Month: ५ वर्ष अगाडि

पूर्णपुष्टि, पुष २३ आफ्नै श्रीमतीको हत्या गरी फरार रहेको पाँचथरको हिलिहाङ–५ सुभाङका ३२ वर्षीय धनकुमार उभरकोटीको झुण्डिएको अवस्थामा शव फेला परेको छ । उभरकोटीले आफ्नै श्रीमती ३० वर्षीया दुर्गादेवी उभरकोटीको टाउकोमा बञ्चरो प्रहार गरी हत्या गरेको उभरकोटी बुधबार मृत फेला परेको हो । गत पुस ९ गते मध्यरात श्रीमतीको हत्या गरी फरार रहेका उभरकोटीको शव घरबाट करिब तीन किलोमिटर पूर्व जङ्गलमा मृत भेटीएको जिल्ला प्रहरी कार्यालय पाँचथरले जनाएको छ । पात्ले कटुसको रुखमा प्लास्टिकको डोरीले पासो लगाई झुण्डिएको अवस्था स्थानीयवासीले शव देखेपछि प्रहरीलाई खबर गरेका थिए । शव गन्हाउने भएकाले करिब एक हप्ताअघि नै उनले आत्महत्या गरेको हुनसक्ने स्थानीयवासीको भनाई रहेको छ । शव परीक्षण फिदिमस्थित पाँचथर जिल्ला अस्पतालमा गरिएको जिल्ला प्रहरी कार्यालय पाँचथरले जनाएको छ ।...

पूर्णपुष्टि, पौष २३ अमेरिकी राष्ट्रपति डोनाल्ड ट्रम्प समर्थकहरुको हिंसात्मक प्रदर्शनमा ४ जनाको मृत्यु भएको छ । वाशिङ्गटन मेट्रो प्रहरीका अनुसार १ महिलाको प्रहरीको गोली लागी मृत्यु भएको छ भने ३ जनाको मृत्यु स्वास्थ्य समस्याका कारण भएको हो । गत नोभेम्वरमा भएको अमेरिकी राष्ट्रपति निर्वाचनको इलेक्टोरल मतको नतिजाको लागि बैठक बसिरहेको समयमा ट्रम्पका समर्थकहरु जबरजस्ती भवनभित्र छिर्ने बेलामा प्रहरीले रोक्न खोज्दा हिंसा शुरु भएको थियो । निर्वाचनमा ट्रम्पका प्रतिद्वन्दी जो बाइडेन नयाँ राष्ट्रपति बन्ने भएपछि ट्रम्पका समर्थकहरु हात–हथियार सहित संसद भवन भित्र बलपूर्वक प्रवेश गरेका थिए ।...

पूर्णपुष्टि, पुष २३ आज सुनको भाउमा भारी गिरावट भएको छ । सुनको भाउ तोलामा एकै दिन १३ सय रुपैयाँले घटेको सुनचाँदी ब्यवसायी महासंघले जनाएको छ । बिहिबार सुनको भाउ तोलामा ९५ हजार ४ सय रुपैयाँ कारोवार भएको थियो । आज सुनको भाउ घटेर ९४ हजार १ सय रुपैयाँ कायम भएको महासंघले जनाएको छ । त्यसैगरी चाँदीको भाउ पनि आज घटेको छ । चाँदी आज तोलामा १० रुपैयाँ घटेर तोलाको १३ सय ४० रुपैयाँमा करोबार भैरहेको छ ।...

पूर्णपुष्टि, पौष २३  २.६ ग्राम लागुऔषध ब्राउन सुगर सहित झापाको मेचिनगर नगरपालिका–१० धुलावारीका २८ बर्षीय सन्तोष कुमार शर्मालाई प्रहरीले बुधवार अपरान्ह साढे ४ बजे पक्राउ गरेको छ । ईलाका प्रहरी कार्यालय धुलावारीबाट खटिएको प्रहरी टोलीले शर्मालाई पक्राउ गरी थप अनुसन्धान गरिरहेको ईलाका प्रहरी कार्यालय धुलावारीले जनाएको छ ।...

पूर्णपुष्टि, पौष २३ उदयपुरको गाईघाटमा प्रधानमन्त्री एवम् नेकपा अध्यक्ष के.पी.ओली पक्षका विद्यार्थीहरुले बुधवार प्रदर्शन गरेका छन् । पार्टी विवाद पछि दहाल–नेपाल समुहका कार्यकर्ताहरुले पटक–पटक प्रदर्शन गरेपनि ओली समुहको भने यो पहिलो प्रदर्शन हो । संसद विघटन प्रधानमन्त्रीको स्वागतयोग्य कदम भएको भन्दै जिल्लाका त्रियुगा, चौदण्डिगढी, बेलका र कटारी नगरपालिकाबाट बस र मोटरसाईकलमा आएका विद्यार्थीहरुले प्रदर्शन गरेका हुन् । गाईघाटको लोकतान्त्रिक चौकबाट निकालिएको भण्डै दुई हजारको सङ्ख्यामा आएका विद्यार्थीहरुको ¥याली टाउन पार्टीप्यालेसमा पुगी सभामा परिणत भएको थियो । सभालाई राष्ट्रिय युवा संघका सह–संयोजक रमेश पौडेल, अनेरास्ववियुका उपाध्यक्ष शैलेश लामा लगायतका नेताहरुले सम्बोधन गरेका थिए । वक्ताहरुले राष्ट्रियताको पक्षमा काम गर्दा केपी ओलीलाई प्रधानमन्त्रीबाट हटाउने षडयन्त्र भएकोले जनता...

पूर्णपुष्टि, पौष २२ उदयपुरको त्रियुगा नगरपालिका–७ होक्सेमा टिपर र मोटरसाईकल एक आपसमा ठोक्किंदा आगलागि भएको छ । आगलागिबाट मोटरसाईकल पूर्ण रुपमा क्षति भएको छ भने टिपरमा समेत क्षति भएको छ । दुर्घटनामा मोटरसाईकल चालक जिल्ला पाँचथर फाल्गुनन्द गाउँपालिका–६ का २१ बर्षीय सन्त कुमार आङदाम्बे र जिल्ला रामेछाप सुनपत्ती गाउँपालिका–४ का २३ बर्षीय अमूल्य तामाङ घाइते भएका छन् । प्रहरीका अनुसार आङदाम्बेको टाउको, अनुहार र दाँया खुट्टामा चोट लागेको छ भने तामाङको दाँया  खुट्टा, अनुहार र दुबै हातमा चोट लागेको छ । घाईतेहरुलाई उपचारको लागी जिल्ला अस्पताल उदयपुर पठाईएका छ । चुहाडे बाट नेपालटार तर्फ जाँदै गरेको ना.३ ख ८४१४ नम्बरको टिपर र विपरित दिशा बाट आउँदै गरेको स ३ प ६८६९ नम्बरको मोटरसाईकल आपसमा ठोक्किदा अचानक आगलागि भएको थियो । जि.प्र.का.उदयपुर र अ.प्र.पोष्ट चुहाडेबाट खटिएको  प्रहरी टोली र दमक...

पूर्णपुष्टि,पुष २२  झापाको मेचीनगर नगरपालिका–१० धुलावारीबाट लागुऔषध ब्राउनसुगर सहित १ जना पक्राउ परेको छ । मेचीनगर नगरपालिका–१० का ३२ बर्षीय मो.मुस्ताफालाई लागुऔषध ब्राउनसुगर सहित प्रहरीले पक्राउ गरेको हो । ईलाका प्रहरी कार्यालय धुलावारीबाट खटिएको प्रहरी टोलीले आज दिउँसो पौने २ बजेको समयमा मुस्ताफालाई १ ग्राम ९०० मिलिग्राम लागुऔषध प्रहरीले नियन्त्रमा लिएको हो । पक्राउ परेका मुस्ताफाको सम्बन्धमा थप अनुसन्धान भईरहेको ईलाका प्रहरी कार्यालय धुलावारीले जनाएको छ ।...

पूर्णपुष्टि, पुष २२ उदयपुरमा कुटपिट मुद्धामा फरार प्रतिवादीहरु पक्राउ परेका छन् । उदयपुरबाट खटिएको बिशेष प्रहरी टोलीले निजहरुकै घरबाट प्रतिवादीहरु पक्राउ गरेको हो । पक्राउ पर्नेमा जिल्ला उदयपुर त्रियुगा नगरपालिका–१३ बस्ने भगवति चौधरीको छोरा वर्ष ३२ को थापा भन्ने मिथुन चौधरी,सोही स्थानमा बस्ने निजकै भाई वर्ष २७ को थापा भन्ने जयराम चौधरी, निजकै भाई वर्ष २५ को गोरे भन्ने हरेराम चौधरी, निजकै भाई वर्ष २३ को काले भन्ने श्यामलाल चौधरी,उक्त स्थानमै बस्ने हृदय चौधरीको छोरा ३१ वर्षको गोबिन्द भन्ने अविनाश चौधरी रहेका छन् । अदालतबाट विभिन्न मितिमा फैसला भई कैद तथा जरिवाना असुल उपर गर्ने फरार पक्राउ अभियान अन्तर्गत हिजो १ बजेको समयमा उनिहरुलाई जिल्ला प्रहरी कार्यालय उदयपुरले पक्राउ गरेको हो । जिल्ला अदालत उदयपुरले मिति २०७३।०६।०५ गतेको फैसलाले कुटपिट मुद्धामा रू.१ सयका दरले जरिवाना भई फरार रहे...

पूर्णपुष्टि, पौष २२ मोरङमा मङ्गलवार राती करीब साढे ९ बजे लागुऔषध सहित ४ जनालाईे प्रहरीले पक्राउ गरेको छ । ईलाका प्रहरी कार्यालय लेटाङबाट खटिएको प्रहरी टोलीले लेटाङ नगरपालिका–४ का २६ बर्षीय विकेन राई, १६ बर्षीय शिसिर घिमिरे, २५ बर्षीय राज कुमार लिम्बु र लेटाङ नगरपालिक–३ की २२ बर्षीया अनु राईलाई पक्राउ गरेको हो । निजहरुको साथबाट प्रहरीले लागुऔषध फेनारामाईन २० ट्याबलेट, फेनारागन २० ट्याबलेट, लुपिजेसीक २० एम्पुल र डाइजेल्याव १९ एम्पुल बरामद गरेको छ । पक्राउ परेका उनिहरुको सम्बन्धमा थप अनुसन्धान भईरहेको ईलाका प्रहरी कार्यालय लेटाङले जनाएको छ ।...

पूर्णपुष्टि,पुष २२ झापामा पानीमा डुबेर एक बालकको मृत्यु भएको छ । शिवसताक्षी नगरपालिका–२ हिमाली चोक बस्ने बिष्णु कार्कीको ११ बर्षीय छोरा बिबेक कार्कीको नहरको पानीमा डुबेर मृत्यु भएको हो । मंगलवार दिउँसो पौने ३ बजेको समयमा घर देखि ५०० मिटरको दुरीमा रहेको नहरमा पौडी खेल्ने क्रममा अचानक पानीमा डुबी घाईते भएका बालकलाई तत्काल उद्धार गरी उपचारको लागी लाईफ लाईन अस्पताल दमक लगिएको ईलाका प्रहरी कार्यालय झिलझिलेले जनाएको छ । सो बालकको उपचारको क्रममा मृत्यु भएको प्रहरीले जनाएको छ । प्रहरीका अनुसार घटना सम्बन्धमा थप अनुसन्धान भईरहको छ ।...