Month: ६ वर्ष अगाडि

पूर्णपुष्टि, साउन २३ । उदयपुरको उदयपुरगढी गाउँपालिका वडा नं. ७ स्थित कोल्टे गाउँमा बलानखोलामा अबैंधरुपमा उत्खनन् तथा संकलन गरी राखिएको २ हजार ८ सय ४८ घनमिटर ढुंगा बरामद भएको छ । जिल्ला प्रहरी कार्यालय उदयपुरको सक्रियताबाट ठूलो मात्राको ढुंगा बरामद भएको छ । बलानखोला र कोल्टे गाउँनै कब्जा गरी ढुंगा चोरी निकासी गर्ने समुहले उत्खनन् गरी खोला किनार र गाउँमा संकलन गरेको अवस्थामा बरामद गरिएको जिल्ला प्रहरी प्रमुख एसपी भीमबहादुर दाहालले बताउनुभयो । जिल्ला प्रहरीको एकहप्ताको सक्रियतामा बरामद भएको ढुंगा हिजो (विहिबार) जिल्लास्तरीय अनुगमन समितिले स्थलगत अनुगमन गरी नापजाँच तथा सिल गरेको छ । तीस ठाउँभन्दा बढी ठाउँमा संकलन गरी राखिएको ढुंगा प्राविधिक टोलीसहित गएको अनुगमनटोलीले नाप्दाको प्रारम्भिक रिपोर्टमा उक्त परिणाम ढुंगा देखिएको हो । उक्त परिणामको ढुंगा स्थानीय मुल्य अनुसार करिब ४० लाख बराबरको ...

पूर्णपुष्टि, साउन २३ यो वर्षको मनसुन सक्रिय भएपछि अहिलेसम्म विभिन्न विपद्मा परि २ सय जनाको मृत्यु भएको छ । यस नेपालमा यस वर्ष जेठ ३० गतेदेखि मनसुन सुरु भएको हो । पहिरोमा परेर १ सय ७६, बाढीमा परेर ५ र चट्याङ लागेर १९ जनाको मृत्यु भएको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ । विपदमा परेर ५४ जना अझै बेपत्ता भईरहेको छ भने १ सय ९० जना घाइते भएका छन् । साथै अबको २४ घण्टाभित्र कोशी, नारायणी, कर्णाली, महाकाली र यसका सहायक नदीमा पानीको बहाव बढ्ने भएकोले सतर्क रहन राष्ट्रिय विपद् जोखिम न्यूनीकरण तथा व्यवस्थापन प्राधिकरणले आग्रह गरेको छ । शुक्रबार कन्काई पश्चिम, वाग्मती, कमला, राप्ती, बबई र यसका सहायक नदीमा पनि बहाव बढ्ने सम्भावना रहेको प्राधिकरणले जनाएको छ ।...

पूर्णपुष्टि, साउन २३ भारतमा कोरोना सङ्क्रमितको सङ्ख्या २० लाख नाघेको छ । विश्वमा कोरोना संक्रमितको तेस्रो सबैभन्दा प्रभावित देश भारतमा संक्रमितको संख्या २० लाख २१ हजार ४ सय ७ पुगेको हो । भारतमा पछिल्लो २४ घण्टामा थप ५८ हजारभन्दा धेरैमा कोरोनाको सङ्क्रमण पुष्टि भएको भारतको स्वास्थ्य मन्त्रालयले जनाएको छ । गत २० दिनमा सङ्क्रमण दुई गुणाले बृद्धि भएको हो । यो दर अमेरिका र ब्राजिलको तुलनामा धेरै हो । सङ्क्रमितको सङ्ख्याको आधारमा भारतभन्दा अघि पहिलो नम्बरमा अमेरिका छ भने दोस्रो नम्बरमा ब्राजिल छ । भारतमा उक्त संक्रमित मध्ये अहिलेसम्म ४० हजारभन्दा धेरैको मृत्यु भईसकेको छ । मृतकको सङ्ख्याको आधारमा भारत विश्वको पाँचौँ सबैभन्दा बढी प्रभावित देश हो । अहिलेसम्म विश्वभर १ करोड ९२ लाख ७२ हजारभन्दा धेरैमा कोरोना भाइरसको सङ्क्रमण पुष्टि भएकोमा ७ लाख १७ हजारभन्दा धेरैको मृत्यु भएको छ भने १ क...

पूर्णपुष्टि, साउन २३ आज सुन चाँदीको भाउ बढेको छ । सुनको भाउ आज तोलामा एक हजार रुपैयाँ बढेर तोलाको एक लाख ३ हजार ५ सय रुपैयाँ निर्धारण भएको नेपाल सुनचाँदी व्यवसायी महासङ्घले जनाएको छ । हिजो तोलामा ११ सय रुपैयाँ बढेर सुनको भाउ तोलाको एक लाख २ हजार ५ सय रुपैयाँ निर्धारण भएको थियो । यस्तै चाँदीक आज तोलामा ६० रुपैयाँ बढेर तोलाको १४ सय ५ रुपैयाँ पुगेको छ ।...

पूर्णपुष्टि, साउन २३ सरकारले तत्काल कक्षा ११ को वार्षिक परीक्षा नलिन निर्देशन दिएको छ । राष्ट्रिय परीक्षा बोर्डले सूचना निकालेर सरकारले विद्यालय पुनः सञ्चालनको निर्णय नगरेसम्म कक्षा ११ को वार्षिक परीक्षा नलिन निर्देशन दिएको हो । कोरोना भाइरसको संक्रमका कारण सरकारले गत चैत ११ गतेदेखि सबै शैक्षिक संस्था बन्द गर्ने निर्णय गरेकोमा कहिले खोल्ने भनेर निर्णय गरेको छैन । तर केही विद्यालयले परीक्षा सञ्चालनको तयारी गरेपछि विद्यार्थी र अभिभावकमा डर बढेकाले विद्यालय पुनः खोल्ने निर्णय नभएसम्म परीक्षा नलिन सूचना उल्लेख गरिएको छ । कक्षा ११ को परीक्षा सञ्चालन, व्यवस्थापन, मूल्यांकन, नतिजा प्रकाशन तथा प्रमाणीकरण कार्यविधिअनुसार वार्षिक परीक्षा सम्बन्धित विद्यालयले नै सञ्चालन गर्ने व्यवस्था छ । आंशिक तथा ग्रेड वृद्धि गर्नुपर्ने विद्यार्थीले कक्षा १२ को वार्षिक परीक्षा अघि नै परीक्षा दिइसक्नु पर...

पूर्णपुष्टि, साउन २३ बैतडीको डिलाशैनीमा पहिरोमा पुरिएर आमा छोराको मृत्यु भएको छ । डिलाशैनी गाउँपालिका–४ बलालीमा बिहीबार राति करिब १२ बजे घर माथिबाट खसेको पहिरोमा पुरिएर ४० वर्षीय पशुपति बोहरा र उनका १२ वर्षीय छोरा रिकेश बोहराको मृत्यु भएकोे जिल्ला प्रहरी कार्यालय बैतडीले जनाएको छ । घरभित्रै सुतिरहेका आमा छोरालाई पहिरोले पुरेर मृत्यु भएको प्रहरीले जनाएको छ । १६ वर्षीया सुजिता बोहरा र १२ वर्षीया सुनिता बोहराले भने भाग्न सफल भएको प्रहरीले जनाएको छ । मृतक पशुपतिका श्रीमान रोजगारीका लागि भारतको पिथौरगढमा रहेको र लकडाउनका कारण घर आउन नपाएका छिमेकीले बताएका प्रहरीले जनाएको छ ।...

झापा, श्रावण २३  झापामा लागुऔषध ब्राउनसुगरसहित एक जना पक्राउ परेको छ । बाह्रदशी गाउँपालिका–३ बस स्टेण्डबाट ब्राउनसुगर सहित १ जना पक्राउ परेको हो । ईलाका प्रहरी कार्यालय राजगढबाट खटिएको प्रहरी टोलीले स्थानीय २७ बर्षीय मिलन भुजेललाई १ ग्राम ब्राउन सुगर सहित बिहिवार बिहान १० बजे पक्राउ गरेको प्रहरीले जनाएको छ । पक्राउ परेका भुजेलको सम्बन्धमा थप अनुसन्धान भईरहेको जिल्ला प्रहरी कार्यालय झापाले जनाएको छ ।...

ईलाम, श्रावण २३  ईलामको माई खोलाले बगाएर एक जना बेपत्ता भएको छ । माई नगरपालिका–२ का १४ बर्षीय बालक रुबिन मगरलाई माई खोलाले बगाएर बेपत्ता बनाएको हो । गाई बस्तु हेर्न गएका मगर बिहिवार दिउँसो करिब ४ बजे माई खोलामा पौडी खेल्ने क्रममा अचानक खोलाले बगाएर बेपत्ता भएको प्रहरीले जनाएको छ । प्रहरी र स्थानीयवासीको सहयोगमा खोजतलास भईरहेको जिल्ला प्रहरी कार्यालय ईलामले जनाएको छ ।...

सुनसरी, श्रावण २३  सुनसरीको धरानमा करेन्ट लागेर एक जनाको मृत्यु भएको छ । धरान उप–महानगरपालिका–१६ का ६५ बर्षीय केशर बहादुर गुरुङको करेन्ट लागेर मृत्यु भएको हो । बिहिवार बिहान आफ्नै घरमा मोवायल चार्ज गर्ने क्रममा अचानक करेन्ट लागेर घाईते भएका गुरुङको बि.पी. कोईराला स्वास्थ्य बिज्ञान प्रतिष्ठान घोपा उपचारको क्रममा दिउँसो मृत्यु भएको ईलाका प्रहरी कार्यालय धरानले जनाएको छ ।...

झापा, श्रावण २३  झापाको कमलमा जंगली हात्तिको आक्रमणबाट एक जनाको मृत्यु भएको छ । कमल गाउँपालिका–५ टुक्रेमा जंगली हात्तीको आक्रमणबाट स्थानीय ५८ बर्षीय रोहीत रेग्मीको मृत्यु भएको हो । आज बिहान सवा ४ बजेको समयमा जंगलबाट बस्ती छिरेका २ वटा जंगली हात्तीले रेग्मीको टाटीबेराले बनेको घरमा समेत क्षति पुर्याएको छ । घर भत्काउन थालेपछि उनको भाग्ने क्रममा हात्तीले कुल्चिएर मृत्यु भएको ईलाका प्रहरी कार्यालय दमकले जनाएको छ ।...