Month: ६ वर्ष अगाडि

झापा, भाद्र २४ झापाको विरिङ खोलाले बगाउँदा एक जनाको मृत्यु भएको छ । कनकाई नगरपालिका–९ स्थितमा रहेको बिरिङ खोलाले बगाउदा स्थानीय १५ वर्षीय गोविन्द साहको मृत्यु भएको हो । आज दिउसो भैसीलाई पानी खुवाउनका लागी खोलामा लगेको बेला उनलाई सोही खोलाले बगाएको थियो । स्थानीयले खोलाबाट उद्धार गरी तत्काल उपचारार्थ लैजादै गर्दा उनको बाटोमै मृत्यु भएको जिल्ला प्रहरी कार्यालय झापाले जनाएको छ ।...

पूर्णपुष्टि, भदौ २४ हिमाली जिल्ला मुस्ताङमा उत्पादित स्याउ पाक्न थालेपछि बजार पठाउने तयारी सुरु भएको छ । मुस्ताङको विभिन्न स्थानमा लगाइएको स्याउ पाक्न थालेकाले कृषकहरु स्याउ टिप्ने र बजार पठाउने तयारीमा लागेका छन् । गत वर्षहरुमा जिल्ला बाहिरबाट कामदार ल्याएर स्याउ टिप्ने गरिएपनि यसवर्ष कोरोना संक्रमणले गर्दा स्याउ टिप्नका लागि स्थानीय नै प्रयोग गर्ने भएका छन् । कोरोना संक्रमणको जोखिमका विच स्याउको बगैचा खरिद गर्ने ठेकेदारलाई स्याउ टिप्ने कामदार ल्याउन रोक लगाइएको जिल्ला प्रशासन कार्यालय मुस्ताङले जनाएको छ । स्याउ पाकिसकेको र टिप्ने क्रम सुरु भएकाले टिप्नेदेखि अन्य व्यवस्थापनको काममा स्थानीय नै खट्नुपर्ने भएको छ । कोभिड–१९ सङ्कट व्यवस्थापन केन्द्र (सीसीएमसी) मुस्ताङको बैठकले स्याउ र तरकारी खरिद बिक्रीको व्यवस्थापनमा स्थानीयलाई नै खटाउनुपर्ने निर्णय गरेको छ । बैठकले स्याउ टिप्नका ल...

पूर्णपुष्टि, भदौ २४  सरकारले ६ सय ४९ वटा पालिकामा कम्तिमा पाँच शैयाको कोरोना विशेष अस्पताल बनाउन १० लाख रुपैयाँका दरले रकम पठाएको छ । संघीय मामिला तथा सामान्य प्रशासन मन्त्रालले ६ सय ४९ वटा पालिकामा १० लाख रुपैयाँका दरले रकम पठाइसकेकाले छिटो भन्दा छिटो अस्पताल सञ्चालनको व्यवस्था मिलाउन सबै पालिकालाई पत्राचार गरेको जनाईएको छ । सरकारले प्रतिबेड दुई लाख रुपैयाँका दरले प्रत्येक पालिकालाई तीन महिनाको लागि १० लाख रुपैयाँ पठाएको छ । यो रकममध्ये बेड, स्ट्यान्ट र लकरसहितका उपकरणको लागि पाँच लाख, एक जना डाक्टर, दुई जना नर्स र एकजना सहयोगीको लागि चार लाख ५० हजार रुपैयाँ र औषधिमा ५० हजार रुपैयाँ खर्च गर्नुपर्नेछ । कार्यप्रगतिका आधारमा तीन महिनापछि अस्पताललाई निरन्तरता दिन सकिने स्वास्थ्य तथा जनसंख्या मन्त्रालयले जनाएको छ । अस्पताल सञ्चालनको लागि मन्त्रालयले सबै पालिकामा मार्गदर्शन पनि पठाएको छ...

पूर्णपुष्टि, भदौ २४ बैंकहरुले भुक्तानी अवधिभर घर र गाडी कर्जामा ब्याजदर परिवर्तन गर्न नपाउने भएको छ । बैंक तथा वित्तीय संस्थाले व्यक्तिगत कर्जा अवधिभर कर्जाको ब्याजदर परिवर्तन गर्न नपाउने भएको हो । राष्ट्र बैंकले एकीकृत निर्देशिका सार्वजनिक गर्दै घर र गाडी कर्जामा बैंक तथा वित्तीय संस्थाले कर्जाको भुक्तानी अवधिभर ब्याजदर परिवर्तन गर्न नपाउने व्यवस्था गरेको हो । बैंक तथा वित्तीय संस्थाले प्रवाह गरेको एक वर्ष भन्दा बढी भुक्तानी अवधि भएका सबै व्यक्तिगत कर्जामा ब्याजदर परिवर्तन गर्न पाउने नपाउने निर्देशिकामा उल्लेख छ । अब कर्जाको अवधिभर व्यक्तिगत कर्जामा एउटै ब्याजदर लागू हुने भएको छ । यसअघि बैंकहरुले सुरुमा सस्तो व्याज र पछि महंगो व्याज लिँदै आएका थिए ।...

पूर्णपुष्टि, भदौ २४ बेलायतमा सार्वजनिक स्थानमा ६ जना भन्दा धेरै मानिस भेला भए जरिवाना तिर्नु पर्ने छ । कोरोना भाइरसको सङ्क्रमण रोक्न सरकारले आउँदो सोमबार अर्थात १४ सेप्टेम्बरदेखि ६ जना भन्दा धेरै भेला हुन नपाउने निर्णय कार्यान्वयन गर्न लागेको अन्तराष्ट्रिय संचारमाध्यमले जनाएको छ । सरकारले गरेको निर्णय उल्लङ्घन गर्ने र प्रहरीको आग्रहलाई नटेर्नेलाई एक सय देखि ३२ सय युरोसम्म जरिवाना तिराइने जनाईएको छ । उक्त जरिवाना रकम नेपालीमा चार लाख ४४ हजार रुपैयाँ हुन आउँछ । यसबारेमा थप जानकारी आज प्रधानमन्त्री बोरिस जोनसोनले दिने संचारमाध्यमहरुले जनाएको छ । यसअघि कोरोना संक्रमण रोक्न प्रहरीलाई विशेष रुपमा अधिकार दिएर भेलाहरु रोक्नुपर्ने बारिसले बताएका थिए । बेलायतमा होटल तथा रेष्टुरेन्ट खोल्न पाइने छ । तर एउटै समूहमा ६ जना भन्दा धेरै बस्न पाइनेछैन । ६ जना भन्दा धेरै भेला हुन नपाउने नियम स्कुल, ...

 पुर्णपुष्टि,भदौ २४  जिल्लाकै आइसोलेशनमा राखेर लक्षण नदेखिएका कोरोना संक्रमितहरुलाई हेरचाह तथा सामान्य उपचार गर्न थालिएको छ । सोलुखुम्बुमा संक्रमण पुष्टि भएकाहरुलाई जिल्लाकै आइसोलेशनमा राखेर उपचार गर्न थालिएको हो । यसअघि कोरोना सङ्क्रमण पुष्टि भएकालाई अन्यत्र पठाउने गरेको भए पनि अहिले भने जिल्ला अस्पतालमै राखेर संक्रमितहरुको उपचार सुरु गरिएको जिल्ला अस्पताल फाप्लुकी निमित्त प्रमुख सानी शेर्पाले जानकारी दिनुभयो । हिजो कोरोना सङ्क्रमण पुष्टि भएकी एक युवतीलाई उपचारका लागि फाप्लु अस्पतालमै राखिएको अस्पतालले जनाएको छ । सोलुखुम्बुमा अहिलेसम्म तीन सय ६९ जनाको स्वाब सङ्कलन गरिएकोमा आठ जनाको कोरोना रिपोट पोजेटिभ आएको छ ।...

पूर्णपुष्टि, भदौ २४ खोटाङको दिक्तेल रुपाकोट मझुवागढी नगरपालिका–२ सोल्मामा कम्पोष्ट मल र बायोग्यास प्लान्ट निर्माण भएको छ । अर्गानिक नगर बनाउने अभियान अन्तर्गत अर्थमन्त्रालयको विशेष अनुदानमा नगरपालिकाले कम्पोष्ट मल र बायोग्यास प्लान्ट निर्माण गरेको हो । अर्थमन्त्रालयको ३ करोड ३२ लाख आर्थीक सहयोगमा ल्याब परीक्षण, जनशक्ति व्यवस्थापन बाहेक कम्पोष्ट मल तथा बायोग्यास प्लान्टको भौतिक संरचनाको काम सम्पन्न भएको दिक्तेल रुपाकोट मझुवागढी नगरपालिकाले जनाएको छ । विशेषगरी दिक्तेलबजार, सोल्मा लगायतका ठाउँबाट निस्कने कुहिने, सड्ने र मक्किने वस्तुलाई प्रशोधन गरेर कम्पोष्ट मल उत्पादन गर्ने तथा मानव मलमुत्रबाट वायोग्याँस उत्पादन गर्ने लक्ष्यकासाथ सोल्मामा कम्पोष्ट मल र बायोग्यास प्लान्ट निर्माणको काम अघि बढाइएको जनाएको छ । वरपर पाइने स्याउला, पत्कर, गोबर तथा बजारमा पाइने कुहिने सामग्री संकलन गरे...

पूर्णपुष्टि, भदौ २४ अमेरिकाको क्यालिफोर्निया राज्यमा लागेको डढेलो तिब्र रुपमा फैलिएको छ । तीन हप्ता अघि शुरु भएको डढेलो २० लाख हेक्टर क्षेत्रमा फैलिएको हो । डढेलोबाट आठ जनाको मृत्यु भईसकेको क्यालिफोर्नियाको वन विभागले जनाएको छ । डढेलोले ३ हजार ३ सयभन्दा धेरै संरचनामा क्षति पुगेको अन्तराष्ट्रिय संचारमाध्यले जनाएको छ । एउटै मौसममा यति ठूलो क्षेत्रमा डढेलो फैलिएको यो पहिलोपटक भएको विभागले जनाएको छ । विभागले हावाहुरीको कारण डढेलो नियन्त्रणमा लिन समस्या भएको जनाएको छ । यस वर्षको डढेलो क्यालिफोर्नियाको इतिहासमै सबैभन्दा खतरनाक रहेको जनाईएको छ । क्यालिफोर्नियाको विभिन्न एक हजार भन्दा धेरै ठाउँमा डढेलो लागिरहेको छ । यस्तै २२ वटा काउण्टीमा बिजुली काटिएको छ । त्यहाँ एक लाख ७० हजार भन्दा धेरै मानिस प्रभावित भएका छन् । डढेलो धेरै लागेको कतिपय ठाउँमा आपतकालीन स्थितिको घोषणा गरिएको छ ।...

पूर्णपुष्टि, भदौ २४ अक्सफोर्ड विश्वविद्यालयले विकास गरेको कोरोना भाइरस विरुद्धको खोप लगाएका एक जना व्यक्ति बिरामी परेपछि क्लिनिकल परीक्षण स्थगित भएको छ । खोपको तेस्रो चरणको परीक्षणमा विश्वविद्यालयले विश्वका विभिन्न ठाउँका करिब ३० हजार मानिसमा परिक्षण गरेकामध्ये एक जना बिरामी परेपछि सबै ठाउँमा भइरहेको परीक्षण रोकेर स्वतन्त्र जाँचको तयारी थालेको अन्तराष्ट्रिय संचारमाध्यमले जनाएको छ । जाँचपछि सुरक्षा मानकको समिक्षा गरेर मात्रै परीक्षण पुनः शुरु गर्ने वा नगर्ने निर्णय हुने जनाईएको छ । यो घटनाले सबैभन्दा पहिले प्रयोगमा आउने र सुरक्षित हुने ठानिएको खोपको परीक्षण नै स्थगित भएपछि कोरोना विरुद्धको अभियानमा धक्का लागेको संचारमाध्यमहरुले जनाएका छन् । अहिले विश्वभरमा करिब एक दर्जन ठाउँमा कोरोना विरुद्धको खोपको परीक्षण भैरहेको छ । तीमध्ये सबैभन्दा अगाडि अक्सफोर्ड विश्वविद्यालयको परीक्षण रहेको...

पूर्णपुष्टि, भदौ २४ आजदेखि मिथिला क्षेत्रमा जितिया पर्व सुरु भएको छ । मिथिलाञ्चल क्षेत्रमा नहा खा (नुहाएर खानु) गर्दै धार्मिक विधिअनुसार पर्व शुरु भएको हो । आजको दिन महिलाहरुले नदी, तलाउ वा पोखरीमा नुहाएर सोही ठाउँमा घिरौँलाको पातमा भगवान् जिमुतवाहन र दिवङ्गत पितृलाई चिउरा, दही, अमोट र पिना प्रसादका रूपमा चढाई आफू पनि खाने र परिवारका सबै सदस्यलाई खुवाउने गर्दछन् । भोलि बिहान चार बजेदेखि उपवास बसी निराहार व्रत बसी पर्सि बिहान व्रत सम्पन्न गर्नेछन् । सयौँ बर्तालुले नदी, पोखरी, सागरमा स्नान गरेर जिमुतवाहनको कथा सुन्ने गर्दछन् । आज पूजापछि कोदोको रोटी, नुनीको साग र माछा खाने चलन छ । त्यसैगरी विधिअनुसार भोलि एकाबिहानै काग कराउनु भन्दा पहिल्यै व्रतालु महिलाहरु केही खानेकुरा ओठमा लगाउनुपर्छ । सन्तानको दीर्घ जीवन, पुत्र प्राप्ति तथा पारिवारिक सुख शान्तिका लागि मनाइने जितिया पर्वको धार...