Month: १ वर्ष अगाडि

पूर्णपुष्टि, माघ ४ । उदयपुरको त्रियुगा नगरपालिका वडा नं. ११ ढिम्कीस्थित बरुवा खोला तटबन्धको मर्मत कार्य बुधबारदेखि सुरु भएको छ । गाईघाट बजारको संरक्षणको लागि झन्डै चार दशक अघि निर्माण गरिएको यो तटबन्ध गत वर्षको असार महिनाको बाढीले गम्भीर क्षति पुर्‍याएको थियो । संघीय सरकारले उपलब्ध गराएको एक करोड रुपैयाँको बजेटबाट मर्मत कार्य थालिएको त्रियुगा नगरपालिकाका मेयर बसन्त बस्नेतले जानकारी दिए । ढिम्कीदेखि बरुवा पुलसम्मको पूर्वी किनारमा रहेको यो तटबन्धको संरक्षण कार्य माघ महिनाभित्र सम्पन्न गर्ने लक्ष्य राखिएको छ । मेयर बस्नेतका अनुसार पटक-पटकको माग पश्चात प्राप्त भएको यो बजेट समग्र मर्मत कार्यको लागि अपर्याप्त रहेको छ । "पुरानो तटबन्धको पूर्ण मर्मतको लागि थप बजेट आवश्यक छ, तर त्यसको व्यवस्थापन कसरी गर्ने भन्ने विषयमा हामी छलफल गरिरहेका छौं," उनले भने । गाईघाट बजारको मुख्य संरक्षक मानिने यो तटबन...

पूर्णपुष्टि, माघ ३ । उदयपुरको चौदण्डीगढी नगरपालिका–६ बेल्टार शिर्वानीमा भूमिगत सिंचाई आयोजना अन्तर्गत एक करोड रुपैयाँको लागतमा डिप बोरिङको काम सुरु भएको छ । बुधबार नगर प्रमुख कालुमान लामाले आयोजनाको शिलान्यास गर्दै यस क्षेत्रका किसानहरूको सिंचाई समस्या समाधान गर्ने बताए । कटुन्जे देउराली टोलमा सुरु भएको यो आयोजना स्थानीय युवा दिपराज बस्नेतको सक्रिय पहलमा कार्यान्वयन भएको हो । मेयर लामाले आफ्नो कार्यकालमा शिक्षा, स्वास्थ्य, भौतिक पूर्वाधार र कृषि क्षेत्रमा विशेष जोड दिएको र चुनावी प्रतिबद्धताहरू क्रमशः पूरा गर्दै जाने प्रतिबद्धता व्यक्त गरे । यस आयोजनाबाट स्थानीय किसानहरूले सिंचाईको स्थायी समाधान पाउने भएकाले उनीहरू अत्यन्त उत्साहित छन् । यसले कृषि उत्पादनमा वृद्धि गर्नुका साथै स्थानीय किसानहरूको जीवनस्तर सुधारमा महत्वपूर्ण योगदान पुर्‍याउने अपेक्षा गरिएको छ।...

पूर्णपुष्टि, २ माघ । उदयपुरमा मंगलबार यलदोङ ५०८५ मनाउँने क्रममा प्रहरीले गरेको ज्याजति प्रति किरात राई यायोख्खा उदयपुर, सुनसरी र केन्द्रीय समितिले आपत्ति जनाएको छ । प्रहरीको ज्याजतिको घोर भर्तसना गर्दै उदयपुर, सुनसरी र केन्द्रीय कार्य समितिले संयुक्त रुपमा जिल्ला प्रशासन कार्यालय उदयपुरलाई ध्यानाकर्षण पत्र बुझाएको छ । बुधबार सुनसरीको समेत उपस्थितिमा प्रमुख जिल्ला अधिकारी हरिप्रसाद घिमिरेलाई ध्यानाकर्षण पत्र बुझाएको हो । यायोख्खा प्रदेश सचिव राम पाण्डुपा राई सहितको टोलीले ध्यानाकर्षण पत्र बुझाउँदै राज्य आफैले अशान्ती समाज निर्माण गर्न लागेको जनाए । संबैधानिक अधिकारको प्रयोग गर्दा एउटा समुदायप्रति राज्य किना अराजक बनेको भन्दै राईले प्रश्न समेत गरेको छ । नेपाल बहुल जाति र बहुसांस्कृतिक देश रहेको भन्दै आआफ्नो चाँडबाँड मनाउने अधिकार भएको भन्दै यसरी सरकार निरंकुश बन्ने हो भने देशमा आक्रन...

पूर्णपुष्टि, २ माघ । आर्थिक संकट टार्न र साहुको ऋण तिर्नकै लागि सन्तोष परियारले आफ्नो सानो झुपडी समेत बेचे । त्रियुगा नगरपालिका वडा नं १३ मा रहेको आफ्नो जायजेथा बेचेर  गाईघाट बजार सरेका उनि उदयपुर बोर्डिङ नजिक डेरामा बस्दै आएका थिए । आफु सँग भएका सबै कुरा बेचेर साहुको ऋण र पुरानो अवस्थाबाट पन्छिँदै पून : सुरुवाती संघर्षमा होमिएका सन्तोषलाई बिचमा श्रीमतीको बिमारले फेरी उहि अवस्थामा पुरायो । ४३ बर्षिया श्रीमती सुस्मिता राई (परियार) को स्तन क्यान्सर भएको हस्पिटलले जनाएपछि सन्तोषको परियार यतिवेल बिल्लीबाँठ भएको छ । गाडी चलाएरै दुई बच्चा सहित श्रीमती पाल्दै आएका सन्तोषले बिरामी श्रीमतीकै कारण हुँदाखाँदाको काम पनि छाडे । सन्तोषले काम छाडेपछि श्रीमतीको उपचार त परको कुरा दुई बच्चा र श्रीमतीलाई खुवाउन र डेरा भाडा तिर्न पनि धौधौ परेको छ । सन्तोषले आफ्नो दुख सुनाउँदै भने,“ 'साउको गाडी चलाएर कमाएक...

पूर्णपुष्टि, माघ २ । महिला प्रहरीमाथी अभद्र व्यवहार गरेको आरोपमा आशिका तामाङ पक्राउ परेका छन् । बुधबार दिउँसो गौशाला प्रहरी वृत्तको टोलीले तामाङलाई पक्राउ गरेको काठमाडौं जिल्ला प्रहरी परिसरका एसपी नवराज अधिकारीले जानकारी दिए। तामाङलाई पक्राउ गर्न प्रहरीले पक्राउ पुर्जी लगेको थियो । अभद्र व्यवहार मुद्दाको अनुसन्धान सिलसिलामा तामाङलाई नियन्त्रणमा लिनुपरेको एसपी अधिकारीले जनाए । पछिल्लो समय पशुपति क्षेत्र विकास कोष परिसरमा तामाङले महिला प्रहरीलाई दुर्व्यवहार गरेको भिडिओ सामाजिक सञ्जालमा भाइरल बनेको थियो ।...

पूर्णपुष्टि, माघ २ । किरातीहरुको नयाँ बर्ष तथा नयाँ सम्वत यलदोङ ५०८५ मंगलबार दिप प्रज्वलन गरि मनाईयो । गाईघाट स्थित मेनचोकमा दिप प्रज्वलन गर्दै मनाईएको यलदोङ माथी प्रहरीले ज्याजति गरेको भन्दै पहिचानवादी नेताहरुले आज सोही ठाउँमा कोणसभा गर्ने भएका छ । कोणसभाका लागि सुनसरी र मोरङबाट समेत नेताहरु उपस्थित हुने भएको छ । दिप प्रज्वलन गरी नेपालको नक्सा कोरेर किरात प्रदेश लेखेकोमा प्रहरीले आपत्ति जनाएका थिए । प्रहरीले जवरजस्ती किरात प्रदेश मेटाउन खोजेपछि आयोजक र प्रहरीबीच घम्साघम्सी समेत भएका थिए । सोही बिरोधमा आज पहिचानवादी नेताहरुले कोणसभा गर्ने भएको हो ।...

पूर्णपुष्टि, माघ २ । एमाले कोशी प्रदेश कमिटीले पूर्वप्रदेश सांसद बिमल कार्कीलाई ६ महिनाका लागि पार्टीको सबै जिम्मेवारीबाट निलम्बन गरेको छ । पौष २७ र २८ मा बसेको प्रदेश कमिटी बैठकले यो निर्णय गरेको हो । कार्कीले पार्टी अध्यक्ष तथा प्रधानमन्त्री केपी शर्मा ओलीको विरुद्ध सामाजिक सञ्जालमा लेखेका पोस्टहरूका कारण उनीमाथि कारबाही भएको एमाले कोशी प्रदेश सचिव राजकुमार भण्डारीले जानकारी दिए । यसअघि मंसिर १६ मा पार्टीले कार्कीलाई स्पष्टीकरण सोधेको थियो । एमाले कोशी प्रदेश अध्यक्ष घनश्याम खतिवडाका अनुसार कार्कीले दिएको स्पष्टीकरण चित्तबुझ्दो नभएकाले उनलाई निलम्बन गरिएको हो । तर कार्कीले भने आफूमाथि भएको कारबाहीबारे कुनै जानकारी नपाएको र पार्टीभित्रको बेथितिविरुद्ध आवाज उठाएकै कारण कारबाहीमा परेको हुनसक्ने बताएका छन् । उदयपुर क्षेत्र नम्बर १ (१) बाट २०७४ मा प्रदेश सांसदमा निर्वाचित कार्की प्रद...

पूर्णपुष्टि, २ माघ । एमालेले उदयपुरका पूर्व प्रदेश सांसद तथा नेता बिमल कार्कीलाई पनि कार्वाही गरेको छ । सामाजिक संञ्जालमा पार्टी विरुद्ध जथाभावी लेखेको आरोप लगाउँदै कार्कीलाई ६ महिनाका लागि जिम्मेवारीबाट अलग गराएको हो । उनलाई एमाले कोशी प्रदेशले ६ महिनाको लागि निलम्वन गरेको जनाएको छ । पुस २७ गते बसेको कोशी प्रदेश कमिटीको बैठकले कार्कीलाई ६ महिनाका लागि निलम्बन गरेको एमाले कोशी अध्यक्ष घनश्याम खतिवडाले जानकारी दिए । उनलाई मंसिर १६ मा एमाले कोशी अध्यक्ष खतिवडाले तीन दिनभित्र जवाफ दिन स्पष्टीकरण पत्र पठाएका थिए । कार्कीले तीन दिनको समय सीमा घर्केपछि मात्रै स्पष्टीकरण बुझाएका थिए । उनको स्पष्टीकरण चित्त बुझ्दो नभएको भन्दै प्रदेश कमिटीले कार्कीमाथि कारबाही गरेको हो । एमाले प्रदेश संसदीय दलको सचेतक पनि भएका उनी उदयपुर एमालेका पूर्व उपाध्यक्ष समेत हुन् । तर अहिले उनी कमिटीविहीन अवस्थामा...

पूर्णपुष्टि, माघ १ । राष्ट्रिय आविष्कार केन्द्रका संचालक तथा वैज्ञानिक महाविर पुनलाई गाईघाटका युवा व्यवसायी किरण राई दम्पतीले ५० हजार ५ सय ५ रुपैँया आर्थिक सहयोग गरेका छन् । मंगलबार आफ्नो पुस्तक बिक्री वितरण गर्दै उदयपुरको सदरमुकाम गाईघाट आईपुगेका पुनलाई जेके पुस्तक पसलका संचालक किरण राई र उनका श्रीमती कविता राईले बिरगंज स्थित कृषि औजार केन्द्र सन्चालनका लागी उक्त रकम सहयोग गरेका हुन् । महाविर पुनले प्राप्त सहयोग रकम बराबरको पुस्तक राई दम्पतीलाई उपलब्ध गराएका छ्न् भने सो पुस्तक बिध्यालय र पुस्तकालयलाई वितरण गरि दिन आग्रह गरेका छन् । उनले रास्ट्रिय आबिष्कार केन्द्र सन्चालनको लागि पुस्तक लेखेर देश भरी बिक्रीवितरण गर्दै आएका छ्न । पुस्तक बिक्रीवितरणबाट जम्मा भएको रुपैयाले उनले आबिष्कार केन्द्र मार्फत बिरगंज स्थित कृषि औजार केन्द्र सन्चालन र युबा बैज्ञानिक उत्पादन गर्ने लक्ष्य राखेर अभिय...