Month: ६ वर्ष अगाडि

पूणर्पुष्टि, भदौ १५ संगम सामुदायीक पुस्तकालयलाई नेपाल लाइव्रेरी फाउन्डेसनले ४ लाख बराबरको १३ सय ओटा पुस्तक सहयोग गरेको छ । राष्ट्रिय पुस्तकालय दिवसको अवसरमा आइतबार फाउन्डेसनले बिभिन्न विद्याका १३ सय ओटा पुस्तक वितरण गरेको हो । दिवसको अवसरमा संगम सामुदायीक पुस्तकालयले आयोजना गरेको एक कार्यक्रममा पुस्तकालयको गतिविधिको समिक्षा सँगै पुस्तक हस्तान्तरणको कार्यक्रम गरिएको थियो । फाउन्डेसनको महासचिव धन कुमार श्रेष्ठले पुस्तकालयका अध्यक्ष भरत खड्कालाई पुस्तक हस्तान्तरण गर्नुभयो । कार्यक्रममा पुस्तक हस्तान्तरण सँगै अन्य कार्यक्रम पनि गरिएको थियो । पुस्तकालयलाई बिभिन्न समयमा सामाजिक सहयोग तथा भौतिक कार्यमा सहयोग पुराउने दुइ जनालाई सदस्यता प्रदान समेत गरेको छ । पुस्तकालयले मोहन निरौलालाई मानर्थ सदस्य र नेपाल निजामती कर्मचार संगठनका अध्यक्ष निर्मला निरौलालाई आजिवन सदस्य समेत प्रदान गरेको हो...

पूर्णपुष्टि, भदौ १५ आज नेप्से परिसूचक २२.३१ अङ्कले बढेको छ । सोमबार नेप्से परिसूचक बढेर १४ सय ८४.९९ अङ्कमा पुगेको नेपाल स्टक एक्सचेन्ज लिमिटेडले जनाएको छ । त्यस्तै ‘क’ वर्गका कम्पनीको कारोबार गर्ने सेन्सेटिभ इन्डेक्स पनि दुई अङ्कभन्दा धेरैले बढेको छ । होटल समूहबाहेक सबै समूहको उपसूचक बढेका छन् । सबैभन्दा धेरै जीवन बीमा समूहको उपसूचक २ सय ६०.३३ अङ्कले बढेको छ । त्यसैगरी निर्जीवन बीमा समूहको उपसूचक २ सय ३३.७ अङ्कले बढेको छ । तीन अर्ब ४६ करोड रुपैयाँ बराबरका ७७ लाख ६३ हजार कित्ता शेयर किनबेच भएका छन् । नेपाल रिइन्स्योरेन्स कम्पनी लिमिटेडको सबैभन्दा धेरै २८ करोड ७४ लाख रुपैयाँ बराबरका शेयर कारोबार भएको छ । शिखर इन्स्योरेन्स कम्पनी लिमिटेडका शेयर लगानीकर्ताले सोमबार सबैभन्दा धेरै पाँच प्रतिशत कमाएका छन् । अरुण काबेली पावर लिमिटेडका शेयर लगानीकर्ताले भने साढे चार प्रतिशतभन्दा धेरै...

पूर्णपुष्टि, भदौ १५ नेपालमा आज थप सात जनाको कोरोना संक्रमणबाट मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या दुई सय २८ पुगेको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा कोरोना सङ्क्रमणबाट बालिका र महिला गरी तीन जना र चार जना पुरुषको मृत्यु भएको मन्त्रालयले जनाएको छ । महोत्तरीकी चार वर्षीया बालिका, गोरखाकी ६५ वर्षीया महिला र रुपन्देहीकी ६८ वर्षीया महिलाको संक्रमणबाट मृत्यु भएको जनाईएको छ । झापाका ८६ वर्षीय पुरुष, रौतहटका ४० वर्षीय पुरुष, चितवनका ७८ वर्षीय वृद्ध र भक्तपुरका ७७ वर्षीय वृद्धको कोरोना सङ्क्रमणबाट मृत्यु भएको मन्त्रालयले जनाएको छ । अहिलेसम्म नेपालमा कोरोना संक्रमितको संख्या ३९ हजार चार सय ६० जनामा संक्रमण पुष्टि भईसकेको छ भने २१ हजार चार सय १० जना निको भएर घर फर्केका छन् ।...

पूर्णपुष्टि, भदौ १५ ताप्लेजुङको दोखुमा सुन्तलाको बोट मर्न थालेपछि कृषक चिन्तित बनेका छन् । फुङलिङ नगरपालिका–८ दोखु क्षेत्रका कृषकले लगाएको सुन्तलाको बोट मर्न थालेपछि कृषकहरु चिन्तित बनेका हुन् । कृषकहरुले बारीमा लगाइएका करिब पाँच हजार बोट सुन्तला सुकेको कृषकहरुले बताएका छन् । सुन्तलाको बोट सुकेर मरेपछि चिन्तासँगै के गर्ने भन्ने अन्योल छाएको कृषकहरुले बताएका छन् । कृषकले उत्पादन गरेको सुन्तला सदरमुकाम फुङलिङ बजारमा खपत हुने गर्दथ्यो । तर सुन्तलाको बोट नै मरेपछि कृषकहरुलाई घर चलाउन नै धौधौ परेको छ । दोखुका ५० घरपरिवारले सुन्तला बिक्री गरेर घर खर्च धान्ने गरेको थियो । ताप्लेजुङका धेरै क्षेत्रमा सुन्तलाका बोट मर्नु मौसम परिवर्तन पनि एक कारण भएको विज्ञको भनाइ छ ।...

पूर्णपुष्टि, भदौ १५ नेपालमा आज थप आठ सय ९९ जनामा कोरोना संक्रमण पुष्टि भएको छ । योसँगै नेपालमा संक्रमितको संख्या ३९ हजार चार सय ६० पुगेको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा थप पाँच सय ८८ जना कोरोना सङ्क्रमित निको भएर घर फर्किएका छन् । योसँगै डिस्चार्ज हुनेको सङ्ख्या २१ हजार चार सय १० पुगेको मन्त्रालयले जनाएको छ । त्यस्तै गत २४ घण्टामा सात जनाको मृत्यु भएको छ । योसँगै कोरोना सङ्क्रमणबाट मृत्यु हुनेको संख्या दुई सय २८ पुगेको मन्त्रालयले जनाएको छ ।...

पूर्णपुष्टि, भदौ १५ सुर्खेतमा प्रमुख जिल्ला अधिकारी (सीडीओ)लाई सामाजिक सञ्जालमा गाली गरेको आरोपमा एक जना पक्राउ परेको छ । सीडीओविरुद्ध अपशब्द लेखेको आरोपमा वीरेन्द्रनगर–१२ का राजन चालिसे पक्राउ परेको प्रहरीले जनाएको छ । कोरोना संक्रमण बढ्दै गएका बेला निषेधाज्ञा हटाउन गरेको निर्णयको आलोचना गर्दै चालिसेले फेसबुकमा सीडीओविरुद्ध अपशब्द लेखेका जिल्ला प्रहरी कायाृलय सुर्खेतले जनाएको छ । फेसबुकमा सीडीओलाई गालीगलौज गर्ने ती युवक शनिबार नै पक्राउ परेको प्रहरीले जनाएको छ । महामारीका बेला फेसबुकमा प्रजिअलाई गाली गरेकाले पक्राउ गरेर अनुसन्धान थालेको प्रहरीले जनाएको छ । चाललिसेविरुद्ध अभद्र व्यवहार अन्र्तगत मुद्दाको प्रक्रिया अघि बढाईएको प्रहरीले जनाएको छ । कर्णाली प्रदेशको राजधानी वीरेन्द्रनगरमा भदौ एक गतेदेखि स्थानीय प्रशासनले लगाएको निषेधाज्ञा १२ गतेदेखि हटाउने निर्णय गरेको थियो । यो ...

मोरङ, भाद्र १५  मोरङ बेलबारीमा करेन्ट लागेर एक जनाको मृत्यु भएको छ । बेलबारी–८ बस्ने २८ बर्षीया फुलकुमारी धिमालको करेन्ट लागेर मृत्यु भएको हो । हिजो साँझ ६ बजे आफ्नै घरमा पंखा जोडने क्रममा अचानक करेन्ट लागी बेहोस भएकी फुलकुमारीको पथरी अस्पतालमा उपचारको क्रममा बेलुका साढे ७ बजे मृत्यु भएको जिल्ला प्रहरी कार्यालय मोरङले जनाएको छ ।...

पूर्णपुष्टि, भदौ १५ आज सुनचाँदीको भाउ बढेको छ । सुनको भाउ आज तोलामा तीन सय रुपैयाँ बढेर तोलाको ९७ हजार ५ सय रुपैयाँ निर्धारण गरिएको नेपाल सुनचाँदी व्यवसायी महासङ्घले जनाएको छ । त्यस्तै चाँदीको भाउ आज तोलामा २५ रुपैयाँ बढेको छ । चाँदी आज तोलाको एक हजार तीन सय ६५ रुपैयाँमा कारोबार भैरहेको छ ।

पूर्णपुष्टि, भदौ १ विश्वभर एक करोड ७७ लाख भन्दा बढीले कोरोना जितका छन् । दुई सय १३ देशमा फैलिएको कोरोनाबाट संक्रमित भएका मध्ये एक करोड ७७ लाखभन्दा बढीले कोरोना जिते घर फर्किएका हुन् । अमेरिकाका ३४ लाख २५ हजार, ब्राजिलका ३० लाख ३१ हजार, भारतका २७ लाख ७२ हजार र रसियाका ८ लाख ८ हजार कोरोना सङ्क्रमितले कोरोनालाई जितेको वल्र्डमिटरले जनाएको छ । अहिले ६८ लाख २८ हजारभन्दा धेरै व्यक्तिको उपचार भैरहेको छ । विभिन्न अस्पतालमा उपचाररत सङ्क्रमितमध्ये १ प्रतिशत बिरामीको अवस्था गम्भीर छ । ९९ प्रतिशत सङ्क्रमितको अवस्था सामान्य रहेको जनाईएको छ । अहिलेसम्म कोरोनाबाट दुई करोड ५३ लाख ८३ हजारभन्दा बढीमा मानिस सङ्क्रमित भएका छन् भने आठ लाख ५० हजारको मृत्यु भएको जनाईएको छ ।...

पूर्णपुष्टि, भदौ १५ कुवेतले विदेशी नागरिकको भिसा थप तीन महिना थपेको छ । कोरोना महामारीका कारण उत्पन्न विषम परिस्थितिका कारण विदेशी नागरिकको भिसा थप तीन महिना बढाउँदै नोभेम्बर ३० सम्म पु¥याएको कुवेतमा रहेको नेपाली दूतावासले जनाएको छ । कुवेतले यसअघि थप गरेको भिसाको अवधि यही अगष्ट ३१ अर्थात आजदेखि सकिंदैछ । तर अझै पनि कोरोनाको कारण चार्टर्ड बाहेक अन्तर्राष्ट्रिय उडानहरु सञ्चालनमा नआएकाले भिसा अवधि थप गरेको जनाईएको छ । पहिले थपेको तीन महिनाको भिसाको समय पनि सकिने भएकोले फेरि तीन महिना भिसाको म्याद थप गरिएको कुवेतको आन्तरिक मन्त्रालयले जनाएको छ । अब कुवेतको भिसा नोभेम्बर ३० सम्म स्वतः नवीकरण हुनेछ ।...