Month: ६ वर्ष अगाडि

पूर्णपुष्टि, साउन २२ सत्तारुढ दल नेपाल कम्युनिस्ट पार्टी (नेकपा) का अध्यक्ष पुष्पकमल दाहाल प्रचण्डका निजी सुरक्षामा खटेका  ६ जनामा कोरोना सङ्क्रमण पुष्टि भएको छ । गेटमा खटिने सेन्ट्री टोलीलगायतमा खटिने सुरक्षाकर्मीमा कोरोना सङ्क्रमण पुष्टि भएको अध्यक्ष प्रचण्डका निजी सचिवालयले जनाएको छ । पहिलो घेरामा रहेका सुरक्षाकर्मीमा भने सङ्क्रमण पुष्टि भएको छैन । कोरोना पुष्टि भएका उनीहरुको नेपाल प्रहरी अस्पताल महाराजगञ्जमा परीक्षण गरिएको थियो ।...

पूर्णपुष्टि, साउन २२ २ न. प्रदेशका आन्तरिक मामिला तथा कानुनमन्त्री ज्ञानेन्द्र यादवलाई कोरोना सङ्क्रमण पुष्टि भएको छ । उहाँसहित प्रदेश सभासदस्य रिना यादवलाई समेत कोरोना संक्रमण पुष्टि भएको हो । आन्तरिक मामिला मन्त्रालय मन्त्री यादवसहित ८ जनामा कोरोना पोजेटिभ देखिएको जनाईएको छ । मन्त्री यादव होम आइसोलेशनमा बस्नुभएको छ । मन्त्रालयको सम्पूर्ण कामकाज बन्द गरिएको छ । उहाँ साउन १८ गते काठमाण्डौबाट फर्केर १९ गते स्वाब संकलन गराउनुभएको थियो । उहाँले आफूमा सङ्क्रमण पुष्टि भए पनि अवस्था गम्भीर नरहेको बताउनुभएको छ । मन्त्री यादवले काठमाण्डौमा रहँदा प्रधानमन्त्री केपी शर्मा ओली, प्रहरी महानिरीक्षक र ७ वटै प्रदेशका आन्तरिक तथा कानुन मन्त्रीसँग भेट गर्नुभएको थियो । यसैबीच नेपाली कांग्रेसका केन्द्रीय सदस्य एवं पूर्व मन्त्री अजयकुमार चौरसियालाई पनि कोरोना सङ्क्रमण पुष्टि भएको छ । नारायणी...

पूर्णपुष्टि, साउन २२ उदयपुरको विभिन्न खोलाबाट अवैध रुपमा गिटी, बालुवा र ढुङ्गा चोरी निकासी गर्ने दुई वटा ट्याक्टर पक्राउ परेको छ । प्राकृतिक स्रोत साधनहरु दोहन चोरी निकासी आदी कार्यको नियन्त्रण तथा कार्वाही गर्ने अभियान अन्तर्गत बुधबार राती दुई वटा ट्याक्टार नियन्त्रणमा लिएको जिल्ला प्रहरी कार्यालय उदयपुरले जनाएको छ । जिल्ला प्रहरी कार्यालय उदयपुरबाट खटेका प्रहरी टोलीले त्रियुगा नगरपालिका–३ स्थित ठाडी खोला र त्रिनपा–२ स्थित लुवाले खोलाबाट गिटी, बालुवा र ढुङ्गा चोरी निकासी गर्ने उद्देश्यले लुकिछिपी बसेको अवस्थामा राती प्रदेश २–०१–००१ त ०२३५ र स १ त  २४४७ नम्बरको ट्याक्टरलाई नियन्त्रणमा लिएको प्रहरीले जनाएको छ । उक्त पक्राउ परेको ट्याक्टरलाई नियन्त्रणमा लिएर आवश्यक अनुसन्धान कार्य अघि बढाएको जिप्रका उदयपुरले जनाएको छ ।...

ओखलढुङगा, श्रावण २२ ओखलढुङगाको चम्पादेवीमा लिखु खोलाले बगाएर एक जना बेपत्ता भएको छ । चम्पादेवी गाउँपालिका–१० का ३६ बर्षीय रोहित ढुङगेल खोलाले बगाएर बेपत्ता बनाएको हो । हिजो दिउँसो १ बजे गाई किनेर लिखु खोलाको किनाराको बाटो हुँदै फर्कदै क्रममा बाबु छोरा मध्ये छोरा रोहित अचानक चिप्लेर खोलामा खस्दा खोलाले बगाएर बेपत्ता बनाएको प्रहरीले जनाएको छ । बेपत्ता भएको ढुङगेलको खोजतलास भईरहेको जिल्ला प्रहरी कार्यालय ओखलढुङगाले जनाएको छ ।...

खोटाङ, श्रावण २२ खोटाङको केपिलासगढीमा एक जनालाई चिर्पट प्रहार गरी हत्या गरेको घटनामा संलग्न भएका एक जना पक्राउ परेको छ । केपिलासगढी गाउँपालिका–१ का २७ बर्षीय राकेश राईले जबरधन राईलाई हत्या गरेको आरोपमा पक्राउ गरिएको हो । गत साउन २० गते राती पौने ९ बज स्थानीय ५६ बर्षीय जबरधनसंग सामान्य बिबाद हुँदा रिसको आवेगमा राकेशले नजिकै रहेको दाउराको चिर्पटले प्रहार गर्दा घाईते भएका राईलाई अस्पताल लैजाने तयारी गर्दा गर्दै घरमै मृत्यु भएको प्रहरीले जनाएको छ । घटनापछि फरार रहेका राकेशलाई प्रहरीले नियन्त्रणमा लिई थप अनुसन्धान भईरहेको जिल्ला प्रहरी कार्यालय खोटाङले जनाएको छ ।...

पूर्णपुष्टि, साउन २२ सामाजिक सञ्जाल फेसबुकले, अमेरिकी राष्ट्रपति डोनाल्ड ट्रम्पले पोष्ट गरेको कोरोना भाइरस सम्बन्धी पछिल्लो स्टाटस हटाएको छ । कोरोना भाइरसबारे ट्रम्पले गरेको पोष्टलाई फेसबुकले पहिलो पटक हटाएको हो । अमेरिकी राष्ट्रपति ट्रम्पले गलत सूचना सेयर गरेकाले त्यसलाई हटाएको फेसबुकले जनाएको छ । ट्रम्पले, फक्स न्यूजलाई दिएको अन्तर्वार्ताको अंश फेसबुक पेजमा पोस्ट गर्नुभएको थियो । अन्तर्वार्तामा उहाँले बालबालिकामा कोरोना भाइरसविरुद्ध लड्ने प्रतिरोधात्मक क्षमता रहेकाले सबै विद्यालय खोल्ने समय आएको बताउनुभएको थियो । ट्रम्पको यो दाबी, स्वास्थ्य विज्ञको भनाइ र प्रमाणित तथ्य भन्दा विपरीत भएको भन्दै फेसबुकले उहाँको पोष्ट हटाएको जनाएको छ ।...

पूर्णपुष्टि, साउन २२ फेरी बझाङ र पर्वतमा सलहको केही झुण्ड देखा परेको छ । धेरै दिनपछि बुधबार बझाङको केदारस्युँ गाउँपालिका र पर्वतको केही ठाउँमा सलहको झुण्ड देखिएको प्लान्ट क्वरेण्टीन तथा विषादी व्यवस्थापन केन्द्रले जनाएको छ । सलहले बझाङको केही ठाउँमा बालीनालीमा सामान्य क्षति गरेको जनाईएको छ  । तर झुण्ड तितरबितर भएर सानो सङ्ख्यामा भएकाले धेरै नोक्सानी गर्ने सम्भावना नरहेको जनाईएको छ । नेपालमा लगातार जस्तै पानी परेकाले धेरैजसो सलह मरेका थिए । पानी परेको बेला निस्क्रिय भएर जङ्गलमा बसेका झुण्ड हिजो र अस्ति घाम लागेकाले फेरि सक्रिय भएको हुन सक्ने केन्द्रको अनुमान छ । यसैबीच सीमावर्ती भारतमा रहेका सलहका झुण्ड भने तत्काल नेपाल आउने सम्भावना नरहेको जनाईएको छ । अहिले तत्काल आउने सम्भावना नदेखिए पनि ढुक्क भएर भने बस्न नहुने जनाएको छ । अझै एक महिनाजति सलह छिर्नसक्ने जोखिम कायमै रहेकाले ख्य...

पूर्णपुष्टि, साउन २२ लेबनानको राजधानी बेरुतमा भएको विस्फोटमा खाद्यान्न नष्ट भएपछि खाद्य सङ्कट आउनसक्ने भएको छ । विस्फोट हुँदा मुख्य खाद्य भण्डार पनि नष्ट भएकाले समस्यामा परेको त्यहाँको वित्त मन्त्री राउल नेहेले बताउनुभएको हो । अब लेबनानमा एक महिनाभन्दा पनि कम समयको लागि मात्रै पुग्ने अन्न मौज्दात रहेको उहाँले बताउनुभयो  । तर पिठो पर्याप्त रहेकाले आत्तिनुपर्ने अवस्था नभएको उहाँको भनाइ छ । विस्फोट अगाडि नै आर्थिक सङ्कटमा परेको लेबनानमा अन्न आयातको लागि खर्च नभएको पनि बताउनुभयो । लेबनानले खाद्य सामग्री आयात गरेर बन्दरगाहमा भण्डारण गर्ने गरेको थियो । त्यही अन्न नष्ट भएको हो । विस्फोटमा परि मृत्यु हुनेको संख्या १ सय ३५ पुगेको छ । घाइते ४ हजार भन्दा बढीलाई विभिन्न अस्पताल लगिएको छ । बेरुतमा मंगलबार विस्फोट भएको थियो । अहिले पनि भवनभित्र १ सय जनाभन्दा बढी फसेका र उनीहरुको खोजी कार्...

पूर्णपुष्टि, साउन २२ मनसुन चलिरहेकाले दिउँसो गर्मी भए पनि राति पानी पर्ने गरेको छ । तर दिउँसो कम पानी परेपछि गर्मी बढेको हो । दिउँसो चर्को घाम लागेपछि सतहमा भएको पानी बादल बनेर आकाशमा रहने र राति चिसो भएपछि पानी पर्न थाल्ने मौसम पूर्वानुमान महाशाखाले जनाएको छ । आज र भोलि पनि दिउँसोको भन्दा राति धेरै पानी पर्ने संभावना रहेको जनाईएको छ । आज र भोलि देशभरीकै मौसम सामान्य बदली भई एक/दुई ठाउँमा ठूलो पानी पर्ने र अरु ठाउँमा हल्कादेखि मध्यम खालको पानी पर्ने जनाएको छ । तर पर्सि शनिबार रातिदेखि भने मनसुन फेरि सक्रिय हुन लागेकाले आइतबार धेरै ठाउँमा ठूलो पानी पर्ने भएकाले पूर्व तयारी गर्न महाशाखाले आग्रह गरेको छ । आज दिउँसो प्रदेश १ र गण्डकी प्रदेशका एक/दुई ठाउँमा ठूलो पानी पर्ने र अरु केही ठाउँमा मेघगर्जन र चट्याङसहित हल्कादेखि मध्यम खालको पानी पर्ने संभावना रहेको महाशाखाले जनाएको छ ।...