Author: पूर्णपुष्टि

पूर्णपुष्टि, कार्तिक ५ । त्रियुगा नगरपालिका वडा नं. ४ बगाहामा जारी दोस्रो स्वर्गिय युवराज (कौलाश) राई फुटबल प्रतियोगिता २०८१ को तेस्रो खेलमा बेल्टार एकता युवा क्लब बिजयी भएको छ । बगाहाको खेल मैदानमा सोमबार दिउँसो भएको खेलमा बेल्टार एकता युवा क्लबले दुुधौली स्पोर्टस (सिन्धुली) लाई २–१ गोलले हराएको हो । खेलको ६ औं मिनेटमा जर्सि नं. १० का निश्चल विश्वकर्माले गोल गर्दै बेल्टारलाई आग्रता दिलाएका थिए भने खेलको १५ औं मिनेटमा जर्सि नंं १७ का सुनिल दनुवारले गोल गर्दै दुधौलीलाई खेलमा फर्काएका थिए । पहिलो हाफ १–१ गोलको बराबरीमा सकिएको थियो भने दोस्रो हाफको २२ औँ मिनेटमा जर्सि नं. २३ का जेबी राईले बेल्टारका लागी बिजयी गोल गरे । यस खेलको म्यान अफ द म्याच बेल्टारको जर्सि नं. २३ का खेलाडी जेबी राई बने । उनले नगद रु. १ हजार सहित फ्लेक्स, मेडल प्राप्त गरे । यस जित सँगै बेल्टार सेमिफाईनलमा प्रवेश ...

पूर्णपुष्टि, कार्तिक ५ । नेकपा माओवादी केन्द्रका अध्यक्ष पुष्पकमल दहाल 'प्रचण्ड'ले वर्तमान सरकारको एक सय दिन पूरा भएपछि विरोध सुरु गर्ने चेतावनी दिएका छन् । जुम्लाको सिञ्जामा आयोजित पत्रकार भेटघाटमा बोल्दै पूर्वप्रधानमन्त्री प्रचण्डले तीन महिनासम्म पनि सरकारले उल्लेख्य काम गर्न नसकेको आरोप लगाए । "आज विपक्षी दलहरुको तर्फबाट सरकारलाई ज्ञापनपत्र दिइँदै छ र सय दिन भएपछि विरोध सुरु हुन्छ," प्रचण्डले भने । उनका अनुसार वर्तमान सरकारले भ्रष्टाचार नियन्त्रण र सुशासनमा जनअपेक्षा अनुरुप काम गर्न सकेको छैन । प्रतिनिधिसभामा पहिलो र दोस्रो ठूलो दल मिलेर तेस्रो दललाई किनारा लगाउने काम भएको भन्दै प्रचण्डले यसलाई अप्राकृतिक र अस्वाभाविक बताए । "संसदीय लोकतन्त्रमा पहिलो र दोस्रो दल मिलेर सरकार बनाएको कहिल्यै सुनिँदैन," उनले भने ।...

पूर्णपुष्टि, कार्तिक ५ । नेपाली अल्ट्रा धाविका सुनमाया बुढाले चीनको निन्घाई बाई युटिएमबी अल्ट्रा ट्रेल रेसमा कीर्तिमानी समयसहित उपाधि जितेकी छिन् । शनिबार सम्पन्न प्रतियोगितामा उनले ६० किलोमिटरको दूरी ५ घण्टा ४० मिनेट ३ सेकेन्डमा पूरा गरिन् । "ट्रेल अमेजिङ थियो। मैले रेस एकदम इन्जोए गरें। धेरै समर्थकहरु चियर गरिरहेका थिए। म एकदमै खुशी छु," विजेता बुढाले प्रतिक्रिया दिइन् । प्रतियोगितामा इस्टर सिलाङ ६ घण्टा ५ मिनेट ३७ सेकेन्डको समयसहित दोस्रो र रुक्षफाङ चोउ तेस्रो स्थानमा रहिन् । पछिल्लो समय अन्तर्राष्ट्रिय ट्रेल रेसहरुमा सक्रिय बुढाले यसअघि गत चैतमा चीनकै गोल्डेन कोस्ट ट्रेल रेसको उपाधि जितेकी थिइन् । उनी युरोपका विभिन्न राष्ट्रमा आयोजित ट्रेल रेस प्रतियोगितामा समेत सहभागी भइसकेकी छिन् ।...

पूर्णपुष्टि, कार्तिक ५ । आगामी तिहार र छठ पर्वको बजार मागलाई लक्षित गरी उदयपुरमा कृषि प्राविधिक विद्यार्थीहरुले व्यावसायिक फूल खेती थालेका छन् । कटारी नगरपालिका-४ त्रिवेणीस्थित कृषि प्राविधिक धारका विद्यार्थीहरुले सयपत्री फूल खेती गरेका हुन् । समूहका व्यवस्थापक त्रिसम कार्कीका अनुसार यो वर्ष १० कठ्ठा क्षेत्रफलमा सयपत्री फूल रोपिएको छ । "लामो समयदेखि फूलमा परनिर्भर रहेको जिल्लालाई आत्मनिर्भर बनाउने उद्देश्यले फूल खेती थालेका हौं," कार्कीले भने । कार्कीसहित राजु ठाकुर, राजु थापा, युनिष राई, गौरब कार्की, रोदन सुबेदी, एलिशा थापा, रिता मगराती र सुस्मीता पुलामीमगर गरी नौ जना विद्यार्थीको समूहले गत वर्षदेखि फूल खेती सुरु गरेका हुन् । समूहले अघिल्लो वर्ष १७ कठ्ठामा फूल खेती गरी जिल्लाको सदरमुकाम गाईघाट, कटारी र बेल्टार बेलका रामपुर लगायतका बजारमा बिक्री गरेको थियो । "प्राविधिक धारमा पढ्दै, सिक्...

पूर्णपुष्टि, ५ कार्तिक । त्रियुगा नगर अस्पताल देउरीमा बुधबार निशुल्क स्वास्थ्य सिविर संञ्चालन गरिने भएको छ । त्रियुगा गरपालिकाको आयोजना तथा नेपाल मेडिसिटी अस्पताल ललितपुर र फुलकुमारी महत्तो मेमोरियल हस्पिटल कर्जन्हा सिराहाको प्राविधिक सहयोगमा सिविर संञ्चालन हुन लागेको हो । सिविरमा आङ खस्ने समस्या, पाठेघरको मुखको क्यान्सर, बाजोपना लगायत अन्य बिशेषज्ञ सहितको सेवा रहेको जनाईएको छ । सँगै स्त्रि तथा प्रसुति रोग सेवा, जेनेरल फिजिसियन, क्रिटिकल केयर, मुटु रोग, मानसिक रोग, यौैन तथा छाला रोग, प्रयोगशाला, दन्त परिक्षण र रेडियोलोजी लगायतको सेवा पनि सिविरमा उपलब्ध हुने छ । शिविर ९ बजे देखी ४ बजे सम्म हुने जनाईएको छ ।...

पूर्णपुष्टि, कार्तिक ४ । उदयपुरको त्रियुगा नगरपालिका ४ बगाहामा जारी दोस्रो स्वर्गीय कौलाश (युवराज) राई फुटबल प्रतियोगिता २०८१ को दोस्रो खेलमा आयोजक बगाहा युवा समुहमाथि फ्युजन फुटबल क्लब बोक्सेले विजयी हासिल गरेको छ । आईतबार दिउँसो भएको खेलमा फ्युजनले बगाहालाई १–० गोल अन्तरले हराएको हो । फ्युजनको लागी खेलको २ औँ मिनेटमा जर्सि नं. १० का दिवश राईले गरेको गोल नै जितको लागी निर्णायक गोल बन्यो । यस खेलको म्यान अफ द म्याच फ्युजनका जर्सि नं. १० का खेलाडी दिबश राई बने । उनले नगद रु. १ हजार सहित फ्लेक्स र मेडल प्राप्त गरे । भोली (सोमबार) बेल्टार एकता युवा क्लब बिरुद्ध दुधौली स्पोर्टस क्लब सिन्धुली बिच खेल हुनेछ । यस प्रतियोगिताको विजेताले रु. ५१ हजार र उपविजेताले रु. ३१ हजार नगदसहित ट्रफी, मेडल प्राप्त गर्नेछ । स्व. कैलाश राई युवा फुटबल खेलाडीहरुमाझ लोकप्रिय थिए । फुटवलमा रुची राख्ने राईको कामको ...

पूर्णपुष्टि, कार्तिक ४ । गाईघाटबाट काकडभिट्टातर्फ जाँदै गरेको हिमाली यातायात प्रालिको बस सप्तरीको कन्चनपुरमा आइतबार बिहान दुर्घटना हुँदा एक युवतीको मृत्यु भएको छ भने अन्य २६ जना घाइते भएका छन् । प्रदेश १–०१–००१ ख ४१२६ नम्बरको पारुहाङ ट्राभलको बस बिहान ६–३० बजे कन्चनपुर नगरपालिकाको बर्मझियामा दुर्घटना भएको थियो । घटनामा उदयपुर निवासी २१ वर्षीया मैया राईको घटनास्थलमै मृत्यु भएको प्रहरीले जनाएको छ । प्रहरीका अनुसार विपरीत दिशाबाट आउँदै गरेको स ५ प १५९३ नम्बरको मोटरसाइकललाई बचाउने क्रममा बस दुर्घटनामा परेको हो । घाइतेमध्ये ८ जनाको अवस्था गम्भीर रहेकोले उपचारका लागि बिराटनगर रेफर गरिएको छ । अन्य घाइतेको स्थानीय धर्मेश अस्पतालमा उपचार भइरहेको छ ।...

पूर्णपुष्टि, कार्तिक ३ । उदयपुरको त्रियुगा नगरपालिका–४ बगाहामा दोस्रो स्वर्गीय कौलाश (युवराज) राई स्मृति फुटबल प्रतियोगिता आजदेखि सुरु भएको छ । बगाहा फुटबल क्लबको आयोजनामा भएको प्रतियोगिताको उद्घाटन खेलमा सगरमाथा फुटबल क्लब राजवासले (RYC) सिराहालाई पेनाल्टी सुटआउटमा ४-३ गोलले हराएको हो । । निर्धारित समयमा गोलरहित बराबरीमा टुंगिएको खेलमा सगरमाथाका तर्फबाट जर्सी नं. २५ का सुदिप श्रेष्ठ, जर्सी नं. ४५ का अर्जुन राणा मगर, जर्सी नं. ९ का प्रितम चौधरी र जर्सी नं. ११ का राहुल राईले गोल गरे । सिराहाका लागि जर्सी नं. १२ का राधे चौधरी, जर्सी नं. १९ का नरेश राई र जर्सी नं. ७ का बिबेक राईले गोल गरे । त्रियुगा नगरपालिकाका मेयर बसन्त कुमार बस्नेत र उपमेयर महेश्वरी राईले प्रतियोगिताको संयुक्त उद्घाटन गरे । विजेताले रु. ५१ हजार र उपविजेताले रु. ३१ हजार नगदसहित ट्रफी प्राप्त गर्नेछन् । भोलि आयोजक बगाहा फु...

पूर्णपुष्टि, ३ कार्तिक । उदयपुरमा गाईघाट कोरा च्यालेन्ज २०२४ सम्पन्न भएको छ । शनिवार गाईघाट पिपलचोक देखी सुरु भएको छैँठौ संस्करणको कोरा च्यालेन्ज ढिम्की रत्न रिसोर्टमा आएर सम्पन्न भएको हो । असोज १२ गते सनिवारका दिन गर्ने भनिएको उक्त च्यालेन्ज बर्षा र प्राविधिक समस्याले रोकिएको थियो । सोही कार्यक्रमलाई कार्तिक ३ गते शनिवार सम्पन्न गरिएको आयोजक जिल्ला साईकलिङ संघ उदयपुरले जनाएको छ । संघका अध्यक्ष माधव बानियाका अनुसार साईकलिङ संस्कृतिको बिकास र महत्व दर्साउँदै जिल्लाको पर्यटकीय स्थानहरुलाई प्रवद्र्धन गर्ने उदेश्य सहित गाईघाट कोरा च्यालेन्जको आयोजना गर्दै आएको हो । उदयपपुरमा सन २०१९ देखी सुरु गरिएको कोरा च्यालेन्ज हरेक बर्ष गर्दै आईरहेको छ । यस पटक गाईघाट परिक्रमा सँगै मोतिगडा, बगाहा, जलजले, चुहाडे, खाटमन्दीर, राजावास गैरुन, आँखा हस्पिटल बोक्से हुँदै ढिम्की मन्दिर नजिक रहेको रत्न रिसोर्ट...

पूर्णपुष्टि, २ कार्तिक । त्रियुगा नगरपालिका १४ साउने बाट गाईघाट तर्फ झर्दै गरेको अटो त्रियुगा नगरपालिका ११ सेल्फी डाँडाँमा दुर्घटना हुँदा ७ जना घाईते भएको छ । स १ ह८८७ न. को अटो आफै अनियन्त्रित भई दुर्घटना हुँदा ७ जना घाईते भएको जिल्ला प्रहरी कार्यालय उदयपुरले जनाएको छ । घाईते हुनेहरुमा वडा नं १४ का बस्ने बर्ष ३३ की मञ्जु मगर उनको टाउकोमा टुटुल्का उठेको दुवै हातमा सामान्य चोट, ऐ बस्ने बर्ष १० को किस्मन मगर टाउकोमा टुटुल्का उठेको दुवै हातमा सामान्य चोट ढाड चलाउन गार्‍हो भएको, ऐ. बस्ने नारद मगरको छोरी बर्ष १० की शिक्षा मगर अनुहार सामान्य चोट टाउकोमा टुटुल्का उठेको, ऐ. बस्ने बर्ष २४ की रत्न परीयार कम्मर,बाँया हात खुट्टामा सामान्य चोट, ऐ बस्ने बर्ष ३४ की हेमा थापा मगर निधारमा गहिरो चोट अवस्था बोल्न सक्ने, ऐ बस्ने हेमा थापा मगरको छोरा बर्ष ७ को रियाज मगर अनुहार र बाँया कुममा सामान्य चोट र ऐ १४...