Month: ५ वर्ष अगाडि

पूर्णपुष्टि,फागुन १८ १६० ग्राम अवैध सुनसहित ४२ बर्षीय युवा काठमाडौंको त्रिभुवन अन्तर्राष्ट्रिय विमानस्थलमा पक्राउ परेको छ । नगरपालिका–६ घर भएका नगेन्द्रकुमार रानालाई प्रहरीले सोमबार राति पक्राउ गरेको हो । सुनको ३ थान बाला र २ थान औंठीसहित स्याङ्जा चापाकोट नगरपालिका–६ घर भएका ४२ वर्षीय नगेन्द्रकुमार राना सोमबार राति पक्राउ परेका हुन् । हिमालय एयरलाइन्सको विमानबाट साउदी अरेबियाको रियादबाट आएका रानालाई जाँच गर्दा अवैध रुपमा ल्याएको सुनको ३ थान बाला र २ थान औंठीसहित पार्किङ एरियाबाट फेला पारी पक्राउ गरेको प्रहरीले जनाएको छ । रानालाई बरामद सामानसहित आवश्यक अनुसन्धानको लागि त्रिभुवन अन्तर्राष्ट्रिय विमानस्थल भन्सार कार्यालयमा बुझाइने अन्तर्राष्ट्रिय विमानस्थल सुरक्षा कार्यालयले जनाएको छ ।...

पूर्णपुष्टि,फागुन १८ कुकुरको टोकाइबाट धनुषामा १२ बर्षीया बालिकाको मृत्यु भएको छ । जनकपुरधाम उपमहानगरपालिका–१ दर्जी टोलका मोहम्मद अख्तरकी १२ वर्षीया छोरी शिवरन खातुनको कुकुरको टोकाईबाट मृत्यु भएको हो । शौचका लागि बाहिर निस्केकी शिवरनलाई कुकुरले टोकेको जिल्ला प्रहरी कार्यालय धनुषाले जनाएको छ । कुकुरले टोकेको केही बेरमै उनको मृत्यु भएको प्रहरीले जनाएको छ । मृत्यु भएकी बालिकाको मानसिक अवस्था ठिक नरहेको प्रहरीले जनाएको छ । बालिकाको शव पोस्टमार्टमका लागि प्रादेशिक अस्पताल जनकपुरधाममा राखिएको प्रहरीले जनाएको छ ।...

पूर्णपुष्टि, फागुन १८ काठमाडौंको त्रिभुवन अन्तर्राष्ट्रिय विमानस्थलबाट अवैध सुनसहित एक जना पक्राउ परेको छ ।  सुनको ३ थान बाला र २ थान औंठी करिब १ सय ६० ग्राम अवैध सुनसहित स्याङ्जा चापाकोट नगरपालिका–६ घर भएका ४२ वर्षीय नगेन्द्रकुमार राना गतराति पक्राउ परेको हो । हिमालय एयरलाइन्सको विमानबाट साउदी अरेबियाको रियादबाट आएका रानालाई जाँच गर्दा अवैध रुपमा ल्याएको उक्त परिमाणको सुनका गहना विमानस्थल पार्किङ एरियाबाट फेला पारी पक्राउ गरेको प्रहरीले जनाएको छ । रानालाई बरामद सामानसहित आवश्यक अनुसन्धानको लागि त्रिभुवन अन्तर्राष्ट्रिय विमानस्थल भन्सार कार्यालयमा बुझाइने अन्तर्राष्ट्रिय विमानस्थल सुरक्षा कार्यालयले जनाएको छ ।...

पूर्णपुष्टि, फागुन १८ सरकारले नेत्रविक्रम चन्द (विप्लव) समूहसँग वार्ता गर्नका लागि दुई सदस्यीय टोली गठन गरेको छ । गृहमन्त्री रामबहादुर थापा (बादल) र प्रधानमन्त्रीका परराष्ट्र सल्लाहकार राजन भट्टराई सम्मिलित वार्ता टोली गठन गरेको सरकारका प्रवक्ता सञ्चार तथा सूचना प्रविधिमन्त्री पार्वत गुरुङले जानकारी दिनुभयो । गुरुङले विज्ञप्ति जारी गरी विप्लव समूहसँग वार्ताद्वारा समस्या समाधान गर्न २ सदस्यीय वार्ता टोली गठन गरेको जनाएको छ ।...

पूर्णपुष्टि,फागुन १८ कोसी अस्पतालमा उपचारको क्रममा ६५ बर्षीया महिलाको स्यानिटाइजर सेवन गर्दा मृत्यु भएको छ ।  शनिबार राति विराटनगर महानगरपालिका–१७ रघुपति लाइन क्वार्टरमा बस्दै आएकी अम्बिका अधिकारीले स्यानिटाइजर खाएकी थिइन् । घरायसी वादविवादको कारण उनले स्यानिटाइजर सेवन गरेको जिल्ला प्रहरी कार्यालय मोरङले जनाएको छ । स्यानिटाजर सेवन गरेपछि उनलाई कोसी अस्पतालमा भर्ना गरिएको थियो । सोमबार दिउँसो १ बजे उनको मृत्यु भएको  प्रहरीले जनाएको छ ।...

पूर्णपुष्टि, फागुन १८  ताप्लेजुङको दोभानेमा भीषण आगलागी भएको छ । दोस्रो ठूलो बजार दोभानमा भीषण आगलागीबाट अहिलेसम्ममा पाँच घर जलेर नष्ट भएको छ । आगो निभाउने प्रयास भए पनि तत्काललाई नियन्त्रणमा आउने सम्भावना कम छ । बिहान आठ बजेदेखि आगलागी हुन सुरु भएको प्रहरीले जनाएको छ । मेरिङ गाउँपालिका– ३ पर्ने दोभान बजारमा १ सय ५० घर रहेका छन् ।...

पूर्णपुष्टि,फागुन १८ ईलाम नगरपालिका –७ स्थितबाट ब्राउन सुगर सहित चार जना पक्राउ परेका छन् । ईलाम सुर्योदय नगरपालिका–१० का २३ बर्षीय दियोग राई, देउमाई नगरपालिका–४ का १८ बर्षीय प्रवेश तिरुवा बि.क., इलाम नगरपालिका–५ का ३५ बर्षीय योगेश राई र फिदिम नगरपालिका–१० का २३ बर्षिय अनिल लिम्बुलाई प्रहरीले पक्राउ गरेको हो । हिजो बेलुका ५ बजे बिशेष सुचनाको आधारमा जिल्ला प्रहरी कार्यालय ईलामबाट खटिएको प्रहरी टोलीले उनीहरुलाई ७५० मिलि ग्राम ब्राउन सुगर, एक थान स्टिलको प्लेट, ५ को तीन थान नेपाली नोट र लागुऔषध सेवन गर्ने ढुङग्रो सहित पक्राउ गरेको हो । पक्राउ परेका उपर थप अनुसन्धान अनुसन्धान भईरहेको प्रहरीले जनाएको छ ।...

पूर्णपुष्टि, फागुन १८ तनहुँको व्यास नगरपालिकामा संचालित एक होटलमा आगलागी भएको छ । व्यास नगरपालिका–४ स्थित होटल सःसः इनमा गतराति करिब २ बजे आगलागी हुँदा करिब ४० लाख बराबरको क्षति भएको प्रहरीले जनाएको छ । होटल नजिकै रहेको तरकारी लाइनको ट्रान्समिटर पड्किएर होटलमा आगलागी भएको जिल्ला प्रहरी कार्यालय तनहुँले जनाएको छ । विद्युत् लाइनबाट विद्युत् चुहिएर आगलागी भएको हुनसक्ने प्रहरीको अनुमान छ । घटनालगत्तै व्यास नगरपालिकाको दमकल, नेपाल प्रहरी, स्थानीयवासीको सहयोगमा आगो नियन्त्रणमा लिएको प्रहीले जनाएको छ । आगलागीबाट मानवीय क्षति भने भएको छैन । होटलमा रहेको केही पाहुनालाई घरको छतबाट उद्धार गरिएको थियो ।...

पूर्णपुष्टि, फागुन १८  आज सुनको भाउ घटेको छ । सुन तोलामा एक हजार ७ सय रुपैयाँले घटेर ८८ हजार ७ सय रुपैयाँ कायम भएको नेपाल सुन चाँदी व्यवसायी महासंघले जनाएको छ । सुनसंगै चाँदीको भाउ पनि ओरालो लागेको छ । सोमबार प्रतितोला १ हजार ३ सय ४० रुपैयाँमा कारोबार भएको चाँदीको भाउ आजका लागि ४० रुपैयाँले घटेर १ हजार २ सय ९० रुपैयाँमा झरेको महासंघले जनाएको छ ।...

पूर्णपुष्टि, फागुन १८ नवलपुरको दुम्कौलीमा दुई वटा ट्रक एकआपसमा ठोकिन्दा दुई जनाको मृत्यु भएको छ । पूर्व–पश्चिम राजमार्गअन्तर्गत नवलपरासी (बर्दघाट सुस्तापूर्व) नवलपुरको दुम्कौलीमा गतराति दुई वटा ट्रक एकापसमा ठोक्किँदा दुई जनाको मृत्यु भएको हो भने दुई जना घाइते भएका छन् । दुर्घनामा परेका दुवै ट्रकका चालकको मृत्यु भएको जिल्ला प्रहरी कार्यालय नवलपरासी (बर्दघाट सुस्तापूर्व)ले जनाएको छ । दुर्घटनामा परी ना ६ ख ३०११ नम्बरको ट्रक चालक पोखरा महानगरपालिका–१५ बस्ने ५१ वर्षीय खिमबहादुर विक र ना ७ ख ७०२३ नम्बरको ट्रकका चालक हेटौँडा उपमहानगरपालिका निबासी ३४ वर्षीय राजकुमार न्यौपानेको मृत्यु भएको प्रहीले जनाएको छ । दुर्घटनामा ट्रकका सहचालक तनहुँ बन्दीपुर गाउँपालिका–३ बस्ने १८ वर्षीय विश्वास शाही र बवही गाउँपालिका–६ दाङ बस्ने ३३ वर्षीय घनश्याम खड्का घाइते भएका छन् । घाइते दुवैको अवस्था गम्भीर रहेक...