Month: ४ वर्ष अगाडि

काठमाडौं, फागुन २९ । सुनचाँदी बजारमा आज छापावाल सुनको मूल्य प्रतितोला रु एक लाख दुई हजार ८०० तोकिएको छ । अघिल्लो दिन प्रतितोला रु एक लाख दुई हजार ६०० मा कारोबार भएको सुन आज प्रतितोला रु २०० ले बढेको हो । नेपाल सुनचाँदी व्यवसायी महासङ्घले सार्वजनिक गरेको विवरणअनुसार आज तेजाबी सुनको मूल्य प्रतितोला रु एक लाख दुई हजार ३०० तोकिएकामा गत शुक्रबार प्रतितोला रु एक लाख दुई हजार १०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु १० ले बढेर एक हजार ४२५ पुगेको महासङ्घले जनाएको छ ।महासङ्घले अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा यहाँ दैनिक कारोबार मूल्य तोक्दै आएको छ । अन्तर्राष्ट्रिय बजारमा आज सुन प्रतिऔँस एक हजार ९८७ डलर आसपास कारोबार भइरहेको छ । रासस...

पूर्णपुष्टि, फागुन २९ । मोरङको सुन्दरहरैचा–७ की २१ महिने एक बालिकाका मृत्युको घटनामा प्रहरीले दुईजनालाई पक्राउ गरेको छ । घटनामा संलग्न भएको अभियोगमा प्रहरीले स्थानीय अजय चौधरी र मिथुन चौधरीलाई पक्राउ गरेको हो । प्रहरी स्रोतका अनुसार पक्राउ परेका दुवै जना नाबालिकाकी छिमेकी हुन् । जिल्ला प्रहरी प्रमुख एसपी जनार्दन जीसीले दुई युवकलाई पक्राउ गरिएको जानकारी दिंदै उनीहरुलाई आज पत्रकार सम्मेलन गरी सार्वजनिक गर्ने जानकारी दिए । शुक्रबार साँझ घरबाट हराएकी २१ महिने बालिका घर नजिकैको घारीमा अर्धचेत अवस्थामा भेटिएकी थिइन् । उनको उपचारको क्रममा शनिबार बिहान नोबेल मेडिकल कलेज विराटनगरमा मृत्यु भएको अस्पतालले जनाएको छ । यौनांगमा रक्ताम्य अवस्थामा फेला परेकी ती बालिकाको बलात्कार भएको आशंका गरिएको सुन्दरहरैचा–७ का वडा अध्यक्ष चैतन्य सिटौलाले बताए ।...

पूर्णपुष्टि, फागुन २९ उदयपुरमा शसस्त्र प्रहरीले ४ सय केजी गाँजा फेला पारेको छ । शसस्त्र प्रहरी वल नेपाल सुरक्षा वेस रामपुर ठोक्सीलाले कोशीस्थित बाँसमा बगीरहेको अवस्थामा करिब ४ सय केजी गाँजा फेला पारेको हो । रामपुर ठोक्सीला स्थित मान्छे विहिन अवस्थामा पहाडी भेगबाट जलमार्ग हुँदै बाँसमा बगिरहेको गाँजा शसस्त्र प्रहरी निरिक्षक सुमन बुढाथोकीको टोलीले रातको करिब २ बजे फेला पारेको सशस्त्र प्रहरी वल उदयपुरका गणपति कृष्णराज अधिकारीले जानकारी दिए । गणपति अधिकारीका अनुसार गाँजा जिल्ला प्रहरी कार्यालय उदयपुरलाई जिम्मा लगाईने जनाएको छ । उक्त गाँजा पहाडी जिल्ला भोजपुर बाट झरेको हुन सक्ने अनुमान गरिएको छ । गाँजा मात्र फेला परेको र मान्छेहरु पत्ता नलागेको हुँदा खोजी कार्य र निगरानीमा राख्ने काम भईरहेको अधिकारीले जानकारी दिए ।  ...

पूर्णपुष्टि, फागुन २९ । झापाको दुई स्थानबाट लागुऔषध ब्राउन सुगरसहित दुई जना पक्राउ परका छन् । झापा मेचीनगर नगरपालिका–१२ का ४५ वर्षीय कुमार राजबंशी र झापा अर्जुनधारा नगरपालिका–४ भाङबारी का ३६ वर्षीय रेस बहादुर सार्की पक्राउ परेका हुन् । हिजो बेलुका ४ बजे ईलाका प्रहरी कार्यालय काकडभिट्टा र लागुऔषध नियन्त्रण ब्युरोबाट खटिएको प्रहरी टोलीले मेची पुल छेउबाट कुमार राजबंशीलाई ४ ग्राम ब्राउन सुगरसहित पक्राउ गरेको हो । हिजै बेलुका ७ बजे अस्थाई प्रहरी चौकी खुदुनाबारीबाट खटिएको प्रहरी टोलीले रेस बहादुर सार्कीलाई घरमै ब्राउनसुगर २ ग्रामसहित पक्राउ गरेको हो । पक्राउ परेका दुबै जनाको थप अनुसन्धान भईरहेको जिल्ला प्रहरी कार्यालय झापाले जनाएको छ ।...

पूर्णपुष्टि, फागुन २९ । मोरङको रंगेली नगरपालिका–२ मंगलबारे स्थित विराटनगर आमबारी सडक खण्डमा मोटरसाईकल दुर्घटनाबाट एक जनाको मृत्यु र एक जना घाईते भएका छन् । मोटरसाईकल पछाडी सवार विराटनगर महानगरपालिका ५ का ४१ वर्षीय बलराम बर्तोला रहेका छन् भने चालक विराटनगरकै १६ वर्षीय कमल भन्ने कुनाल बर्तौला घाईते भएका हुन् । हिजो दिउसो साँढे २ बजे पुर्वबाट पश्चिम तर्फ जादैँ गरेको प्रदेश न.०१–०४–००१ प ७१६४ नंम्बरको मोटरसाईकल आफै अनियन्त्रीत भई दुर्घटना भएको थियो । उक्त दुर्घटनाबाट घाईते भएका बलरामको उपचारको लागी कोशी अस्पताल पुर्याउन साथ मृत्यु भएको प्रहरीले जनाएको छ । घाईते कुनालको गोल्डेन अस्पताल बिराटनगरमा उपचार भईरहेको छ । घटना सम्बन्धमा थप अनुसन्धान भईरहेको ईलाका प्रहरी कार्यालय रंगेलीले जनाएको छ ।...

खोटाङ, फागुन २९ । सगरमाथा राष्ट्रिय राजमार्गअन्तर्गत दिक्तेल–गाईघाट सडकखण्डमा पर्ने सुनकोसी नदीस्थित फोक्सिङ्टारमा निर्माणाधीन पक्की पुलका लागि तेस्रोपटक थप भएको म्याद आगामी चैत मसान्तमा सकिँदैछ । विसं २०७३ चैत २२ गते सम्पन्न गर्नेगरी विसं २०६९ चैत २३ गते ठेकेदार कम्पनी गौरी पार्वती वाइपी जेभीसँग सम्झौता भएको फोक्सिङ्टार पुल निर्माणको काम पछिल्लो समय थप गरिएको समयसीमाभित्र पनि सम्पन्न हुने छाँटकाँट छैन । जिल्लाबाट पूर्वी तराईका जिल्ला जोड्ने सबैभन्दा छोटो दूरीको उक्त सडकखण्डमा पर्ने फोक्सिङ्टारको पक्की पुल निर्माणमा ढिलासुस्ती हुँदाको प्रत्यक्ष असर जिल्लाको आर्थिक क्रियाकलापदेखि विकास निर्माणमा समेत पर्ने गरेको छ । पुल निर्माणमा ढिलासुस्ती हुँदा छ वर्षदेखि फोक्सिङ्टारमा अस्थायी बेलीब्रिज जडान गर्ने तथा झिक्ने क्रममा राज्यको करोडौँ रकम खर्च भइसकेको छ । अस्थायी रुपमा जडान गरिने फोक्सिङ्ट...

पूर्णपुष्टि (उदयपुर), फागुन २८ । देशकै ठूलो उदयपुरको जलजलेस्थित उदयपुर सिमेन्ट उद्योग लिमिटेडको ब्यवस्थापनमा त्रियुगा नगरपालिका ५ स्थित देउरी स्वास्थ्य चौकीमा एम्बुलेन्स तथा प्रयोगशालाका स्वास्थ्य उपकरणहरु आज उपलब्ध भएका छन् । उद्योगका महाप्रवन्धक गोपिकृष्ण न्यौपानेका अनुसार स्वास्थ्य चौकीलाई एकवटा महेन्द्रा बलेरो एम्बुलेन्स प्राप्त भएको छ । त्यसैगरी स्वास्थ्य परिक्षण तथा उपचारका लागि प्रयोगशालाका विभिन्न आधुनिक उपकरणहरु प्राप्त भएका छन् । एम्बुलेनस र प्रयोगशालाका कारण स्वास्थ्य चौकी सुविधा, सम्पन्न बनेको छ । जनशक्तिको हिसावलेसमेत स्वास्थ्य चौकी ब्यवस्थित बन्न पुगेको छ । एम्बुलेन्स तथा उपकरणहरुका लागि सगरमाथा एन्स्योरेन्स कम्पनीको तर्फबाट १५ लाख, माछापुछ्रे बैंक लिमिटेडबाट ५ लाख ६५ हजार र अन्य संघ/संस्थाहरुको सहयोगसमेत गरी कुल ३० लाख सहयोग संकलन भएको जनाइएको छ । उद्योगले आप्mनो सामाजिक ...

काठमाण्डौँ, फागुन २९ सङ्खुवासभाको भोटखोला गाउँपालिकामा जग्गा ठगी प्रकरणमा वडाध्यक्ष र मालपोतका नायब सुब्बासहित सात जनालाई प्रहरीले पक्राउ गरेको छ । भोटखोला गाउँपालिका–४ का वडाध्यक्ष किन्साङ भोटेसहितको टोलीले स्थानीयवासी दलबहादुर तामाङको २७ रोपनी जग्गा जालसाजी गरी आफन्तका नाममा पास गरेको अभियोग लगाइएको छ । वडाध्यक्ष भोटे, मालपोत कार्यालयका कर्मचारीसहित सात जनाको टोलीले मृतक तामाङको नाममा रहेको जग्गा अर्काको नाममा पास गरेको अभियोगमा प्रहरीले पक्राउ गरी सार्वजनिक गरेको हो । जग्गा जालसाजी गरेको आरोपमा पक्राउ परेका सात जनालाई जिल्ला प्रहरी कार्यालयले सार्वजनिक गरेको छ । पक्राउ पर्नेमा वडाध्यक्ष भोटे, सोही वडाका सुरेन्द्र तामाङ, कल्पना भोटे, ङिमा लाजुङ भोटे, खाँदबारी–१ का हाल मालपोल कार्यालय खाँदबारीमा कार्यरत महेन्द्रकुमार पराजुली, मकालु गाउँपालिका–४ घर भाई खाँदबारीमा लेखापढी व्यवसाय गर्ने ...

काठमाण्डौँ, फागुन २८ शहरी विकासमन्त्री रामकुमारी झाँक्रीले नयाँ शहर निर्माणका लागि आवश्यक बजेट र नीतिको खाँचो रहेको बताउनुभएको छ । समाजवादी सङ्गठन नेपाल कैलालीद्वारा आज धनगढीमा आयोजित पत्रकार सम्मेलनमा उहाँले नयाँ शहर निर्माणका लागि दीर्घकालीन नीति बनाएर अघि बढ्नुपर्ने बताउनुभएको हो । मन्त्री झाँक्रीले सरकारको एक्लै प्रयासले मात्र नयाँ शहर निर्माण हुन नसक्ने बताउँदै नयाँ शहर निर्माणका लागि निजी क्षेत्रलाई पनि समेटेर लैजानुपर्नेमा जोड दिनुभयो । “पछिल्लो पटक ग्रामीण क्षेत्रबाट शहरमा बसाइँसराइ हुनेक्रम बढ्दै गएकाले त्यसलाई रोक्न ग्रामीण शहरीकरणको विकासलाई प्राथमिकता दिनुपर्दछ”, उहाँले भन्नुभयो, “ग्रामीण शहरीकरणले स्थानीयस्तरमा रोजगारीका अवसर सिर्जना गर्ने भएकाले दीर्घकालीन नीति बनाएर अघि बढ्ने तयारी सरकारको छ ।” मन्त्री झाँक्रीले सरकारले घोषणा गरेका नयाँ शहर निर्माणका लागि आवश्यक बज...