Month: ६ वर्ष अगाडि

पूर्णपुष्टि, साउन २२ कोरोना भाईरसको सङ्क्रमण बढ्दै गएपछि बढी प्रभावित जिल्लामा सरकारले आजदेखि सवारी साधनमा जोर–विजोर प्रणाली लागु गरेको छ । काठमाण्डौ उपत्यका र २ सय भन्दा बढी संक्रमित रहेका जिल्लामा आजदेखि गाडीमा जोर–बिजोर प्रणाली लागू गरेको हो । आज जोर गते भएकाले जोर नम्बरका गाडी मात्रै चलाउन पाइनेछ । २ सयभन्दा बढी सङ्क्रमित भएका जिल्लामा राति ९ देखि बिहान ६ बजेसम्म हिँडडुलमा पनि रोक लगाइएको छ । अत्यावश्यक सेवा तथा ढुवानीका गाडीलाई भने जोर–बिजोर प्रणाली लागू हुने छैन । स्वास्थ्य मापदण्ड कडाइका साथ पालना गराउन तथा मास्क नलगाउनेलाई जरिवाना गर्न पनि गृहले सबै जिल्ला प्रशासन कार्यालय र सुरक्षा निकायलाई विशेष निर्देशन दिएको छ । स्वास्थ्य मापदण्ड पालना नगर्ने कम्पनीहरूलाई समेत कारबाही गर्न निर्देशन दिइएको छ । होटेलमा भोज हुन थालेपछि त्यसमा पनि कडाइ गर्न मन्त्रालयले निर्देशन दिएको छ ...

पूर्णपुष्टि, साउन २१ स्वास्थ्य तथा जनसङ्ख्या मन्त्रालयले मास्कलाई आफ्नो दैनिक चाहिने वस्तुको सूचीमा राख्न आग्रह गरेको छ । घरबाट बाहिर निस्कँदा वा दोस्रो व्यक्तिसँग भेट्दा अनिवार्य रुपमा मास्क लगाउन र मास्कलाई दैनिक आवश्यकताको सूचीमा राख्न मन्त्रालयले आग्रह गरेको हो । सर्जिकल तथा अरु किसिमको मास्क लगाउन सम्भव नभएमा कपडाको तीन पत्रे मास्क सिलाएर भए पनि अनिवार्य लगाउन आग्रह गरेको छ । अरुसँग बोल्दा थुकका छिटा आउन सक्ने भएकोले जो सुकैसँग कुराकानी गर्दा, पसलमा जाँदा वा घरबाहिर निस्कँदा अनिवार्य मास्क लगाउन मन्त्रालयले आग्रह गरेको छ । कपडाको मास्क लगाएको भएमा दिनदिनै साबुन पानीले धोएर लगाउन सकिने जनाईएको छ । मन्त्रालयले घरमै बसेर भिडभाड नगरि चाडपर्व मनाउन भन्दै पाहुना नबोलाउन र आफू पनि पाहुना लाग्न नजान आग्रह गरेको छ ।...

पूर्णपुष्टि, साउन २१ आज वीरगञ्ज कारागारमा थप २९ जनामा कोरोना संक्रमण पुष्टि भएको छ । साउन १८ गते संक्रमित भेटिएकाहरुसँगको सम्पर्क भएका १ सय १८ जनाको स्वाब परीक्षण गर्दा २९ जनामा संक्रमण पुष्टि भएको हो । कारागार कार्यालयका प्रमुख श्रवण पोखरेलसहित २९ जनामा कोरोना देखिएको वीरगञ्ज कारागार कार्यालयले जनाएको छ । कार्यालय प्रमुखसहित २ जना कर्मचारी, ३ जना नेपाली सेना र २४ जना कैदीबन्दीमा कोरोना संक्रमण पुष्टि भएको जनाएको छ ।...

पूर्णपुष्टि, साउन २१ कक्षा ११ को विद्यार्थीको परीक्षा शुल्क फिर्ता हुने भएको छ । वार्षिक परीक्षा विद्यालयले नै लिने भएपछि कक्षा ११ का विद्यार्थीले राष्ट्रिय परीक्षा बोर्डमा बुझाएको परीक्षा शुल्क फिर्ता हुने भएको हो । परीक्षार्थीले बुझाएका ६ सय रुपैयाँमध्ये ४ सय फिर्ता गरिने बोर्डले जनाएको छ । परीक्षा सञ्चालन तयारीमा भएको खर्चबापत प्रति विद्यार्थी  २ सय कट्टा हुने बोर्डले जनाएको छ । विद्यार्थीहरूको फिर्ता रकम कक्षा १२ को परीक्षा शुल्कमा मिलान गरिने भएको छ । कक्षा ११ को परीक्षा सञ्चालन, व्यवस्थापन, मूल्यांकन, नतिजा प्रकाशन तथा प्रमाणीकरण कार्यविधिमा कक्षा ११ को वार्षिक परीक्षा सम्बन्धित विद्यालयले नै सञ्चालन गर्ने व्यवस्था गरिएको छ । कार्यविधिमा कोरोना भाइरस (कोभिड–११) महामारीका कारण स्थगित कक्षा ११ को परीक्षा आगामी माघ भन्दा अगाडि लिइसक्नुपर्ने उल्लेख छ । आंशिक तथा ग्रेड बृद्धि ...

पूर्णपुष्टि, साउन २१ आज ललितपुरको बङ्गलामुखी आसपास केन्द्रबिन्दु भएर ३.५ रेक्टर स्केलको भूकम्प गएको छ । बुधबार दिउँसो करिब साढे ४ बजे भूकम्पको धक्का महसुस गरिएको भूकम्प मापन केन्द्रले जनाएको छ । हिजो राति करिब ११ः४० बजे पनि २.७ म्याग्निच्युडको भूकम्प आएको थियो ।

पूर्णपुष्टि, साउन २१ नेपालमा आज थप ३ सय ८१ जनामा कोरोना संक्रमण पुष्टि भएको छ । पछिल्लो २४ घण्टामा ३ सय ८१ जनामा कोरोनाको सङ्क्रमण पुष्टि भएपछि संक्रमितको संख्या २१ हजार ३ सय ९० पुगेको स्वास्थ्य तथा जनसङ्ख्या मन्त्रालयले जनाएको छ । त्यस्तै गत २४ घण्टामा थप १ सय ३० जना  उपचारपछि कोरोना मुक्त भएका छन् । योसँगै कोरोना सङ्क्रमणबाट निको हुनेको सङ्ख्या १५ हजार १ सय ५६ पुगेको छ । त्यस्तै पछिल्लो २४ घण्टामा थप २ जनाको कोरोनाको कारण मृत्यु भएपछि मृत्यु हुनेको सङ्ख्या ६० पुगेको मन्त्रालयले जनाएको छ ।...

पूर्णपुष्टि, साउन २१ लकडाउन खुलेपछि बढ्दै गएको कोरोना भाईरसको महामारी नियन्त्रणको लागी देशभरका १४ जिल्लाको विभिन्न क्षेत्रमा निषेधाज्ञा जारी गरिएको छ । सरकारले नेपालमा कोरोना सङ्क्रमण बढ्दै गएको अवस्थामा कोरोनाको अवस्थालाई हेरेर लकडाउन गर्ने वा खोल्ने अधिकार सम्बन्धित जिल्ला र पालिकालाई दिएसँगै १४ जिल्लाका विभिन्न क्षेत्रमा निषेधाज्ञा जारी गरिएको हो । सप्तरी, धनुषा, नुवाकोट, बाँके, मोरङ, पर्सा, बारा, महोत्तरी, झापा, सुनसरी, बझाङ, दार्चुला, सर्लाही र स्याङ्जामा निषेधाज्ञा जारी गरिएको छ । सप्तरी, बाँके, पर्सा, बारा, सर्लाही र स्याङ्जा जिल्लाभर निषेधाज्ञा जारी गरिएको छ भने पर्सा, बारा र सर्लाहीमा अनिश्चितकालीन निषेधाज्ञा गरिएको गृह मन्त्रालयले जनाएको छ । त्यस्तै सप्तरीमा साउन २६, बाँकेमा साउन २४ र स्याङ्जामा साउन २३ गतेसम्म निषेधाज्ञा जारी गरिएकोे छ । दार्चुलाको मार्मा गाउँपालि...

पूर्णपुष्टि, साउन २१ अहिलेसम्म नेपालमा कोरोना सङ्क्रमण पुष्टि भएकामध्ये युवाको सङ्ख्या धेरै रहेको पाइएको छ । अहिलेसम्म २१ हजार भन्दा बढीमा कोरोना संक्रमण पुष्टि भएकोमा युवाको सङ्ख्या धेरै रहेको स्वास्थ्य तथा जनसङ्ख्या मन्त्रालयले जनाएको हो । अहिलेसम्म सबैभन्दा धेरै २१ देखि ३० वर्ष उमेर समूहका ७ हजार ७ सय ५१ जनामा कोरोना सङ्क्रमण पुष्टि भएको छ । त्यस्तै ३१ देखि ४० वर्ष उमेर समूहका ४ हजार ९ सय ८७ जना, ११ देखि २० वर्ष उमेर समूहका ३ हजार ९ सय ५४, ४१ देखि ५० वर्ष उमेर समूहका २ हजार १ सय ५० जना रहेको मन्त्रालयले जनाएको छ । त्यसैगरी ५१ देखि ६० वर्ष उमेर समूहका ८ सय ४६ जना, १ देखि १० वर्ष उमेर समूहका ८ सय ४४ जना, ६१ देखि ७० वर्ष उमेर समूहका २ सय ८४ जना, ७१ देखि ८० वर्षसम्मका ७५ जना र ८० वर्षमाथिका १८ जनामा कोरोना सङ्क्रमण भएको छ । सुरुका दिनमा विदेशबाट आएकामा कोरोना देखिएको थियो । विषे...

पूर्णपुष्टि, साउन २१ सुनसरीको धरान उप–महानगरपालिकाले लकडाउनको घोषणा गरेको छ । आज राति १२ बजेदेखि लागू हुने गरी एक हप्ताको लागि लकडाउन घोषणा गरिएको धरान उप–महानगरपालिकाले जनाएको छ । समुदायस्तरमा कोरोना संक्रमण बढेपछि ईटहरी उप–महानगरपालिका, ईनरुवा नगरपालिका र दुहबी नगरपालिकाले हिजो लकडाउनको घोषणा गरेको थियो । आज धरान उपमहानगरपालिकाले पनि लकडाउनको घोषणा गरेको हो । योसँगै सुनसरीमा लकडाउन गर्ने पालिकाको सङ्ख्या ४ पुगेको छ । लकडाउनको बेला अत्यावश्यक बाहेकका सबै सेवा बन्द गर्ने निर्णय भएको जनाईएको छ ।...

पूर्णपुष्टि, साउन २१ गत आर्थिक वर्षमा प्रधानमन्त्री रोजगार कार्यक्रममार्फत ६० हजारभन्दा धेरैले रोजगारी पाएका छन् । आव २०७६/७७ मा प्रधानमन्त्री रोजगार कार्यक्रम अन्तर्गत ६० हजार ६ जनाले रोजगारी पाएको श्रम, रोजगार तथा सामाजिक सुरक्षा मन्त्रालयले जनाएको छ । यस कार्यक्रममार्फत स्थानीय स्तरमा छनोट भएका योजनामा बेरोजगारको सूचीमा सूचीकृतहरुले यो रोजगारी प्राप्त गरेका हुन् । मन्त्रालयले गत आवमा ४९ प्रतिशत वित्तीय प्रगति गरेको पनि जनाएको छ । विभिन्न ११ वटा आयोजनाहरुका लागि ६ अर्ब ४० करोड ५२ लाख रुपैयाँ बजेट विनियोजन गरिएकोमा तीन अर्ब ८ करोड ३९ लाख रुपैयाँ चालुतर्फ र पूँजीगतर्फ ५ करोड ८१ लाख खर्च गरेर समग्रमा ४९ प्रतिशत वित्तीय प्रगति गरेको मन्त्रालयले जनाएको छ । मन्त्रालयले जम्मा ७५ प्रतिशत कार्य प्रगति गरेको जनाएको छ भने बेरुजु फछ्यौंट पनि ५५.५० प्रतिशत र गुनासो व्यवस्थापनमा ७२ प्रतिशत...