Author: पूर्णपुष्टि खबर

पूर्णपुष्टि, बैशाख ११ उदयपुरमा रहेको ८ ओटा पालिकाको निर्वाचन कार्यालय मध्ये ५ ओटा पालिकाको निर्वाचन कार्यालयमा मात्र आज मनोनयन दर्ताको काम भएको छ । मनोनयन दर्ताको पहिलो दिन केहि दल र स्वतन्त्र उम्मेदवार गरी करिब ७४ जनाले आफ्नो उम्मेदवारी दर्ता गराएको हो । आईतबार त्रियुगा, कटारी, चौदण्डीगढी, बेलका र उदयपुरगढी लगायत ५ ओटा पालिकामा मात्र मनोनयन दर्ताको काम भएको जिल्ला स्थित बिभिन्न निर्वाचन अधिकृतको कार्यालयहरुले जनाएको छ । मुख्य निर्वाचन अधिकृत कार्यालय उदयपुरका अनुसार त्रियुगामा आज स्वतन्त्र र एकीकृत समाजवादी पार्टी लगायत ७ जनाले मनोनयन दर्ता गराएको छ । निवर्तमान मेयर समेत रहेका वलदेव चौधरी सहित ७ जनाले मनोनयन दर्ता गराएका हुन् । जसमा मेयर पदका लागि ३ जनाले मनोनय दर्ता गराएको छ । बलदेव चौधरी, चित्र कुमार कार्की र नारायण बहादुर खड्काले मेयर पदको उम्मेदवारीमा मनोनयन दर्ता गराएको हो । त्यस...

पूर्णपुष्टि, वैशाख ११ गते । मालपोेत कार्यालयमा कार्यरत एक जना मालपोत अधिकृत १ लाख ५० हजार घुससहित पक्राउ परेको छ । ताप्लेजुङका मालपोत अधिकृत लेखा पनेरु महत घुस रकमसहित पक्राउ परेको हो । जग्गा दर्ता गर्ने सेवाग्राहीसँग घुस लिइरहेको अवस्थामा फुङलिङ नगरपालिका– ४, कोप्चेबाट उनलाई अख्तियारको टोलीले नियन्त्रणमा लिएको हो । पक्राउ परेका उनीमाथि थप अनुसन्धान भइरहेको अख्तियारका प्रवक्ता श्यामप्रसाद भण्डारीले बताए ।...

पूर्णपुष्टि, बैशाख ११ सुनसरीको बराहक्षेत्र नगरपालिकापा–४ पिडारी चतारा झुम्का भित्री सडक खण्डमा सवारी दुर्घटना हुँदा १ जनाको मृत्यु भएको छ भने १० जना घाईते भएका छन । मृत्यु हुनेमा बस धनि बराहक्षेत्र नगरपालिका–१ चतरा ४० बर्षीय सरोज खड्का रहेका छन् । हिजो दिउँसो पौने १ बजे चताराबाट झुम्कातर्फ जाँदै गरेको प्रदेश १–०२–००१ ख ९५०४ नम्बरको बस अनियनन्त्रीत भई नहरको पुलको रेलिङमा ठक्कर खाई दुर्घटना हुँदा खड्का सहित ११ जना घाईते भएका थिए । घाईतेलाई तत्काल उपचारको लागि धरान घोपामा लगिएकोमा खड्काको उपचारको क्रममा मृत्यु भएको हो । बस, चालक बराहक्षेत्र–१ चतारा का २५ बर्षीय सनम श्रेष्ठलाई प्रहरीले नियन्त्रणमा लिई घटना सम्बन्धमा थप अनुसन्धान भईरहेको छ ।...

पूर्णपुष्टि, वैशाख ११ गते । त्रियुगा नगरपालिकामा मेयर पदको लागि आज दुई जनाले स्वतन्त्र उम्मेदवारी दिएका छन् । त्रियुगा–१० का ३० वर्षीय चित्र कुमार कार्की र ४९ वर्षीय नारायण कुमार खड्काले स्वतन्त्र उम्मेदवारी दिएका हुन् । आज निर्वाचन अधिकृतको कार्यालयमा पुगरेर दुवैले उम्मेदवारी दर्ता गराएका छन् । वैशाख ११ र १२ गतेसम्म उम्मेदवारी दर्ता गर्ने समय भएकोले भोली बाटै उम्मेदवार मनोनयन गर्न सक्ने जानकारी निर्वाचन अधिकृतको कार्यालयले दिएको छ ।...

काठमाण्डौँ, बैशाख ११ ऊर्जा, जलस्रोत तथा सिँचाइमन्त्री पम्फा भुसालसँग प्रधानसेनापति महारथी प्रभुराम शर्माले आज भेटवार्ता गर्नुभएको छ । त्यस अवसरमा उहाँहरूबीच विद्युत्को विकास तथा खपतका विषयमा छलफल भएको थियो । मन्त्री भुसालले विद्युत् खपत बढाउन नेपाली सेनालाई आग्रह गर्नुभयो । सेनाको भान्सामा प्रयोग भइरहेको अन्य इन्धनलाई बिजुलीले विस्थापित गर्नुपर्नेमा जोड दिँदै उहाँले भन्नुभयो, “अब नेपाली सेनाका भान्सामा जलविद्युत् नै प्रयोग गरौँ । त्यसका लागि आवश्यकपर्ने पूर्वाधार तयार गर्न मन्त्रालय तयार छ ।” उहाँले नेपाली सेनाले प्रयोग गर्ने सवारी साधनलाई विद्युतीय सवारी साधनमा परिणत गर्न र आगामी दिनमा विद्युतीय सवारी साधन नै खरिद गर्नेगरी निर्णय लिन पनि आग्रह गर्नुभयो । आफूले निरन्तर विद्युत् खपत र निर्यातलाई जोड दिइरहेकोे उल्लेख गर्दै मन्त्री भुसालले भन्नुभयो, “विद्युत् खपत बढाएर स्वदेशी ऊर्जाल...

काठमाण्डौँ, बैशाख ११ आयात नरोकिँदा नेपाली औषधि उद्योग आधा क्षमतामा सञ्चालन हुन बाध्य भएका छन् । भारतसहितका देशबाट निर्वाधरुपमा औषधि आयात हुँदा स्वदेशी उद्योग पूर्ण क्षमतामा सञ्चालन हुन नसकेका हुन् । उद्योग पूर्णरुपमा सञ्चालन गर्न नपाउँदा समस्यामा परेको व्यवसायी बताउँछन् । नेपालमा ७२ उद्योग सञ्चालनमा रहेका छन् । बत्तीस नयाँ उद्योग स्थापनाका क्रममा छन् । नेपाल औषधि उत्पादक सङ्घका पूर्वध्यक्ष दिपक दाहाल नेपाललाई आवश्यकपर्ने ७५ प्रतिशत औषधि अहिलेकै अवस्थामा उत्पादन गर्न सकिने बताउनुहुन्छ । उहाँले भन्नुभयो, “सरकारले नेपालमा उत्पादन हुने औषधि आयात रोकेमा मुद्रा विदेशिनबाट रोकिन्छ ।” नेपाली बजारमा भारतीय औषधिको हिस्सा ५० प्रतिशत छ । पैतालीस प्रतिशत स्वदेशी छ भने पाँच प्रतिशत तेस्रो मुलुकको छ । दाहालले भन्नुभयो, “सरकारले सित्तैमा बाढ्ने ९६ प्रतिशत औषधि हामी यहीँ उत्पादन गर्न सक्छौँ ।” ...

काठमाण्डौँ, बैशाख ११ नेपालको कूल कृषियोग्य भूमिमध्ये सात प्रतिशत खेतीयोग्य जमिन बाँझो छ । कृषि विकास मन्त्रालयका अनुसार देशभर कूल ३० लाख ९१ हजार हेक्टर जमिन खेतीयोग्य छ । त्रिभुवन अन्तर्राष्ट्रिय विमानस्थलबाट दैनिक दुई हजार नेपाली नागरिक रोजगारीको खोजीमा विदेश उड्छन् । कृषि प्रधान मुलुकका रुपमा देश चित्रित छ । कूल गार्हस्थ उत्पादनमा कृषि क्षेत्रको योगदान २७ प्रतिशत बराबर रहेको राष्ट्रिय तथ्याङ्क विभागको विवरणले जनाएको छ । विप्रेषणको पैसामा उपभोग्य सामग्री खरिद गरेर जताबाट आयो उतै पठाउने नेपालीको आम प्रवृत्ति पछिल्लो पटक भन्सार विभागले चालू आवको चैत मसान्तसम्मको सार्वजनिक गरेको विवरणबाट स्पष्ट भएको छ । सो विवरणानुसार नेपालमा अत्यधिकमात्रामा खाद्य पदार्थ आयात भइरहेको देखाएको छ । धान, मकै, कोदो जस्ता नेपालका प्रमुख खाद्यबाली मानिए पनि चालू आर्थिक वर्षको नौ महिनाको अवधिमा रु ५९ अर्ब २९ ...

काठमाडौं, वैशाख ११ गते । नाइजेरियाको दक्षिण प्रान्तमा इमोमा रहेको एक तेल प्रशोधन केन्द्रमा भएको विस्फोटमा १०० जना भन्दा बढीको ज्यान गएको यहाँका अधिकारीहरुले जनाएका छन् । नाइजेरियाका अधिकारीहरुका अनुसार सो तेल प्रशोधन केन्द्र विधिवत रुपमा दर्ता नै नभई अवैध रुपमा सञ्चालन भइ आएको पाइएको बताइएको छ । इमो प्रान्तका प्रहरी प्रमुखले सो प्रशोधन केन्द्रमा शुक्रबार अबेर राति विस्फोटन भएको थियो । त्यस क्रममा काममा रहेका १०० जना भन्दा बढी कर्मचारीको ज्यान गएको छ ।उक्त प्रशोधन केन्द्रमा काम गरिरहेका बखत अकस्मात आगलागी भएको र लगत्तै विस्फोट भएको थियो । त्यसमा परेर अरु केही व्यक्ति घाइते पनि भएका छन् । उक्त केन्द्र प्रहरीले नियन्त्रणमा लिएर अनुसन्धान जारी राखेको बताइएको छ । अवैध रुपमा सञ्चालन गरिएको सो तेल प्रशोधन केन्द्रमा आवश्यक सुरक्षा मापदण्ड पनि नअपनाइएकाले यो दुर्घटना भएको हुनसक्ने अनुमान प्र...

काठमाण्डौँ, बैशाख ११ नेपाल विद्युत् प्राधिकरणले निर्माण सम्पन्न भएका निजी क्षेत्रका जलविद्युत् आयोजनाको बिजुलीलाई शीघ्र राष्ट्रिय प्रसारण लाइनमा जोड्न प्रयास सुरु गरेको छ । प्रसारण लाइन अभावमा लमजुङमा निर्माण सम्पन्न भएका आयोजनाको विद्युत् जोड्न नसकिएको भन्ने गुनासो सार्वजनिक भएपछि प्राधिकरणको उच्च व्यवस्थापनले दोर्दी र ङादी खोलामा निर्माणाधीन जलविद्युत् आयोजनाको विद्युत् प्रवाहका लागि निर्माणाधीन प्रसारण लाइनको स्थलगत निरीक्षण भ्रमण गर्दै निर्माण प्रगतिका बारेमा जानकारी लिएको छ । प्राधिकरणका कार्यकारी निर्देशक कुलमान घिसिङ नेतृत्वमा योजना अनुगमन तथा सूचनाप्रविधि निर्देशनालयका उपकार्यकारी निर्देशक प्रदीपकुमार थिके, प्रसारण लाइन निर्देशनालयका उपकार्यकारी निर्देशक दीर्घायुकुमार श्रेष्ठ, आयोजना व्यवस्थापन निर्देशनालयका प्रमुख तारा प्रधान, ग्रिड विकास विभागका निर्देशक दुर्गानन्द बडियत, ...

पूर्णपुष्टि, वैशाख ११ गते । नेपाली काङ्गेमा ४५ वर्ष सम्म राजनीति गरेका उद्धव ब. राउतले स्वास्तन्त्र उम्मेदवारी दर्ता गराएका छन् । त्रियुगा नगरपालिका वडा नम्बर ६ का वडा अध्यक्षमा उनलाई पार्टीले टिकट नदिएपछि आज निर्वाचन कार्यालयमा गएर उम्मेदवारी दर्ता गराएका हुन् । वडा अध्यक्षका लागि वडाबाट उनको नाम सिफारीस भएको थियो । पार्टीले उनलाई टिकट नदिएर कृष्ण बुढाथोकीलाई वडाध्यक्षको उमेदवार बनाउने सुइको पाएसँगै उमेदवारी दर्ता गराएका छन । उम्मेदवारी दर्ता गर्ने क्रममा उनले भने “पार्टीको लागि जिवन त्यागे तर अहिले पार्टीले धोका दिएकोले स्वतन्त्र उम्मेदवारी दिएको हु ।” उनले वडामा लामो समय खटेकाले चुनाव जित्ने विश्वास व्यक्त गरे ।...