समाचार

पूर्णपुष्टि, असोज २१ ।  बडादसैँ मनाउन जन्मस्थान फर्कने क्रममा गत एक हप्तामा तीन लाख ६३ हजारभन्दा बढी मानिसले काठमाडौँ उपत्यका छाडेका छन् । काठमाडौँ उपत्यका ट्राफिक प्रहरी कार्यालयका प्रमुख प्रहरी नायब महानिरीक्षक भरतबहादुर बोहराका अनुसार शनिबार साँझदेखि आइतबार बिहानसम्म मात्रै १६ हजार चार सय ६५ जना काठमाडौँबाट बाहिरिएका छन् । यात्रुको बढ्दो चापसँगै लामो दूरीका सार्वजनिक यातायात र हवाई टिकट पाउन मुस्किल भएको छ । टिकट अभावका कारण कतिपय यात्रुहरू बसको बोनट र मुडामा बस्न बाध्य भएका छन् भने केही काठमाडौँमै रोकिएका छन् । कैलालीका लोकेश सिंहले आफ्ना साथीहरू टिकट नपाएर काठमाडौँमै छुटेको बताए। त्यस्तै, अछाम जान लागेका दीपकबहादुर खत्रीले सिटको टिकट नपाएपछि बोनटमा बसेर भए पनि घर जान लागेको बताए । यात्रुको चापका कारण नाका र राजमार्गमा सवारी जाम हुने गरेको छ । कतिपय ठाउँमा सडक भत्किने र भासिने समस्या...

पूर्णपुष्टि, असोज २१ ।  झापाको बिर्तामोडमा दुर्गा प्रसाईं पक्राउको विरोधमा उनका समर्थकले आगजनी गरेको भारतीय ट्रकका चालकको उपचारको क्रममा मृत्यु भएको छ । केही समयअघि बिर्तामोड नगरपालिका-६ गिरिबन्धु टि-स्टेट नजिक प्रसाईं समर्थकहरूले सुनसरीको दुहबीबाट जुट लिएर आउँदै गरेको भारतीय ट्रकमा आगजनी गरेका थिए । ट्रकका चालक भारत इस्लामपुर निवासी ४० वर्षीय प्याड रोयको दाहिने हात र ढाड जलेर गम्भीर घाइते भएका थिए । उनको बीएण्डसी अस्पतालमा प्रारम्भिक उपचारपछि थप उपचारका लागि नर्थ बंगाल मेडिकल कलेजमा लगिएकोमा शनिबार मृत्यु भएको हो । मृतकका आफन्तले आइतबार डेढ घण्टासम्म शवलाई नेपाल-भारत सिमानामा ल्याएर सडक अवरुद्ध गरेका थिए । त्यसपछि नेपाल र भारतीय प्रहरीको समन्वयमा शव नेपाल ल्याइएको छ र हाल मेची प्रादेशिक अस्पताल भद्रपुरमा राखिएको छ । प्रहरीले घटनामा संलग्न भएको आरोपमा नागरिक प्रतिरक्षा बलका झापा संयोजक भ...

पूर्णपुष्टि, असोज २१ ।  कास्की जिल्ला प्रशासन कार्यालयले आयोजना गरेको कार्यक्रममा सहभागीलाई खाजामा ठगी गरेको पाइएपछि पोखराको मारवाडी भोजनालयलाई २ लाख रुपैयाँ जरिवाना गरेको छ । प्रशासनले आइतबार शिक्षा विकास तथा समन्वय एकाइमा लागुऔषधसम्बन्धी अन्तर्क्रिया कार्यक्रम आयोजना गरेको थियो । कार्यक्रममा सहभागी विभिन्न विद्यालयका प्रधानाध्यापक र कर्मचारी गरी ४० जनालाई खाजाका लागि पोखराको चिप्लेढुङ्गास्थित मारवाडी भोजनालयमा माग गरिएको थियो । भोजनालयले माग गरिएभन्दा निकै कम परिमाण र कम परिकारको खाजा उपलब्ध गराएर ठगी गरेको पाइएपछि प्रशासनले कारबाही गरेको हो । सहायक प्रमुख जिल्ला अधिकारी गङ्गाबहादुर क्षेत्रीका अनुसार भोजनालयले उपभोक्ता संरक्षण ऐन, २०७५ को दफा ३८ खण्ड (ङ) बमोजिम कसुर गरेको पाइएकाले कारबाही गरिएको हो । सो दफामा वस्तु तथा सेवाको वास्तविक गुणस्तर, परिमाण, मूल्य लुकाइछिपाइ वा झुक्याइ बिक्री...

पूर्णपुष्टि, असाेज २० । धरान खुल्ला ब्याडमिन्टन प्रतियाेगिताकाे उपाधी त्रिभुवन आर्मी ब्लवका  हिमाल चन्द र भाेजपुरका विशाल तामाङकाे जाेडीले चुमेकाे छ । धरान ब्याडमिन्टन क्लवकाे आयाेजनामा अमरहाट स्थित अमर सेवा समाजकाे हलमा तीनदिनसम्म सञ्चालन भएकाे प्रतियाेगिताकाे आज सम्पन्न फाईनल खेलमा एपीएफका क्षितिज खनाल र देवराज रमनाकाे जाेडीलाई पछि पार्दै चन्द र तामाङकाे जाेडीले उपाधी जितेकाे हाे । दुबै फाईनलिष्ट टिमबीच राेचक र प्रतिष्पर्धी खेल हुँदा  डिसाईडिङ खेलमा साे जाेडीले जित हात पारेकाे हाे । प्रतियाेगितामा भेट्रान्स (४५+) मा देववहादुर गुरुङ(तनहु) र सम्भु श्रेष्ठ (कास्की) काे जाेडी प्रथम भएकाे छ । उत्तम सिम्खडा र श्रवण चाैधरीकाे जाेडी दाेस्राे भए । तेस्राे सन्ताेष कटुवाल/भजनलाल चाैधरीकाे जाेडी र धनबहादुर लिम्बू/राम याेन्जनकाे जाेडी भए । भेट्रान्स (५५+) मा उत्तम सिम्खडा र सञ्जय भक्तराजकाे जाेडी...

पूर्णपुष्टि, असोज २१ । उदयपुरमा बिभिन्न पालिकाको बजार अनुगमनबाट दुई व्यवसायीलाई २० हजार रुपैँया जरिवाना गरिएको छ भने म्याद गुज्रिएको १७ हजार रुपैँया बराबरको समान नष्ट गरिएको छ । आईतबार जिल्ला प्रशासन कार्यालय उदयपुरका सहायक जिल्ला अधिकारी लक्ष्मी प्रसाद रेग्मीको नेतृत्वको टोलीले त्रियुगा नगरपालिका, चौदण्डीगढी नगरपालिका र बेलका नगरपालिकाका १७ वटा होटल तथा किराना पसलमा अनुगमन गरेको हो । अनुगमनको क्रममा त्रियुगा नगरपालिका वडा नं. ४ सालघारी स्थित न्यु भेराइटी मसला उद्योग र बेलका नगरपालिका १ आमबासी स्थित न्यु खड्का किराना एण्ड जेनरल स्टोरलाई १०÷१० हजार रुपैँया जरिवाना गरिएको हो । मसला उद्योगले प्याकेटमा लेभल विवरण नराखिकन विक्रि वितरण गरेको र सरसफाईमा ध्यान नदिएको भन्दै १० हजार रुपैँया जरिवाना गरिएको हो भने किराना पसलले अन्त शुल्कमा दर्ता नगरी मदिरा तथा सुर्तिजन्य पदार्थ बिक्रि बितरण ...

पूर्णपुष्टि, २० असोज । त्रियुगा नगरपालिकाकै नमुना टोल विकास संस्थाको रुपमा परिचित सचेतना टोल विकास संस्थाले आफ्नो भवनको कामलाई अन्तिम चरणमा पुराएको छ । काम भन्दा अघि बजेट माग्ने चलनलाई अन्त्य गर्दै कसैको मुख नताकी आफ्नै बलबुतोमा भवन निर्माण सुरु गरेको उक्त टोल विकास संस्थाले भवन निर्माणको कामलाई अन्तिम चरणमा पुराएको हो । त्रियुगा नगरपालिका १० बोक्सेमा निर्माण जारी रहेको यस संस्थाको एक तले भवन जनश्रमदान र चन्दा संकलनबाट भैरको छ । २०७२ साल माघमा त्रियुगा नगरपालिकामा दर्ता भई विकास निर्माणको कामलाई सहजीकरण गर्न स्थापना भएको सचेताना टोल विकास संस्थाले करिब ५ बर्ष पछि आफ्नो भवन निर्माण गर्न सफल भएको संस्थाका अध्यक्ष पर्शराज राईले जनाए । हाल राईकै नेतृत्वमा उक्त भवन निर्माणको काम अघि बढिरहेको छ । भवन नहुँदा अरुकै घर, सार्वजानिक स्था र अरुकै भवनबाट कार्यसम्पादन गर्नु पर्ने बाध्यतालाई मध...

पूर्णपुष्टि, असोज १९ । सरकारले बाढीपहिरो प्रभावित १२ जिल्लाका ४१ स्थानीय तहलाई तीन महिनाका लागि विपद् संकटग्रस्त क्षेत्र घोषणा गरेको छ । शुक्रबार बसेको मन्त्रिपरिषद् बैठकले राष्ट्रिय विपद जोखिम न्युनीकरण तथा व्यवस्थापन प्राधिकरणको कार्यकारी समितिको सिफारिसमा यो निर्णय गरेको हो । कोशी प्रदेशअन्तर्गत पाँचथरका फिदिम नगरपालिका, फालेलुङ र फाल्गुनन्द गाउँपालिका, ओखलढुङ्गाका चम्पादेवी र सुनकोशी गाउँपालिका तथा उदयपुरको बेलका नगरपालिका विपद् संकटग्रस्त क्षेत्र घोषणा गरिएको छ । बागमती प्रदेशतर्फ धादिङका बेनिघाट रोराङ र नेत्रावती डबजोङ गाउँपालिका, धुनिवेशी नगरपालिका र गजुरी गाउँपालिका समावेश छन् । दोलखाका गौरीशङ्कर, बिगु र शैलुङ गाउँपालिका तथा सिन्धुपाल्चोकको भोटेकोशी गाउँपालिका पनि संकटग्रस्त क्षेत्रमा परेका छन् । रामेछापका सबै आठ स्थानीय तह - मन्थली र रामेछाप नगरपालिका तथा खाँडादेवी, दोरम्भा शैल...

पूर्णपुष्टि, असोज १९ ।  विश्व बैंकसँग भएको सम्झौता अनुसार नेपालले आगामी एक महिनाभित्र कार्बन बिक्रीबाट एक अर्ब ६० करोड रुपैयाँ प्राप्त गर्ने भएको छ। वन तथा वातावरण मन्त्रालय अन्तर्गतको रेड कार्यान्वयन केन्द्रले जनाए अनुसार सन् २०१८ देखि २०२४ सम्म तराईका १३ जिल्लाका वनजंगलमार्फत कार्बनडाइअक्साइड उत्सर्जन घटाएबापत यो रकम प्राप्त हुन लागेको हो । तराई भूपरिधि कार्यक्रम अन्तर्गत बागमती नदीदेखि महाकाली नदीसम्मका तराईका १३ जिल्लामा छ वर्षमा २.४ मिलियन टन कार्बन सञ्चिति गरिएको छ । प्रतिटन कार्बनको पाँच अमेरिकी डलरका दरले यो रकम अक्टोबरभित्र प्राप्त हुने मन्त्रालयले जनाएको छ । वन मन्त्रालयका प्रवक्ता बद्रीराज ढुंगानाका अनुसार सुरुमा रकम वन विकास कोषमार्फत आउने सम्झौता भएको थियो । तर अर्थ मन्त्रालयले मुलुकको कानुनी प्रावधान अनुसार त्यस्तो रकम सर्वसञ्चित कोषमार्फत आउनुपर्ने र त्यसपछि मात्र वन विकास...

पूर्णपुष्टि, असोज १९ । उदयपुरका विभिन्न सामुदायिक वनमा जडान गरिएका ट्र्यापिङ क्यामेरामा चितुवादेखि नीलगाईसम्म १८ प्रजातिका स्तनधारी वन्यजन्तु फेला परेका छन् । एनसी एससीको सहयोगमा त्रियुगा नगरपालिका–५ देउरीस्थित सरस्वती सामुदायिक वनले आयोजना गरेको एक दिने गोष्ठीमा यी तस्बिर र भिडियो सार्वजनिक गरिएको हो । ‘मानव, वन्यजन्तु र प्राकृतिक वनस्पतिबीचको सहअस्तित्व कायम गरी बाँचौं र बचाऔं’ भन्ने मूल नाराका साथ आयोजित कार्यक्रममा जिल्लाका १३ वटा सामुदायिक वनमा जडान गरिएका क्यामेराले कैद गरेका वन बिरालो, चितुवा, सानो र ठूलो नीर बिरालो, गाजले नीर बिरालो, चरी बाघ, नीलगाई, बँदेल, पाटेभालु र रतुवा लगायतका जनावरका दृश्य देखाइएको थियो । यस्तै दुम्सी र गोहोरो जस्ता सरिसृप पनि फेला परेका छन् । त्रियुगा नगरपालिकाका मेयर बसन्तकुमार बस्नेतले जनसंख्या वृद्धिसँगै वनजंगल मासिँदै गएको र यसले वन्यजन्तुको अस्तित...

पूर्णपुष्टि, असोज १९ । हेटौंडामा आज बिहान ठूलो परिमाणमा अवैध सुनसहित दुई भारतीय नागरिक पक्राउ परेका छन् । प्रहरीले उनीहरूको साथबाट ११ करोड भन्दा बढी मूल्य बराबरको सुन बरामद गरेको छ । विशेष सूचनाका आधारमा शनिबार बिहान ३ बजे हेटौंडा उपमहानगरपालिका–१५ स्थित रातोमाटे चेकपोष्टमा गरिएको जाँचका क्रममा बागमती प्रदेश ०२–०४७ प ७५०३ नम्बरको स्कुटरबाट ८ किलो २४३ ग्राम ९७० मिलिग्राम सुन फेला परेको हो । उक्त सुनको बजार मूल्य ११ करोड ४३ लाख ५७ हजार ८७८ रुपैयाँ ६५० पैसा रहेको प्रहरीले जनाएको छ । पक्राउ परेका दुवै भारतीय नागरिकहरू पथलैयाबाट हेटौंडातर्फ आउँदै गरेको अवस्थामा पक्राउ परेका थिए। थप अनुसन्धान जारी रहेको प्रहरीले जनाएको छ ।...