Month: ६ वर्ष अगाडि

पूर्णपुष्टि, साउन २५ पाकिस्तान विरुद्धको पहिलो टेस्टमा इंग्ल्याण्डले जित हात पारेको छ । गतराती म्यानचेस्टरमा भएको खेलमा घरेलु टिम इंग्ल्याण्डले पाकिस्तानलाई ३ विकेटले पछि पार्दै जित हात पारेको हो । पाकिस्तानले दिएको २ सय ७७ रनको लक्ष्य इंग्ल्याण्डले ७ विकेट गुमाएर पूरा गरेको थियो । यसअघि दोस्रो इनिङमा पाकिस्तान १ सय ६९ रनमा अलआउट भएपछि इंग्ल्याण्डले २ सय ७७ रनको लक्ष्य पाएको थियो । पाकिस्तानले पहिलो इनिङमा अलआउट हुँदै ३ सय २६ रन बनाएको थियो । पहिलो टेस्ट जितेसँगै तीन खेलको सिरिजमा इंग्ल्याण्डले १ शून्यको अग्रता बनाएको छ । दुई टोलीबीचको दोस्रो टेस्ट आउँदो बिहीबार साउथह्याम्पटनमा सुरु हुनेछ ।...

पूर्णपुष्टि, साउन २५ सोलुखुम्बुमा रहेको सेतो पोखरी (चोकर्मा) फुटेको आशंका गरिएको छ । सोलु दूधकुण्ड नगरपालिका–१ मा रहेको सेतो पोखरी (चोकर्मा) फुटेकै कारण सोलु खोलामा पानीको बहाव बढेको हुनसक्ने प्रत्यक्षदर्शीहरुले बताएका छन् । दूधकुण्ड पोखरीकै आकारमा रहेको पोखरी फुटेकै कारण सोलुखोलामा शुक्रबार बिहानैदेखि सोलुखोलामा पानीको बहाव उच्च देखिएपछि दूधकुण्ड पोखरी या अन्य कुनै पोखरी फुटेको हुन सक्ने अनुमान गरिएको थियो । दूधकुण्ड क्षेत्रमा रहेका स्थानीयहरुले चोकर्मा फुटेर तीन भागमध्ये एक भाग पानी बगिसकेको हुनसक्ने अनुमान गरेको छ । पोखरी पूर्णरुपमा फुट्ने खतरा उच्च रहेको जनाईएको छ ।...

पूणर्पुष्टि, साउन २४ उपत्यकामा लगतार कोरोना संक्रमणको संख्या दिनानु बढ्न थालेपछि सवारीमा जोर विजोर प्रणाली लागु गरिएको छ । सवारीहरुले झनै जोखिम बढाउने भन्दै सरकारले उपत्यकामा जोर विजोर प्रणाली लागु गरेको हो । सरकारले पादण्ड बनाएर सवारी चलाउन अनुमति दिएपनि सवारीहरुमा मापदण्ड पुरा नगरिएको पाइएको छ । सेनिटाईजर र सामाजिक दुरी सहितको मापदण्डको आधारमा सवारी खुल्ला गरिएपनि त्यो नगरेको पाइएको भन्दै जोखिम बढ्नाले जोर विजोर लागु गरेको छ । जोर विजोर प्रणालीका कारण उपत्यकामा सवारी चाप कम देखिएको छ । पछिल्लो केही दिनयता उपत्यकामा संक्रमणको दर बढ्न थालेपछि सरकारले सवारी सञ्चालनमा जोर विजोर प्रणाली सुरु गरेको थियो । शुक्रबार मात्रै उपत्यकाभित्रका तीन वटै जिल्ला प्रशासन कार्यालयहरुले अत्यावश्यक बाहेकका सेवाहरु तत्कालका लागि बन्द गर्ने निणर्य गरेका थिए । जिल्ला प्रशासन कार्यालयबाट प्रवाह ...

पूणर्पुष्टि, साउन २४ पर्सामा मेयर सहित ५५ जना कोरोना संक्रमित भएका छन् । नारायणी अस्पताल स्थित पीसीआर प्रयोगशालामा गरिएको परीक्षणमा ८ जना महिलासहित ५५ जनामा कोरोना संक्रमण पुष्टि भएको हो । पर्साका बहुदरमाई नगरपालिकाका मेयर नितेन्द्र प्रसाद साहसहित ५५ जनामा कोरोना संक्रमण पुष्टि भएको नारायणी अस्पतालको पीसीआर प्रयोगशाला स्रोतले जनाएको छ स्रोतका अनुसार बहुदरमाई नगरपालिकामा ४० वर्षीय मेयर नितेन्द्र प्रसाद साहसहित २५ जनामा संक्रमण देखिएको छ । संक्रमितमध्ये ३ जना बारा र १ जना सर्लाहीका छन् । शुक्रबार मृत्यु भएका वीरगञ्ज-३ छपकैयाका ७४ वर्षीय वृद्ध पनि संक्रमितको सूचीमा छन् । चण्डी प्रसाद गणका ३२ वर्षीय नेपाली सेनाका जवान र बाराको कलैया-१० घर भएका नारायणी अस्पतालको ल्याबका ३१ वर्षीय पुरुष कर्मचारीमा पनि संक्रमण देखिएको छ । उनी नारायणी अस्पतालको ओपीडी ल्याबमा कार्यरत थिए । यसैगरी वीरगञ्...

पूर्णपुष्टि, साउन २३ कोरोना भाईरसबाट नेपालको ६ वटा जिल्ला मात्र सुरक्षित रहेको छ । खोटाङ, धनकुटा, सङ्खुवासभा, मनाङ, मुस्ताङ र रुकुम पश्चिम जिल्लामा सक्रिय सङ्क्रमितको सङ्ख्या शून्य रहेको स्वास्थ्य तथा जनसङ्ख्या मन्त्रालयले जनाएको छ । यी जिल्लामा एक पटक सङ्क्रमण पुष्टि भए पनि अहिले सबै निको भएर डिस्चार्ज भइसकेका छन् ।...

पूर्णपुष्टि, साउन २३ स्वदेश फिर्ती उडान सुरु भएपछि खाडी र मलेसियाबाट २ सय ४६ नेपालीको शव नेपाल ल्याइएको छ भने १ सय ७२ जनाको गन्तब्य देशमै अन्त्येष्टि गरिएको छ । गत जेठ ३२ गतेदेखि विदेशमा समस्यामा परेका नेपालीको स्वदेश फिर्ती उडान सुरु भएको थियो । कोरोना महामारी सुरु भएयता विदेशमा मृत्यु भएका ४ सय ९४ जनामध्ये २ सय ४६ जना नेपालीको शव चार्टर्ड उडानमार्फत स्वदेश ल्याइएको वैदेशिक रोजगार बोर्डले जनाएको छ । लकडाउन सुरु भएदेखि अहिलेसम्मको अवधिमा खाडी र मलेसियासहित अन्य देशमा १५ महिला र ४ सय ७९ पुरुष गरी ४ सय ९४ जना नेपालीको विभिन्न कारणले मृत्यु भएको थियो । अन्तर्राष्ट्रिय उडान बन्द भएर शव ल्याउन नपाएपछि कतिपय मृतकका आफन्तले भने परदेशमै सदगतका लागि अनुमति दिएका छन् । आफन्तको सहमतिमै १ सय ७२ जना नेपालीको गन्तव्य देशमै अन्त्येष्टि गरिएको बोर्डले जनाएको छ । अब खाडी र मलेसियासहित विभिन्...

पूर्णपुष्टि, साउन २३ नेपालमा आज थप ४ सय ६४ जनामा कोरोना संक्रमण पुष्टि भएको छ । योसँगै नेपालमा संक्रमितको संख्या २२ हजार २ सय १४ पुगेको स्वास्थ्य तथा जनसंख्या मन्त्रालयले जनाएको छ । उक्त संक्रमित मध्ये पछिल्लो २४ घण्टामा थप ४ सय २५ जना संक्रमित उपचारपछि निको भएर डिस्चार्ज भएका छन् । योसँगै निको हुनेको संख्या १५ हजार ८ सय १४ पुगेको मन्त्रालयले जनाएको छ । पछिल्लो २४ घण्टामा थप ४ जनाको कोरोनाका कारण मृत्यु भएपछि नेपालमा कोरोना संक्रमणबाट मृत्यु हुनेको संख्या ७० पुगेको छ ।...

पूर्णपुष्टि, साउन २३ सरकारी र निजी कार्यालयमा हुँदै आएको भेला, सेमिनार, बैठक र अन्य जमघट तत्कालै बन्द गर्न स्वास्थ्य तथा जनसङ्ख्या मन्त्रालयले निर्देशन दिएको छ । कोरोना भाइरसको महामारी बढ्ने क्रम जारी रहेकाले भेला र बैठक नगर्न, गर्नै परे भर्चुअल बैठक गर्न मन्त्रालयले निर्देशन दिएको हो । पछिल्लो समय सुरक्षा निकाय, अस्पताल, बैंक, न्यायालय, अख्तियारलगायतका कार्यालयमा कोरोनाको सङ्क्रमण पुगेको र प्रदेश मन्त्रीमा समेत कोरोना पुष्टि भइसकेकाले भिडभाड नगर्न र अत्यन्तै सजक रहन मन्त्रालयले आग्रह गरेको छ ।...

पूर्णपुष्टि, साउन २३ जिल्ला प्रशासन कार्यालय काठमाण्डौँले कोरोना भाइरसको सङ्क्रमण बढ्दै गएकाले अत्यावश्यक बाहेकका सेवा बन्द गर्ने भएको छ । आगामी साउन २५ गतेदेखि भदौको ८ गतेसम्म अत्यावश्यक बाहेकका अरु सबै सेवा बन्द गर्ने निर्णय भएको जिप्रकाले शुक्रबार विज्ञप्तिमार्फत जनाएको हो । नागरिकलाई सामाजिक दुरी कायम राख्न, स्यानिटाइजर प्रयोग गर्न, भिडभाड नगर्न अनुरोध गर्दा पनि अटेर गरेपछि अत्यावश्यक बाहेकका सेवा बन्द गर्ने निर्णय भएको जिप्रकाले जनाएको छ । अब नयाँ नागरिकता र प्रतिलिपि वितरण, संस्था दर्ता र नवीकरण, हातहतियार दर्ता र नवीकरण, राहदानी वितरणलगायतका सेवा बन्द भएका छन् ।...

पूर्णपुष्टि, साउन २३ नेपाल चिकित्सक सङ्घले सरकारलाई तत्काल आईसीयू र भेन्टिलेटर थप्न आग्रह गरेको छ । कोरोना भाइरस सङ्क्रमितमा गम्भीर लक्षण देखिने क्रम बढेको भन्दै भेन्टिलेटरसहितका आईसीयू बेडको सङ्ख्या बढाउन सरकारसँग संघले आग्रह गरेको हो । पछिल्लो समय थपिएका सङ्क्रमितमा गम्भीर लक्षण देखिएको हुँदा तत्कालै उपचार आवश्यक पर्ने देखिएकाले भेन्टिलेटरसहितका आईसीयू बेड, जनरल बेड, अक्सिजन र औषधीको मात्रा तत्कालै बढाउन सङ्घले विज्ञप्तिमार्फत आग्रह गरेको हो । सरकारी अस्पतालले धान्न नसक्ने भएकाले निजी अस्पताललाई पनि उपचारमा संलग्न गराउन माग गरेको छ । अत्यन्तै जोखिमपूर्ण अवस्थामा काममा खटिएका स्वास्थ्यकर्मी तथा चिकित्सकको जोखिम भत्तामा विभेद नगर्न पनि चिकित्सक सङ्घको माग छ । नेपालमा अहिलेसम्म ८० भन्दा धेरै स्वास्थ्य संस्थाका ५१ जना डाक्टर र १ सय ७० जना स्वास्थ्यकर्मी गरी र्२ सय २१ जनामा कोरोना...