Author: पूर्णपुष्टि

पूर्णपुष्टि, २८ कार्तिक । त्रियुगा नगरपालिका वडा नं १२ र बेलका नगरपालिका वडा नं ९ मा आउँदो मंसिर १६ गते हुने वडा अध्यक्ष पदको उपनिर्वाचनका लागि राष्ट्रिय स्वतन्त्र पार्टी (रास्वपा) ले धुर्व प्रसाद पोखरेल र तेजमान विकलाई उम्मेदवारी बनाएको छ । व्यवसायी समेत रहेको पोखरेल त्रियुगा नगरपालिका वडा नं १२ का लागि उम्मेदावर हुन भने बिक बेलका ९ का लागि उम्मेदवार हुन् । आउँदो उपनिर्वाचनका लागि वडा अध्यक्ष पदमा प्रतिस्पर्धा गर्न उम्मेदावरी घोषणा गरेको हो । कांग्रेस, एमाले र माओवादीले पहिल्यै उम्मेदार टुँगाई सकेको छ । रास्वपा सँगै १२ नं वडाका उपनिर्वाचनमा ४ दलले उम्मेदवा तयार पारि सकेको छ । अन्य दलहरुले पनि उम्मेदवार उठाउने तयारी गरिरहेको छ । मनोनयन दर्ता मंसिर २ गते हुने भएको छ ।...

पूर्णपुष्टि, २८ कार्तिक । उदयपुरमा हुने उपनिर्वाचनका लागि तिन ठुला दलले उम्मेदवार तयार गरेको छ । नेपाली कांग्रेस, नेकपा एमाले र नेकापा माओवादीले मंसिर १६ गते हुने उपनिर्वाचनका लागि उम्मेदवार तयार गरेको हो । उदयपुरमा त्रियुगाको वडा नं १२ र बेलका नगरपालिकाको वडा नं ९ मा उपनिर्वाचन हुँदैछ । यी दुवै वडाका वडाअध्यक्षको दुर्घटनामा मृत्यु भएपछि अध्यक्ष पद रिक्त अवस्थामा थियो । त्रियुगाको १२ मा नेपाली कांग्रेसको तर्फबाट सञ्जीव काफ्ले उम्मेदवार बनेको छ भने एमालेबाट लक्ष्मी नारायण चौधरी र माओवादी बाट नविन राईलाई उम्मेदवार बनाईएको छ । यस्तै बेलका नगरको ९ नं वडामा कांग्रेसबाट नवराज बस्नेत, एमालेबाट मोहन खड्का र माओवादीबाट भरत घिमिरे उम्मेदवार छन् । यस बाहेक अन्य पार्टीहरुले भने उम्मेदवार टुँगाएको अवस्था छैन् । तिन ठुला दलले भने दुई ओटा वडाका लागि ६ जना उम्मेदवार तयार पारिसकेको अवस्था छ ।...

पूर्णपुष्टि, कार्तिक २५ ।  भारतको बैंग्लोरस्थित अरिहान्त ज्वेलर्सका सञ्चालक सुरेन्द्रकुमार जैनको घरबाट १५ करोड भारतीय रुपैयाँ बराबरको नगद र गहना लुटपाट भएको छ । जैनले तीन दिनअघि बैंग्लोर प्रहरीमा दिएको उजुरीमा आफ्नो घरको लकरबाट सामान चोरिएको र यसमा नेपाली कर्मचारी नवराज र उनकी श्रीमती संलग्न रहेको दाबी गरेका छन् । बैंग्लोरको पत्रिका डेकन हेराल्डका अनुसार नवराजले ६ महिनाअघिदेखि स्टोरमा काम गर्दै आएका थिए । बस्ने ठाउँ नभएपछि उनी र उनकी श्रीमतीलाई जैनले घरको बेसमेन्टमा रहेको सुरक्षा गार्डको कोठामा बस्न दिएका थिए । जैन परिवार धार्मिक कार्यका लागि गुजरात गएको मौका पारी नवराज दम्पतीले अन्य दुई जनाको सहयोगमा चोरी गरेको आरोप छ । प्रहरीले आरोपित दम्पती नेपाल भागिसकेको आशंका गरेको छ । उनीहरूको खोजीका लागि भारतीय प्रहरीको एक टोली नेपाल आएको बताइएको छ ।...

पूर्णपुष्टि, कार्तिक २५ । कोशी प्रदेशका पूर्व आन्तरिक मामिला मन्त्री लिलाबल्लभ अधिकारीलाई मानव तस्करीको आरोपमा विराटनगरस्थित निवासबाट पक्राउ गरिएको छ । जिल्ला प्रहरी परिसर काठमाडौंको अनुरोधमा पक्राउ गरिएका अधिकारीलाई दिउँसो एक बजे हवाईजहाजमार्फत काठमाडौं पठाउने तयारी रहेको कोशी प्रदेशका डिआईजी चन्द्रकुबेर खापुङले पुष्टि गरे । मन्त्रिपरिषदको स्वीकृतिबिना जापान गएका अधिकारीसँगै अन्य तीन जना पनि गएका थिए । जापानको अध्यागमनले उनीहरूलाई विमानस्थलबाटै फर्काइदिएको थियो । यस घटनापछि अधिकारीले मन्त्री पदबाट राजीनामा दिएका थिए भने एमालेको कोशी प्रदेश कमिटीले उनलाई राष्ट्रिय प्रतिनिधि परिषद सदस्य तथा पार्टीको संगठित सदस्यबाट निलम्बन गरेको छ ।...

पूर्णपुष्टि, कार्तिक २५ । कोशी प्रदेशका निवर्तमान आन्तरिक मामिला तथा कानुन मन्त्री लिलाबल्लभ अधिकारी मानव तस्करी आरोपमा बयान दिन आज काठमाडौं जाने भएका छन् । विराटनगरबाट दिउँसो १:५० बजेको उडानमार्फत उनी केन्द्रीय अपराध अनुसन्धान ब्युरो अन्तर्गतको मानव बेचबिखन ब्युरोमा स्वेच्छाले बयान दिन जान लागेका हुन् । अधिकारीमाथि गत कार्तिक १३ गते जापान जाने क्रममा तीन जना नेपालीलाई नक्कली कागजातसहित लगेको आरोप छ । यस घटनामा प्रहरीले खोटाङका दावा शेर्पा र जनक राई, रसुवाका कञ्चन देवकोटासहित नक्कली कागजात बनाउन सहयोग गर्ने धादिङका महेश पाण्डे, नुवाकोटका जुगल रिजाल र दोलखाका वीरबहादुर सुनुवार गरी ६ जनालाई पक्राउ गरिसकेको छ । मुख्यमन्त्री हिक्मतकुमार कार्की, प्रमुख सचिव केदारनाथ शर्मा तथा मन्त्रालयका कर्मचारीहरूले जापान नजान दिएको सुझावको अवज्ञा गरी अधिकारी जापान गएका थिए ।...

पूर्णपुष्टि, कार्तिक २५ ।  किरात धर्मका प्रवर्तक तथा नेपालका १६औं राष्ट्रिय विभूति फाल्गुनन्द लिङ्देनको १४० औं जन्म जयन्ती विशेष कार्यक्रमहरूको आयोजना गरी मनाइँदैछ । विशेषगरी कोशी प्रदेशका पाँचथर, इलाम र ताप्लेजुङलगायतका जिल्लाहरूमा उनको जन्म जयन्ती भव्यरूपमा मनाइने गरिएको छ । वि.सं. १९४२ मा इलामको चुक्चिनाम्वामा जन्मिएका फाल्गुनन्दले वि.सं. १९८८ मा पाँचथरको सिलौटीमा सत्य धर्म मुचुल्का घोषणा गरी समाज सुधारको अभियान थालेका थिए । उनले छोरीहरूलाई समान शिक्षा र सम्पत्तिको हक, दाइजो प्रथाको अन्त्य र महिला सशक्तिकरणका लागि आवाज उठाएका थिए । २२ वर्षको उमेरमा भारतीय सेनामा भर्ती भएका फाल्गुनन्दले १३ वर्षको सैन्य सेवापछि समाज सुधारको कार्यमा समर्पित भए । धूमपान, मद्यपान, विलासिता र अन्धविश्वासविरुद्ध जीवनभर लड्ने उनको २००५ साल चैत २२ गते निधन भएको थियो । नेपाल सरकारले २०६६ सालमा उनलाई राष्ट्रिय व...

उदयपुर, कार्तिक २५ । नेपाली काङ्ग्रेसले उदयपुरको दुई वडा निर्वाचनमा उम्मेद्वार छनौट गरेको छ । आगामि मङ्सिर १६ गते उपनिर्वाचन हुने त्रियुगा नगरपालिका, वडा नं। १२ मा सञ्जिव काफ्ले र बेलमा नपा ( ९ मा नवराज बस्नेत छनौट भएका छन् । पार्टिको क्षेत्र नं। १, क्षेत्रिय कमिटिको कार्तिक २० गते बैठकबाट उम्मेद्वार छनौट निर्णय गरेको हो । दुबै वडाका निर्वाचित वडाध्यक्षहरुको निधन भएको हो । काफ्ले, विमारका कारण निधन भएका वडा नं। १२ वडाध्यक्ष चुडाराज काफ्लेका छोरो हुन् भने दुर्घटनामा निधन भएका बेनपा ९ का पदम खड्काको ठाउँमा नवराज उठ्दैछन् ।...

पूर्णपुष्टि, २४ कार्तिक । नेपाली कांग्रेसका बरिष्ठ नेता डा. शेखर कोईरालाले आगामी स्थानीय, प्रदेश र संघको निर्वाचनमा कांग्रेस र एमालेकै प्रतिस्पर्धा हुने जनाएको छ । उनले आफ्नै पार्टीको सहयोगमा एमालेको सरकार बनिरहेको हुँदा हाललाई राम्रो काम गरेर सरकार चलाउनको बिकल्प नरहेको जनाए । कोईरालाले सरकारले गरेको गलत गतिविधिलाई गलत भन्नु सक्नु पर्ने आमसभामा उपस्थित नेता तथा कार्यकर्ताहरुलाई आह्वान गरे । बिपिकोअनुयायी वा सिद्धान्तमा हिड्ने भए सरकार जो सुकैको होस गलतलाई गलत भन्न सक्नु पर्ने कोईरालाको अडान छ । उनले आफ्नो पाटी समेत सरकारमा भएको हुँदा सम्पूर्ण मन्त्री र नेताहरुलाई जनमुखी र नियमबद्ध काम गर्न अनुरोध गरे । यस अलवा सरकारलाई नियम विपरित काम गर्न छुट नभएको उनको भनाई छ । उनले सहकार्यको सरकारका कारण गलतलाई गलत भन्न कठिन भएको समेत जनाए । उनले गलतलाई गलत भन्नका निमित्तै यो लडाई चलिरहेको जनाए...

पूर्णपुष्टि, २४ कार्तिक । नेपाली कांग्रेसका बरिष्ठ नेता शेखर कोईराला आज गाईघाट आउने भएको छ । गाईघाट बजारको बिपि चोक स्थित निर्माण गरिएको बिपिको शालिक अनावरण सँगै बृहत आमसभालाई सम्बोधन गर्न कोईराला गाईघाट आउने भएको हो । नेपाली कांग्रेस वडा कार्य समिति त्रियुगा नगरपालिका ११ को आयोजनामा कोईरालाले शालिक निर्माण सँगै आमसभालाई सम्बोधन गर्न गाईघाट आउने भएको हो ।...

पूर्णपुष्टि, २३ कार्तिक । चिसो मौसम भित्रिएसँगै त्रियुगा नगरपालिका १ जोगिदहले जेष्ठ नागरिक र एकल महिलाहरुलाई न्यानो कपडाले सम्मान गरेको छ । बिहिबार वडा कार्यालयमा २० जना जेष्ठ नागरिक र १३ जना एकल महिला गरी ३३ जनालाई न्यानो कपडाले सम्मान गरेको हो । वडा अध्यक्ष मनोज चौधरीले चिसो बाट बचाउन जेष्ठ नागरिक र एकल महिलाहरुलाई न्यानो कपडा वितरण गरेको जनाए । कतिपय जेष्ठ नागरिकहरु परिवारबाट एक्लै बस्ने र कतिपयले उनिहरुलाई नहेर्ने हुँदा त्यसको अभिभावकको रुपमा वडा कार्यालय अघि सरेको जनाए । आर्थिक बर्ष २०८१÷०८२ को वडागत बजेट कार्यक्रम बाट न्यानो कपडा वितरण गरिएको अध्यक्ष चौधरीले जनाए । चौधरीले गत बर्ष छुटेकाहरुलाई यो बर्ष बितरण गरिएको र अब अर्को बर्ष यस बर्ष छुटेकाहरुलाई गरी पालैपालो न्यानो कपडा वितरण गर्दै आएको उनले बताए । यो कार्यक्रम वडाले २०७४ सालदेखीनै निरन्तर गर्दै आएको छ । उनिहरुलाई उमेर अनुसा...