Month: ६ वर्ष अगाडि

पूर्णपुष्टि, असोज १४  भोली अर्थात अक्टोबर १ देखि खाडीका चार देशबाट नियमित उडान सुरु हुने भएको छ । खाडीको देश साउदी, कतार, कुवेत र ओमानबाट भोलिदेखि नियमित उडान हुने भएको हो । नियमित उडान भएपछि यी देशबाट स्वदेश फर्कन चाहने श्रमिकले सिधै टिकट काटेर घर फर्कन सक्ने दूतावासहरुले जनाएको छ । भदौ १६ गतेदेखि मलेसिया र यूएईबाट नियमित उडान भए पनि साउदी, कतार कुवेत लगायतका देशमा पीसीआर परीक्षण सहज नभएको भन्दै यी देशबाट फर्कन खोज्ने नेपालीको लागि चार्टर्ड उडान भइरहेको थियो । अब पीसीआर परीक्षण गरेर आउने श्रमिक सिधै होम क्वरेण्टीमा जान पाउनेछन् भने पीसीआर परीक्षण नगरी आएमा काठमाण्डौका होटल क्वरेण्टीनमा बस्नु पर्नेछ । अब स्वदेश फर्कन सिधै सम्बन्धित एअरलाइन्स कम्पनीमा सम्पर्क गरेर टिकट काटी स्वदेश फर्कन पाइन्छ । चार्टर्ड उडानमा जस्तो दूतावासको सूची अनुसार फर्कनका लागि कुर्न पर्दैन । भोलिदेखि कतारबाट...

पूर्णपुष्टि, असोज १४  आज शेयर बजार परिसूचक नेप्से सामान्य घटेको छ । नेप्से ३.१९ अङ्कले घटेर १५ सय ५०.४३ विन्दुमा झरेको हो । विकास बैंक, जलविद्युत् र फाइनान्सबाहेक अरु समूहको शेयर सामान्य घटेको छ । जीवन बीमा समूहको शेयर ३५.७, निर्जीवन बीमा समूहको ५१.५५ र व्यापार समूहको शेयर ११ अङ्कले घटेको छ । बुधबार एक सय ९० वटा कम्पनीका ८० लाख १९ हजार कित्ता शेयर एक अर्ब ९५ करोड रुपैयाँमा खरिद बिक्री भए । आठ वटा हाइड्रोपावर र दुई विकास बैंकको शेयर मूल्य ९ प्रतिशतभन्दा धेरैले बढेको नेपाल स्टक एक्स्चेन्ज लिमिटेडले जनाएको छ ।...

पूर्णपुष्टि, असोज १४ नेपालमा आज थप एक हजार पाँच सय ५९ जनामा कोरोना संक्रमण पुष्टि भएको छ । योसँगै नेपालमा संक्रमितको संख्या ७७ हजार आठ सय १७ पुगेको स्वास्थ्य तथा जनसङ्ख्या मन्त्रालयले जनाएको छ । पछिल्लो २४ घण्टामा १२ हजार दुई सय पाँच जनाको नमुना परीक्षण गर्दा एक हजार पाँच सय ५९ जनामा सङ्क्रमण देखिएको हो । त्यस्तै गएको २४ घण्टामा एक हजार ५७ जना जना निको भएर फर्किएसँगै डिस्चार्ज हुनेको सङ्ख्या ५६ हजार चार सय २८ पुगेको छ । अब नेपालमा २० हजार आठ सय ९१ जना सक्रिय सङ्क्रमित आइसोलेशनमा रहेका छन् । यस्तै पाँच हजार चार सय २८ जना क्वरेण्टीनमा रहेको मन्त्रालयले जनाएको छ । त्यस्तै गत २४ घण्टामा सात जनाको कोरोना संक्रमणबाट मृत्यु भएको छ । योसँगै कोरोना सङ्क्रमणबाट मृत्यु हुनेको  सङ्ख्या चार सय ९८ पुगेको मन्त्रालयले जनाएको छ ।...

पुर्णपुष्टि,असोज १४  विराटनगरमा कोरोना संक्रमणबाट थप दुई जना पुरुषको मृत्यु भएको छ । मृत्यु हुनेमा हरिनगर गाउँपालिका–२ का ५० वर्षीय पुरुष र इटहरी उपमहानगरपालिका–५ का ७३ वर्षीय पुरुष रहेको अस्पतालले जनाएको छ । आज बिहान नोबेल शिक्षण अस्पतालमा उपचारको क्रममा सुनसरीको ५० वर्षीय पुरुषको मृत्यु भएको हो । उनलाई  श्वासप्रश्वासमा समस्या भएपछि उपचारका लागि असोज ९ गते अस्पताल भर्ना गरिएको जनाएको छ । उपचारकै क्रममा स्वाब संकलन गरेर पीसीआर परीक्षण र्गदा सोमबार उनको रिपोर्ट पोजेटिभ आएको थियो । इटहरीबाट उपचारका लागि ल्याइएका ७३ बर्षीय पुरुषको विराटनगरस्थित कोसी अस्पतालको कोभिड–१९ उपचार केन्द्रमा आज मृत्यु भएको हो । उनलाई आज अस्पताल भर्ना गरि उपचार सुरु गरेको डेढ घण्टा नपुग्दै उनको मृत्यु भएको अस्पतालले जनाएको छ । अस्पतालका अनुसार उनको आज  १२ः३५ बजे मृत्यु भएको हो । उनमा कोरोनान पुष्टि भएसंगै श...

पूर्णपुष्टि, असोज १४ मोरङमा लागुऔषधसहित एक जना पक्राउ परेको छ । दरैयाबाट ३६ बर्षीय दिपक तामङ लागुऔषध सहित पक्राउ परेको हो । हिजो साँझ पौने ७ बजे मोटरसाईकलमा रहेका तामाङलाई नियन्त्रणमा लिई चेकजाँच गर्दा उनको साथबाट स्पास्मो १० चक्की, निट्रोभेट १० चक्की र डाईलेक्स –डिसी ३ बोतल बरामद गरिएको जिल्ला प्रहरी कार्यालय मोरङले जनाएको छ । लागुऔषधसहित पक्राउ परेका तामाङ्माथी थप अनुसन्धान भईरहेको प्रहरीले जनाएको छ ।...

सुनसरी, असोज १४ सुनसरीमा लागुऔषधसहित एक जना पक्राउ परेको छ । हरिनगरा–६ निबासी २५ बर्षीय जिवराईल अन्सारी लागुऔषध सहित पक्राउ परेको हो । अन्सारीलाई गत सोमबार ईटहरी–६ हङकङ मार्केटको एरियाबाट पक्राउ गरिएको ईलाका प्रहरी कार्यालय ईटहरीले जनाएको छ । अन्सारीले अबैध लागुऔषधको  कारोबार गर्ने गरेको सुचना पाईएसंगै प्रहरीको निग्रानीमा रहेका उनलाई साँझ सवा ५ बजे नियन्त्रणमा लिई उनले बोकेको झोला चेकजाँच गर्दा लुकाई छिपाई राखीएको अवस्थामा १६ सय निट्रोसुन ट्याप्लेट बरामद गरिएको जिल्ला प्रहरी कार्यालय सुनसरी जनाएको छ । पक्राउ परेको अन्सारीमाथी थप अनुसन्धान भईरहेको प्रहरीले जनाएको छ ।...

झापा, असोज १४ झापामा खैरो हिरोईनसहित दुई जना पक्राउ परेका छन् । बिर्तामोडको शैनिकमोडबाट लागुऔषध खैरो हिरोईनसहित कचनकवलका २२ बर्षीय सुदम राजवंशी र ३९ बर्षीय नरबहादुर राजवंशी पक्राउ परेका हुन् । विशेष सुराकका आधारमा खटिएको प्रहरी टोलीले हिजो साँझ साढे ६ बजे उनिहरुलाइ नियन्त्रणमा लिई चेकजाँच गर्दा प्लाष्टिकमा पोको पारेर राखिएको अवस्थामा उनीहरुको साथबाट १३ ग्राम खैरो हिरोईन र नगद ९ हजार रुपैयाँ बरामद गरिएको जिल्ला प्रहरी कार्यालय झापाले जनाएको छ । पक्राउ परेका दुबै जनालाई थप अनुसन्धान भईरहेको प्रहरीले जनाएको छ ।...

पूर्णपुष्टि, असोज १४ मलेसियामा नेपाली श्रमीकलाई बन्धक बनाएर रकम असुल्ने एक जना नेपाली काठमाण्डौबाट पक्राउ परेको छ । मलेसियाको टप ग्लोभ कम्पनीमा नेपाल कर्नर क्यान्टिन सञ्चालन गर्ने मोरङ सन्दकपुरका ४४ वर्षीय डेभिड भनिने दुर्गाबहादुर श्रेष्ठ काठमाण्डौबाट पक्राउ परेको हो । श्रेष्ठले दाङका मध्म रैदासलाई अपहरण गरी श्रीमतीसँग पैसा असुलेको र अहिलेसम्म पनि बन्धक जस्तै बनाएर राखेको भन्ने उजुरीको आधारमा उनलाई मंगलबार काठमाण्डौबाट पक्राउ गरिएको प्रहरीको केन्द्रीय अनुसन्धान ब्यूरो सीआईबीले जनाएको छ । मलेसियामा कार्यरत मध्म रैदासलाई अपहरण गरी ७ दिनसम्म बन्धक बनाई नेपालमा श्रीमतीलाई विभिन्न नम्बरबाट फोन गरी ६० हजार मलेसियन रिंगिट नहालिदिए ज्यान मार्ने धम्की दिएको प्रहरीले जनाएको छ । विभिन्न नम्बरबाट आउने फोनमा रैदासकी श्रीमतीलाई दुर्गाबहादुरको नाममा रहेको हिमालयन बैंकको खातामा मलेसियन रिंगिट ६० ह...

पूर्णपुष्टि, असोज १४ आज सुनको भाउ बढेको छ । सुन तोलामा ५ सय रुपैयाँले बढेर तोलाको ९४ हजार ७ सय रुपैयाँ कायम भएको नेपाल सुनचाँदी व्यवसायी महासंघले जनाएको छ । त्यस्तै आज चाँदीको भाउ पनि १५ रुपैयाँले बढेर १ हजार १ सय ९० रुपैयाँ कायम भइ कारोबार सुरु भएको महासंघले जनाएको छ ।

पूर्णपुष्टि, असोज १४ नेपाल कम्युनिष्ट पार्टी नेकपाका उपाध्यक्ष बामदेव गौतमलाई सर्वोच्चमा परेको रिटमाथी आज सुनवाई हुदैछ । उपाध्यक्ष गौतमलाई राष्ट्रियसभा सदस्यमा नियुक्त गर्ने निर्णय बदर गर्न माग गर्दै सर्वोच्च अदालतमा दर्ता भएको रिट परेको थियो । प्रतिनिधिसभाको चुनावमा हारेका गौतमलाई सरकारको सिफारिसमा राष्ट्रपतिले राष्ट्रियसभा सदस्यमा मनोनयन गरेपछि अधिवक्ता दिनेश त्रिपाठीले राष्ट्रियसभा सदस्यको जिम्मेवारीबाट हटाउन तथा मन्त्री र अन्य संवैधानिक पदमा नियुक्ती नगर्न माग गर्दै सर्वोच्चमा रिट दायर गरेको थियो । रिटमाथि आज प्रधानन्यायाधीश चोलेन्द्र शम्सेर जवरासहित न्यायाधीश दीपककुमार कार्की, हरिकृष्ण कार्की, विश्वम्भरप्रसाद श्रेष्ठ र ईश्वरप्रसाद खतिवडाको इजलासमा पूर्ण सुनुवाइ हुँदैछ । अधिवक्ता त्रिपाठीले यहि असोज ४ गते राष्ट्रपति कार्यालय, प्रधानमन्त्री तथा मन्त्रीपरिषद् कार्यालय, राष्ट्रिय ...