समाचार

पूर्णपुष्टि, कार्तिक १४ । टी–२० विश्वकप एसिया छनोट प्रतियोगितामा नेपाल सेमिफाईनलमा प्रवेश गरेको छ । घरेलु टोली नेपालले समुह चारणको दोस्रो खेलमा मलेसियामाथि किर्तिमानी जित निकाल्दै सेमिफाईनल पुगेको हो । सोमबार दिउँसो कीर्तिपुरस्थित त्रिविअन्तर्राष्ट्रिय क्रिकेट मैदानमा भएको खेलमा नेपालले मलेसियालाई ५ विकेटले हराउँदै सेमिफाईनलमा स्थान पक्का गरेको हो । मलेसियाले दिएको १६६ रनको लक्ष्य पछ्याएको नेपालले १२ बल अगावै ४ विकेट गुमाएर पुरा गरेको हो । यो नेपालले टी–२० अन्तर्राष्ट्रियमा पार गरेको अहिलेसम्मकै ठूलो स्कोर हो। यसअघि नेपालले गत साता युएईविरुद्ध १६५ रनको लक्ष्य पूरा गरेको थियो। नेपालका लागी कुशल मल्लले उत्कृष्ट ब्याटिङ गर्दै अर्धशतक प्रहार गरे । उनले ३४ बलमा ७ छक्का र २ चौका हिर्काउँदै ६५ रन बनाए । ओपनर कुशल भुर्तेलले २४ बलमा ४ छक्का र ४ चौका हिर्काउँदै ४३ रनको योगदान गरे । अर्का ओपनर ...

पूर्णपुष्टि, कार्तिक १४ । ओखलढुंगामा डिजेल प्रयोग गरी आगो बाल्ने क्रममा जलेर एक महिलाको मृत्यु भएको छ । मृत्यु हुनेमा मानेभञ्ज्याङ गाउँपालिका–७ हर्कपुर की ३३ बर्षीय कमला गौतम रहेको कोशी प्रदेश प्रहरी कार्यालय बिराटनगरले जनाएको छ । कोशी प्रदेश प्रहरी कार्यालय बिराटनगरका प्रहरी नायव उपरिक्षक (डिएसपी) सुनिल दाहालका अनुसार सोमबार साँझ साढे ५ बजे भान्साकोठामा डिजेल प्रयोग गरेर आगो बाल्ने क्रममा अचानक आगोलागी हुँदा उनको घटना स्थलमै मृत्यु भएको हो । घटनाबारे जानकारी पाउनासाथ प्रहरी चौकी हर्कपुरबाट खटिएको प्रहरीको टोलीले स्थानियबासीको सहयोगमा आगोलागी नियन्त्रणमा लिएको डिएसपी दाहालले बताए । घटनास्थलमा आवश्यक अनुसन्धान र कानूनी प्रकूया पश्चात शवलाई पोष्टमार्टमकोलागी जिल्ला अस्पताल रुम्जाटार ओखलढुंगा लगीएको डिएसपी दाहालले जनाए ।  ...

पूर्णपुष्टि, कार्तिक १४ । झापामा एम्बुलेन्सको ठक्करबाट एक बृद्धाको मृत्यु भएको छ । मृत्यु हुनेमा बिर्तामोड नगरपालिका(४ कि ६९ बर्षिया सिता साह कल्वार रहेको कोशी प्रदेश प्रहरी कार्यालय बिराटनगरले जनाएको छ । कोशी प्रदेश प्रहरी कार्यालय बिराटनगरका प्रहरी नायव उपरिक्षक (डिएसपी) सुनिल दाहालका अनुसार सोमबार साँझ सवा ५ बजे पुर्वबाट पश्चिमतर्फ जाँदै गरेको मे १ च ४६२३ नम्बरको श्री सिद्ददेवी कृषि सहकारी संस्था ईलामको एम्बुलेन्सले बिर्तामोड नगरपालिका–१ अदुवापुल स्थितमा पैदल यात्री बृद्धालाई ठक्कर दिएको थियो । एम्बुलेन्सको ठक्करबाट गम्भिर घाईते भएकी उनको उपचारको क्रममा प्रादेशीक अस्पताल भद्रपुरमा मृत्यु भएको डिएसपी दाहालले बताए । ठक्कर दिने एम्बुलेन्ससहित चालक ईलामको माईजोगमाई नगरपालिका–३ का ३६ बर्षिय सुजन प्रधानलाई जिल्ला प्रहरी कार्यालय झापाले नियन्त्रणमा लिएर घटना सम्बन्धमा थप अनुसन्धान गरिरहे...

पूर्णपुष्टि, १४ कार्तिक । त्रियुगा नगरपालिका वडा नं १६ ले बत्ति पुग्न बाँकी रहेको टोलहरुमा मंगलबार देखी बिद्युत बिस्तारको कामलाई निरन्तरता दिएको छ । उज्यालो वडा अभियान अन्तर्गत वडाले यो बर्ष बाँकी टोलहरुमा पनि तिहार अगाडीनै बत्तिको काम सम्पन्न गर्ने लक्ष्य राखेको अध्यक्ष मान वहादुर राईले जनाए । राईका अनुसार वडाको बिकट टोलहरु, कर्कले, सिम्ले, मन्धने र तामेडाँडाँमा समेत बत्ति बल्ने गरी काम सुभारम्भ भएको छ । भौगोलिक बिकटताका कारण बिबिध समस्या सँगै बाँकी ठाउँहरुमा पनि बत्तिको काम सुचारु भएको अध्यक्ष राईको भनाई छ । यस बाहेकको अन्य टोलहरुमा भने बत्तिको पहुँच पुगिसकेको वडाको दावी छ । वडाको लक्ष्य अनुसार यो बर्ष त्रिनपा १६ लाई अध्याँरो मुक्त बनाउने गरी वडा लागि परेको छ । तिहार अगाडीनै काम सकेर बत्तिको साथमा तिहार झिलिमिली बनाउने वडा र वडावासीको तयारी छ ।...

पूर्णपुष्टि, कार्तिक १३ । गोली प्रहारपछि गम्भीर घाइते भएका बाराका शिक्षक रूपेश स्वर्णकारको मृत्यु भएको छ। उपचारका क्रममा सोमबार दिउँसो करिब २ बजेतिर स्वर्णकारको वीरगञ्जस्थित बयोधा अस्पतालमा मृत्यु भएको नेपाल प्रहरीका केन्द्रीय प्रवक्ता डिआइजी कुवेर कडायतले सेतोपाटीलाई जानकारी दिए। शिक्षक स्वर्णकारलाई मोटरसाइकल चढेर आएका व्यक्तिहरूले सोमबार दिउँसो करिब सवा १ बजेतिर गोली प्रहार गरेका थिए। उनको घाँटी र टाउकोमा गोली लागेको थियो। बाराको कलैया उपमहानगरपालिका वडा नम्बर ६ मदरसा टोलमा बाल एकता बोर्डिङ स्कुलका प्रिन्सिपल स्वर्णकारमाथि अज्ञात समूहले गोली प्रहार गरेका थिए। स्वर्णकारलाई कलैया प्रादेशिक अस्पतालमा उपचार गराएर थप उपचारका लागि वीरगञ्ज लगिएको थियो। उनको उपचारका क्रममा मृत्यु भएको प्रहरीले जनाएको छ।...

पूर्णपुष्टि, कार्तिक १३ । बारामा एक बोर्डिङ स्कुलका प्रिन्सिपलमाथि गोली प्रहार भएको छ । बाल एकता बोर्डिङ स्कुलका प्रिन्सिपल रूपेश स्वर्णकारमाथि सोमबार दिउँसो करिब सवा १ बजेतिर गोली प्रहार भएको नेपाल प्रहरीका केन्द्रीय प्रवक्ता डिआइजी कुवेर कडायतले जानकारी दिए । डिआइजी कुवेरका अनुसार कलैया उपमहानगरपालिका वडा नम्बर ६ मदरसा टोल स्थित मस्जिद चोकमा दुई वटा मोटरसाइकल चढेर आएका चार जनाको समुहले गोली प्रहार गर्दा प्रिन्सिपल स्वर्णकारको टाउको र घाँटीमा गोली लागेको छ । गोली लागेर घाइते भएका स्वर्णकारलाई कलैया प्रादेशिक अस्पतालमा उपचार गराएर थप उपचारका लागि वीरगञ्ज लगिएको छ । गोली चलाउने समूहको खोजी भइरहेको प्रहरीले जनाएको छ ।...

पूर्णपुष्टि, कार्तिक १३ । भारतको आन्ध्र प्रदेशको विजयनगरमा दुई रेल एक आपसमा ठोक्किँएर दुर्घटना भएको छ । रेल दुर्घटनामा परी १३ जनाको मृत्यु भएको छ भने ५० जना घाईते भएको समाचार एजेन्सी पीटीआईले जनाएको छ । आइतबार राति विशाखापट्टनम–पलासा र विशाखापट्टनम–रायगढा यात्रामा रहेका दुईवटा रेल एक आपसमा ठोक्किएको हो । गत जुन महिनामा ओडिसामा भएको रेल दुर्घटनामा झण्डै ३०० जनाको मृत्यु भएको थियो ।...

पूर्णपुष्टि, कार्तिक १३ । मोरङमा माटो खन्ने क्रममा ढिस्कोले पुरीएर एक महिलाको मृत्यु भएको छ । मृत्यु हुनेमा बेलबारी नगरपालिका–१० की २८ बर्षिया सुनिता राजबंशी रहेको कोशी प्रदेश प्रहरी कार्यालय बिराटनगरले जनाएको छ । कोशी प्रदेश प्रहरी कार्यालय बिराटनगरका प्रहरी नायव उपरिक्षक (डिएसपी) सुनिल दाहालका अनुसार आइतबार अपरान्ह सवा ४ बजे बेलबारी नगरपालिका–८ भलुवाई स्थित बाँसको झ्याङ मुनि माटो खन्ने क्रममा अचानक माटोको ढिस्को माथिबाट खसेर राजबंशी पुरिएकी थिईन् । माटोको ढिस्कोले पुरेको अवस्थामा देख्नासाथ उनी संगै माटो खोज्न गएकी गिता राजबशीले सुनिता राजबंशीको उद्दार गरेको डिएसपी दाहालले बताए । माटोको ढिस्कोले पुरिएर गम्भिर घाईते भएकी उनलाई उपचारकोलागी नोबेल अस्पताल बिराटनगर पुर्याउनासाथ डक्टरले मृत घोषणा गरेको प्रहरीले जनाएको छ । घटना सम्बन्धमा जिल्ला प्रहरी कार्यालय मोरङले अनुसन्धान गरिरहेको ...

पूर्णपुष्टि, कार्तिक १३ । टी–२० विश्वकप फाइनल एसिया छनोटमा नेपालले सुखद सुरुवात गरेको छ । नेपालले आफ्नो पहिलो खेलमा सिंगापुरलाई ८ विकेटले हराएको छ । सोमबार बिहान कीर्तिपुरस्थित टीयू अन्तर्राष्ट्रिय क्रिकेट मैदानमा भएको खेलमा १४६ रनको लक्ष्य पछ्याएको नेपालले १६.३ ओभरमा २ विकेट गुमाएर पुरा गरेको हो । नेपालका लागी ओपनर कुशल भुर्तेलले अर्धशतक प्रहार गरे । उनले ४८ बलमा ८ चौका र २ छक्का प्रहार गर्दै ७४ रन बनाए । अर्का ओपनर आशिफ शेखले २६ बलमा २ चौका र १ छक्का प्रहार गर्दै २७ रनको योगदान गरे । दोस्रो विकेटका लागी मैदान प्रवेश गरेका कप्तान रोहित पोडैलले २ छक्का र २ चौका प्रहार गर्दै ३५ रन र तेस्रो विकेटका लागी मैदान प्रवेश गरेका कुशल भुर्तेल ६ रनमा नटआउट रहे । यसअघि टस जितेर ब्याटिङ गरेको सिंगपुरले २० ओभरमा ९ विकेट गुमाएर १४५ रन बनाएको थियो । नेपालका लागी अभिनास बोहराले ३ विकेट लिए भने ...

पूर्णपुष्टि, कार्तिक १२ । ई–सेवाको आधिकारिक कर्मचारी हुँ भन्दै ओटीपी मागेर १५ लाख रुपैयाँ ठगी गरेको आरोपमा ५ जनालाई प्रहरीले पक्राउ गरेको छ । ठगी आरोपमा रौतहटका नवनितकुमार कुशवाहा, कन्हैयाकुमार कुशवाहा, दिपेन्द्रकुमार यादव, अभयकुमार यादव र रितेश कुशवाहालाई पक्राउ गरिएको काठमाडौं उपत्यका अपराध अनुसन्धान कार्यालयले जनाएको छ । काठमाडौं उपत्यका अपराध अनुसन्धान कार्यालयका प्रवक्ता तथा प्रहरी उपरीक्षक रविन्द्र रेग्मीका अनुसार उनीहरुले विभिन्न मोबाइल नम्बरहरुबाट फोन सम्पर्क गरी आफू ईसेवाको आधिकारिक कर्मचारी हुँ भन्दै ओटीपी मागेर १५ लाख २० हजार ९०१ रुपैयाँ ठगी गरेका थिए । आरोपी पाचौं जनालाई जिल्ला प्रहरी कार्यालय रौतहटको समन्वयमा रौतहटका बिभिन्न स्थानबाट पक्राउ गरिएको रेग्मीले जनाए । पक्राउ परेका उनिहरुलाई ठगी सम्बन्धी कसुरमा आवश्यक अनुसन्धान एवं कारबाहीका लागि जिल्ला प्रहरी परिसर काठमाडौ...