Month: ५ वर्ष अगाडि

दश शिक्षक र पाँच विद्यार्थीलाई कोरोना देखिएपछि नेपालगन्जका सबै विद्यालयलाई एक साता बन्द गर्ने निर्णय भएको छ । नेपालगन्ज उपमहानगरपालिकाको विपद् व्यवस्थापन समितिको बैठकले उक्त निर्णय गरेको हो । उपमहानगरपालिकाले आफ्नो निर्णयलाई बिहीबार नै बसेको जिल्ला कोभिड–१९ संकट व्यवस्थापन केन्द्र (डीसीसीएमसी) को बैठकमा जानकारी गराएको थियो । नेपालगन्ज उमपहानगरपालिकाका शिक्षा शाखाका प्रमुख उपसचिव गोर्खबहादुर थापाले चारवटा सामुदायिक र तीनवटा संस्थागत विद्यालयका दश शिक्षक र ५ विद्यार्थीलाई कोरोना पुष्टि भएको जानकारी दिए । पछिल्लो एक सातामै बाँकेमा ३ सय ६६ जनालाई कोरोना पुष्टि भएपछि नाकामा कडाइ, भीडभाडमा रोक, विद्यालय बन्दको चर्को दबाब परेको थियो । बिहीबार बसेको डीसीसीएमसीको बैठकले अत्यावश्यक कामबाहेक भारत जान रोक लगाउने, भारतबाट आएका व्यक्तिलाई स्वास्थ्य परीक्षणका लागि नाकामा जनशक्ति थप गर्ने, पालिकाहरु...

बैशाख २  नेपालमा पछिल्लो २४ घण्टामा थप पाँच सय ३४ जनामा कोरोना भाइरसको सङ्क्रमण पुष्टि भएको छ । ३५ सय ८८ जनाको पीसीआर परीक्षण गर्दा चार सय ९० जना र पाँच सय ६४ जनाको एन्टिजेन परिक्षण गर्दा ४४ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । योसँगै नेपालमा कोरोना सङ्क्रमण पुष्टि हुनेको सङ्ख्या दुई लाख ८२ हजार ५४ पुगेको छ । त्यस्तै २४ घण्टामा एक सय ५७ जना निको भएसँगै सङ्क्रमणमुक्त हुनेको सङ्ख्या दुई लाख ७४ हजार ६ सय चार पुगेको छ । सक्रिय सङ्क्रमितको सङ्ख्या पनि बढेर ४३ सय ८४ पुगेको मन्त्रालयले जनाएको छ । गत २४ घण्टामा पाँच जनाको ज्यान गएसँगै सङ्क्रमणका कारण ज्यान गुमाउनेको सङ्ख्या तीन हजार ६६ पुगेको मन्त्रालयले जनाएको छ ।...

बैशाख २  आज शेयर बजार २० अङ्कभन्दा धेरैले बढेको छ । व्यापार र जलविद्युतबाहेक अरू सबैजसो समूहको शेयर बढेपछि नेप्से २०.६७ अङ्कले बढेर २७ सय ३५.४६ विन्दुमा पुगेको हो । बिहीवार बैंकिङ समूहको शेयर २३ अङ्कले बढेको छ । यस्तै विकास बैंक समूहको शेयर ९० अङ्कले, होटल तथा पर्यटनको १० अङ्कले, फाइनान्सको २८, माइक्रोफाइनान्सको ६, जीवन बीमा समूहको ४५, निर्जीवन बीमा समूहको नौ अङ्कले, उत्पादनको ४३, अन्यको तीन र लगानी समूहको शेयर साढे एक अङ्कले बढेको छ । बिहीवार दुई सय १८ कम्पनीका एक करोड ९० लाख कित्ता शेयर आठ अर्ब ६३ करोड ६६ लाख रुपैयाँमा कारोबार भएका छन् । सबैभन्दा धेरै एनआईसी एसिया लघुवित्तको ४९ करोड ८९ लाख रुपैयाँको शेयर किनबेच भएको छ । बेस्ट फाइनान्स र एनआईसी एसिया लघुवित्तसहित आठ कम्पनीको शेयर नौ प्रतिशतभन्दा धेरैले बढेको छ । समग्र बजार बढे पनि मल्टिपर्पोज फाइनान्स, नेशनल लघुवित्त र स्वाभिम...

बैशाख २  गण्डकी प्रदेशका मुख्यमन्त्री पृथ्वीसुब्बा गुरुङविरुद्ध अविश्वासको प्रस्ताव दर्ता भएको छ । सरकारले प्रदेश सभामै अविश्वासको प्रस्ताव दर्ता हुने डरले गतराती अधिवेशन अन्त्य गरे पनि नेपाली कांग्रेस, माओवादी केन्द्र, जनमोर्चा र जसपाले गुरुङविरुद्ध प्रदेश सभा सचिवालयमा अविश्वासको प्रस्ताव दर्ता गराएका हुन् । अविश्वासको प्रस्ताव दर्ता गराउन १५ जना सांसद आवश्यक पर्ने भए पनि २८ जना सांसदको हस्ताक्षर रहेको छ । गण्डकीमा कांग्रेस संसदीय दलका नेता कृष्णचन्द्र नेपाली पोखरेललाई मुख्यमन्त्रीमा प्रस्ताव गर्दै अविश्वास प्रस्ताव तयार पारिएको छ । सरकारको सिफारिसमा प्रदेश प्रमुखले प्रदेश सभाको चालु अधिवेशन अन्त्य गरे पनि २५ प्रतिशत सांसदले माग गरे फेरि अधिवेशन बोलाउनुपर्ने संवैधानिक व्यवस्था छ । सरकार गठनका लागि ३१ जना सांसद चाहिनेमा जनमोर्चाले समर्थन फिर्ता लिएपछि २८ सांसद रहेको एमालेको सर...

पूर्णपुष्टि, वैशाख २ कोरोना संक्रमणबाट झापाका एक पुरुषको ज्यान गएको छ । उनको शुक्रराज ट्राफिल सरुवा रोग अस्पताल टेकुमा उपचारका क्रममा ज्यान गएको अस्पतालले जनाएको छ । विर्तामोड नगरपालिका–८ निवासी उनी केही समयअघि भारतको धार्मिक कार्यक्रममा गएर फर्किएका थिए । भारतबाट फर्किएलगत्तै बिरामी परेका उनमा स्वाथ्य समस्या आएपछि उपचारका लागि अस्पताल भर्ना गरिएको थियो । उपचारकै क्रममा उनको हिजो राति ज्यान गएको हो । उनी विगत दुई वर्षदेखि काठमाडौँको भक्तपुरस्थित एक धार्मिक संस्थामा बसेर अभियानकर्मीका रूपमा काम गर्दै आएका थिए ।...

पूर्णपुष्टि, वैशाख २ अटोमा २३ किलो गाँजा लैजाँदै गरेको दुई महिलासहित तीन जनालाई हेटौंडाबाट प्रहरीले पक्राउ गरेको छ । अटोचालक हेटौंडा उपमहानगरपालिका–११ का ४० वर्षीय चतुरमान मोक्तान, अटोमा सवार मकवानपुर राक्सिराङ गाउँपालिका–१ की ४७ वर्षीया निर्मला तामाङ र सोही ठाउँकी ४७ वर्षीया माया तामाङलाई प्रहरीले पक्राउ गरेको हो । हेटौंडा उपमहानगरपालिका–११ मा बुधबार ना १ ह ९०९९ नम्बरको अटो चेकजाँच गर्नेक्रममा लुकाइछिपाइ ल्याएको अवस्थामा उक्त परिमाणको लागूऔषध गाँजा फेला परेपछि अटोसहित उनीहरुलाई नियन्त्रणमा लिइएको जिल्ला प्रहरी कार्यालय मकवानपुरले जनाएको छ । उनीहरुलाई बिहीबार जिल्ला अदालत मकवानपुरबाट लागूऔषध मुद्दामा म्याद थपको अनुमति लिई आवश्यक अनुसन्धान अगाडि बढाइएको प्रहरीले जनाएको छ ।...

बेलका, बैशाख २ । किरात राई समुदायको धार्मिक आस्थाको केन्द्र खुवालुङको नाममा स्थापना गरिएको ‘खुवालुङ एग्रिकल्चर एण्ड एग्रोभेट प्रालि बेलका ४‘ को उद्घाटन भएको छ । बेलका नगरपालिका वडा नं ४ बरगाछीमा स्थापना गरिएको कृषि फर्मको सामुहिक रुपमा माछाको भुरा र बंगुरको पाठापाठी फÞार्म हाउसको आधुनिक खोर र पोखरीमा लगाएर फार्मको बुधबार उद्घाटन गरिएको हो । कृषि फर्ममा बिशेष गरि बंगुर प्रजनन तथा माछा उत्पादन गरिने संचालक ठहरमान राईले बताउनुभयो । पछिल्लो समयमा बेलका नगरमा युवाहरु कृषि पेशा तर्फ आकर्षित हुन थालेकोले नगरको कृषि योजनाहरु समेत सफल बन्दै गएको बेनपा–४ का वडाध्यक्ष दिपक दंगालले  बताउनुभयो । कार्यालयबाट आगामी बर्षमा एक थान बिऊ बंगुर फर्मलाई उपलब्ध गराउने समेत उहाँले बताउनुभयो । कृषि क्षेत्रको उत्पादकत्व बढाउन लागिपरेका कृषि उद्धमी युवाहरुलाई नगरपालिकाले सधै सबैखाले सहयोग गर्दै आएको र...

पूर्णपुष्टि, वैशाख २ ।  खुवालुङको चर्चासंगै यतिबेला खुवालुङ हेर्न आउनेको संख्या पनि उत्तिकै बढ्दो छ । जेटबाट जलयात्रा गरेर मात्र खुवालुङ पुगिन्छ । यसले जलयात्रा ब्यवसायलाई पनि टेवा पर्याएको छ । किराँत राई समुदायको आस्थाको केन्द्र खुवालुङको प्रचारप्रसार बढेसंगै हेर्न आउनेकोे संख्या दिनदिनै बढ्दो रहेको जलयात्रा ब्यवसायी खेगेन्द्रप्रसाद घिमिरेले बताउनुभयो । जलयात्रा गर्दै खुवालुङमा प्रधानमन्त्री केपी शर्मा ओली, १ नं. प्रदेशका मुख्यमन्त्री शेरधन राईसमेत पुगिसकेका छन् । सप्तकोशीको पानी बीचमा रहेको ठूलो ढुंगोलाई किरात राई समुदायको भाषामा खुवालुङ भनिएको हो । जसको किराँत प्राचिन सभ्यतादेखिको लामो कथा छ । उक्त समुदायले यसलाई आप्mनो आस्थाको केन्द्र मान्दै आएको स्थानीय मेघराज राईले बताउनुभयो । खुवालुङ उदयपुरको बेलका नगरपालिका वडा नं. ७ र भोजपुर र धनकुटाको सिमास्थल त्रिवेणीमा पर्दछ । डु...

पूर्णपुष्टि, वैशाख २ । जलस्रोत तथा सिंचाई विकास डिभिजन कार्यालय उदयपुरले एक योजनामा लक्षीत वर्गको प्राथमिकता भन्दा बाहिर गएर काम गरेपछि बजेट दुरुपयोगको आरोप लागेको छ । बरुवाखोला मुहान भइ असारी–भुसुने सिचाइ योजना मर्मतको नाममा कार्यालयले लक्षित वर्गको प्राथमिकता भन्दा बाहिर काम गरेर बजेटको दुरुपयोग गरेको आरोप लागेको हो । योजनाको माथिल्लो भेगमा मर्मत आवश्यक हुँदाहुदै नहरको पानी नपुग्ने पुछार भागमा आरसिसि ढलानसहितको काम भइरहेको छ । भुसुने–असारी जल उपभोक्ता संस्थाका अध्यक्ष प्रयागराज रेग्मीका अनुसार मर्मत कार्य अति आवश्यक ठाउँमा गर्न आग्रह गर्दा कार्यालय प्रमुख देवनन्दन मण्डलले अस्विकार गर्दै पानी नै नपुग्ने ठाउँमा काम गराएका हुन् । आम उपभोक्ताको हित विपरित सजिलो ठाउँमा काम गराएका हुन् । ४ लाख ८२ हजार ४ सय ९० रुपैया लगत इस्टिमेटको मर्मत कार्य कोटेशनमार्फत एक कन्स्ट्रक्सनलाई ४ लाख ...

बैशाख २  भारतीय ऊर्जा बजारबाट विद्युत खरिद गरी आयात गर्न नेपाल विद्युत प्राधिकरणले स्वीकृति पाएको छ । भारतको ऊर्जा मन्त्रालयले ऊर्जा एक्सचेञ्ज मार्केटबाट विद्युत खरिद गरी आयात गर्न सक्ने गरी स्वीकृति दिइएको जानकारी हिजो प्राधिकरणलाई दिएको जनाएको छ । अब प्राधिकरण भारतीय पावर एक्सचेञ्ज मार्केटको सदस्य बनेको विद्युत प्राधिकरणले जाएको छ । अब कसैको हस्तक्षेपबिना बजारले निर्धारण गरेको प्रतिस्पर्धी दरमा आवश्यकताअनुसार विद्युत खरिद गर्न सकिने छ । ऊर्जा एक्सचेञ्ज मार्केटमा नेपालले पहुँच पाएकाले भारत हुँदै बंगलादेशसम्मको विद्युत व्यापारका लागि अर्को स्टेपसमेत खुल्ला भएको प्राधिकरणले जनाएको छ । भारतीय ऊर्जा बजारमा विद्युत खरिद र बिक्रीका लागि प्रस्ताव गरेकोमा खरिदको स्वीकृति पाए पनि बिक्रीका लागि माग भएको थप आवश्यक कागजात पठाएको प्राधिकरणले जनाएको छ । प्राधिकरणले नेपालमा खपत गरेर बढी भ...