Month: ५ वर्ष अगाडि

पूर्णपुष्टि, चैत १०  सप्तरीमा लागुऔषधसहति एक जना पक्राउ परेको छ । भारतबाट लागूऔषध लिएर पैदल आउँदै गरेका कंचनरुप नगरपालिका–११ निवासी २२ वर्षीय राजु सरदारलाई सशस्त्र प्रहरीले पक्राउ गरेको हो । ञतिलाठी कोइलाडी गाउँपालिका–१ स्थित तिलाठीबाट मंगलबार दिउँसो पक्राउ परेका सरदारको साथबाट फेनारगन २ एमएमलको ३५ थान, डाइजेपाम २ एमएलको ३५ थान र लिजेसिक २ एमएलको ३५ थान बरामद भएको प्रहरीले जनाएको छ । लागूऔषधसहित पक्राउ परेका सरदारलाई अन्य अनुसन्धानका लागि नेपाल प्रहरीको जिम्मा लगाउने तयारी भइरहेको प्रहरीले जनाएको छ ।...

पूर्णपुष्टि, चैत १०  आज शेयर बजार परिसूचक नेप्से साढे १४ अङ्कले बढेको छ । नेप्से १४.५७ अङ्कले बढेर २५ सय २८.९५ विन्दुमा पुगेको हो । मङ्गलवार व्यापार समूहको शेयर तीन सय ४६ अङ्कले, होटल तथा पर्यटन समूहको एक सय ५५ अङ्कले, जलविद्युत् समूहको शेयर एक सय २९ अङ्कले, निर्जीवन बीमा समूहको एक सय ७६ र माइक्रो फाइनान्स समूहको शेयर ६९ अङ्कले बढेको छ । बैंक, विकास बैंक, फाइनान्स, होटल, उत्पादन, जीवन बीमा र अन्य समूहको शेयर भने घटेको छ । दुई सय आठ कम्पनीका एक करोड दुई लाख कित्ता शेयर पाँच अर्ब १४ करोड रुपैयाँमा कारोबार भएको छ । सबैभन्दा धेरै निफ्राको ५२ करोड ६० लाख रुपैयाँको शेयर किनबेच भएको छ । मङ्गलवार साल्ट ट्रेडिङ र चन्द्रागिरि हिल्ससहित आठ कम्पनीको शेयर झण्डै १० प्रतिशतले बढेको छ । चन्द्रागिरि हिल्सको शेयर प्रतिकित्ता १७ सय १९ रुपैयाँ पुगेको छ । समग्र बजार बढे पनि पञ्चकन्यामाई जलविद्युत् ...

पूर्णपुष्टि,चैत १० गृहकार्य नगरेको भन्दै अछाममा प्रधानाध्यापकले एक विद्यार्थीलाई कुटपिट गर्दा घाईते भएका छन् । साँफेबगर नगरपालिका–११ देबिस्थानको हंस बाहिनी माविका प्रधानाध्यापक हंसराज खड्काको कुटपिटबाट कक्षा १० मा अध्ययनरत विद्यार्थी युवराज खड्का घाइते भएका हुन् । चैत ३ गतेकै घटना भए पनि आज मात्रै बाहिरीको हो । प्र.अ खड्काले युवराजलाई गणित विषयको गृहकार्य नगरेको भन्दै कुटपिट गरेको पिडितले बताएका छन् । गणित विषय निकै गाह्रो लाग्ने भएकोले आफुले गृहकार्य नगरेपछि सरले गालामा हानेको पिडितले बताएको जिल्ला प्रहरी कार्यालय अछामले जनाएको छ । प्र.अ खड्काले गृहकार्य नगरेपछि युवराजलाई कुटेको स्वीकार गरेको प्रहरीले जनाएको छ । यस भन्दा पहिले पनि अन्य प्रअले विद्यार्थीमाथि कुटपिट गर्ने गरेको तर बाहिर नआएको स्थानीयहरुले बताएका छन् ।...

पूर्णपुष्टि, चैत १० अछाममा भीरबाट लडेर एक बालिकाको ज्यान गएको छ । बान्निगढी जयगढ गाउँपालिका–६ दर्ना चन्डालीकी ७ वर्षीया आयुशा ठकुल्लाको ज्यान गएको प्रहरीले जनाएको छ । प्रहरीकाअनुसार आज बिहान विद्यालय जाँदै गरेको अवस्थामा भीरबाट लडेर बालिका गम्भीर घाइते भएकी थिइन् । गम्भीर घाइते भएकी बालिकालाई प्रहरीले उद्धार गरी बयलपाटा अस्पताल लैजाने क्रममा बाटोमै ज्यान  भएको हो । बालिका भीरबाट करीब १५० मिटर तल खसेको प्रहरीले जनाएको छ ।  ...

पूर्णपुष्टि, चैत १०  पर्यटन विभागले माउन्टेन गाइड (पर्वतीय पथ प्रदर्शक) परिचयपत्र वितरण सुरु गरेको छ । विभागले पर्वतारोही कामी रिता शेर्पालाई परिचय पत्र उपलब्ध गराएर पथ प्रदर्शकका लागि परिचयपत्र वितरण सुरु गरेको जनाएको छ । शेर्पा सबैभन्दा धेरै पटक सगरमाथा आरोहण गर्ने कीर्तिमानी आरोही हुनुहुन्छ । नेपाली पर्वतीय पर्यटनलाई व्यावसायिक र मर्यादित बनाउनका लागि पथ प्रदर्शक इजाजतपत्र उपलब्ध गराउन थालेको विभागले जनाएको छ । विभागले उपलब्ध गराउने अनुमतिपत्र पाँच वर्ष अवधिको हुने छ । विभागले अनुमतिपत्र वितरणका लागि गत चैत १ गतेदेखि अनलाइनमार्फत आवेदन माग गरेको थियो । कामी रिता शेर्पाले पहिलो नम्बरमा नाम दर्ता गराउनुभएकाले उहाँले पहिलो अनुमतिपत्र प्राप्त गर्नुभएको र आवेदन दिएकाहरूको अनुमतिपत्र स्वीकृत गर्ने प्रक्रियामा रहेको विभागले जनाएको छ । अनुमतिपत्रका लागि दुई सयभन्दा बढीको आवेदन...

पूर्णपुष्टि, चैत १० कैलालीको लम्कीमा बसको ठक्करबाट युवतीको मृत्यु भएपछि उत्पन्न भएको तनावलाई नियन्त्रण गर्न प्रहरीले गोली चलाउदा दुई जना घाईते भएका छन् । प्रहरीमाथि हातपात गर्न खोजेपछि केही राउण्ड गोली प्रहार गरेको जिल्ला प्रहरी कार्यालय कैलालीले जनाएको छ । गोली प्रहारबाट घाइते भएकालाई उपचारका लागि कोहोलपुर पठाइएको प्रहरीले जनाएको छ । मंगलबार बिहान पूर्वपश्चिम राजमार्गअन्तर्गत लम्की चोकस्थित टीकापुरतर्फ जाँदै गरेको ना ६ ८८३३ नंको बसको ठक्करबाट पैदल यात्री लम्कीचुहा नगरपालिका–१ की २२ वर्षीया कमला देवकोटाको मृत्यु भएको थियो । सोही विषयलाई लिएर आन्दोलित भएका स्थानीयवासीले राजमार्ग अवरुद्ध पार्नुका साथै टायर बालेर प्रदर्शन गरिरहेका छन् । प्रदर्शनकारीहरुले इलाका प्रहरी कार्यालय लम्की घेराउसमेत गरेका छन् । प्रहरीले प्रदर्शनकारीलाई तितर–बितर बनाउन हवाई फायरसमेत गरेको जनाईएको छ । ठक...

पूर्णपुष्टि,चैत १० मोटरसाइकल दुर्घटनामा सिरहाको नरहा गाउँपालिका–२ पानबारीमा दुई जनाको ज्यान गएको छ । स ६ प ९१५१ र स ८ प २२५० नम्बरको मोटरसाइकल एकआपसमा ठक्कर खाई हिजो राति दुर्घटना भएको प्रहरीले जनाएको छ । मृत्यु हुनेमा स ६ प ९१५१ नम्बरको मोटरसाइकलका चालक विष्णुपुर गाउँपालिका–४ का २८ वर्षीय दीपु पासवान र स ८ प २२५० नम्बरको मोटरसाइकलमा सवार गोलबजार बस्ने २५ वर्षीय गुरुदेव महतो रहेका छन् । दुर्घटनामा गम्भीर घाइते भएका उनीहरुलाई उपचारको लागि अस्पतालतर्फ लैजाने क्रममा बाटोमै मृत्यु भएको प्रहरीले जनाएको छ । घाइते भएका स ६ प ९१५१ नम्बरको मोटरसाइकलमा सवार दुई जनाको विराट नर्सिङ होम र स ८ प २२५० नम्बरको मोटरसाइकलमा सवार एक जनाको लहान नर्सिङ होममा उपचार भइरहेको प्रहरीले जनाएको छ ।...

पूर्णपुष्टि,चैत १० मुगुमा ३१ वर्षीया युवाको काठको पुल बनाउने क्रममा खसेर मृत्यु भएको छ । मुगुको मुगम कमारोङ गाउँपालिका–५ सेरोकघाटमा काठको पुलबाट खसेर छिरिङ तन्दुप लामाको हिजो दिउँसो मृत्यु भएको हो । सोही ठाउँस्थित कर्णाली नदीमा काठको पुल बनाउने क्रममा अचानक पुलबाट खसेको भन्ने खबर प्राप्त हुनासाथ प्रहरी चौकी डोल्फु र जिल्ला प्रहरी कार्यालयबाट खटिएको प्रहरीले उनको खोजी गर्ने क्रममा घटनास्थलदेखि दुई सय मिटर टाढा शव फेला पारेको थियो । यस सम्बन्धमा थप अनुसन्धान भइरहेको प्रहरीले जनाएको छ ।...

पूर्णपुष्टि, चैत १०  अमेरिकास्थित नेपाली दूतावासले पछिल्लो समय अमेरिकामा एसियाली मूलका नागरिकमाथी भईरहेको आक्रमणको निन्दा गरेको छ । दुताबासले एक विज्ञप्ति जारी गर्दै कुनै पनि वर्ग वा वर्णलाई लाक्षित गरेर हुने हिंसा तथा विभेद निन्दनीय हुने जनाएको छ । एटलान्टामा आठ जना मानिसको ज्यान जाने गरी भएको आक्रमण र सन्फ्रान्सिस्कोमा नेपाली उबर ड्राइभरमाथिको आक्रमणप्रति दूतावास गम्भीर रहेको विज्ञप्तिमा उल्लेख छ । उक्त घटनाप्रति दुःख व्यक्त गर्दै दूतावासले यी घटनाका दोषीलाई कानुनी दायरमा ल्याउन सहयोग गर्ने सबै अमेरिकी नागरिकप्रति पनि आभार व्यक्त गरेको छ । नेपालीहरु मनैदेखि शान्तिप्रेमी मानिसहरु हुन् । विविधता, आपसी सम्मान र सौहार्दता नेपालीहरुको लागि निकै महत्वपूर्ण कुरा हो । त्यसैले नेपालीले पनि अन्य मानिसबाट सोही कुराको अपेक्षा राख्छन् विज्ञप्तिमा उल्लेख छ । आफ्नो आदर्शलाई कायम राख्न र ...

पूर्णपुष्टि,चैत १० झापा बुद्धशान्ति गाउँपालिका–४ बर्ने स्थित राजमार्गबाट अबैध रुपमा ल्याएको भारतिय मदिरा बरामद गरिएको छ । सोमबार राती ११ बजे ईलाका प्रहरी कार्यालय बुधबारेबाट खटिएको प्रहरी टोलीले मे १ ज ३३५१ नम्बरको भेन नियन्त्रणमा लिई चेकजाँच गर्दा सिटमुनी लुकाई छिपाई राखेर ल्याएको भारतिय मदिरा सिकिम गोल्डेन नामक ८४ बोतल र फायरबल ११ बोतल फेलापारी बरामद गरेको हो । बरामद गरिएको मदिरा, भेन र भेन चालक ईलाम सुर्योद्धय–२ का २८ बर्षीय प्रकाश खड्कालाई आवश्यक कारबाहीका लागी श्री आन्तरिक राजश्व कार्यालय चन्द्रगढी झापामा बुझाई थप अनुसन्धान भईरहेको जिल्ला प्रहरी कार्यालय झापाले जनाएको छ ।...