संसार

पूर्णपुष्टि, असोज २७ आज मंगल ग्रह पृथ्वीबाट ठूलो र चम्किलो देखिदैछ । मंगल ग्रह पृथ्वीसँग आमने सामने हुने भएकाले मंगल ग्रह सबैभन्दा चम्किलो र ठूलो देखिने खगोलशास्त्रीहरुले बताएका छन् । पृथ्वी र सूर्य तीनवटै ग्रह १८० डिग्रीको कोण अर्थात् सीधा लाइनमा हुने अमेरिकी अन्तरीक्ष निकाय नासाले जनाएको छ । यस घटनालाई खगोलशास्त्रको भाषामा मंगल ग्रहको ‘अपोजिसन’ अर्थात् आमने सामने भनिन्छ । अपोजिसनको यो घटना हरेक २६ महिनामा एक पटक हुने खगोलशास्त्रीहरु बताउँछन् । यसको मतलब अब मंगल ग्रहको अपोजिसन डिसेम्बर २०२२ भन्दा अगाडि हुने छैन । यसलाई हेर्न मध्यरात कुर्नु पर्दैन । रात पर्नासाथ अति चम्किलो तारा जस्तो वस्तु आकाशमा सजिलै देखिन्छ । यदि मंगल ग्रहलाई अझ राम्रोसँग हेर्न चाहेमा आफ्नो घर नजिकको एस्ट्रोनोमी सेन्टरमा गएर टेलिस्कोपबाट हेर्न सकिने खगोलशास्त्रीहरु बताउँछन् । मंगलबारको मंगल ग्रहको दृष्य ...

पूर्णपुष्टि, असोज २६ सन् २०२० को अर्थशास्त्रतर्फको नोबेल पुरस्कार अर्थशास्त्री पउल आर मिलग्रोम र रोबर्ट बी विल्सनलाई दिइने भएको छ । नोबेल पुरस्कार समितिले यस वर्षको छैटौँ र अन्तिम पुरस्कार विजेताहरुको घोषणा गरेको हो । मिलग्रोम र विल्सनलाई यो पुरस्कार अक्शन थ्योरी (लिलामी) मा सुधार र अक्शनको नयाँ तरिका अविष्कार गरेको भन्दै यो पुरस्कार दिइने भएको हो । पउल आर मिलग्रोम र रोबर्ट बी विल्सन दुवै जना अमेरिकाको स्ट्यानफोर्ड विश्वविद्यालयका प्राध्यापक हुन् । यिनीहरुले अक्शनको प्रक्रियाले कसरी काम गर्छ भनेर अध्ययन गरेका थिए । यिनीहरुले यस्ता वस्तु र सेवाको लागि (जस्तै रेडियो फ्रिक्वेन्सी) नयाँ अक्शन प्रक्रिया तयार गरे, जसलाई पारम्परिक तरिकाबाट बेच्न मुश्किल छ । यी दुईको खोजले विश्वभरका बिक्रेता, खरिदकर्ता र करदाताहरुलाई सहज भएको छ । लिलामी प्रक्रियामा बढी मोल तिर्न इच्छुकलाई सामान बिक्री ग...

पूर्णपुष्टि, असोज २६ यूईएफए नेशन्स लिग फुटबलमा इंग्ल्याण्डले जित हात पारेको छ । राती भएको खेलमा इंग्ल्याण्डले बेल्जियमलाई २–१ गोल अन्तरले पछि पार्दै जित हात पारेको हो । खेलको १६ औं मिनेटमा रोमेलु लुकाकुको गोलमा बेल्जियमले अग्रता बनाएको थियो । तर ३९ औं मिनेटमा मार्कुस रासफोर्डले इंग्ल्याण्डलाई बराबरीमा पुर्याए । पहिलो हाफ १–१ गोलको बराबरीमा सकिएको खेलको ६४ औं मिनेटमा इंग्ल्याण्डका मासुन माउन्टले गोलसँगै टिमलाई जित दिलाएको थियो । यो जितपछि समूह बी मा रहेको इंग्ल्याण्ड ७ अंकका साथ शीर्ष स्थानमा छ ।...

पूर्णपुष्टि, असोज २६ अमेरिकी राष्ट्रपति डोनाल्ड ट्रम्पको कोरोनासम्बन्धी पछिल्लो पोष्ट ट्वीटरले लुकाएकोे छ । राष्ट्रपति ट्रम्पले कोरोना भाइरसबाट प्रतिरक्षा भएको दाबी गर्दै ट्वीट गरेको थियो । कोरोनासम्बन्धी भ्रामक जानकारी दिएर ट्वीटरको नियमको उल्लङ्घन गरेकोले देख्न नमिल्ने बनाएको ट्वीटरले जनाएको अन्तराष्ट्रिय संचारमाध्यमले जनाएको छ । यो भन्दा अगाडि पनि अमेरिकी राष्ट्रपति ट्रम्पका कतिपय पोष्टहरुले गलत सन्देश दिएको भन्दै फेसबुक र ट्वीटरले हटाउँदै आएको थियो । यो भन्दा अगाडि फक्स न्यूजसँगको अन्तर्वार्ताका क्रममा पनि राष्ट्रपति ट्रम्पले आफूमा प्रतिरक्षा प्रणालीको विकास भएकोले दोस्रो व्यक्तिमा कोरोना नसर्ने बताएको थियो । राष्ट्रपति ट्रम्पले पटक–पटक विभिन्न औषधिलाई प्रतिरक्षा प्रणालीको विकास गर्ने औषधि भएको दाबी गर्दै आएको थियो । राष्ट्रपति ट्रम्पले आजदेखि चुनाव प्रचार गर्दै छ ।...

पूर्णपुष्टि, असोज २५ कोरोना सङ्क्रमणबाट विदेशमा कार्यरत थप १७ जना नेपालीको मृत्यु भएको छ । शनिबार साँझसम्म यूएईमा १ जना र साउदी अरबमा थप १६ जना नेपालीको कोरोनाबाट मृत्यु भएको गैरआवासीय नेपाली संघको स्वास्थ्य समितिले जनाएको छ । कोरोना महामारी सुरु भएपछिका ९ महिनामा नेपाल बाहेक १८ देशका २ सय ८१ जना नेपालीको कोरोनाबाट मृत्यु भएको छ । शनिबार साँझसम्म ४२ देशका ४० हजार ७ सय ३५ नेपालीमा कोरोना सङ्क्रमण पुष्टि भएको छ । तीमध्ये ३६ हजार ६ सय ७३ जना कोरोना भाइरसबाट मुक्त भएका छन् । सङ्क्रमित नेपालीमध्ये ८९ प्रतिशत निको भएको गैरआवासीय नेपाली संघले जनाएको छ ।...

पूर्णपुष्टि, असोज २५ पोल्याण्डकी इगा स्विटेकले फ्रेन्च ओपन टेनिसको महिलातर्फको उपाधि हात पारेकी छिन् । पेरिसमा भएको फाइनलमा अमेरिकी खेलाडी सोफिया केनिनलाई ६–४ र ६–१ को सेटमा पछि पार्दै स्विटेकले पहिलो पटक उपाधि जितेकी हुन् । १९ वर्षीया स्विटेक ग्राण्डस्लामको फाइनलमा पहिलो पटक पुगेकी हुन् । उनले चौंथो वरियताकी केनिनलाई हराएर उपाधि हात पारेकी जनाईएको छ । ५४ औं वरीयताकी स्विटेक सन् १९७५ पछि महिलातर्फ फाइनल पुग्ने तल्लो वरीयताकी पहिलो खेलाडी हुन् ।...

पूर्णपुष्टि, असोज २५ ब्राजिलमा कोरोना संक्रमणबाट मृत्यु हुनेको संख्या डेढ लाख नाघेको छ । अहिलेसम्म ब्राजिलमा कोरोना संक्रमणबाट १ लाख ५० हजार १ सय ९८ जनाको मृत्यु भएको त्यहाँको स्वास्थ्य मन्त्रालयले पुष्टि गरेको जनाएको छ । ब्राजिलमा ५० लाख ८२ हजार ६ सय ३७ जनामा कोरोना पुष्टि भईसकेको जनाईसकेको छ । अमेरिकामा ७९ लाख ४५ हजारमा कोरोना पुष्टि हुँदा २ लाख १९ हजारको मृत्यु भएको छ । त्यस्तै ७० लाख ५१ हजारमा कोरोना पुष्टि भएको भारतमा १ लाख ८ हजारको मृत्यु भईसकेका छन् । विश्वभर ३ करोड ७४ लाख ५० हजारमा कोरोना पुष्टि भइसकेको छ । जसमध्ये २ करोड ८१ लाख निको भएका छन् भने १० लाख ७७ हजारको भने मृत्यु भएको वल्ड्रोमिटरले जनाएको छ ।...

पूर्णपुष्टि, असोज २४ अजरबैजान र अर्मेनीयाबीच अस्थायी युद्धविराम गर्ने सहमति भएको छ । रुसको मध्यस्थतामा मस्कोमा १० घण्टासम्म चलेको वार्तामा दुवै देश युद्धविराम गर्न सहमत भएको अन्तारष्ट्रिय संचारमाध्यमले जनाएको छ । अब दुवै देशले ठोस छलफल गर्ने छन् । दुई हप्तादेखि चलिरहेको युद्धका कारण ३ सय जना भन्दा धेरैको मृत्यु भएको र हजारौँ मानिस विस्थापित भएको जनाईएको छ । विवादित नागोर्नो कारावाख क्षेत्रको नियन्त्रणलाई लिएर आर्मेनिया र अजरबैजानबीच लडाइँ भइरहेको थियो ।...

पूर्णपुष्टि, असोज २४  स्पेनको राजधानी मड्रिडमा आपतकालीन अवस्था घोषणा गरिएको छ । कोरोना सङ्क्रमण तीव्र गति रुपले बढ्न थालेपछि स्पेन सरकारले राजधानी मड्रिडमा आपतकालीन अवस्था घोषणा गरेको हो । मड्रिडमा १५ दिनका लागि आपतकालीन अवस्था लागू हुने भएको अन्तराष्ट्रिय संचारमाध्यले जनाएको छ । मड्रिडको स्थानीय प्रशासनले लकडाउन लागू गर्न नचाहेपछि केन्द्र सरकारले आपतकालीन अवस्था लागू गरेको जनाईएको छ । तर मड्रिडका अधिकारीले भने आपतकाल लागू गर्नु न्यायपूर्ण नरहेको बताएका छन् । स्पेनमा अहिलेसम्म ८ लाख ९० हजारमा कोरोना पुष्टि भएकामध्ये करिब ३३ हजारको मृत्यु भएको जनाईएको छ ।...

पूर्णपुष्टि, असोज २३  अमेरिकी राष्ट्रपति डोनाल्ड ट्रम्प आगामी हप्तादेखि नियमित काममा फर्किने भएको छ । कोरोना पोजेटिभ देखिएपछि आइसोलेशनमा बसेका ट्रम्पको स्वास्थ्यमा केही खराबी नभएकाले अर्को हप्तादेखि नियमित काम फर्किन सक्ने डाक्टरले बताएका छन् । उपचारमा संलग्न डाक्टर सिअन कानले राष्ट्रपति ट्रम्पमा कोरोना सङ्क्रमणको कुनै लक्षण नदेखिएको र स्वास्थ्य अवस्था स्थिर रहेकाले अब नियमित काममा फर्कन सक्ने बताउनुभएको अन्तराष्ट्रिय संचारमाध्यमले जनाएको छ । सङ्क्रमण पुष्टि भएको १० दिनपछि ट्रम्प सार्वजनिक कार्यक्रममा पनि सहभागी हुन सक्ने जनाएको छ । डाक्टरको यो भनाइ आएसँगै ट्रम्पले आज फेरि कोरोना परीक्षण गर्ने तयारी भएको संचारमाध्यमले जनाएको छ ।...