ७ हजारभन्दा बढीमा कोरोना पुष्टि भएको जनाईएको छ ।...

पूर्णपुष्टि, चैत २९ गते ।  इटली सरकारले लकडाउन थप्ने निर्णय गरेको छ । प्रधानमन्त्री जिसेप कोन्टेले आउँदो मे ३ तारिख अर्थात वैशाख २१ गतेसम्मका लागि लकडाउन बढाउने घोषणा गरेकोे हो । पहिलो पटक गत फागुन २६ गतेसम्मका लागि गरिएको लकडाउन त्यसपछि पटकपटक थप गर्दै आगामी वैशाख २१ गतेसम्म पु¥याइएको हो । लकडाउनका कारण इटालीमा कोरोना सङ्क्रमणका कारण ज्यान गुमाउनेको संख्यामा केहि कमी आएको भन्दै लकडाउनको समय बढाउने निर्णय गरिएको जनाईएको छ ।...

पूर्णपुष्टि, चैत २९ गते ।  विश्वभर महामारीको रुपमा फैलिएको कोरोना भाईरस (कोभिड–१९) को संक्रमीत यमनमा पहिलो पटक एक जनामा पुष्टि भएको छ । यमनमा कोरोनाको संक्रमित फेला परेसँगै विश्वको २ सय १० देश पुगेको हो । अहिलेसम्म २ सय १० र दुई वटा अन्तर्राष्ट्रिय पानी जहाजमा कोरोनाको संक्रमण फैलिँदा साढे १६ लाख भन्दा बढी मानिस संक्रमित भएका छन् । ३ लाख ७६ हजारभन्दा बढी उपचारपछि निको भएका छन् । पछिल्लो २४ घण्टामा अमेरिकामा मात्रै २ हजार भन्दा धेरैको मृत्यु भएपछि १ लाख २ हजार जनाको मृत्यु भईसकेको छ । अमेरिकामा साढे १८ हजारभन्दा धेरैको मृत्यु भएको छ भने ५ लाख भन्दा धेरैमा सङ्क्रमण पुष्टि भएको छ । यस्तै इटालीमा साढे १८ हजारभन्दा धेरै, स्पेनमा १६ हजारभन्दा धेरै, फ्रान्समा १३ हजारभन्दा धेरै, बेलायतमा झण्डै ९ हजार मानिसको मृत्यु भएको छ ।  ...

पूर्णपुष्टि, चैत २८ । एनएमवी बैंकले १ नं. प्रदेश सरकारलाई चिकित्सकका लागि अतिआवश्यकीय व्यक्तिगत सुरक्षा सामग्री (पीपीइ) हस्तान्तरण गरेको छ । बैंकले हिजो १०० थान सामाग्री हस्तान्तरण गरेको हो । नेपालमा स्वस्थ्यकर्मीहरुलाई पीपीइ सेटको अभाव भईरहेको अवस्थामा बैंकको उक्त सहयोग सार्थक देखिएको छ । बैंकका १ नं. प्रदेश प्रमुख उत्सव घिमिरेले मुख्यमन्त्री कार्यालयमै मुख्यमन्त्री शेरधन राईलाई हस्तान्तरण गर्नुभएको हो । कोभिड १९ बाट मुलुकमा बढी प्रभावित समुदाय, व्यक्तिलाई सहयोग पुर्याउने उद्देश्यका साथ बैंकले देशभरका शाखा र प्रादेशिक तहमा विभिन्न प्रकारका सहयोग र योगदान पुर्याईरहेको बैंकका प्रदेश प्रमुख घिमिरेले बताउनुभयो । कोभिड १९ को विरुद्ध सरकारको पहल र कदममा बैंक पनि साथै सरिक रहने उहाँले बताउनुभयो । मुख्यमन्त्री राईले विषम परिस्थितिको सहयोगप्रति धन्यवाद ज्ञापन गर्नुभएको छ ।...

पूर्णपुष्टि, चै २८ । विभिन्न विकसित राष्ट्रहरूको दाँजोमा नेपालमा आजसम्म कोभिड १९ को सङ्क्रमण भएको पुष्टि भएका व्यक्तिको सङ्ख्या निकै न्यून देखिएको छ ।नौ जनामा मात्र कोरोनाभाइरस सङ्क्रमण देखिएको नेपालको तथ्यांक छ । त्यसमध्ये एक जना निको भइसकेका छन् । अन्य आठ जनाको उपचार चलिरहेको छ । उपचारमा रहेकाहरुको अवस्था पनि सामान्य रहेको जनाइएको छ । नेपालमा भेटिएका सङ्क्रमितमध्ये आठ जना विदेशबाट आएका र एक जना सङ्क्रमित व्यक्तिकी परिवारकी सदस्य हुन् । नेपालमा कोरोनाभाइरस सङ्क्रमण धेरै नदेखिनुमा विभिन्न कारण हुन सक्ने अन्तराष्ट्रिय सञ्चारमाध्यम बीबीसीले जनाएको छ । कारणहरुमा परीक्षण नै नहुनु, नेपालीको जीवनशैली, नेपालीको प्रतिरक्षा प्रणाली बलियो हुनु, बीसीजी खोपको प्रभाव, भाइरस फैलाउने पूर्वाधार नै कम हुनु भनिएका छन् । विज्ञहरुको आकलनमा यी कारणहरु भएपनि ढुक्क हुने अवस्था भने नरहेको बताउछन् । अझै प...

पूर्णपुष्टि, चैत २८ । त्रियुगा नगरपालिका, ९ नम्बर वडाले आज गैरूनमा गरेको खाद्यन्न वितरण कार्य व्यवस्थापनको हिसावले प्रशंसा लायक देखियो । वडाले मुसहर बस्ती लगायत अन्य विपन्न वर्गका लागि गरेको खाद्यन्न वितरणमा सामाजिक दुरी कायम गरिएको थियो भने वितरणमा हातैहात गरिएन । वडाध्यक्ष धनबहादुर दनुवारले खाद्यन्नको प्याकेज टेवुलमा राखिदिए र पाउनेले उठाएर लगे । त्यहाँ, हातैहात लेनदेन गरेर फोटो खिच्ने कुरो भएन । त्यसैगरी खाद्यन्न लिन आउनेहरूका लागि एक मिटरको दुरी कायम गरेर उभिने ठाउँ बनाइएको थियो । रातोमाटोले घेरा बनाइ उभिने ठाउँ व्यवस्थित गरिएको थियो । दुरी कायम गरी घेरा बनाउन गाइघाट ०५५ एसएलसी ब्याजी ग्रुपका सदस्यहरूले सहयाेग गरेका थिए । अहिलेको अवस्थामा कोरोना भाइरसको संक्रमणबाट बच्न र कसैलाइ लागिहाले फैलन नदिन कम्तिमा एक मिटरको सामाजिक दुरी कायम गर्नु पर्ने हुन्छ । अधिकांश ठाउँमा सरकारले भन...

पूर्णपुष्टि, चैत २८ । लकडाउनको क्रममा खाद्यन्न अभाव भएका विपन्न बर्गलाई त्रियुगा माध्यामिक विद्यालयका २०५५ साले एसएलसी ब्याजी ग्रुपको तर्फबाट पनि सहयोग प्रदान भएको छ । ग्रुपको तर्फबाट त्रियुगा नगरपालिका ९ गैरुनका विपन्न बर्गहरुलाई खाद्यन्न संकट टार्न सहयोग पुगोस् भन्ने हेतुले आज २० हजार रुपैया सहयोग गरेको हो । ग्रुपको नेतृत्व गर्दै सुनिल पोखरेलले वडाध्यक्ष धनबहादुर दनुवारलाई चेक हस्तान्तरण गरे । ब्याजी अन्तर्गतका विभिन्न साथीहरुबाट संकलन भएको आर्थिक रकमबाट सहयोग गरिएको ब्याजीका सदस्य राजेन्द्र अधिकारीले बताउनुभयो । गैरुनमा विपन्न वर्गहरुको बस्ती रहेकाले उनीहरुलाई लक्षित गरी सहयोग गरिएको र आजै वडाले खाद्यन्नको व्यवस्था मिलाई खाद्यन्न वितरण गरेको व्याजीका अर्का सदस्य उद्धव अधिकारीले बताउनुभयो । वितरण कार्यक्रममा ०५५ एसएलसी व्याजीका विन्दा काप्mले पराजुली, विनिता चौधरी र भोटराज राईको पनि उ...

पूर्णपुष्टि, चैत्र २८ गते । सूचनाको हकका लागि राष्ट्रिय संजाल (आरटिआई) उदयपुरले जिल्लाका सवै स्थानीय सरकारलाई ध्यानाकर्षण पत्र बुझाएको छ । कोरोना भाईरस (कोभिड–१९)को संक्रमणबाट बच्नका लागि सम्बन्धित निकायले थालेको उपायहरु बारे नागरिकसम्म सूचना प्रवाह गरी सार्वजनिक गर्नु जरुरी भएको भन्दै आरटिआईले ६ बुद्धे ध्यानाकर्षण पत्र बुझाएको हो । वेबसाइट, एप्स, सामाजिक सञ्जाल (फेसबुक पेज) लाई नियमीत रुपमा अपडेट गरि, तथा स्थानिय रेडियोको प्रयोगगरी नागरिकमा सूचनाको पहुच अभिबृद्धि गरि सूचनाको हकलाई प्रत्याभुत गराउन बिशेष ध्यान दिन, स्थापना गरिएको टोल फ्रि नं., सूचनाबोर्ड व्यवस्थापन र थप प्रभावकारी रुपमा कार्यन्वयनका लागि नगरबासीमा प्रचारप्रसार गर्ने,  राहत वितरण, खरिद, पाउने व्यक्तिको नामसहितको मापदण्डलाई आम नागरिकलाई जानकारी हुने गरि प्रत्येक वडा तथा यस कार्यालयको वेवसाइट र एप्समार्फत नियमित रुपमा स...